好媽媽台灣館 (已結業)

行過太子搵食，見到門口貼左金鋼同小儀既訪問，而且午餐都係30幾蚊，諗住呢間係良心食店實冇死。入到去裝修都幾時尚，睇埋個餐牌所有野都唔貴，午餐仲有碗豆腐粟米紫菜湯送，抵食我地叫左個好媽媽滷肉飯併鹽酥雞球，滷肉飯同雞球係無味既，哦，食原味原汁，ok 既！仲有個金沙骨飯味道正常，但D金沙骨係凍架！凍到好似係雪櫃攞出黎甘！而個飯都係凍架！食物甘既質素，點解我地都唔出聲呢！ 因為全店唯一店員對所有客人都係呼呼喝喝，有客人想叫外賣都俾佢大聲喝：等陣先啦！（真實對白）對所有兩個人的客人都會話：果到要搭枱架！（真實對白）（因餐廳內多為4-6人枱）。「忙不是態度差的藉口」，食個飯食到俾媽媽囉囉唆唆甘，喇喇聲食完走人好過，呢間店名符其實係"好"媽媽！

今晚同好友去太子買野，之後食晚飯～見好耐冇食台灣野，而且望 menu 價錢合理，於是一於試下呢間 "好媽媽台灣館" =]晚餐非常抵食 ～平均每人 around $70，依家好少地方食野可以咁平，even 連 food court 都未必得！ 食台灣野，點可以唔叫蚵仔湯~呢個紫菜豆腐蚵仔湯入面既料好多，隨便一舀都有好多蚵仔~ 三杯雞既雞肉鮮嫩，而且份量都幾多～配上惹味醬汁，加白飯食，好滿足，不知不覺食多左 =] 另外滷肉飯好香，肉碎都幾多，配上滷雞翼、滷豆腐，非常滋味，勁多白飯0係底，好飽肚～ 花枝丸非常大粒，而且十分爽口彈牙，唔錯～ 另外點左碟高麗菜，不過有 D 油膩 ~ 胚芽珍珠奶茶好香又濃郁，值得推介！

今晚帶媽媽來食好媽媽台灣館，這餐館的開設是為了紀念店主媽媽生前賣便當的心願，實在是非常動人的故事。見客人絡繹不絕進出此店，就知它非池中物，未點菜已對這裡的食物充滿信心。前菜拍青瓜拼木耳$29，青瓜切得非常薄，調味混和了榨菜蒜蓉辣椒絲，無需用上大量的醋，味道已比一般的手拍青瓜更惹味！滋味得吃了一半才記起還未拍照（見諒！）招牌菜菜圃蛋比薩＄48 ，果然當之無愧。蛋煎得夠厚身，金黃色的賣相令人垂涎，蛋包內有乾坤，夾著菜圃、豬肉碎、榨菜、蔥，和煎蛋一口吃下去，味道出乎意料有驚喜！若能煎蛋時少用點油便完美了滷水拼盤$70 ，有豬腸、雞翼、牛𦟌和豆腐。是典型的偏甜台式滷水口味，豬腸切得夠薄，牛𦟌非常腍。酥炸豬排$39，外皮酥脆，豬排肉鬆軟，醺上點點淮鹽，咸度恰到好處，超棒der～蚵嗲肉碎泡飯$39，蚵嗲又多又大隻，拌以湯飯可消除其他菜式的油膩感台式奶茶 $16，奶味比茶味重，沒有過甜，不錯。鹹柑桔蜜$26，比較重蜜糖甜味，鹹柑桔味淡。以它的食物質素來說，要比其他所謂有名氣的台式食店為高。迫得我吃到一半已在思量下次再來要點的菜式，實在因二人食量有限，未能多試幾款推介菜式，希望下次能一試牛肉麵！

昨日朋友話想食清淡d 簡左呢間好似最近幾受歡迎既台灣菜 見到menu d 野食都幾抵食 特別魯肉飯23$ 都算幾抵 之後再order 左炒米粉 三杯雞 三杯雞都幾特別 酸酸地唔同平時最正宗既三杯雞 但味道ok 係肉比較小 之後米粉我都幾中意 好幼身 有d魯肉幾夾但講到服務。。 我同友人係三個人去本身比左6人圓台 坐得太開唔方便傾計 想轉張4人台 本身一開到個waitress say ok 點知後來個waitress 一句人地點左好多野食就唔比我地轉 但問攪笑係佢地兩個人而且唔算點左好多 佢仲用d勁無禮貌既語同我地講野 真係希望改善下。講番食物 鹽穌雞同菜都幾正 菜舖蛋都幾特別 不過佢其實只係厚d既菜舖蛋haha

