好好上海小館 (已結業)

路經這家好好上海小館，門口卻又大大隻字寫著馳名四川擔擔麵，一時間被弄糊塗了，到底是什麼葫蘆賣什麼藥? 決定進去一看究竟。不用想太多，一碗豬扒擔擔麵就行。像詠黎園的大碗湯底，是有少許辣，卻沒半點麻香，是吃擔擔麵的大忌。加之，麵條不爽不滑，真的難食，即使喜愛擔擔麵的我，也沒吃了太多。豬扒味道則普通，未至要彈，但就沒有驚喜。叫杯凍豆漿，完全感受不到豆香，唯一好處是夠冰凍。看見阿姐在包雲吞，原本都想試試，不過吃過以上的食物後，最終放棄了，寧可出外而溝貨。

下課後肚子餓了 看門外張貼推出優惠 就吃碗麵吧.雪菜毛豆麵 $14點了粗麵 口感像較滑的烏冬.雪菜是好少 毛豆相比下較多的 鹹鹹的 也不錯整體1.侍應阿姐有禮貌的2.假若不是特價的話 都不會光顧。因為原價是$24 太普通的一碗麵 奈何我看不出有什麼需要巧功夫的樣子

中午一時正入鋪頭，當然唔係話有一張枱俾我地兩位，但要搵位都唔難，但一定需要搭枱。入面佈置簡單，但感覺光鮮光猛，覺得幾乾淨。我們點了北京水餃(23蚊)，男友點的是牛展面加3蚊轉拉面。拉面爽口一點，幾好味道。牛展對我來說淡了些，但男友話好味。至於我的北京水餃，大大隻，料方面都幾好味，肉唔會覺得肥，加一點點韮菜，味道是不錯，可是我嫌皮是厚了一點。發覺好似好單調咁，就決定試埋佢既薰魚(17蚊)同一碟冷盤既類似炒三絲(13蚊)既餸，冷的炒三絲有豆干，麻油味好香，芹菜好爽，唔錯。至於薰魚，味道唔太甜，剛剛好，本來是好好的，只是食到一件比較厚身的薰魚，入面是未溶雪的感覺，好像咬緊雪米滋一樣，呢樣真係唔掂，但另一件比較薄的薰魚就完完全全是扺讚之作，味道甜而不膩，吃得很滋味！埋單只係八十多元，抵食！

七．一前夕, 相約老公係尖咀等!今日本來已經好開心, 因為爸媽係上海回來, 除了買左蠶絲被俾家姐做嫁妝外!!原來, 還有買 蠶絲床墊給我 (因為我已嫁左架la!!) 真係好開心佢地冇忘記我bor..!!會合老公後, 老公主動提出上左openrice睇左食評話呢間好好, 真係好抵食! 咁我地就來試下啦!!好開心....老公咁主動揾餐廳!!去到好好, 可能還早, 店內 有4-5枱客人, 老闆娘很好地招呼我們坐下, 不過 就有大家都一致講既果番說話 轉頭有卡位, 會轉番卡位俾你!!) <---- 第一下聽到都會覺得服務幾好, 不過當上來看到後, 就知道係老闆娘一貫既作風.......我們點左 $118 餐 (小菜可以加 一元多一小碟) 一元小菜, 有粉皮, 小排骨, 及 醉雞 選擇我們主菜點了醉雞及師子頭, 包二碗湯! 雖然是日湯係粟米湯, 但老闆娘主動提議我們可以一碗粟米湯, 一碗酸辣湯!我們另外要了一碗白飯!先上二碗湯及 加 1元的無鍚小排骨因為湯的份量很多, 所以一碗飯 share吃, 真的已很飽, 差不多吃飽之時, 老闆娘走過來問我們夠唔夠吃.....我連忙說夠了....點

做完Facial 後已差唔多九點, 急急忙忙搵地方開餐本身都唔見肚餓印象中佢地既上海云吞唔錯。而且仲係賣緊 $10/碗 今時今日既價錢係 $25 見到鎮江小排骨特價＄13　於是又點了一客先黎係鎮江小排骨, 汁酸酸甜甜好開胃, 但排骨肉質非常 “un”, 好難咬得開, 食左一小碟有一半係吐返出黎架 上海云吞 : 有食 7-8 隻, 份量太大, 好像越食越有的, 會變得唔珍惜 有時真係情願做到貴精不貴多, 大碗而唔好食既咪又係浪費 湯: 無味 云吞: 上海式厚皮, 豬肉涵又係淡味 食完口啖啖 … 罷鬼 ~

