好燒式串燒專門店 (大南街)

营业中

休息中

每個人都懂得把食物烤熟，但又有多少人懂得怎樣把食物烤好，怎樣處理不同類型的食材。雖然喜歡燒物的朋友很多，但很多人也怕衣服外套沾上味道，所以對燒烤店卻步。朋友介紹了一家燒烤店，環境舒服衛生，值錢很便宜。因燒烤區跟座客區分開，店舖沒有丁點油煙味。而店舖新開張，店家還送前菜，實在優惠。每張枱均配有紙巾，一個小小貼心的舉動卻大大幫了忘帶紙巾的我。特別推薦店裡配給客人的泰式辣醬，香辣惹味口感清新而不油，無論沾上哪款食物，都很適合。泰式雞腳（送）雞腳咬下煙韌彈牙富膠質，咬下爽口，味道帶點酸辣。店家對燒烤方法很講究，重點是把肉汁鎖在肉內，原汁原味的呈現。牛舌、牛肋、豬肋、羊肉、雞腎炭燒牛舌串：牛舌雖然不算超厚，但入口柔軟彈牙，肉汁鎖在肉內，香氣撲鼻。牛肋串：肉質爽口彈牙，越咬越滲油香。雞腎串：每粒粒粒外皮香脆，內里彈牙爽口。尖椒、鴨胸、菇虎皮尖椒：香甜青脆虎皮椒，無籽的爽甜香口，有籽的香辣，辣而醒神。鴨胸串：每片大而厚，鴨皮油潤煙韌，鴨肉結實鴨香味濃。雞比菇：爽而帶柔軟感，富水份，味道鮮香。菠蘿菠蘿水份很多，燒後仍然鎖住水份，香甜菠蘿汁特別惹味。

今日約了男友去油麻地食一間西餐，點知去到無位又唔知等幾耐，最後唸住求其搵間醫肚算。行行下搵到呢間好燒式，好多人食，價錢又ok，唸住一試。點知老闆話未有位，介紹我地去太子分店，就唔使等，仲叫我地搭的士，佢會畀返錢我地。當時我就有d唔想去啦，唸住搵第二間食算。點知有架的士駛過，就上了車。之後去到分店，得幾個客，但環境好寬敞。本身唸住唔抱太大期望，始終間分店係新開。點知。。。。。完全係大驚喜我地點左一個龍蝦汁意粉，一份西冷扒，一碟蕃茄白酒煮花甲，2隻燒蠔。另外點左一串牛舌，一份雞胸軟骨，一份翠玉瓜，一份豬頸肉，一份煙肉露荀。個花甲好清甜，d蜆肉好正，無沙，入面加左粉絲，有少少辣辣地，好開胃！然後個龍蝦汁意粉絕對唔會好似出面d餐廳淋d蕃茄汁落去當交貨，係好濃的龍蝦汁！仲有一條真龍蝦，d肉好淋好新鮮。意粉煮得剛剛好，必點！個蠔我地選左煙肉and蒜味，各有千秋，正！牛舌好淋，雞胸軟骨係必食！超好食，係雞肉同軟骨夾雜咁燒，燒汁好正！煙肉露荀，豬頸肉就不過不失。反而要讚佢個翠玉瓜，通常菜的串燒好易會乾，好鞋，但呢個好好食，係有菜汁！個西冷扒5成熟但都好鞋，有少少失手，but anyway今晚誤打誤撞都

