好彩海鮮酒家

荃灣這間好彩海鮮酒家來了很久一直沒有寫食評， 這是第一次寫， 嘗試一下做一個美食 blogger。 大概四五年前第一次來到這間酒家， 由於侍應的熱情招待， 他推介我們食豉油王炒龍蝦及其他小菜， 水平屬於中上，所以自此以後一直是我和朋友的飯堂。時不時都會來這裏吃他的豉油王炒龍蝦， 但是水準忽高忽低， 每次來都要睇彩數。 這次終於有以前的味道， 但是龍蝦還是稍嫌炸得過熟， 肉質有點過老， 龍蝦殼也炸得十分之脆，可以連殼吃下肚。 其次楊州炒飯也是必食， 炒得乾身也沒有太多油， 騰騰的而且鑊氣十足。 咕嚕肉也是送飯必選， 醬汁收得很好， 豬肉還是多汁又不會炸得過熟。 其他小菜也是該晚也是正常發揮， 平均來說水準還是不錯， 還是會再來這裏光顧。…查看更多

星期日放假同屋企人係荃灣想搵地方飲茶，但係好多地方都排晒隊，時間我哋又唔酸棗都成1點45分先開始搵茶樓，經過享和街街頭見到有一間好彩海鮮酒家，又見到佢有輪椅升降機就諗住入去試吓，點知有驚喜入到去原來1點45分已經開始咗下午茶，佢係用QR code電話落單坐低咗之後，見到有下午茶點心，見到有一個點心拼盤$26但係佢乜都冇寫裏面包咗啲乜嘢，之後叫服務員過嚟問吓嘅時候原來知道依一個拼盤包左六件點心，係點心師傅隨意拎出嚟嘅，$26又可以試吓喎之後再叫咗一個迷你星洲炒米冇想像中咁差喎，味道濃郁，唔會炒得特別乾再嗌咗一個正價嘅牛肉球，正常不過不失，然後叫一個下午茶煎芋頭糕，分量比起正價少啲啲，$16有四件，其實佢係將兩件切開變四件，之後再叫咗一個下午茶特價叉燒腸$24，之後嗌左一個椰汁糕一叫就即刻拎嚟，味道正常星期六日用餐時間係一個鐘零45分鐘，不過都足夠熟嘅，環境算乾淨燈光足夠，又唔會太嘈吵，正常酒樓嘅聲量，價錢仲十分之抵，仲好得意有一個送餐機械人🤣質素都唔錯呀，可以值得一試味道: ⭐️⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️⭐🦽👍🏻: ⭐️⭐️⭐️⭐️🚗: 樓下已經係一個錶位場，繁忙日子應該預大約半個鐘時間搵位會方便啲…查看更多

由出世飲茶飲到大都未試過飲過一間有限時間既!個半鍾就講客人走!仲衰過食放題，人地食放題買左單都唔會要你立即離開啦!仲要開頭入場前都要等成半個鍾!仲要入場時都無講過話飲個半鍾就一要交台!早知佢地咁做生意我就幫親💓煌宴海鮮酒家💓啦!人地又無限時要人離開服務態度又簡直一百分!好彩酒家就絕對絕對唔會再幫親佢啦！飲一次就足夠無下次啦！真係未試過飲茶會比人講走要即時落去買單!好似返左大陸飲茶咁!✋想去好彩飲茶既朋友你地自己都要諗諗✋…查看更多

我咁大個女都未試過飲茶有限時!呢間酒樓真係極品!個半鍾就講客人走，都唔知點做生意!事先又無講話食個半鍾!人地食放題就話有限時者!飲茶都要咁!一肚氣!去👍🏻徨宴海鮮酒家👍🏻飲咁嬲!…查看更多

星期五的晚上，荃灣食飯很難唔洗等位。未夠七點到稻坊，但太多人便轉地方。這間酒樓不在商場內，也不在人旺地方，所以很易有位。我們四個人，卻給我們八人枱，坐得真寬鬆。看看餐單，有多款套餐，也有散叫的。這餐一心原想食龍蝦，適逢有個龍蝦餐，只是五百多元。話有兩隻十幾兩的澳洲龍蝦、雜菜煲及炸子雞例牌。我們仲叫了揚州炒飯、椒鹽鮮魷、炒蜆、乳豬拼叉燒。居然第一道上的是龍蝦，的確size足，兩隻開成頭尾共八件。因為豉油煮，所以顏色較黑，但味道不會過鹹。唔知龍蝦是否炸過，感覺很脆，有些位連殼咬也行，肉卻煮得剛剛好。我們還要讚炒蜆，都算大隻，入味，不只是鹹味，炒得很香的椒味。果個揚州炒飯真抵，大大碟只是七十多元。粒粒香飯，料足。乳豬拼叉燒，一百七，但略肥一點。皮脆，但肉少，肥多。叉燒也略肥。炸子雞皮脆，肉滑，不過多食就感太多油。食物、環境及價錢都不錯和相宜，但服務就真的一般。我們不是熟客，落單和換碟就欠奉了。叫也久等，但人手有限，莫怪。今餐都算滿意，若有埋點心就正了。…查看更多

