好好上海小館 (已結業)

今日同老公出尖沙咀剪頭髮, 因為我今日好想食餃子, 所以剪髮前來這裡先醫我的肚, 滿足一下我的小願望老公對上海食物毫無興趣, 所以這餐就只有我吃, 沒有老公的份兒水餃真的好抵食, 一碗八隻才不過$14, 又是我很喜歡的那種北方餃子, 皮厚有咬口, 肉少菜多味道很濃和多汁, 份量剛剛好, 我吃得津津樂道, 很好味道另點凍荳漿一杯, 荳漿亦很好, 新鮮有荳味, 不過荳漿價錢相對上偏貴, 要$8/杯。我已吃得飽飽很滿足了, 咁老公呢? 那當然下一站去他想去的食店, 滿足他的願望啦!

好耐無黎過食飯,夜晚開完OT立刻趕來晚餐十點左右黎到.有唔少人環境很吵叫左小籠飽.另外加一樣點心雞絲粉皮.重有酸辣湯小籠飽: 熱辣辣，很juicy，好味道雞絲粉皮:麻醬又多，粉皮又好滑.超讚.不過可惜太細碟酸辣湯: 料多但湯比較希，唔酸又唔辣，但仍可接受食物出得好快!但沒有什麼服務真係好經濟免茶芥、免加一.埋單才$58

哈哈，又去d我未去過既食肆！叫左兩個唔同既set，包括：紅油抄手：個汁唔太辣，有好多好多蒜蓉係面，所以個味超濃，都幾好味。之後留番d汁撈上海粗炒仲好味。上海粗炒：淡左dd，但係用左紅油抄手d汁調味又幾夾。醉雞：叫錯野囉，因為有人唔食雞。味道ok，不過勁少肉，似d頭頭尾尾咁。雞絲粉皮：好好味，多d麻醬就仲好啦。粟米羹：濃淡適中，似一般家常飲到既粟米湯。豆漿：ok之後追加左一個豆沙窩餅上車食，豆沙餡都幾多。不過始終係外賣，雖然仲熱，但都係腍左d。

見店內處處寫著正宗上海菜想住可以食到好味的擔擔麵點知.. 湯水太多, 稀lung lung得d花生粒.. 不是好綿的花生醬d麵又唔好味加食左鱔芋年糕.. 係淡mao mao的---唔會再去呢度食呀!

師傅自問喺呢一區都算地膽, 但唔知點解次次都冇黎試過, 唔知係地點唔算太就腳定係咁啱唔想去呢? 上星期一離開監房, 個肚子餓到半死, 好唔容易返番黎呢區, 於是決定食好少少, 就揀左呢間食店作為晚餐!入到去唔算多人, 可能係比較夜的關係, 坐底即刻睇下有咩好食, 最後揀左一人用嘅至尊醉雞擔擔拉麵套餐, 套餐以雞為主題, 再配上拉麵或飯或餃子, 然後跟一款飲品; 雞有花雕醉雞, 醉轉彎或四川口水雞可以揀, 而師傅揀左四川口水雞; 再配上招牌擔擔麵或紅油抄手或 鎮江排骨菜飯, 而師傅就揀左招牌擔擔麵; 飲品就有酸辣湯或靚羹或豆漿, 師傅就揀左酸辣湯, 實係食個三辣套餐!等左一陣率先登場嘅係酸辣湯, 酸辣湯嘅料幾足, 有豆腐乾, 冬菇, 湯底夠辣夠酸, 味道搶口, 絕對得喎; 四川口水雞嘅雞身好滑, 肉身唔韌加上骨唔算多, 而且味道麻辣, 非常惹味, 真係好鬼正; 招牌擔擔麵嘅麵身煙煙韌韌, 湯底係帶辣, 可惜並不是咁出色, 加上花生幾硬, 扣少少分, 三樣食物以呢款最差!總括而言食物質素著實不賴, 地方同服務算係中規中舉, 價錢又唔算太貴, 五十八蚊一個套餐, 三種款式嘅食物, 絕對稱得上

早幾年搵擔擔麵, 見openrice d comment 唔錯, 去試試..個湯真係好有花生味, 夠濃, 夠香, 麵質都ok!點知近2次去 Jordon 剪頭髮, 再去食擔擔麵, 我可以用難食去形容....個湯似水, 加左d辣+花生粒, 咁都算係擔擔麵??? 我食左2啖麵,再加d雞絲粉皮 就埋埋單走人...難食到我都唔敢再試....

由於工作關係經常吃外賣 , 好多時最怕叫外賣 , 因為唔知等幾耐 , 有些外賣3送飯閒閒地說需要 45分鐘才能送到 , 等待實在痛苦.... 但這"好好" 近期都算多次外賣 , 時間就非常快 , 幾乎落 order 計 , 10-15分鐘內必到 ..... 這點算是我最欣賞此店舖....講回食物 及服務 , 先講下接電話 , 可幸是我未有其他前文食家遇到的不禮待遇 , 反而是電話落 order 都非常熱情有禮 , 堂食我就未試過 , 而食物 我都叫過好幾款 , 小排骨菜飯 , 擔擔豬扒湯麵 , 紅油炒手 , 上海粗炒 , 豬扒炒粗等~~~~....速度都算係極快送到 , 但水準講真說 , 不穩定 , 有時d 粗炒就落足醬油 , 但有時就唔知是否忙到落漏左淡得很 , 小排骨亦是 , 有時就乾爭爭 好硬 , 有時就水準之作 .... 擔擔豬扒面又係咁 , 湯底一時時 , 濃淡好大分別............. 但論價錢 .......... 如果食唔到 set , 感覺就好貴 , 有次叫了紅油抄手 , 28.00 , 好似5-6粒..... 好唔抵 . 下次唔會再叫

