好旺角粥麵專家 (已結業)

好旺角粥麵, 在下於十多年前在珠海書院夜校進修時的2間專用飯堂之一.他們的豬手以皮彈牙, 肉質鮮美聞名.另外他們出品的炸醬更是別樹一格, 非常甜美, 不像平常橙色的京都炸醬那麼油膩, 是全香港獨有的.p.s. 從前的油菜芥蘭是非常揀手的菜遠, 是在下的必吃之選, 但今次試過後好像有點退步, 所以不推介了, 但仍是其他店的水準以上, 有興趣可以一試.

服務態度不錯，樓面姐姐有笑容。鋪面裝修古色古香，幾特別!好足料,而且粥底很棉同入味,配上冇調味既豬潤同牛肉味道剛剛好,生滾豬潤大大片,口感很滑,牛肉都很滑不會韌麵味道就一般同麵質有D硬,豬潤夠爽,雲吞都ok,蝦肉都新鮮同爽口,不過就細粒左d,同埋碗麵都係比較細碗用湯烚得啱啱好同夠彬整體味道都唔錯,不過價錢就比較貴!

好旺角嘅海鮮艇仔粥係好好食，材料除左一般嘅魷魚同豬皮，仲加咗鯇魚肉同蠔豉，十分鮮味，而且冇用碎牛而係用肉絲，粥底軟綿，滿分！套餐連雲吞麵，都係好好食，麵落碗前加左豬油，正！

門面以及店內裝修都比較新比較古色古香 環境很不錯~粥品種不少~ 最喜歡豬潤粥以及豬腰粥 雖然粥本身稀了點 但豬潤以及豬腰都嫩到不行 超級彈牙！~ 無論豬腰還是豬潤 吃的時候都完全吃不到粗粗的感覺 每一口都充滿彈性！ 粥底本身又經過烹調 非常鮮美 不過嫌有點稍稍過咸了 怕稍後會口乾 另外粥底有些稀 不像普通的生滾粥那麼濃稠 所以當然也嘗不出任何米粥本來的香氣啦~ 海鮮艇仔粥 底下有魷魚片及其他一些海鮮 粥底比起豬潤豬腰粥要來的厚實一些 同樣也是比較鮮咸的口感不過感覺沒有《西記》的艇仔粥那麼料足。。。相比生滾粥 店內特色 鯪魚皮倒是給我們留下深刻印象！不像普通的魚皮 是曬乾的那種這份魚皮是新鮮的，經過薑絲蔥絲以及辣椒絲配著鮮甜醬油的搭配 非常鮮美 同時魚皮本身帶有的鮮味也越發明顯口感上魚皮充滿膠質的嚼感很棒 但又不是那種柔軟的口感 相反而是脆脆的非常挺實的嚼感 很不錯！

相比起中環金鐘灣仔銅鑼灣，我對旺角不算太熟識。然而當朋友問我推薦到哪間餐廳時，我竟然立即想起「好旺角麵家」－一來早有朋友大力推薦，二來是剛才路經花園街見到分店。不想走到位於西洋菜南街的總店，於是就到這家分店安頓下來。相比起旺角其他受歡迎的市肆，這裡是少了幾分生氣。這家老字號的麵店，竟然要出動到員工在門口拉客入餐廳用餐。餐廳開揚光鮮，設有卡位，並不是如老店般，既懷舊亦殘舊，人人都逃不過搭檯的命運，埋頭苦幹的在吃麵。這裡少了幾分擠湧，多了幾分冷清。我的目標明確，就是衝著試此店名物京都炸醬撈麵。份量有大 (碟)和小 (碗)之分，麵也有粗和幼可選。我就當然選了小碗的粗麵，$25。下單等了5分鐘許，我的食物便來了。這個份量我是很滿意的，不多亦不少。對我此等害怕澱粉質的人是最適合不過。炸醬不是放在麵上，而是用另外一個和豉油碟差不多大小的小碟盛著。隨麵也送上一碗韮王清湯。先嚐一些粗麵。果真是撈麵，滴水不沾。粗麵很乾身，冇鹼水，質地又很爽彈，食到尾質地依然。認識我的人，就知道我不太喜歡吃雲吞麵那種幼麵，唯獨是我對粗麵的觀感是不同。至於靈魂炸醬呢？聞說是自家製的，但應該是預先製作好的，因為溫度稍冷。先嗅

去完SPI修理拉鍊後，便行一會兒，經過新的好旺角，便入去試下。我例必叫淨麵，要多韭黃及爽的。湯底好好味，但可惜麵就不犬好味！好淋，不夠爽、又有梘水味！所以，我都係覺得舊那間好吃點！不過，我下一次會試下她的粥及魚皮。服務也是舊舖好點，個收銀員沒有笑容。

兩個人午餐，又不是太餓，可能兩點幾，個場只有七成滿，仲可以坐到卡位，叫咗套餐A(雲呑麵 皮旦瘦肉粥)食物好快上枱，餐具放響餐枱櫃桶，雲呑大小剛好一啖一粒，蝦肉爽口，皮薄餡靚，麵質爽口，又不會有鹼水味，湯底清甜，不會味精，好味！皮旦瘦肉粥，粥底好綿，皮旦不會散開，不會有怪味，少，唯一失色係瘦肉無味嚡，侍應勤快，地方光猛乾淨，份量剛好！

光顧老店多年, 初見這新店招牌以為是 A貨. 舖面及我完全想不到但店名很相熟, 經過本來不肚餓, 但想一試新分店, 坐下叫了個雲吞麵, 水準根老一樣, 麵身一樣彈牙, 雲吞是鳳尾式有猪肉在內, 蝦身爽 okay. 訣美中不足是湯不夠熱, 逼不出"九"皇的香味.

