影片
更多
2021-07-30
248 浏览
呢間book mark咗好耐一直都想去😍據說開業初期大排長龍，今次終於有機會試到啦！（不過真係記住要訂位)⭐️四品料理（2冷2熱) $108四品料理嘅意思即係可以揀四款小碟！肥妹自從減肥之後胃口收細咗好多，所以食四品就啱啱好😚 除咗2冷2熱，大家都可以揀3冷1熱嘅小店，隨你所選🤩仲有三品呢個選項提供，但係我又好貪心想試多啲！😂 而如果大家想食多啲唔同款式嘅小碟，可以揀五品㗎😛 另外可以點飲品，主餐牌半價，不過我就冇揀到飲品啦，同埋聽講甜品都係好受歡迎嘅！下次有機會試咗再同大家分享！小碟款式間中都會有變化，如果想減肥就盡量揀少啲醬汁嘅小碟好了😎😎料理附送一小碟前菜，我嗰日嘅前菜係柚子醬蘿蔔粒，蘿蔔粒細細粒，大約四至五粒左右，甜甜地幾好食，估算唔超過20卡路里😋冷菜方面，我揀咗桂花冷蕃茄、烏麻菠菜！桂花冷蕃茄嘅酸酸甜甜都幾開胃，識落有淡淡嘅桂花味😋 揀烏麻菠菜就因為想有多啲纖維，我拜託咗店家烏麻醬另上，點少少嚟食都已經好開心！須知道烏麻醬好邪惡喔可以慳返唔少quota呢。🥳而熱菜就揀咗蟹肉汁煮大根、照燒雞扒🥰 大根咬落去軟硬度剛剛好，蟹肉汁嘅鹹度適中，最重要係大根嘅卡路里低，又有飽肚感，係一
據說開業初期大排長龍，今次終於有機會試到啦！（不過真係記住要訂位)
⭐️四品料理（2冷2熱) $108
四品料理嘅意思即係可以揀四款小碟！
肥妹自從減肥之後胃口收細咗好多，
所以食四品就啱啱好😚 除咗2冷2熱，大家都可以揀3冷1熱嘅小店，隨你所選🤩
仲有三品呢個選項提供，但係我又好貪心想試多啲！😂 而如果大家想食多啲唔同款式嘅小碟，可以揀五品㗎😛 另外可以點飲品，主餐牌半價，不過我就冇揀到飲品啦，同埋聽講甜品都係好受歡迎嘅！下次有機會試咗再同大家分享！
小碟款式間中都會有變化，如果想減肥就盡量揀少啲醬汁嘅小碟好了😎😎
料理附送一小碟前菜，我嗰日嘅前菜係柚子醬蘿蔔粒，蘿蔔粒細細粒，大約四至五粒左右，甜甜地幾好食，估算唔超過20卡路里😋
冷菜方面，我揀咗桂花冷蕃茄、烏麻菠菜！桂花冷蕃茄嘅酸酸甜甜都幾開胃，識落有淡淡嘅桂花味😋 揀烏麻菠菜就因為想有多啲纖維，我拜託咗店家烏麻醬另上，點少少嚟食都已經好開心！須知道烏麻醬好邪惡喔可以慳返唔少quota呢。🥳
而熱菜就揀咗蟹肉汁煮大根、照燒雞扒🥰 大根咬落去軟硬度剛剛好，蟹肉汁嘅鹹度適中，最重要係大根嘅卡路里低，又有飽肚感，係一個幾好嘅選擇！雞扒方面，唔會太大塊，三份二隻手掌左右啦，照燒嘅味道好吸引，但忍到口就去皮食啦。
小碟以外，仲有唔同嘅主食可以揀。本身諗住乖乖地食個烏冬，但係拎起個餐牌見到咁多種唔同顏色嘅飯團，就覺得必須揀飯團😍 最後我揀咗三文魚富士山飯團，顏色不錯，調味方面偏淡，適合唔鍾意食重口味嘅朋友！個人覺得飯團味道正正常常，而顏色真係靚嘅，值得一試啦😇 份量大概正常大半碗飯左右吧
‼️要留意呢間店分特定時段入座，如下: 12:00/1:30/3:00/4:30/6:30/8:00，想試嘅朋友記住揀返一個比較適合嘅時間。可以打電話或者喺網站訂座🤪
四品料理
3 浏览
0 赞好
0 留言
张贴
