好好上海小館 (已結業)

平時係附近返工，都無咩機會過嚟Lunch😫難得星期五晚收工後無人約，可以一支公想食咩就食咩突然回想去年寒冬嚟呢道食過一餐暖笠笠的晚餐就口水流上次點了棒棒雞+薰魚菜飯兩樣都非常正今次改試醉雞+擔擔麵點知中哂伏冰凍豆醬一杯到戲玉了！擔擔麵！呢個唔係我認識嘅擔擔麵明明經常四圍食唔同店家的擔擔麵都好惹味，為什麼今晚呢一個淡而無味？好失望！湯不濃...麵不彈...料不多...因為呢個擔擔麵，我決定以後都唔會再來了🌚這碗失望的擔擔麵，實在難以放在一家上海菜館的餐牌上吧先不說為何頭盤的醉雞會係擔擔麵食到一半時才上枱...見耐無食醉雞，點了做頭盤但真的失望，完全無酒香和味道，只食到苦味+苦味這店真的令我有點失望，食物質素不穩定，所以我想應該再也沒有什麼原因令我想再來了

係公司附近食到變飯堂咁濟😂鋪頭細細但食物嘅選擇 味道同姐姐都叫人每個星期忍唔住黎😋今日叫左炸雞中翼擔擔麵雞翼夠大隻岩岩上個陣仲好脆佢地擔擔面個湯真係超正好重花生味😋辣味就唔係好勁但都可以再加辣椒油🌶🌶仲有其他野都好好食架😋

經常係附近上課，所以之前試過另外幾間食餃子嘅店。（我係超級中意食餃子的）上openrice見到呢間都有餃子，所以就想試！叫咗個水餃拼雲吞麵(即係韮菜餃同白菜雲吞)，點知一黎到有啲失望🙁雲吞皮已經爆開咗。對於好中意食餃子嘅我黎講，爆開咗個皮即係入面啲汁走哂出黎，隻餃子/雲吞會變得淡味...而佢個麵係類似梘水麵既幼麵（我比較討厭呢種麵，不過純粹個人口味），我以為去上海菜館食嘅麵會係上海拉麵...冇諗過原來餐牌上面有寫轉拉麵加$2...我諗下次會去番其他附近嘅上海麵店食🙁🙁因爲唔洗加錢本身就跟上海麵。

無論任何時間行經佐敦，都會想來好好吃碗上海餛飩，喜歡它簡簡單單，滿有媽媽味道。今天下午約了朋友在尖沙咀行街，趁時間還早，趕快行來佐敦，吃碗上海餛飩。好好是一個小店，環境衞生和大集團食店有一定區別，但說到味道就未必輸俾大集團食店，世事往往就是這樣，有時很難兩者兼得😂

第一次來，一試擔擔麵餐送飲品35元，加18元有餃子。個人其實擔擔麵和餃子都挺令人失望，餃子不新鮮而且放在水裡面過久，麵亦都比較少，質地非常一般，湯很淡沒有足料。店員就和藹可親，少甜豆漿很不錯。

最近鐘意食上海野 同老公黎到呢間米芝蓮試下午茶老實說 環境似好地道既茶記 不過店員服務很好又好好禮貌！ 即使第一次食都覺得好有親切感！我最愛食肉 叫左蘇式豬扒面$35絕對抵食！好多豬扒 不過我覺得豬扒有少少薑味 可能奄時有薑 湯底較淡 豆漿正常老公食水餃面 店員好細心提醒有九菜！實在太細心❤️❤️❤️❤️因為我唔食架 不過老公ok 所以照叫睇下幾大隻幾多餡！不過因為湯底偏淡 所以老公自己落左辣椒油😂總括來說 正常味道 想平試米之蓮同感受下店員人情味可一試！

經常經過呢間餐廳，終於入去試一次。內裡唔太大，坐一邊卡位，有啲逼。坐低侍應即刻比一大堆餐牌，全部都係啲套餐set，可能以為我地係遊客，想我地叫大餐。我同侍應講，話要門面貼出黎啲餐牌，開頭唔願意比，話夜晚得set，我地好錯愕，之後先話有單點餐牌。然後侍應態度開始轉變，開始推我地啲餐具埋邊，話人多要搭枱，但明明仲有空枱，前面卡位淨係坐一個人又唔搞佢啲餐具，可能人地食餐set 我地就食單點食物叫水無水，催單無催，傳菜係"倩"落枱，碗麵啲湯水係倒瀉，好似好唔想serve 我地。中立嘅，啲野食係幾好食，雞肉會麵好食，水餃麵都好食，雖然份量唔多，不過足料。不過一食完，侍應就即刻秒速清哂我地枱面，準備serve 下一個客，完全無得食飽坐陣。食物ok，但唔會再試。

路過柯士甸道，看見這間豪不起眼的上海小店，但就有不少人在門口等位，再看看，見到店外貼了兩張米芝蓮的海報，原來小店是2014和2015的米芝蓮三星級食肆，於是決定一試。炒鱔糊客飯（$52）炒鱔糊客飯包括一碗白飯和一杯豆漿，鱔片質感有啲「梅」，沒有彈牙的感覺，韮王只得數條，卻用上大量芽菜，本來濃味的汁料也因芽菜出水令整個菜水汪汪。冷盆百搭套餐（$68）可自選兩款冷盆，我們選了鎮江小排骨配油炆荀，味道一般，顏色不太吸引。套餐中，選了蘇式豬扒麵，豬扒炸得香脆，麵條都是和一般上海麵一般，沒有什麼特別。酸辣湯也是套餐包括的，但味道比較酸。擔擔麵/口水雞套餐（$68）擔擔麵的湯有濃濃的花生麻醬味，這個麵可選大中小辣，這是走辣。這個口水雞的醬料比較鹹，雞肉都嫩滑。套餐還有一杯豆漿。