好友約左我食宵夜，又話想食串燒咁岩我又係大陸,嗱嗱聲做完嘢就趕返嚟，返到香港已經夜晚11點,就同左朋友去屋企附近新開張嘅”好燒式”,地鐵站行兩分鐘就到, 由於餐廳開到3點嘅關係，我地慢慢食同傾偈都得.好燒式係旺角都有分店,但太子新開張的有相連鋪位,而且又光猛! 仲有好燒式專用餐具tim呀一坐低我地就order左好多野食，我必食呢度嘅蒜蓉包，連原粒蒜頭，我鐘意將蒜頭搽埋上麵包一齊食，真正嘅蒜蓉包嘛!! 今次我試左烤雞肉芝士薄餅，超愛芝士嘅我見到芝士products簡直兩眼發光😂我鐘意jalapeño, 紅椒，芝士嘅配搭，仲有炒過嘅雞肉呀，有少少微辣..口感過癮!! 烤黑豚肉又係一絕，肉質柔軟，而且唔太肥膩! 加分我仲order了串燒豆腐，豆腐外層好似有一層豆瓣醬，有少少食臭豆腐嘅感覺，但離奇的好吃，我朋友不太愛吃豆腐都給于好評朋友幫我轉了一隻蒜蓉扇貝,扇貝嘅肉質厚而實淨,配合濃濃嘅蒜蓉和香荵襯托! 101分呀!! 由於怕太多嘅肉，我地又點了茄子和翠肉瓜,切成了一片片再燒，配合埋燒烤嘅香料，我地超鐘意，不消5分鐘就消滅了一整碟總括而言，係高質素的宵夜地方哦! 開到3點真係一個優勢哦!

今晚突然想約同好友宵夜,又心思思想食串燒,好友就話帶我去佢屋企附近新開張的’好燒式’我之前已經去過”好燒式”嘅旺角分店，但太子嘅分店真係令我刮目相看 太子分店嘅鋪位比旺角的大,而且燈光又比較光猛! 加分!忙完成日見到面已經夜晚10:30,餓到一個點就極速落單...餐廳新開張有泰式鳳爪送! 調味不錯呀,有泰式餐廳的水準我地另外點了一個芝士烤雞薄餅，我和朋友都是芝士控，薄餅裡面有雞肉，紅椒，墨西哥辣椒和厚厚的芝士，食落口感豐富呀...跟住有安格斯牛肋串，串燒豆乾，和燒雞胸軟骨串，我幾鐘意豆乾，食落去有種豆瓣醬嘅味道，幾特別蒜蓉包從來都無令我失望，我最愛原粒蒜頭，老細仲教我地將蒜頭搽上麵包食，果然無介紹錯..我仲order左一隻蟶子，鮮味無得彈，不得不讚嘅係餐廳將蟶子洗得好乾淨，配合埋金菇無底，和厚厚的蒜蓉，鮮味一流

朋友食開旺角間分店，今次佢約我黎呢間新開既分店，我就第一次食。覺得師傅手勢很不錯，燒得剛剛好！調味很好！嘿嘿蒜容燒扇貝，牛油金針菇。牛油味道好香，金菇軟熟度剛好，夠哂入味！非常夠份量夠大粒，肉實爽實夠鮮味！嘿嘿蒜蓉燒茄子（原條）小辣，大量蒜蓉，茄子內軟多汁！好夠味道！嘿嘿同朋友一人一隻生蠔，揀左蒜蓉，蠔肉連殼，新鮮！韮菜同韮菜花，後者口感比較紮實，兩樣都沾滿燒烤料！嘿嘿雞全翼，正啊，全熟無血水肉夠嫩！表皮香！嘿嘿鴨舌，好惹味啊，有６條，都唔錯！一定要食雞胸軟骨串，好好味道！一軟一爽，口感佳！安格斯牛助串肉嫩有牛味！嘿嘿送的泰式鳳爪，份量都唔小，青瓜蕃茄都爽口

