女人街食飯公司

营业中

休息中

餐廳🍴位於旺角通菜街威達商業大廈一樓，裝修別有用心，恍如回到六七十年代大排檔設計，入面枱櫈餐具充滿懷舊感，舊式香港霓虹燈、招牌、鐵閘裝飾，如時光倒流返回老香港🇭🇰。相比起舊式大排檔呢度乾淨得多，室內大排檔有冷氣，可以一路嘆住冷氣一路食，鍾意又可以隊啤酒🍻同朋友暢飲😍大快朵頤💕黑松露鮮蝦多士（三件）（HKD 84):呢個多士是餐廳嘅名物，多士炸得酥脆香口，食落唔油膩，蝦肉釀多士配上黑松露放表面，香味撲鼻，一定要趁熱食，鍾意嘅可以沾上黑松露沙律醬，冰火交融，口感提升。鳳梨懷舊咕嚕肉（HKD 108):唔係用罐頭菠蘿🍍，係用新鮮菠蘿已經睇得出好有誠意，咕嚕肉炸至金黃酥脆，炸粉不厚，重點吾係仿間咁炸肥膏扮野，係用上啖啖肉靚豬，炸粉吾厚，醬汁酸酸甜甜調得好好，做到掛汁效果，正！啫啫南非五頭鮑魚雞煲（HKD 198):咋昨聲嘅煲仔增加食慾，流曬口水，鮑魚手掌咁大隻好誇張，爽口彈滑、好細心咁介埋紋路方便食用。薑蔥爆得好香，雞肉嫩滑。夠曬惹味。總結：坐得舒適 旺角高質室內大排檔絕對值得約埋三五知己一齊嚟

想試好耐，之前有返4人1枱，就捉埋啲朋友仔一齊黎試～呢度既裝修似大排檔mix酒樓～大排檔喺香港買少見少…有呢類地方保存僅有既風味都好過冇～1️⃣ 鳳梨懷舊咕嚕肉（$108）又香賣相又吸引！豬肉就偏瘦，不過對我呢啲唔好肥肉既人黎講就冇乜問題～🙂2️⃣豉椒炒大蜆（$128）醬汁惹味，香得黎帶微微辣～蜆好大隻，而最抵讚係唔會食到一口沙！👏🏻3️⃣黑松露厚蝦多士（$28/件）未上枱隔住口罩都聞到，即刻想除口罩食！😝非常香脆，蝦膠亦好爽口！4️⃣馬拉盞通菜炒牛肉（$98）通菜有啲老...🥸唯一一碟麻麻地…5️⃣胡麻雞絲粉皮（$58）前菜黎講好大碗，胡麻汁多都見唔到粉皮～好鍾意粉皮質地，軟得黎又煙韌煙韌！😍🔅如果喺有樓名既大堂搭升降機，出升降機後要轉左，然後沿一條路仔先返到去正門。如果出升降機轉右就會去左佢地既廚房。

爸爸放假喎，帶佢黎個父女的浪漫之前見到呢間餐廳食小菜得黎又係樓上餐廳企企理理，仲有冷氣嘆今次仲要食埋平時好少食嘅田雞添啫啫醬爆田雞煲 $118唔知有冇人都咁鍾意食田雞呢首先個煲上到枱啲汁仲渣渣聲真係新鮮滾熱辣另外仲有好多紅蔥頭爆香醬汁超級多，包住每一粒田雞啲肉雖然細細粒，不過好嫩好滑肉質彈牙，尤其係脾位，啖啖肉醬汁夠香帶辣，送飯一流黑松露鮮蝦多士 $28@ (三件起)超大舊蝦肉放咗上多士入邊炸咬落去嘅時候除咗有蝦嘅結實彈牙口感仲有脆脆吸滿油嘅多士再加埋黑松露蛋黃醬除咗個醬之外，上面嗰pat黑松露比得一啲都唔孤寒古法豉油王鵝腸 $128呢個又係好適合送飯鵝腸係處理過，完全冇肥膏同埋臭味每一條都係食佢嘅爽口仲變咗掛汁嘅載體食得好滋味我哋仲叫個香噴噴油飯share食又返粒粒分明，好乾身連埋上面有醬汁嘅餸食真係好好味見到呢度嘅餐牌仲有好多海鮮下次多啲人一齊嚟嘅時候會叫黎試吓

