好燒式串燒專門店 (大南街)

营业中

休息中

疫情前經常幫襯嘅港式串燒之一，今次又推強位朋友落坑，成為佢嘅串燒食堂😋🎈必食之選白鱔· 厚切啖啖肉/ 魚皮燒到薯片咁脆但仍然多汁juicy/ 陣陣炭香味 起碼兩串先夠皮牛舌· 要好食就襯熱食，燒得脆口入軟/ 有一陣牛舌騷味但咁先係牛舌嘛/ 直入牛舌關注組😂司華力腸· 最鐘意食頭尾位，脆卜卜係得輸翠肉瓜· 一份足足成條，燒到一格格成塊牛排咁😂/ 一邊影相啲汁不停咁滴，可想而知爆juicy🎈驚喜之選燒牛柳· 牛味重，一啲雪藏味都無/ 肉質嫩炸池魚仔· 一啲都唔仔，有成手指公咁大條/ 炸得鬆脆有調味，飲返兩杯之選🍡陰公豬🍡蟹子丸🍡燒鴨舌🍡燒粟米

7月頭再嚟好燒式食串燒，一行6人我哋叫咗蒜蓉燒聖子王，聖子係大條，夠新鮮，鹽燒白鱔夠肥美，多汁，推介一試，泰式炸蝦餅，有蝦味，味道不錯，芝士煙肉大啡菇，芝士味濃，菇有汁唔會太乾，焗得啱啱好。鹽燒油甘魚骹又係火喉啱啱好，充滿魚油，唔醒，肉嫩，令人回味。牛舌串比牛肉串和豬肋串好味，彈牙厚度適中，值得試吓。為咗減輕油膩感，叫咗啲瓜菜，推芝士焗西蘭花，燒菠蘿，串燒大京蔥和蒜蓉燒茄子。串燒全部燒得啱啱好，水準穩定，今次去食，餐廳都係全滿，不過唔算嘈，聚會是可以的。不過有用餐時間限制，所以平日去少啲客人最適合，因為或者可以食耐少少。😜

呢晚約左朋友吃飯吹水，點知揀間店轉左地點後連風格及菜單都轉變，於是隨便點了一些，發覺不大對勁，只坐一陣。意猶未盡就決定食串燒，繼續下半場。隨意在 Openrice 揀左呢間好燒式，到步時竟然客滿，好彩剛好有一枱客啱啱食完散 Band，我們便很快可以入座。一坐下店長就很熱情地推介食物。於是聽從建議叫了蒜蓉燒蟶子王。嘩！不得了！真的好好味！蟶子新鮮又爽又鮮甜，加埋金菇，蒜蓉同香蔥，非常惹味可口。燒低溫去骨燒乳鴿是招牌菜，質素也很好，乳鴿肉質鮮嫩，去骨食啖啖肉，又有炭燒的味道。但注意是去骨，不是無骨。鹽燒白鱔是本人的至愛，亦屬必食之選。雞軟骨，鹽燒牛舌串，羊肉串，全部都燒得好有水準，不會太乾或太燶。燒豆卜及韮菜，醬汁正，味道非常出色。蒜蓉燒茄子，可選擇原條或件燒。水準高！今餐非常滿意，絕對會再幫襯試埋其他。

好燒式有兩間分店，今次黎到由太子站步行兩分鐘既大南街分店食宵夜，十點去到都坐滿晒客人😳叫左推介既辣酒煮花螺，雖然唔算大粒但一份都有好多隻螺，個汁都真材實料，十分濃味同夠辣，送啤酒一流🍺🍺🍺上菜時會跟埋夾同竹籤，方便食又唔使整污糟隻手串燒可以揀唔同辣度，同埋有唔同醬汁，例如麻辣汁，泰式汁等等，整體火喉都唔錯，雞翼皮脆，如果可以再 juicy D 會更加好😆😆馬友燒到外面香口，肉質非常肥美嫰滑，仲好厚肉多汁，呢個值得一讚👍👍順帶一提有隱藏 menu 燒雞皮，不過手快有手慢冇，今次夜左就唔好彩賣晒😂😂

