影片
以上资料只供参考，请与餐厅确认详情
北角人应该都非常熟悉呢间川菜馆「好运大排档」，店家系25年嘅老店，主打抵食夹大件嘅镬气小炒、水煮系列、酸菜鱼、鸡煲、火锅、川式凉菜等，钟意食辣野嘅我经常都会同屋企人去食，而且店家仲开到凌晨时间，啱晒宵夜再啤一啤🍺藤椒酸菜鱼招牌酸菜鱼👍🏻我拣咗鲈鱼转番薯粉底，一大碗嘅份量足够三四人分享，汤底每日以新鲜鱼骨汤熬制，绝无味精就算饮埋啲汤都唔会觉得口渴，鲈鱼肉质非常嫩滑鲜味，并且唔会有细骨，最适合用作酸菜鱼，汤底加入大量酸菜、木耳、莴笋同番薯粉，「鲜、香、酸、麻」味道层次非常丰富，酸酸辣辣十分开胃回锅肉呢度小炒嘅份量比起坊间多一倍，满满一大碟，回锅肉脂肪比例均匀，外皮嘅部份食落去QQ弹弹，而且一啲都唔会觉得油腻，越嚼越香，再加入椰菜、豆腐干、京葱等，配以香甜浓郁嘅酱汁，真系会令你忍唔住食多碗饭鱼香肉丝一样系非常下饭嘅菜式😋肉丝、木耳丝、笋丝、香葱同辣椒去翻炒，够晒镬气，上枱时香气扑鼻又热辣辣，店家每一道菜都系即叫即炒，炒完即刻送上，确保客人可以食到最有镬气嘅小炒👍🏻鱼香肉丝味道酸酸辣辣，一啖接一啖食唔停口鲜肉锅贴锅贴粒粒都好饱满胀卜卜，用咗韭菜猪肉馅，皮够薄又软熟，底部煎到脆身，咬落去时仲充满肉汁，韭菜独特嘅香气加上肉嘅鲜味，香口之余实在令人无法抗拒😋📍好运大牌档 (北角)北角北角道33号和富豪庭地下B2号舖人均消费：$200食物：⭐️⭐️⭐️⭐️⭐️环境：⭐️⭐️⭐️⭐️服务：⭐️⭐️⭐️⭐️⭐️回头率：⭐️⭐️⭐️⭐️⭐️
继续阅读
今日朋友带咗我去位于北角嘅「好运大牌档 」lunch….. 原来「好运大牌档 」是一间川菜店…..招牌菜⋯⋯酸菜鱼……汤底是每日用新鲜鱼骨煮…. 所以汤底味道鲜甜！而鱼片就可以拣鲈鱼或桂花鱼….鱼片肉质香滑而且有厚度、所以好有咬感不错！配料薯粉是粗薯粉，口感烟靭，而且好挂汤！午市套餐都种类繁多，而且份量不少！菜脯煎蛋….口感香脆，味道咸香浓！炒猪杂！够镬气配饭一流！小食皮蛋蒜泥白肉也不错蒜泥白肉猪腩片够厚，口感够！
继续阅读
今次嚟到北角依间好运大牌档，店舖系25老店，充满中式气氛，上面挂住嘅中式灯笼特别有feel。招牌拆骨肉 $138将猪骨头上的肉剔下来，通常系从大棒骨或猪脊骨上取下。连埋辣椒，豆干一齐炒，食落拆骨肉口感结实😲，有少少胶质嘅感觉，加上辣椒带出微微嘅辣味刺激味蕾🌶，系一碟好下饭嘅𩠌菜。椒盐鱿鱼须 $118份量比想像中大碟，每条鱿鱼须都好长，炸到表皮金黄酥脆🦑，食落椒盐味遍布成条鱿鱼须，非常香口惹味，鱿鱼须都好嫩滑弹牙😋，令人食到停唔到口。凉拌土豆丝 $55作为小食俾得好足，土豆丝口感爽脆🥔，食落有少少醋酸同麻油味，有解腻嘅作用。酸辣粉 $38薯粉非常烟韧，辣度啱啱好，加上花生等配料，好香口，而且好大碗，食极都仲有🍜。锅贴 $38/6只叫咗6只锅贴，只只都好大只，食落内部猪肉塞满成只饺子，口感结实🥟，加上外皮煎到香脆，食落索索声，好满足。