約咗幾個朋友一齊黎呢間大排檔dinner，叫咗四個小菜邊傾邊食～沙拉骨啲肉比較實，好難咬🙈所以我只係食咗少少不過個醬有少少wasabi嘅辣味，都幾惹味～ 西蘭花炒龍躉片都好正👍份量都算多。虎椒炒鵝腸都好夠鑊氣。最後咕嚕肉好似好簡單，不過反而係最好食🤣因為肥瘦適中，酸甜度岩岩好！呢度都幾適合朋友聚會，尤其係鍾意飲下啤酒嘅人會幾鍾意。呢度比起傳統大排檔乾淨企理，不過真係要早啲book位，因為早圍都幾full booking，我地最後都只係食到尾圍。

好鍾意佢哋嘅裝修好似時光倒流幾十年咁連飲啤酒都係用碗飲㗎🍻.🍤黑松露厚蝦多士 $28/件-三件起必食 必食 必食😍多士好脆 蝦好大隻一啲都唔乾 好juicy 加埋少少黑松露點綴真係好好味🤤.🪵金鴛鴦蒜粉絲蒸蟶子皇 $58/隻大大隻 好新鮮配蒜蓉粉絲 唔錯👍🏻.🐟風沙九吐魚 $88魚好滑 椒鹽都好香不過九肚魚真係好好好多骨食唔到魚骨嘅人真係要諗清楚😂.*要排隊 最好預先訂位📞*大樽裝嘉士伯買二送一🍺.

女人街食飯公司 (旺角)📍旺角通菜街1A-1L威達商業大廈1樓B室成日都見到有人嚟呢間裝修得好懷舊風嘅室內大排檔食飯淨係室內嘅裝修都有排打卡餐牌好多嘢揀 樣樣都好想試😯優惠孖寶 B $208生炸脆皮頂鴿一隻🐧呢隻炸乳鴿真係必叫炸得啱啱 好乳鴿保持鮮嫩多汁而且仲好大隻 肉醃得好入味😬椒鹽南非五頭鮑魚兩隻椒鹽鮑魚可以做到咁大隻 真係好少食到鮑魚入面仲好爽口彈牙完全唔會over cook👍🏻XO醬海鮮小炒王$108黎到大排檔都一定要叫佢嘅小炒王 先考到真功夫$108一定唔算貴 因為真係落重配料有幾隻蝦球 大蝦乾 魷魚🦀出面一定食唔到咁足料而且XO醬炒到好香好惹味 用嚟送啤酒一流虎皮尖椒豉蒜爆鵝腸$128🦆鵝腸同樣炒得好爽脆而且加咗好多虎皮尖椒 香辣惹味兩個人重點左支啤酒$28🍻用碗飲 用嚟打卡影真唔錯 😋

餐廳走懷舊大排檔風，門口除有舊式大酒樓常見嘅金龍飛鳳外，內裏設計更盡顯香港情懷，幾有特色👍🏻🥢琥珀合桃（$38）呢款小食唔係餐廳常見，但呢度竟然有得食🤩食落香脆又甜甜地，而且好有芝麻香，佐酒一流👍🏻所以即刻點咗支Asahi（$30）邊飲邊食😆🥢招牌杏汁燉豬肺（$148/ 4位用）‼️超推薦‼️燉湯不但無味精，而且湯底好白，杏汁味濃又香甜😋一睇就知用料十足👍🏻店員話4位用，每人可分到1.5碗，但我哋2人各飲咗4-5碗都未飲得晒😅呢個價錢飲到工序繁複而又高質嘅燉湯，真係好！抵！飲🤩🥢士多啤梨骨（$108）份量都唔少，每舊骨都沾滿醬汁，食落酸酸甜甜啖啖肉😋但略嫌炸得偏乾，而且每件骨嘅size都幾大舊，細件啲會較好！🥢曼谷鹹魚炒芥蘭（$88）芥蘭切成小段，更削去較硬嘅外皮👍🏻口感爽脆又嫩口😋加入鹹魚一齊炒，味道帶點鹹香，食落好惹味😋呢餐不論環境及味道都好合我哋心意，朋友本打算book定檯諗住幾日後再同屋企人幫襯，點知已full booking🤷🏻‍♀️所以如果想食嘅就最好預早book枱！