2個女人1830walk in，即刻就第一輪點4款，剛開始食就問到齊未，提醒您要第2輪就點單，食完4串我哋再點單4串後，第2輪食物一到枱就問齊哂未，今日好多客。最大壓力係，仲食緊第2輪嘢，在身後行過在我頭頂時，細細聲講有客等緊枱。。。安心出行離開時1930，只是1個小時。大家自己諗，想快速食嘅是好選擇，食物水準唔錯嘅！想咬慢點嘅會有點點壓力！想坐個幾兩個鐘嘅最好有威猛男士一齊，待遇可能好啲！速食好選擇！

食物超有水準😍😍😍，最鍾意食就係佢D豆腐菠蘿同燒茄子及蔬菜類。如果你唔鍾意食咁多肉類呢度就係一個非常好的選擇。一定可以滿足到唔同人士對食物種類的要求。海鮮肉類樣樣齊。對我來講最重要嘅就係食完唔會周身都係油煙味😎😎😎，搭車返屋企都唔使咁尷尬。檯於檯之間雖然唔係相隔太遠但係坐得舒適，係同三五知己吹吹水聚腳的好地方，過嚟之前當然係booked咗位先😄😄😄PS:因為種類太多，要試晒所有串物相信都要去多幾次同唔同嘅朋友一齊先至可以試晒佢。

串燒真係好吸引，但試過唔少串燒舖，等燒既時間真係等到你呆🥲今日推介呢間《好燒式》完全可以話係快靚正！燒得好有效率，基本上唔使點等（但啲食物熱辣辣！）今次order左既食物如圖，想話每·一·樣·都·好·好·食🤤特別推介：✨串燒豆腐 外層超香脆，但內裡滑嘟嘟🥰✨朱古力香茅老老實實本來怕佢勁甜，但食落一啲都唔膩，好味！✨黑松露野菌雞肉意粉始終想食啲澱粉質。邊個話串燒舖整意粉唔掂？黑松露味好出，意粉好creamy，一啲都唔輸蝕，飽都要食啲！❗️記得要預約❗️記得要預約❗️

Good News Barbecue Restaurant is a local style grill where guests can pick different dipping sauces and choose the level of spiciness. The fourfinger threadfin 馬友 was very juicy with crispy skin, so crispy that the head, tails and fins were edible too. The meat was still very silky and juicy underneath. Well-seasoned. The 辣酒花螺 hot sea snails in wine sauce was very flavorful with lots of Chinese herbs, Sichuan pepper and garlic inside. Quite a lot of MSG though. We also ordered chicken skin which

呢間串燒係我至愛既串燒店開左太子店之後環境仲舒服左串燒足料分量多 價錢又合理燒海鮮好新鮮 推薦蟶子 勁大條又厚肉牛舌好爽口 夠厚切燒菠蘿好甜 最好係連皮都切埋🤭花甲粉絲都好推介 我自己就鍾意配辣湯呢度除左串燒出名 其實佢哋既意粉都好出色😂但要多人啲share先食得落

10月中某個星期五，一行6人去咗大南街呢間串燒專門店食串燒。呢間餐廳有另一間分店係旺角，訂枱時職員都會提示，以免去錯。當日book 咗7;30，去到差唔多滿座，餐廳都大間，6人有長長嘅卡位，唔會逼，坐得舒服。我哋叫咗好多串燒分享，落單時可以選擇辣道。我哋叫咗辣汁另上，方便大家唔同口味。串燒種類好多，海鮮，肉類，蔬菜，仲有小食蒜蓉包，蝦多士，意粉等等。我哋就只係食串燒，串燒全部出準以上，最出色係魷魚鬚，牛肉串，牛舌，蒜蓉蒸聖子，燒菠蘿（好甜），大大條茄子同埋保留到水份嘅翠肉瓜。疫情後一定再嚟試理其他種類嘅串燒

行到落太子道，心思思想食宵夜，又唔想食得太飽，早前做酒店嘅朋友介紹大南街港式串燒好正， 咁就試下啦。黑松露炸蝦多士 都係落單先炸，熱辣辣同埋好脆口， 兼夾唔油膩。炸雞軟骨有好香椒鹽味，配埋酸醬汁真係好夾，另外，燒牛脷又係唔錯，彈牙又唔韌，好有咬口。燒白蟮 大件，外層脆皮，最正係無骨係，就算炸完都唔會會太乾，加埋酸醬汁，真係好好味。羊肉串有4件，分量唔算大件，不過加埋豬肉串， 又可以試多樣野。燒秋葵、燒茄子燒秋葵同燒茄子令人好開胃，唔多油，啱晒我呢類喜歡蔬果一族， 燒過既秋葵好夠香味，至於燒帶子都唔錯，大大隻又夠入味。以人均$200幾蚊一位呢個價錢可以食到咁多野，食物都有質素、服務又好，CP值高可以再幫襯。