幫襯左好旺角最少已經廿年了, 原因不是因為粥店特別好食, 而係因為就腳而已, 舊店在新之城對面開, 一星期差不多會經過最少五次的行完家樂, 發現在好景側邊開左間新的好旺角粥麵專家, 見餐牌, 介紹都同舊店一樣, 就走左入去食!一個人食, 只係叫一碗皮蛋牛肉粥同一碟芥蘭, 說真的, 食左咁多年, 今次其實味道同之前分別唔大, 但唔知係唔係心理作用, 總係覺得少了一份風味, 個碗都係新的, 但覺得好似隻碗都會影響到碗粥的味道地方乾淨了, 枱又乾淨, 連個碗都乾淨左, 但總係懷念那種"舊"的感覺!但要食好旺角, 現在又多了一個就腳的地方了

呢間係老字號＠＠同老公去食下..不過呢間係分店..唔知會唔會有唔同呢@@@@地方清潔左...地方大左..環境都好過舊果間@@至於麵呢@@價錢都OK既@@叫左個魚旦河...食左好多間既魚旦河..呢間既魚旦真係爽口好多@@而且個湯底都濃D唔同D@@魚X 同出面更加唔同@@但係我就唔知點形容,,,成塊由內到外都係入哂味嫁我覺得@@真係一絕@@老公就叫左碗雲X麵...當局要加醋食@@麵好爽口..雲X真材實料有蝦嫁@@不過我就覺得份量少左少少@@我同老公都覺得得5成飽ONLY@@但係就未TRY呢度既小食..下次有機會再黎食TRY過...@@

之前吃過她的舊鋪一次，今次來試試新店的質素如何頗進取的價錢，一客蝦子撈麵要三十六元，粥品最平的也要二十五元上次吃的是雲吞麵，又油膩又重味精，一定不會再叫！今次試試粥品吧要了皮蛋瘦肉粥，不到五分鐘便送上看樣子是普通不過的粥，味道卻是不俗，粥底很棉，配料下得大方，皮蛋一點腥味也沒有，瘦肉切成碎條，鹹鹹香香，很入味。不加胡椒同吃，也滋味十足也吃不出味精，值得一讚。不過妹妹叫的雲吞麵就仍然是重味精了如果再來吃，也會只吃粥！

在附近逛街, 搵地方食野, 發現麻酸樂執左, 開左好旺角分店~舊店很懷舊, 而這分店裝修得咁光鮮, 卡位舒適, 感覺很好~ 記憶中舊店係好細碗麵, 感覺上好似呢度冇咁細碗~雖碗不大, 都有5粒雲吞, 麵完全冇鹼水味, 平時去其他麵店都一定要加醋+辣油, 才吃得落, 但呢間唔需要醋~雲吞雖不大, 但蝦多又爽, 口感很好 , 但..... 有粒雲吞內有蝦殼~ 美中不足是辣油, 真是得油, 沒有辣椒碎/籽~

老店時不時都去食，麵質好，不會有"甩"味，爽滑剛好，老店的雲吞，連我買返屋企打邊爐，成家人都話好好食。經過，發現了新店，又係食我既至愛雲吞薑荵撈麵，也很不錯，又比舊店少人乾淨，下次試下其他。

難得同男友去旺角行街街,見差唔多食飯時間,諗著醫下個肚仔我哋本身又唔係好餓,咪諗著整番碗麵就算行行下到見到附近有幾間食麵既,又見到呢間幾光鮮,無咩人唔洗等位,就試下新啦~入到去一坐低睇食咩...即刻打左個突...好貴一碗雲吞麵都廿幾蚊...不過算啦,間野話明老字號,我諗質量都ok既,唔係個價點會咁貴我揀左個炸醬雲吞撈粗,男友要左個牛腩撈~落單時,個阿姐好好笑,我話要炸醬雲吞撈粗,佢問我一碗定一碟,我心諗一碗係$30,一碟係$36而且又唔係好肚餓,諗著一碗得啦...點知阿姐同我講"那~一陣唔夠食無得換架!!"我覺得好奇怪反問佢"吓!?唔夠食咁嚴重!?咁一碗幾大碗呀!?"阿姐笑著講"哈哈!!咩幾大碗,咪就係一碗囉"我心諗根本無答我問題...我本身想再追問...但男友示意應該ok就唔理...點知.....碗麵一上枱,即刻明白個阿姐點解會咁講碗雲吞撈既份量真係不敢恭維勁小!!!!雲吞得3粒...仲要粒粒都同隻拇指咁既大小....即刻諗起平時d 超市果d雲吞!!!碗麵仲要唔足1個麵餅...挾左3-4著左右...已經食哂係~個炸醬都ok好食...但食到個人好火....落單時阿姐又好似有所隱瞞咁..

睇完戲，時候都不早，唔想食得太飽，免得晚上睡唔著。地膽建議去整碗雲吞麵，我贊成！這間好旺角跟西洋菜街的好旺角是否有關係? 我沒有考究。朋友要碗雲吞麵，我則來一碗鮮豬潤麵。當然，我不會咁安分守己只嚐自已的那碗，也偷了人家一粒雲吞。說一說人家的雲吞麵，是麵在上雲吞墊底的做法，雲吞都是細細粒的。皮不厚，也滑。但咬開，蝦肉份量勁多，跟豬肉比例超過九成，我認為有點兒失衡。朋友甚至吃到有蝦殼的，令他十分失望。我的豬潤麵，個別一兩件是有筋，而且有欠甘香，雖然不韌，但跟預期中有些少出入。麵條還好，至少沒有鹼水味。又是朋友埋單，最近成日食野都唔使俾錢，正！