今日和朋友往太子好媽媽食台灣菜, 我們點了鹽酥雞扒套餐,士林香腸、三杯雞套餐、鹽酥花枝丸和蜂蜜蘋果茶。餐廳間格好台灣風, 好活潑的感覺。鹽酥雞扒套餐有雲耳青瓜, 鹵肉飯和鹽酥雞扒, 鹽酥雞扒炸得乾身香脆可口,夠熱, 肉質鮮嫩；鹵肉飯飯夠熱, 鹵肉肉質鮮甜, 味道適中, 而雲耳青瓜不會太油,, 好爽口；士林香腸好香口, 入口鮮甜, 配上蒜頭食令香腸更口感豐富, 佐酒一流；三杯雞套餐獻汁夠香濃, 雞肉鮮嫩, 但略嫌骨位比較多碎骨, 食落不太方便, 如果骨位少d和辣味多一點口感更佳；鹽酥花枝丸好彈牙好爽口, 鹽酥味道剛剛好, 美味小吃；最後蜂蜜蘋果茶茶味香濃, 蘋果甜度適中, 配上蜂蜜好好飲, 冬日飲好有暖意, 餐廳食物美味,很適合朋友聚會, 高水準的台灣菜。

第2次幫親~好媽媽啦~~和上次食一樣~感覺很有家庭味道, 有小小媽媽煮野食既感覺!今次有明顯既改善~台灣牛肉麵,牛肉數量多了很多~麵身比起之前更為爽口今次主要試了新的飲品~當中都做得十分出色~第1個是湯類~ 好媽媽的湯類飲品都是十分香~不是快火湯料十足,材料會在湯底可見~飲品方面推薦紅棗茶~一黎健康,二黎十分好飲,三來夠大枝!~我叫完之後~我朋友飲完都想叫多杯來飲!台灣腸夠美, 味道以香為主~和街店的台灣腸十分不同~ 肥肉比較少~ 街店的肥肉很多~也不知道是用哪幾種肉混成以上為推薦食品可以一試^^

二月十四日情人節 可惜老公不在港要工作 所以我提前一日比左驚喜佢 book左間台灣菜館同佢撐枱腳係openrice睇到近近地 又未食過 就試下 當然佢實會揀牛肉面套餐 連飲品 $68 賣相唔同其他牛肉面 湯底較清 帶點甜 蘿蔔配菜亦入味 一碗牛肉面有兩款 牛腱軟淋有膠質 牛腩亦可口連凍蜂蜜綠茶 綠茶香食台灣野必試蚵仔大腸面線😇😇😇 另加$22 可選一款小食 大腸入味較有嚼頭連飲品添 三杯雞 熱辣辣 味道偏甜 啖啖肉 最後比菜脯蛋比薩吸引 好啦 叫埋 蛋香撲鼻 甜甜菜脯 軟滑得黎有脆脆咬下 胚芽珍珠奶茶 我最愛不太甜 珍珠剛好唔太硬 有咬口

如果依家聽到台灣野 你會諗起咩?你可能會諗起 炸雞拱 炸豬扒  等等好多煎炸油膩野但係今晚食完呢餐之後  其實都可以改變少少呢個觀念就黎到新年 都預自己會大飲大食 所以呢排真係唔係好敢食好多熱氣野所以今晚都想食返清少少咁多我地最先叫左個一人餐如果除返開咁計 有燉湯 有小食 有送 連埋杯野飲 先98 蚊係抵嫁蔭瓜鳳梨苦瓜雞湯雖然係用雞去燉呢個湯 但係丁點油膩感覺都冇老老實實 係有住家湯既感覺朋友見我飲 佢自己都忍唔住叫左盅黎佢話自己依家太熱氣。真係要飲返盅清清熱前菜我地簡左 一口皮蛋凍豆腐(跟餐)  + 涼伴苦瓜天氣雖然凍冰冰。但係食呢兩個小菜 真係開哂胃苦瓜苦中帶甜 好好味主菜 三杯雞+白飯 (跟餐)一人份量黎講 足夠有餘雞肉入味 肉質鮮嫩 口感不俗再配合埋杏鮑菇 個配搭好得意櫻花蝦炒高麗菜已經係我地叫既菜入面味道比較濃既一個菜黎嫁喇不過味道岩岩好飲品分別叫左香芋珍珠奶茶(跟餐) +蜂蜜蘋果杯香芋珍珠奶茶夠奶茶味 唔會話太水蜂蜜蘋果茶絕係秋冬滋潤之選蚵仔煎其實到最後都係忍唔住叫多個小食有係台灣去旅行時食既水準呀!!埋單每人唔洗150蚊 抵食 飽肚!

