好好上海小館 (已結業)

經常經過呢間餐廳，終於入去試一次。內裡唔太大，坐一邊卡位，有啲逼。坐低侍應即刻比一大堆餐牌，全部都係啲套餐set，可能以為我地係遊客，想我地叫大餐。我同侍應講，話要門面貼出黎啲餐牌，開頭唔願意比，話夜晚得set，我地好錯愕，之後先話有單點餐牌。然後侍應態度開始轉變，開始推我地啲餐具埋邊，話人多要搭枱，但明明仲有空枱，前面卡位淨係坐一個人又唔搞佢啲餐具，可能人地食餐set 我地就食單點食物叫水無水，催單無催，傳菜係"倩"落枱，碗麵啲湯水係倒瀉，好似好唔想serve 我地。中立嘅，啲野食係幾好食，雞肉會麵好食，水餃麵都好食，雖然份量唔多，不過足料。不過一食完，侍應就即刻秒速清哂我地枱面，準備serve 下一個客，完全無得食飽坐陣。食物ok，但唔會再試。