串燒 同朋友傾計飲酒好地方🍻雞中翼 牛柳 雞軟骨 原條蒜蓉茄子 燒聖子 魷魚鬚 多春魚 雞胸軟骨 日本雞泡魚干 重牛油味金針菇 辣味重泰式鳳爪兩個人食既份量 我唔知算唔算叫大食😂 都食到成檯都係佢上菜唔會好慢 但又唔會一次過上晒菜搞到凍晒 串燒要熱食 這是重點😎雞中翼好脆皮 好想知佢點皮燒成脆皮🥺 雞軟骨都好好味 推介推介原條蒜蓉茄子 重口味系列🤤蒜蓉聖子 果份量都幾多 重有少少金針菇 多春魚好好食 因為太想食 未影相就已經食左一條 原先係一份三條🤣雞泡魚干都幾好食 乾身 配埋沙律醬 再加啤酒 真係好爽重牛油金針菇 超堅 陣陣牛油香 個人覺得魷魚鬚就一般比較濕潤 唔似有燒既效果泰式鳳爪對我呢個食十少辣既弱者黎講🥲🥲太辣

大南街開了很多咖啡店，但我還是鍾情來這兒吃串燒。這裏四點就開始營業，一早來就不會太多人。地方整潔光猛，感覺舒服。不過因為疫情關係，枱子多了塊膠板，令二人枱面空間小了，食物不夠放🙈。串燒款式多樣，在點餐紙選好食物就可以等廚師燒好送上枱。懶人如我，加上廚藝不精，就很喜歡這種模式😊。另外記得點餐紙最下方有得選辣度和調味料。原個蒜頭，$17。賣相很靚。口感軟乎乎，個人覺得蒜味不會很強烈，好得意。翠玉瓜(一份），$28。份量多，好抵！燒得勁正，香口但又鎖住水份，咬落有爆汁感覺，好juicy!黑松露什菌包，$52。黑松露好似不用錢，勁多，令什菌更香更好味，而且同樣保留到水潤的感覺。鹽燒馬友，$128。少碎骨，正！肉質好滑，醮汁更提升了味道層次。另外，魚皮好香脆，也被我們吃清😜。鹽燒牛舌串，$28。軟嫩得來有咬口，非常惹味！羊肉串。$19。吃得出羊肉的羶味但不濃烈，同樣好有口感。會提供小夾子、刀叉，方便分食物。樣樣都好味又抵食，下次會再來。😋

太子附近有好多酒吧，但係就冇乜好食，要搵一間有酒飲又有好嘢食嘅，我同朋友揀咗好燒式串燒。飲住啤酒食串燒，人生一大樂事😂😂各款串燒可以揀大中小辣，亦都可以加孜然，悉隨尊便！一流👍🏻必食嘅雞泡魚乾，燒得好香👍🏻👍🏻多春魚，也燒得剛好，一d都唔腥，又多春😋鷄中翼，外脆內滑，好好味羊肉串，好有羊味，燒得又軟，這個要encore 添，推介😋😋日本鯖魚，少骨啖啖肉，正！蠔季梗係要叫兩隻芝士焗蠔，芝士味濃，蠔肉鮮甜，貴小小都要試吓嘅😍😍最最欣賞佢哋燒蔬菜嘅技巧，控制得非常好，燒完上枱仍保留各蔬菜嘅水份，真係串串都滿意，食得好滿足☺️☺️

禮貌好好既 但廚房真係有啲差咩野肉都有 啦過牛舌又梅哂咁菜唔夠味 魚好食雞腎硬生蠔可以燒到變蠔豉…熟哂…又黑帶子勁熟 差啲咬唔開相比起旺角真係差好遠我係旺角既fans黎無奈旺角真係無位..不過希望會改善一下廚房喇..