呢排上網睇到好多台灣特價機票，又冇時間去， 好想去食台灣嘢便立即相約朋友去尋尋覓覓尋找台灣野食。開openrice顯示這家排行榜比較好 當然要光顧一次幸好沒有選擇錯誤，我第一次在香港食到台北的味道 ，果然是台灣家鄉人製造 以往在香港食的台灣食品一是油膩 二是咸 這裏食的比較甜同埋好清淡另外奶茶都是同台灣一樣茶味比較重一來到座無虛席 就好肯定沒有選擇錯誤 有套餐 有單點 價錢也相當便宜三杯雞套餐+燙青菜+白飯+飲品 $69蚊 三杯雞味道一般 雞不夠味道 一啲酒味都冇 也有很多雞的碎骨 份量都適中 有菇類作底 配上一碗白飯香酥大雞排 $39皮酥 外脆內肉汁鮮嫩 食落不油膩 相信即叫即整 熱辣辣 有少少咸味但如果有辣粉配搭一流 但味道與我在台北食的也是一模一樣好媽媽滷肉飯 $23滷肉飯甜甜的汁 碎肉都比較多 再配上半熟滷水蛋 入灑味 連白飯作底 夠平又大碗抵食 蚵仔大腸麵線 $38麵線不羲不傑非常足料 啖啖食到蚵仔 好鮮嫩的口感 麵線好幼細 菜脯蛋披薩 $48菜脯脆脆的 蛋是半熟的一切流心到 甜甜的蛋香 蛋夠又滑身 味道特別士林香腸 $50 台灣香腸 就正如臘腸樣 半肥瘦 不油膩 作小食很好

『蚵仔大腸麵線』：好大碗嘅麵線，唔太濃又唔會太傑，好易入口，配上煙韌嘅大腸，啲蠔仔好滑，整體而言都唔錯『菜圃蛋』：附上切pizza嗰齒輪刀仔比你切開佢，好過引～份量夠2－3個人食。蛋同菜圃嘅比例啱啱好，口感十足『牛肉麵』：佢啲牛肉完全唔乾，咬落去係算軟熟。而個湯底味道唔算太清淡同啲麵條質感好煙韌，配埋啲蘿蔔簡直係超夾囉呢個配搭煙肉炒高麗菜：色澤好靚，咬落都脆口，應該幾新鮮。加上煙肉嘅咸香，提升咗整體味道呢個鹽酥雞食落都唔會太油膩同唔會太乾，大大舊，皮薄多肉，咬落去都有汁。佢同出邊嗰啲比相對地感覺冇咁熱氣，都幾好食~滷水拼盤：有牛腩、雞翼、大腸同豆腐。整體來講都幾入味，個人就覺得個大腸最好味，索晒啲滷水汁，又有𡁻口，正啊

「香酥大雞排」係最好食，外脆內軟又不油膩，再加上點少少淮鹽，有鹽酥雞的鬆脆美，還比鹽酥雞更為啖啖肉啊！此店必食之選...👍👍👍！呢個「蔭瓜鳳梨苦瓜雞湯」雖然湯料中有雞有蜆，但無乜肉味，幸好有少許苦瓜味，所以喜歡清啲嘅朋友會啱飲。「菜脯蛋Pizza」個名會令客人以為係Pizza，其實係菜脯豆腐煎蛋，幾有創意丫，這個餸飯還可以，如果人數少份量就太多了。不過鐘意香口既人應該都會食哂～「麻油雞烏龍麵」嗅到麻油味但食落就不太有麻油味了，相信係食店刻意泡製令這湯麵清淡啲又不會太油吧！烏龍麵的麵質頗好👍🏼，湯麵中有少少高麗菜清甜爽口，如果嗰湯有翻啲雞湯味就會更好了。👏🏼去台灣店食飯通常會叫滷肉飯，今次無叫就係因為見到這個「櫻花蝦炒飯」，所以就叫嚟試吓。果然無叫錯，唯一就是份量不够多，可能係櫻花蝦成本太高而食店又不想定價太高吧😂！其實如果加多少許份量相信把價錢由$48提升到$58或$68應該客人人數較多共同分享都可以接受的。👍😊「木魚炸豆腐」嘩！一食外脆內軟，再加上由番茄調制而成的酸甜汁，酸甜度適中，真的很適合女仕食。👍另外叫左2杯珍珠奶茶：甜味適中，但珍珠較韌。芋香味很香，比胚芽味好一點，個人喜愛前