继续阅读
我有个同事知道我喜欢食美味川菜，就介绍我同朋友去北角好运大排档，佢话这间店舖主要去食酸菜鱼或水煮鱼，厨师煮鱼煮得好好食，汤底又好好饮，每日有新鲜熬制鱼骨汤，绝对无坊间预制酱料或汤包，而小辣椒经典川菜是六代相传，即叫即炒，亦绝无坊间现成菜品包或调味汤包，仲系一间25年嘅老美味店舖，无辣不欢。我一定要叫藤椒酸菜鱼来品尝，朋友就选多两个𩠌，椒盐排骨及葱爆牛肉片，叫埋白饭同饮品柚子蜜。这间店舖位于北角北角道33号和富豪庭地下B2号舖，港铁北角站A1出口行，几分钟就到，非常方便，店舖装修简洁温馨，座位宽敞舒适，坐得舒服，十分有亲切感，店舖餐牌食物款式特别多，有好运厨师推介、招牌特色菜、火辣川菜、煲仔系列、特色风味、好运小炒、地道川菜、明炉锅、四川麻辣地锅、素菜、小食、汤品、沙锅泡粥、五谷主食，真系一吃便爱上，价钱又唔贵，食物质素好，仲不用加一，店员服务态度又好，多谢同事介绍，亦值得推介大家来食。🐠藤椒酸菜鱼（鲈鱼）鲈鱼片切得薄而嫩滑，入口即化，带有细腻的弹性，酸菜脆爽，藤椒带来微微的颗粒感，汤汁浓郁，有勾芡的滑顺感，酸菜发酵的咸酸味为主，藤椒的麻香为辅，层次丰富，辣度由微辣至中辣，麻感明显但不过呛，鱼肉鲜甜，汤底加入高汤提鲜，酸辣中带回甘。🐷椒盐排骨外层酥脆焦香，裹粉或炸衣轻薄不厚重，内层肉质紧实多汁，骨边带油脂香，啃咬时有撕扯感，椒盐咸香突出，蒜末、辣椒增层次，微辛辣，排骨腌渍入味，带孜然风味。 🐮葱爆牛肉片牛肉薄切软嫩，快炒锁住肉汁，略带焦边的镬气，大葱脆甜多汁，葱白与葱绿口感差异明显，酱油与蚝油的咸甜基底，葱香浓郁，姜蒜提味，牛肉鲜美无腥膻，油香饱满。 🍚白饭优质米粒饱满分明，黏性适中，咀嚼带弹性，煮得恰当时表面光泽，入口松软却不烂，天然淀粉甜味，米香纯粹，中性味道能平衡重口味菜肴（如酸菜鱼），凸显菜色风味。🍹柚子蜜饮用时为浓稠液体，有细微柚子果肉纤维，冰镇后更显清凉滑顺，蜂蜜的甜与柚子的清香酸味结合，甜度适中，柑橘类芳香浓郁，适合作为餐后饮品。
继续阅读
两个月前先嚟过呢间，今日忍唔住再翻啅，佢既味道实在难忘，整天都回味著。今日既午餐迟咗少少食，差唔多都系下午茶时间。呢间好运大排档我有好多野想试，菜式实在吸引，好似今日我就点咗个川式泡椒猪杂，份量适中，有少少辣既味道，同上次个炒猪杂差唔多味道，炒得好香口好好味，极之下饭，价钱合理，店员友善，值得翻啅既一间食店，食完回味无穷。口味：🥚🥚🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚
继续阅读