今午一家三口排了一個小時隊做病毒檢測，更吃了一頓西北風，唉 ... 搞到我突然很想“飲茶”！“蝦餃”，不錯，夠大隻，蝦新鮮，皮薄但還煙韌，是“即叫即蒸”的。“燒賣”，有受騙感覺，個頭小，又說是「黑松露鮮蝦燒賣」，但燒賣上的那幾粒竟然變了冬菇，那豬肉爽口得過份，有點「乸脷」。“豉油王炒麵”，雖然簡單，只幾條牙菜仔、洋蔥、韭黃，但夠香，麵乾身，碟底一滴油一滴豉油都沒有，廚房炒功不錯。“馬拉糕”，夠香，鬆軟，但又細隻了點，三個人不夠分啊！“鳳尾蝦蜂巢芋角”，用了蝦來做餡，有新意，芋角皮也做得細滑，口感很好，不過芋蓉無味，蝦也沒什麼味道，整體合格而已。“避風塘茄子”，一上桌就聞到了，那些避風塘粒粒好香，如果茄子批了皮才炸應該會更嫩，美中不足。…查看更多

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝓊𝑒𝓃 𝒲𝒶𝓃父母好鐘意飲呢間酒樓，獨愛佢既欖菜排骨飯，個排骨飯係用傳統砂鍋裝住，排骨非常鮮甜，淋上豉油再焗一陣，會食到好多飯焦同埋欖菜非常香口。每次諗唔到食咩嘅時候就會叫點心拼盤，佢勝在乜嘢都有，棗蓉膏整得好好味，食到紅棗嘅香味但又唔會過甜🤣另外好鐘意食既係藥膳雞腳，可惜今次嘅湯凍咗，飲落冇咗嗰種好暖好滋補嘅感覺，但味道同足料程度依然不變。同埋今次d雞腳似乎瘦左dd🥲📍好彩海鮮酒家荃灣享和街59號地舖…查看更多

6：30到酒樓，落單留定一隻燒鵝，等齊人7：30起菜,酒店話無晒，吓.....等10分鐘 侍應過嚟話仲有半隻， 但隻燒鵝仲細嗰隻燒鴨， 都知道廚房會偷 一部分， 味道雖然好，但係比廚房偷咗一大半，實在太過份😠😠😠…查看更多

黎荃灣好彩食晚飯都不十次以上了，都是那招牌的「豉油皇龍蝦」另我一再回來吃。 反而唔知道為什麼在openrice 竟然冇人提及，可能是老酒家嚟都識食的都是老顧客， 不是靠網民的帶動。好彩酒樓環境是老酒家格局，晚飯枱與枱之間空間感足夠，整齊乾淨企理。整體小菜都很有鑊氣 堪比大排檔 ，唯一缺點可能係因為大部分廚師都是老師傅，有時候調味會比較重手偏鹹。今次食澳洲龍蝦，因為澳洲龍蝦呢一排比較平（$28.8/1 兩）， 當然豐儉由人可以選擇十幾蚊一兩的 加拿大龍蝦。 龍蝦外表酥脆 包裹住豉油皇嘅味道， 內裏係實肉爽脆的龍蝦味，拿來送酒更是一流。 當晚見到好幾台客都有叫豉油王龍蝦， 應該都是老顧客吧！另外還點了咕嚕肉，咕嚕肉外表脆， 酸甜汁得宜。 牛仔骨反而不夠淋但醬汁味道很好。 還有就是石蠔很大隻，比桶蠔更好食。…查看更多