陪朋友到旺角睇裝修材料，不知不覺間行到太子，真係好攰。不如搵嘢食慰勞一下自己，見到好燒式在大南街開左新店，朋友食過旺角店覺得唔錯，就試試新店水准。裝修簡潔明亮，坐得舒服。唔用餐牌，直接用一張點餐紙簡單明瞭。大眾化價錢都有好多選擇，想飽肚仲有意粉、Pizza、荷葉飯。落單後店員好快送上泰式無骨鳳爪，係新鋪開張免費送的。鳳爪酸辣可口，好醒胃！黑松露野菌雞肉意粉$88黑松露份量頗多，意粉偏硬，係我喜愛的質感，撈勻後令到成個意粉好香。👍西班牙黑毛豬肋串$28、安格斯牛肋串$20、翠肉瓜$24、泰國露筍 $19。豬肋串、牛肋串燒到金黃焦香，以為會乾柴。想唔到嘅係肉質細嫩，保留肉汁，外脆內嫩！👍😋翠玉瓜、泰國露筍新鮮爽脆！蒜茸燒茄子$32原條茄子軟綿滑溜，加入七味粉同蔥花，好好味！👍😋鹽燒牛舌$26最後追加的鹽燒牛舌肉質腍，同樣好味。食物質素好，價錢大眾化，值得下次再去！

今日行過太子接完女朋友收工，本身想是但食就算，但見到有間新開既串燒檔，咁就一於試下啦，因為我由細到大都好鐘意食串燒。無骨雞腳，辣度岩岩好，好惹味，雞腳又爽口。牛油金菇好好味，牛油味好濃，唔係一味得個油，金菇好冧唔會難咬開。右邊係雞胸軟骨，第一次食，有d肉同一片軟骨，感覺好食過雞軟骨好多，脆到好似薯片咁。中間係燒豚肉，唔會燒到過曬龍，外脆內軟，仲好juice。仲有安格斯牛肋串，肉味好濃，呢個必食之選。帶子同燒蠔，，勁大隻，真係要再一次讚下佢地既火喉，樣樣野都係岩岩好熟，唔會過生唔會過熟。好鮮味。雞翼唔洗講啦，點燒都好味，再加埋佢地既調味，肉汁又多。

家附近開設了一家頗大的食府，早一段日子經過，就見那些開張花籃不斷，一天謝了，翌日又有一大堆新的恭賀，想必店緣不淺。下機沒有幾天，家人還未收拾到些許做飯的心情，冰箱沒啥能現煮可吃，也隨之下樓找吃，也順道嚐一下新餐廳的味道。新開張驚喜被奉上泰式辣鳳爪一碟，完全不馬虎，辣辣地酸酸地，爽脆辛辣的洋蔥，好刺激開胃，跟蕃茄洋蔥香草醬ok夾。要了中辣，其實已挺辣嘛！黑松露墨西哥雜菌薄餅43看是餐牌上的推介，芝士拉到芝，舖在豐富的菇菌跟彩椒上，而外面的薄餅烘到脆脆的，熱騰騰，還沾有些黑松露醬，頓時高級點。日式汁燒魷魚筒75件頭不細，照燒汁去燒，質地有彈性又入味，二人分享無問題。燒日本芝士年糕12x2燒得幾靚，入面爆芝，味特濃，芝士軟綿綿。安格斯西冷扒85少許黑椒調味，粉紅色誘人，嫩來又保留咬口，還帶肉汁tim!食後感：店名ok好意頭，燒烤舖可以租上連舖位置也毫不簡單。另外，很近地鐵口，十分容易找到呢！