今天晚上路經這裡，看到有「上海湯粗麵」，就入內試它一試。雖說我記憶中，這東西應該叫「上海粗湯麵」。有點點不安呢，連名字也錯了。落單時嬸嬸問我要不要白灼菜，五元一份，還用很熱情的語氣告訴我「是生菜丫！」，覺得有點好笑，也就要了一份。先放下一杯凍豆漿（可以挑熱的，跟餐）。豆味尚可，甜度也適中呢。接下來是生菜。份量比我想像中要多得多！嚇了我一跳呢。同枱的女士似乎也被嚇著了，還用好奇的眼神盯了我好一會　＝＝而主角「上海湯粗麵」就完全不行了。單看賣相，那些白雪雪的烏冬已經清清楚楚地告訴你「我不正宗，我不好吃」！如果把它當普遍麵條，味道還是偏淡呢。和真正的上海粗湯麵比起來，相差九條街呀！服務倒是很好。可能因為人不多吧，嬸嬸們都挺有趣的。

我在中午1時左右到此店買外賣, 叫了朱扒菜反,上海粗炒,及小排骨,我都不是第一次光顧, 平時外賣小排骨都是依照海報上的價格$12, 但今次去到個cashier ( 長髮, 目露兇光) 說要收我$16, 而且, 態度非常差, 沒有禮貌, ( 聽到她接外賣電話態度也是一樣差......) 之後,我再問她,明明海報上寫住$12 (堂食及外賣自取)她卻說寫錯了....但這海報最少放了半年以上, 那不就是騙客人嗎? 我再與她理論, 她用很沒有禮物的態度說, 想殺人咁款, 一向都是收這個價錢的!後來, 由另外一位女店員(短髮, 帶眼鏡) 主動給回我$4, 不過, 我也不會有下次的!

之前堂食過一次，晚上返到屋企都覺得口渴，但完全無覺得系食物的問題。今日又去食左一次，要了排骨菜飯，飲了2啖湯羹，10分鐘后返到屋企，一直飲水都覺得口喝，我估計系湯羹勁多味精。不過，D排骨都幾好味。或者下次飲豆漿會好D。

好少行過柯士甸道呢邊，原來都有間幾旺場的上海野。我地叫左一個野菜拉麵同一個鎮江骨菜飯。個拉麵好似ｄ公仔拉麵咁，有陣鹼水味，但都幾多料既。個鎮江骨幾好味，ｄ菜幾爽口，唔似得有ｄ菜飯ｄ菜又腍又黃。佢ｄ骨唔硬又味道適中，可以連骨都食埋（因為炸的）。個阿姐的服務態度唔錯，成日同人搭訕問好唔好食。

和女朋友的另一個老地方以前喜歡紅油抄手現在, 想吃得平一點就來了. 每一次來都很多人, 但阿姐依舊.今天放工想找東西吃, 酷愛酸辣湯的女朋友和我點了一個酸辣湯麵. 想不到未到7點, 可以22蚊仲多一杯豆漿. 味道沒有之前的濃, 卻易了入口. 這裡的酸辣湯很濃味, 很多人都說怪, 但我們卻有點喜歡. 比起另一些食店, 這裡的酸辣湯十分足料, 已是難得了.想不到大家都不喜歡那位阿姐, 但我又沒有太大反感, 覺得她很友善.

今日返學得一個人食飯，就在學校隔鄰的上海店開餐，入到店內坐低，阿姐話仲有下午茶餐，反正不想食得太飽，所以叫了一碗上海雲吞幼麵+豆漿，阿姐問要凍or熱，我要熱的，送嚟嘅所謂熱就係..少暖咋！碗麵嚟到，份量不多，預左，因為只是21元的茶餐罷，但雲吞煮到過晒火，一挾隻雲吞就爛，冇牙嘅人食都應該冇問題！啲麵就煮得ok，如果再煮耐少少仲好。服務阿姐本來冇咩問題，但果個收銀阿嬸，收錢淨係同人傾計，唔通你要我等你同人""嗲""完先收我錢呀？

放工後同老婆去文化中心睇電影節前，來這裡晚餐。酸辣湯- 超難食，勁重胡椒粉味，根本就唔係酸辣湯，係怪味胡椒粉湯。雞絲粉皮- 好細碟，中規中矩，花生醬夠。擔擔麵- 花生醬好少，唔夠味，個湯好稀，麵普通。煎水餃- 算係全晚最好食的，餡夠味。個多咀阿姐態度很差，我們入去果時冇卡位，其實我地都冇要求卡位的，但多咀阿姐話下一張卡位比我地，咁我地就話OK。多咀阿姐不停PUSH我地叫野食，佢好似埋怨我地叫左好少野食咁。之後有卡位，佢竟然比左我地之後入來食野的2位女士! 其實我地唔係一定要坐卡位，只不過唔好講左之後，轉頭又大大聲咁比我地之後入來的人，總之整體都很差。

雖然只係食個呢度0既水餃,但係服務真係超差!個阿嬸伙記見我只係叫水餃就sell我叫埋豆漿,但係$7杯真係覺得貴而冇叫,結果就俾人白鴿眼,好似唔叫豆漿淨食水餃有罪,態度超差!講真d水餃又唔係特別好食,我做咩要再0黎服佢氣呀!!絕對唔好再來!