在荃灣區的傳統海鮮酒家，我只會去好彩海鮮酒家，每逢假日必定人山人海，現推出澳洲龍蝦每兩$23，好似股票咁低處未算低，好抵食呀！今日這隻兩斤四兩配伊面做午餐yummy yummy.店長推介這款廣島蠔，以薑蔥焗製，需畤製作，蠔肥大甜美，值得等待的，$43一隻，價錢尚可。但係下次最好平均D，相片所見果隻最大，其餘的比較細size 😭再加個果皮清蒸鮑魚仔$30 一只，加添少許粉絲，味道清甜，比較上次有椒鹽食法相比，我喜歡這個啦！哈哈。…查看更多

荃灣區點心都係好彩最好食！次次去好彩都要排好耐隊，嗰日經過見到出咗外賣網站可以預早落單之後再落去拎，今日決定試吓原來仲有全單九折好抵！👍🏻👍🏻👍🏻叫咗幾樣平時食開嘅點心有叉燒包、薄撐、燒賣、豆苗餃、金錢肚——————————————-最推介啊媽最愛鮮蝦豆苗餃，半隻手掌咁大仲有兩隻蝦！好味😋😋😋黑松露燒賣都好正！必食😋😋😋啲蝦好大隻好新鮮同好爽。可以一個人食晒一籠😝😝😝…查看更多

兩點幾行完山，朋友提議落荃灣，因爲我哋嘅終點喺荃灣花園。他介紹我哋去好彩酒家。以為有下午茶點知原來今日假期，食物全部正價結賬。(豉汁鳳爪)自家炸鳳爪醃製蒸煮，林中帶爽，唔會太濃鹹。(蝦餃)正常，蝦子彈牙，裏邊沒有加竹筍，但我比較喜歡吃含竹筍的蝦餃。(乾炒牛河)很明顯河粉是楊開過才炒，不會黐住一嚿嚿，配上有牛味的牛肉，芽菜蔥段，加埋辣椒醬與芥末醬吃，一流。這次我們吃得比較趕急，因為酒樓需要三時四十五分離開，四時關門。…查看更多

<<莫名其妙@要辣椒油一定要叫潮洲粉果>>好彩酒樓 應該係屬於街坊酒樓，因為疫情關係好耐冇相約朋友家人外出飲茶，今日星期日，一個人有空餘時間，行過見呢間酒樓唔使等位，當係食一個人的午餐，坐低order咗蝦餃、燒賣、蒜蓉魷魚～～熱辣辣嘅點心到咗，諗住叫樓面EE比碟辣椒油點吓蝦餃、燒賣，唔知點解比極都係辣椒醬⋯⋯同樓面姐姐講我要辣椒油啊不是辣椒醬呢，佢話比唔到我問題就嚟啦⋯⋯點解會比唔倒我呢？？明明見到車仔上面有㗎喎⋯⋯樓面姐姐話唔可以俾我原因係我冇叫潮州粉果好啦，去酒樓食嘢我係鍾意用辣椒油點點心先高興，唯有死死氣氣再問過着西裝嘅部長，部長都一致口徑唔可以比辣椒油我我就唔想樓面難做啦，麻煩部長幫忙問吓經理，如果我俾錢可唔可以要一碟辣椒油呢？回覆竟然一間酒樓就算俾錢你都唔可以要到一碟仔辣椒油。突然諗倒，好簡單啫～～我order 潮州粉果咪有辣椒油囉, 但係我一個女人仔已經嗌左三個點心，仲點食得落第4個點心呢又唯有打包潮州粉果比屋企姐姐食原來呢間街坊酒樓嘅視辣椒油如寶物，我下次稍移玉步去其他有辣椒油提供嘅地方好了😈BAD LIST😈…查看更多

疫情之下，好多茶樓都無開。去飲茶都要撞彩。今日去好彩碰碰運氣，好彩好彩重有開！七彩肉絲炒米粉米粉份量多，麵質彈牙，配料充足，有紅蘿蔔、芹菜、椰菜。面頭有啲白芝麻，邊食米粉邊咬白芝麻，食到好香芝麻味。鯪魚肉煎釀虎皮椒夠熱，虎皮椒辣辣地但唔會辣到食唔到。虎皮椒好長，鯪魚肉釀滿曬成條虎皮椒，唔會呃秤。櫻花蝦蔥花腸粉。櫻花蝦好香、脆脆地。腸粉好滑，但係腍得滯。…查看更多

星期天9點鐘左右諗住飲早茶，2人一定要接受搭枱，攞票後等10個籌號，點知發現超多*堂邊鶴*，結果等左成個鐘先到我地有枱，都重係搭大枱，啲2-4人枱比哂的熟客，不知所謂。🤬👎…查看更多