平時去親食串燒都要每人三百幾蚊先埋到單，今日係呢度食只係二百蚊就得仲要坐得好舒服，又唔會整到成身都係燒烤味餐廳好乾淨寬敞，坐得好舒服燒烤既地方係一個獨立廚房，所以一啲油煙味都無泰式無骨鳳爪新店開張，每檯都會奉送一碟辣味都幾足，酸酸地好開胃燒日本雞泡魚乾魚乾燒得好香口燒翠肉瓜、燒茄子原來份量咁多的，真份好抵食呀而且燒得好juicy, 一啲都唔乾加埋辣粉燒，味道更突出煙肉露筍卷+安格斯牛肋串+燒菠蘿+西班牙黑毛豬肋串+日本甜心蕃薯燒菠蘿好多汁呀牛肋串好味過豬肋串辣辣地好惹味，而且濃濃的牛味好perfect墨西哥薄餅芝士雞肉食第一啖，好有驚喜芝士好豐富，但完全唔覺膩墨西哥薄餅烤得好香脆同埋唔同既彩椒，令薄餅有少少既辣味，令味覺更有層次感燒白鱔肉質好細滑簡直係皮脆肉嫩每次食親燒烤，呢個都係我必食的串燒豆腐係廚師推介真係出奇地好好食喎外層既皮脆脆地，內層既豆腐仍可保持滑滑的原來係要炸兩次先可以有呢個效果再配上特製既醬汁，真係好match牛油燒開邊大花蝦好大隻蝦蝦膏都好多，超好味

今晚男朋友表示想吃串燒，但一想到串燒店，便感到烏煙油膩，但見此店竟然環境乾淨，沒有印象中的串燒店那般，於是便來試試！環境寬敞，坐得舒服呢！食物總類都頗多的，但餐單也有些廚師推介，所以也點了些試試！墨西哥薄餅芝士雞肉（免費餐前小吃）份量充足，而且很滿足呢，熱呼呼吃下，正！蒜蓉包最欣賞是原汁原味！第一次嘗試將原粒蒜頭直接擦上麵包，更有蒜香！茄子出奇地連皮吃也沒有違和感，而且甚爽乾，值得一試，豬頸肉也頗大件，連少少肥脂一起吃，實在享受！豆腐是亮點吧！配上特製醬汁，外皮香乾，內裡軟滑，正！而黑豚肉更是皮肉膏的比例剛好，吃下去軟綿綿的，果然是太棒！牛肋牛柳雞腎也是頗為不錯，水準之上！串燒怎少得雞翼和韮菜！呵呵，還是頗佳！看回圖片還是回味不已！不錯！環境食物也值回票價，可以多和男朋友來呢！

又來到了晩飯時間，走在太子的街頭上，琳琅滿目的食肆像是向我揮手，最後走進了一間＂專門店＂，試一試那燒出來的味道會如何…吃串燒選擇很重要，俗語說得好，＂有得揀先係老闆＂，餐牌雖是一頁之紙（前後共兩頁），但食物款式竟然多達數十種，一時之間可謂眼花撩亂，花了點時間，才能決定好想吃的東西。在等候期間，店員細心地留意到我有點熱，我並沒有開口要求，她已經悄悄地把冷氣的溫度調低，雖然我沒有當面開口給予稱讚，但已涼在心底裡。泰式鳳爪（免費）一位笑容可親的店員，突然遞上一碟鳳爪，原來是這家店，新張期內免費贈送的，我當然不客氣，即時試一口，味道酸酸辣辣的，瞬間令我胃口大開。食物是即叫即燒的，所以也是分批送上，正在一邊吃一邊等候期間，另一位店員還主動詢問我會否吃辣的，送上自家秘製麻辣醬汁，香辣非常，我相信店家對食物味道有一定的要求。串燒豆腐$16，一串有三大件，咬開豆腐，外層酥脆，內裡軟滑，真正做到外脆內軟，而且豆腐的外層塗滿了燒汁，鹹中帶甜，味道令人欲罷不能。安格斯牛肋串＄20，吃一口牛肋肉，肉質自然鬆軟，只添加了一點胡椒及鹽，味道樸實，忠於原味，而且火喉控制得剛剛好，外面點點的焦香，充滿肉汁。牛柳串＄1

今日約左2個兄弟食過飯吹下水，平時附近打下邊爐坐得耐，見屋企附近開左間串燒就試下。。裝修ok坐得舒服。野食有驚喜，起碼唔會味粉蓋哂d 食物味，燒鱔，燒牛舌超正，會番食~