17-09-09晚上我和友人都在不同的地方下課, 便領他到呢到食野四圍都關門, 但呢度都仲有得食, 不錯~友人叫了豬排四川担担面, 個湯底很香, 辣辣地, 豬排冇話特別唔好食, 幾正~我叫了甜酸薰魚面, 呢個先特別, 因為佢舊魚好大, 而且甜酸甜酸, 湯底清清地, 同担担面有不同的風味~另外友人叫了一杯豆漿, ok~個阿姐掛住傾計, 同佢講左2次野都聽唔到, 唔理我, 呢個就差d啊~友人都話不錯, 下次有機會再來光臨~

由開張幫襯到而家，諗起當年流行擔擔麵，老闆極力研製自己既配方果段日之，仲歷歷在目。你話好好D野，超好咩？唔係。你話佢差咩？又唔係。咁佢有咩特別呢？好好特別處，就係以佢地呢個價錢來講既北方野，有咁既水平，係好抵食，好難得。同類型既小館，其實好少。睇下荃灣做到佐敦既唯一有幾差，或者灣仔水餃大皇有幾貴（亦唔好食），就覺得好好確係好好。佢地今時今日仍然維持每日一款特價水餃云吞，真係難得，亦係些善事，真係造福區內唔少老人家。推介佢地既云吞，水餃，紅油抄手特別和味。擔擔麵好食過好多地方，包括金滬庭。佢地既麵條無咩特別，不過放麵放得好，唔會太軟或者爛，講就無咩出其，但係咁有心機係好難得。不得不提仲有佢地既小排骨同菜飯。冷盤都做得好好。酸辣湯好過晒上面講果幾間。小菜方面，推介鱔糊，大館子水準，仲有干扁四季豆，好惹味。如果無左好好，一間有時趕時間隨便吃都咁抵咁好食既小館子，會係好多人既損失。簡單食個北方麵條，食個北方云吞水餃，有一定水準，你估真係好易？！

我同fd2個人食叫左小排骨面, 淨雲吞又唔係好食, 又唔係難食, 真係好普通22蚊包豆漿, 加5蚊有一碟都幾多o既菜真係好底, 22蚊比唔難食o既野你填飽肚, 我比個笑佢啦!

這裡多款好味上海麵食, 價錢合理, 下午茶時間都係$25, 又有豆漿送小籠包就真係幾好食,皮薄,多汁,夾來食果陣時又唔易爆,真係一流雞絲粉皮加左d花生粒,非常好吃,但是粉皮份量小左D本人最欣賞既係小排骨唔油,幾好食擔擔麵 個湯真係好有花生味, 夠濃, 夠香, 麵質都ok酸辣湯- 超難食，一D酸味道的感覺都冇，根本就唔係酸辣湯四眼阿姐仲會話俾你知邊樣o野抵食同好味添。伙計做野快手裝修.非常普通

呢排口痕痕 想食上海菜但係又唔知佐敦邊度有得食經過同事介紹後 終於都去左呢間好好入到去同女朋友坐低 個場個環境一般但d丫姐睇落都幾友善 仲有個後生仔係度做 都幾靚仔=0=跟住睇meun啦 雖然唔平 但都唔太貴最後我地兩個就點左個紅油抄手 水煮肥牛 豬排擔擔面 仲有個甜品 豆沙窩餅d野都幾得幾快手 個紅油抄手d蒜味真係冇得頂 勁香勁濃 好常開胃之後個水煮肥牛 唔係講笑 spicy到爆啦 正!豬排擔擔面 個面就冇咩特別 但係塊豬排又幾好食最後個豆沙窩餅 都真係幾好味 好香豆沙味 又唔係太油膩最後埋單都係200$度 抵食 下次會同朋友再黎過不過唯一唔多得既就係個廁所 不過算啦 間野咁細都有廁所 算唔錯啦

$22有一碗麵及一杯豆漿都真係好平. 不過味道真係有改變空間.擔擔面- 有小小花生, 好小好小既肉碎個湯無咩味只係有好咸既炸菜. 麵太糊了.整體無咩味, 唔難食, 不過真係有好大既改善空間.

