影片
更多
2019-09-21
84 浏览
餐廳裝修別出心裁, 充滿住舊式酒樓同埋大排檔既味道既味道🏚 而餐桌同座椅就用左大排擋式既圓枱同埋酒樓既座椅, 感覺好似回到過去咁🌪 餐廳都幾旺場, 座無虛席, 夾雜客人既傾計聲就好似真係身處大排擋咁😂 我地大約7點鐘去到已經見到好多人係門口等緊位, 所以想食就記得提前卜位呀✔️ 菜式方面既選擇都算多, 我地就揀左幾個最signature 既菜式👍🏿屋村三鮮🦑($78)豬生腸, 鴨腎, 墨魚, 呢三樣都係香港既地道街邊小食, 為食妹都好耐冇食喇😌 三樣食落都感覺新鮮, 爽口彈牙, 絕無腥臭味, 再點埋甜醬同埋黃芥末醬簡直係一流, 絕對係必點既小食🤤家鄉鯪魚球🐟(9粒)($68)呢個其實係屬於餐前小吃, 開頭以為份量會偏細, 黎到見到有9粒都覺得幾抵丫💁🏾♀️ 所謂既家鄉鯪魚球其實係炸鯪魚球, 外皮小小脆, 包住滿滿既鯪魚肉再點埋個蜆芥汁簡直係一絕呀🤤士多啤梨三度腩排🍓🐷($108)相比其他菜之下呢個略為失色, 始終生果煮既菜都係比較難出味🤔 不過都有甜甜既醬包住D豬腩骨啖啖肉冇咩骨, 都幾有趣😌鮮魚湯杞子浸菜芯🥬($88)菜芯夠嫩所以食落口感爽脆, 掛曬有淡淡魚香既魚湯同埋大大粒杞子,感覺
菜式方面既選擇都算多, 我地就揀左幾個最signature 既菜式👍🏿
屋村三鮮🦑($78)
豬生腸, 鴨腎, 墨魚, 呢三樣都係香港既地道街邊小食, 為食妹都好耐冇食喇😌 三樣食落都感覺新鮮, 爽口彈牙, 絕無腥臭味, 再點埋甜醬同埋黃芥末醬簡直係一流, 絕對係必點既小食🤤
家鄉鯪魚球🐟(9粒)($68)
呢個其實係屬於餐前小吃, 開頭以為份量會偏細, 黎到見到有9粒都覺得幾抵丫💁🏾♀️ 所謂既家鄉鯪魚球其實係炸鯪魚球, 外皮小小脆, 包住滿滿既鯪魚肉再點埋個蜆芥汁簡直係一絕呀🤤
士多啤梨三度腩排🍓🐷($108)
相比其他菜之下呢個略為失色, 始終生果煮既菜都係比較難出味🤔 不過都有甜甜既醬包住D豬腩骨啖啖肉冇咩骨, 都幾有趣😌
鮮魚湯杞子浸菜芯🥬($88)
菜芯夠嫩所以食落口感爽脆, 掛曬有淡淡魚香既魚湯同埋大大粒杞子,感覺既養生又健康😂
招牌杏汁豬肺湯🐖($148)
黎到秋天開始乾燥, 係時候飲返D滋潤既湯水,呢個豬肺湯絕對係真材實料, 湯係用一個舊式既燉鍋裝住, 我地三個人每人都飲左兩碗半,所以份量都算大, 而且有好多豬肺同埋瘦肉係個煲底度🤩 豬肺食落完全唔會有腥臭味,瘦肉質感唔會太”鞋”身, 所以食返一兩舊豬肺潤下肺都唔錯😂 湯頭係奶白色而且有濃濃既杏汁味, 感覺成個人暖曬同滋潤曬💃🏿 呢個湯絕對推介俾大家
香噴噴油飯🍚($18)
食餸又點可以冇飯呢💁🏾♀️ 大榮華既豬油撈飯大家就食得多, 不過呢度既油飯我都覺得幾值得試, 開頭我以為會同大榮華果隻差唔多, 食落發現我比較鐘意食呢個多d😂 因爲飯質係乾身而且食落有淡淡椰香味完全唔會覺得油膩👍🏿
總括而言呢間餐廳唔錯, 食物質素唔錯而且服務態度都好好, 咁多樣食物入面為食妹最鐘意就係豬肺湯同埋鯪魚球🤩 絕對會再回頭👍🏿
张贴