很久沒跟媽媽到外面吃飯，平時晚餐都是在家裡吃，所有餸菜由媽媽一手包辦。💪🏻幾個月前吃過位於太子的好媽媽，覺得很不錯，決定這天帶媽媽來試試，同時也讓她休息一天，不用準備晚餐。😊由於上次已經來過，所以這次完全沒有迷路，太子站C出口再走7分鐘，便會看到好媽媽台灣館醒目的紅色店面。非常好，媽媽很喜歡紅色❤️，這正合她意。話說回來，我發現很多媽媽級的女性都很喜歡紅色，這餐廳的定位真是很清晰，而且很清楚中年女性的好惡！👍🏻服務員很有禮貌，她讓我們坐卡位，而且後來很勤的為我們收走吃完的碗碟。😘剛到的時候店內只有一、兩檯食客，心裡正在想怎麼這樣冷清，突然食客一個接一個走進來，像是約好似的，不一會便全場滿座。極度慶幸我們來早了10分鐘，可以舒舒服服的坐卡位。😎右邊的牆有一個很大的好媽媽圖案，食客抬頭便可以看見，邊吃邊看，就像在吃媽媽煮的住家菜似的。😍我們的座位上還有電視，簡直是五星級享受！🤠餐單是彩色印刷，為了令食客看的時候覺得有趣味，店主故意在菜單上加上星星圖案🌟⭐️和評語，例如是「必食」：最後我們點了五道菜5️⃣和兩杯飲品2️⃣。1. 傳統麻油雞🐓光是看樣子已覺得很像家常菜：一件件不油膩的雞，加上幾條菜，再加上

搭巴士日日都經過這家好媽媽台灣菜，晚上時間必定有人潮在門外等位，媽媽成日話想試下，今晚就同我既好媽媽來食反餐正宗台灣菜為了避過人潮，我們特意晚一點到，大概八時半，真的沒那麼人多，等一會就有位~打開餐牌，每款食物都附上圖片，款款都吸引！先來個前菜，皮蛋凍豆腐 $38豆腐是超市買到的包裝滑豆腐，特別在皮蛋打成蓉，配以特製醬料，清新得來又惹味！台式椒麻雞 $49燒雞脾肉外焦香微脆，肉嫩多汁，最驚喜是面頭的椒麻醬，麻而不辣，那麻香在咀裡揮之不去，味道令人難忘，必試香酥大雞排 $39除了椒麻，我們也點了較常見的香酥雞排，肉與同樣細嫩多肉汁，外皮炸得酥脆而不油膩。菜脯蛋披薩 $48媽媽指明要吃這個~蛋的部份非常鬆化，蛋味香濃，中間包裹著甜甜爽脆的菜脯，味道和口感都很驚喜也是必吃之選最後當然不少得珍珠奶茶，味道濃郁甜度剛好，珍珠有咬口不錯今餐媽媽非常滿意

特別要介紹呢個皮蛋凍豆腐 $38呢個豆腐好滑😍最緊要係個醬汁甜甜地好濃郁 同個皮蛋好夾😜整體好有口感🤗仲有呢到服務態度好好 加分👍🏼😘食物款式亦都好多 係新派嘅台灣菜🤓值得一試😇

在九龍區要吃正宗的台灣菜其實不多，這天與朋友放工後到太子逛街，朋友突然提議吃台菜，記得不遠處有一間不錯的台灣食店，所以就帶她來試試。我已經第二次來這裏吃飯，感覺依舊沒有太大變化，不過，這天的食客非常多，找到座位後，便開始查看餐牌。這裏的套餐非常抵食，而當中更有8大必食推介，加HK$22可任選台式飲品一杯及滷水雞翼/大腸/豆腐/白飯，另加HK$28更可配原盅蔭鳯梨苦瓜雞湯。本來很想試試套餐，可惜朋友一心想吃滷水拼盤，既然這樣，唯有散叫吧。滷水拼盤 - 自問不是重口味的人，所以，極愛吃這裏的滷味，入口時既有滷水的香味，但又不會死鹹，而拼盤內包括了豆腐、牛展、大腸及雞翼。大腸口感煙韌有嚼勁，而且不會過於肥膩，而豆腐入口細滑，帶有淡淡的滷味鹹香，牛展軟淋帶有點牛筋，挺Q彈的，而雞翼非常入味，肉質嫰滑，肉汁亦非常豐富，推介。 好媽媽滷肉飯 - 滷肉飯的賣相不錯，而且還配上半流心蛋，以HK$23來說，個人認為挺抵食的，滷汁味道香濃，而滷肉甘香不鹹膩，不過，份量就是少了一點，拌飯的話有點不夠吃，若能加大份量的話，相信會更加好。 蚵仔煎 - 說實，它的味道與我在台灣旅行時吃到的，簡直就是一模一樣，蚵