好好上海小館 (已結業)

琴日約左朋友仔o係附近食飯記得食過旺角唔錯加上唔太餓又入黎食個午飯叫左煄魚粗麵餐同水餃粗麵餐煄魚～煄魚甜甜地又唔油,加埋放o係湯面既雪菜,好好食,olivian果然係無介紹錯粗麵～似烏冬多d,但都算煙韌,好有咬口水餃～雖然個皮厚左d,但係人地話呢d先係正宗,我個人就無乜所謂,至重要係個餡好味,菜多肉少又唔錯呀!個餐包埋豆漿,豆味唔算濃,但又唔算好甜,過得去啦但一碗麵包埋一杯豆漿都只係18蚊咁抵唔怪得咁多人啦服務真係唔錯雖然我坐低先朋友仔後到我話叫住一碗先阿姐都好好咁話"唔緊要啦,慢慢丫"

見有些人話這裏服務差, 可能我次次黎都係食晚飯, 服務會不同吧! 以這種規模的食店真係算不錯了!講真, 那些食物不算特別好食, 但事實上也不差, 平也是重點.而服務方面, 其他人就算正常啦, 但係個老細就真係好得意...我地兩個人食少少野都肯詳細介紹(可能晚上較少人吧), 我地冇要求都會在有位的時候自動幫我地轉'架位', 有時又會係食完飯時送碟甜品(不過對這類上海甜品沒有大興趣), 有時又會有新野時送碟細細的話俾我地試味...真係幾攪笑!

個朋友仔話幾好所以試吓，食物一般，冇乜邊樣特別好食，不過就好失望，竟然冇小籠包，其他包類都冇囉

早左少少到佐敦，見未夠時間番學，所以，我去左呢間食下0野。一碗麵加一杯豆漿上海蘇炸豬麵: 豬扒香鬆，味美

上星期有日經過這裡，原本也沒可算吃東西，但見佢門口寫著「馳名四川擔擔麵」，見其寫得咁有信心，當然入來試試是否副實。見人客不少，呢度除左有麵食，原來都有其他的上海菜，不過眼見最多食客叫的卻是水餃，原來是是日特價之選，十蚊一碗，如果叫麵的話要5蚊都得，咁平唔怪得咁多人叫。餐牌上的擔擔麵還有隻手指公的，滿有信心的要了擔擔麵，不忘叫阿姐加辣。碗麵上檯是紅彤彤的，看來很辣，但吃落不算十分辣﹝後來看過Olivian的食評，原來要叫加「大」辣，又叫少了一個字！﹞。湯底夠濃，料是下夠的，但麻醬味不算很重，幼蛋麵不夠爽身，好在叫了加辣，吃起上才算有點味道。再要了杯豆漿，淡淡的不太甜。埋單25蚊，不算貴。見其他菜色也是便宜的，也可說是經濟抵食，下次有機會再試其他食物。

這間係我至鐘意的上海小店，好多時打完波都過o黎食，o尋晚都唔例外。擔擔麵、燻魚、鎮江小排骨都係我必叫的指定動作。擔擔麵唔係麵本身，係個湯底夠濃夠花生味，有麻同辣的感覺，如果加大辣仲正。燻魚講真就不是正宗個隻，佢炸得好脆較乾身，有d似食魚乾的感覺，不過D汁最好味甜甜酸酸，魚身又入晒D味。鎮江小排骨係該店推介之一，炆得好入味，排骨大細適中，又冇肥膏。今次併埋雪菜毛豆，毛豆都唔錯o架，又唔會太硬但又有咬口。另外上海水餃同上海雲吞成日輪流做特價10蚊碗，水餃同雲吞係北方個隻，所以好厚皮，好多時都煮得不太熟透。加埋一杯豆腐及一碟灼菜，兩個人都唔係100蚊，好抵食。

昨晚上完堂，一個人到這兒吃晚飯，貪這裡又快又平又好食。時值差不多十時，店子仍然有好多人，我坐卡位，點了燻魚粉絲+豆漿，在食物未來前，事頭猛叫我要北京水餃，因為只做今晚特價，10元8隻，但我一個人真的吃不下，所以婉拒，之前試過淨叫燻魚，覺得好溜，但原來燻魚浸湯後，便好好味，粉絲煮得透，所以超滑溜；可惜豆漿好淡，唔通因為買得太快，所以臨到最尾要加水？！