一個大好星期日，一家人一齊出動去搵食，最後決定到佐敦的好好。幾年前開始已經間唔中來依到，好奇怪地家中每人都有自己喜歡既菜式。爸爸同小雞喜歡佢既擔擔麵，我喜歡紅油抄手，而媽媽喜歡佢既小排骨菜飯。每次亦都例牌叫晒依三樣野，今次都唔例外。豬扒擔擔麵既豬扒一睇就覺得乾，食落都好乾。不緊要，精華在於個湯! 但大家都發覺到佢花生等配料冇以前落得咁多，個湯感覺上冇以前咁香濃，好普通，比以前失色不少。對個麵失望，但好在紅油抄手仍然同以前一樣咁多料。個阿姐捧緊來既時候已經聞到D強烈既蒜頭味湧緊過來! 生蒜...蔥花...甜豉油...紅油...加埋將普通既抄手變得非常好食! 好鐘意佢地一D都唔孤寒，更鐘意佢地既生蒜! 食頭幾粒的感覺好刺激，之後愈食愈西利，最後要不停咁飲豆漿解辣...不過好滿足，即使之後個口臭左成日都好值得的哈哈哈!食完個抄手唔夠，食少少媽媽的滇江小排骨菜飯。小排骨唔係特別入味，個汁都冇咩特別。埋單都唔平...但唯一覺得好食的就只有個紅油抄手...亦都會係我會再來既唯一原因...希望好好好好咁堅守住佢唯一仲係整得好既野食!

一個人路過, 記起朋友說她的擔擔麵好味, 就放棄回家吃糭子. 踏進店裡才發現時間尚早, 剛開店, 伙記圍了一枱在吃飯……要吃飯中的伙記招乎我一個真不好意……所以不敢點十四元的平價東西, 見$58的一人套餐可以吃擔擔麵 + 醉雞/ 醉轉彎 + 湯 / 豆漿, 便點了醉雞 -- 我猜想是原碟冷藏, 上桌前除去保鮮紙淋少少醉雞汁的貨式, 因為碟也是凍的! 用的是雪藏雞, 肉質極“霉”, 酒味完全跟香醇脫離了關係, “淡某某; 霉琳淋” 徹徹底底的差勁之作.擔擔麵 -- 不是我吃過最差的, 但也好不到那裡, 麵仍未淥熟, 芯是粉粉的, 唯有放一會讓它浸熟, 不過這樣做麵就糊了, 湯味空泛, 味道不濃又無花生香……豆槳 -- 老板娘 (?) 說無糖的是“生漿”很難得, 那就 要了一杯熱的, 怎知老板娘在微波爐中拿了不知什麼時候叮好了的“生漿”給我, 是微暖的, 應該說是放得差不多涼了吧. 我不敢問為什麼不熱? 因為我猜想她只會給我原杯翻叮吧? 我怕翻叮的原因是那隻杯其實可不可以放入微波爐???? 如果受熱低於140度的容器是不應放進微波爐的! 我喝了一口已發現有輕徵的膠味……

前後食過呢間兩次, 兩次都係外賣, 佢地外賣係極速, 呢頭俾錢, 轉個頭就搞掂!!快!!!!上海粗炒 - 配料好足, 油略多.....食完一口都係油...小排骨菜飯 - 個菜飯好多菜, 小排骨酸酸甜甜, 餸飯一流, 但唔太夠熱! - 咸魚雞粒炒飯, 一打開成個盒都係飯, 滿晒, 根本食唔晒, 同埋好香鹹魚味, d飯炒得岩岩好, 一粒粒咁, 唔會黏堆一齊

這裡D伙記服務好.價錢合理.中午12:00不用等位叫咗:小籠包 皮薄饀靚, 單看外表已經看到美味。上海炒年糕.很地道的口味, 濃得化不開的醬汁加上香軟的上海年糕,雲吞是菜肉雲吞, 很清的味道, 口感好正.與炒年糕相映成趣。美中不足的是這裡太多人, 很吵, 要談話很是困難。但是食完就埋單走lu