不要期望過高，但是，各方面也悏意的小舘，食物可以，港店通病：地方窄但唔過份，阿姐大聲但有禮貌。菜式傳統為主，份量夠。但不乏有新意菜式。價格好抵，響佐敦一帶係超高性價比之選。

今日工作，午飯時間，剛好在佐敦一帶，又咁啱經過好久沒幫襯的好好上海小館，見到唔多人（十二點半），諗咗一秒，就入去開飯喇！！擔擔豬扒面，上枱時見到湯底的顏色，感覺好足料，不過都係要食過先知。食面時，我第一件事永遠都是飲啖湯先講。湯底的用料足，濃濃的花生香味，漫漫的在咀面散開，點了少辣，一點惹味、又不會難受，正，最重要是單喝湯也不會覺得油膩。豬排是正宗的上海排骨，其實就是帶骨的豬排，豬排一咬就可，絕對不韌，味道好。面是用了幼面，少許彈牙。

話說朋友話今晚同我去食間米芝蓮三星菜館。我心諗，咁咪好貴？點知去到，竟然係我最鍾意的地方小鋪，9點去到都要等位等5分鐘，睇黎真係幾旺場。本身重驚緊米芝蓮食府會好貴，點知一拎個餐牌去睇？咁抵？有冇搞錯。8個菜都只係688蚊？真係驚喜！一坐低，幾個大姐都好客咁介紹有咩好食，態度勁Nice~口水雞的雞肉嫩滑，表層的辣醬料好香，食落口唔會覺得好辣，但有少許麻香的味道。食完呢個小菜，馬上開胃。本身砂窩雲吞雞只係賣98蚊，呢個套餐係Double Size，都只係$198，勁抵食！湯頭清甜，入口好舒服，白菜味好濃，冇飲到味精的感覺。而雲吞就全部非常足料，每粒都脹卜卜，入面包住新鮮的豬肉丶菜，口感好紮實。雞肉都算嫩滑，雞味亦都算幾香。味道非常濃的金腿奶油娃娃菜，以奶油為主要醬料，味道好濃好香。加上表層撒下金華火腿帶來的鮮咸味，為娃娃菜帶來豐富的味道。醉雞，味道唔算太濃，岩一些平時唔係好鍾意食酒味重的朋友去嘗試。雞脾位置，啖啖肉，而且夠哂嫩滑。唔錯！桂花魚的魚身嫩滑，而表層的魚皮經過油炸後，魚皮下的脂肪得以活化。而且紅燒汁唔會太咸而搶去魚的鮮味，非常難得的一道菜！鍋氣十足的炒鱔糊，鱔身脆口，肉質結實，加

其實成日都經過呢條街，一直無食過呢間上海小店，今晚諗唔到食咩，一於試下我同老公叫左2個客飯套餐，每個客飯餐有2碗飯，都幾抵食先黎酸辣湯呢個湯真係超。級。酸！酸到入唔到口回鍋肉佢係用豬頸肉唔係腩肉，味道都唔錯亦唔會太油膩獅子頭已經好耐無食過好食既獅子頭真心覺得呢個獅子頭整得幾好味肉質好腍！擔擔麵叫左中辣，但食落都唔覺辣但味道都唔錯麵質煙韌彈牙湯底都好有花生味！

突然想食嫩雞煨麵，屋企人話山林道嗰頭有上海食店，所以就係Open rice 搵到呢度試下~下午1點鐘，人頭湧湧！有d人係買外賣....呢間上海館似乎好多人幫襯喎！呢個只係其中一個餐牌，睇落選擇好多，其實我對菜飯同擔擔麵都好有興趣，不過實在太掛住上海麵就叫返嫩雞煨麵食~ $46餐，以嚟區嚟講算幾平價湯羮，略兼太少料，湯同料連結唔夠，就會食得好唔順，味道亦淡淡的，很一般。嫩雞煨麵，我從小就鍾意食，所以間唔中都搵嚟回味下。因為我食過好好食嘅，所以要求特別高。麵質煮得過左就會糊左亦會太淋，呢碗係合格無呢個情況的，雞同切白菜份量適中，重點就係湯底做成點了。湯底清清地，味道單一，無乜雞香味，只是普通清湯味道。配料另外有少少菇同荀，呢2種配料咁岩都合我心水~整體勉勉合格以$46餐嚟講，算係幾抵食，只係喺呢2款食物中，我回味唔到上海風味。🤔

講呢度好，係價錢取勝，店員服務好親切，而食物方面就好一般。糖醋排骨，太甜了，而且肥肉也很多，要揀嚟食，肉也偏硬，姐姐在我身後勺起小排骨再放入微波爐叮，那一刻真係笑了。酸辣湯雲吞有四粒，一大碗湯，只可惜湯不酸也不辣。食剩很多，實在浪費了。賣單68元。

與愛食麵的日本友人找到間上海店，這上海店有客飯和麵食，我們叫了豬排擔擔麵，牛肉擔擔麵，菜和紅油手。一個餐有菜，麵和豆漿，上菜也十分快，地方比較細，圓桌比較坐得多人，但也會有背碰背的情況，多是快食快走。豬排和牛肉擔擔面的麵都不錯，好香擔擔醬味，豬排和牛肉都好入味。紅油炒手，都有些辣，份量一般，更多蒜(推).