昨晚又來吃，但今次是旺角分店。見餐牌上有一味五柳香炸雲吞，便叫了一客，上時雲吞與五柳汁分開上，有點像在酒樓吃的錦鹵雲吞，只不過個汁冇，只係得五柳絲，雲吞炸得幾好，但汁就太酸。整體來說味道可以，因為酸汁可減低炸雲吞的油膩，值得一試。

唔知係咪因為真係太抵同好食，所以今個月來了三次之多。今次接完男友放學再來，叫了桂花蛋散、賽螃蟹、油豆腐粉絲湯同麵(幾乎每次必點)，蛋散跟平日在酒樓吃的不同，很薄，面頭淋上少許蜜糖，脆卜卜的，但吃不到半點桂花香味，賽螃蟹炒得都幾滑，可惜伴碟o既西蘭花唔熟；原來油豆腐即係豆卜，真係唔知，因為通常都會要酸辣湯，個粉絲湯幾清甜，不過有面頭泛著一層油，真係同個大廚講，可唔可以落少油，雖然出街食都預，但始終健康為上嘛！

琴日同bf 去食lunch,佢每日都有幾款特價面食,我叫左炸醬面,bf叫左酸辣面,另外仲叫左碗雲吞(8粒),每樣都係$10...好抵呢炸醬面:普通啦,可能炸醬味已經被d湯溝淡左酸辣面:呢個好好味喎,足料味濃雲吞:幾好呀,都幾大粒我同bf都好飽,真係平靚正....

昨晚到了旺角分店一試，水準比佐敦更好。酸辣湯，料足及酸辣味平均；麵的花生醬夠香濃又不太杰，麵條雖然不是即拉，但也煙彈牙；另外的炸菜餃的皮過硬，不太好味。推介回鍋炒墨魚咀，夠咬口，到牙都軟埋，不過真係好好味，如果味精及油落輕手會更加好啊！

在小店吃上海菜不會吃它的裝修，只求快平正(最緊要係平得來又好食。)呢間好好可以在食肆林立的油尖旺區屹立多年，還有幾間分店，實在有它的過人之處。沒有賣相的菜式，平實穩定(不過師傳下油炒菜寫真的太重手，搞到菜蠟蠟o令，食完都驚膽固醇突然超標)。言歸正題︰昨晚來點了一個燻魚客飯+上海粗炒+ 砂窩津白。燻魚做得很好，但一定要叫伙記少汁，如果唔係會覺得好漏；粗炒夠鑊氣，配菜同麵條分量平均；砂窩津白個湯底好鮮，加上有少少金華火腿吊味，味道不錯。埋單$90有找，若真的上館子便不會如此便宜了。

原來我搞錯地址我講果間係旺角金雞戲院附近

典型的港式中國菜餐館，地下污糟，又勁多人食煙，又要搭台但食物幾好，好過上海拉麵小籠包，叫左上海雲吞(10元特價有8粒，正!)、雞絲粉皮(花生醬均勻，咬落爽口)、肥牛炒年糕(呢個不過不失)，搞笑係星期六8點幾已經無晒豆漿.黎得旺角地舖食野，唔可以苛求有上佳服務，一圍台可以坐三組人，睇住大家唔同菜式同台食飯都幾搞鬼~

野食係幾抵，十蚊大大碗麵，又足料，真係唔知邊度搵，特別推介菜肉雲吞，正！但服務態度‧就.....上次我一行三人光顧，都好多人下，我地坐正門口，由於我地d書包都幾阻地方下，坐門口有d阻出入通道。有見及此，我地見側面張table有人走，咪移過去lo，d書包又可以拍牆擺。點知有個待應阿姐即刻話：唔可以隨便掉位架！食十蚊野移黎移去，阻住做生意！哇！真係估唔到佢竟然可以當住咁多客面直斥我地，仲看不起食特價食品的顧客，我個friend頂唔順，咪大聲串返佢：係咪掉位都唔得先？有幾阻你做生意呀？乜d服務態度咁差架！可能收銀聽到，所以我地俾錢時佢態度極好，勁講多謝，諗住補鑊。但我地自此後都冇幫襯了，因為食野除了食野外也食服務的。