我其實好鍾意食大排檔嘅嘢食但五月食真係會同汗水💦一齊食旺角呢間女人街食飯公司就岩哂我！嘆住冷氣食小炒必食推介：黑松露蝦多士 $28/件（最少嗌三件）真係好好食😋蝦肉好爽口彈牙，大大隻！多士炸到脆卜卜，上面已經有一pat 黑松露醬，連沙律醬都加左黑松露醬👍🏻👍🏻好好食屋村三鮮 $78即係生腸、墨魚🦑加腎片墨魚同腎片超驚喜😍爽口又入味同肥姐xx 一樣咁好食😋蟶子皇$58/只 （兩隻起）揀左豉椒炒，明白既，海鮮清蒸最好食，但我真係好想食豉椒個汁，俾我嗌啦！炒得好爽口，冇overcook, 又鮮甜！超好食😋士多啤梨骨 $108呢個都好驚喜，排骨炸得都脆，唔韌，加埋酸酸甜甜既士多啤梨醬，好開胃，仲有新鮮🍓粒😋😋😋😋😋嗌埋咸檸7 $24 真係夠爽喇呢度裝修已經好懷舊😂都有幾個影相位！全程播住流行經典金曲😂玻璃窗的愛😂😂唔想話我聽過呢首歌🤫🤫🤫

由大學時期就好鍾意同朋友食呢啲小炒🥳 可以嗌到成枱都係 又唔會太貴🙆🏻‍♀️ 仲有得用戰鬥碗飲啤酒( •̀∀︎•́ )✧︎呢間食過幾次 食物質素穩定環境又有香港特色🤟🏻❣️黑松露厚蝦多士 $84最少嗌3件～好少食到蝦多士啦依家🥰賣相十分靚仔 面頭有松露醬又有松露沙律醬🥲蝦膠好彈牙 多士脆🍞🦐但警告大家真係好邪惡㗎🤭❣️黑椒蜜餞薯仔牛柳粒 $168太耐冇食薯仔牛柳粒( ᵒ̴̶̷̥́ _ᵒ̴̶̷̣̥̀ ) 見到隔離枱食就忍唔住😂食咗呢碟唔使食飯lu🤣 要讚佢嘅牛柳好嫩 每粒都好好咬😉 另外一個主角薯仔唔係好脆果款 係邊位脆入面淋🤟🏻 痴左好多蜜糖好正⁽⁽٩(๑˃̶͈̀ ᗨ ˂̶͈́)۶⁾⁾❣️XO醬海鮮小炒皇 $108想食少少菜又唔想太清淡就揀咗呢款😂好高質嘅小炒‼️ 韭菜花一啲都唔老唔zip牙罅😆有蝦有魷魚同小魚乾 配上菜莆腰果 好惹味💯小炒真係試得出廚房嘅功架( ⸝⸝•ᴗ•⸝⸝ )੭⁾⁾❣️醇滑嘉士伯 $28一定要配啤酒 呢度仲有香港特色嘅啤酒推銷員添🥳 戰鬥碗好有feel🤣

大排檔... 我最鍾意食港式大排檔！金蒜銀粉絲大元貝、豉椒炒蟶子皇、招牌瑤柱走地雞、豉油王龍蘇炒麵！香港傳統風味食物、懷舊香港裝修設計... 超一流！I love it... Night market food is one of the most popular Cuisine in Hong Kong(and my favorite), serving with good quality HK style seafood and traditional harbor food, excellent environment with the old Hong Kong decoration!!!

今次係我第二次嚟啦～上次約埋一班朋友成10個人一齊食今次人少少 兩個人都再次光臨環境非常特別 有好似大排檔咁嘅裝潢坐得非常舒服 又有冷氣有好多大排檔小菜都可以喺度食到唔同嘅特色小炒 有菜有肉有湯梗係要啤啤佢用戰鬥碗 乾杯XO醬小炒王蝦肉彈牙 配上脆卜卜嘅腰果同埋魚乾送飯必備小炒又點會少得薯仔牛柳粒牛肉大大粒完全唔係一粒粒係一塊塊加埋金銀蛋莧菜有菜有肉有飯仲有啤酒 正呀！鑊氣十足 嗌餸食飯之選最近仲有新嘅菜式 真係久不久會再返嚟希望到時可以約多啲朋友一齊食

一家人好耐冇出旺角食晚飯，傳統派嘅Daddy鐘意中式而且一定要有飯，但我地又唔想去傳統酒樓或茶餐廳咁悶，所以就去呢間懷舊大排檔整番幾味～先嚟黑松露西多士($28/件)，厚身西多士炸得好脆而唔會太乾身，蝦膠彈牙，沾上黑松露沙律醬好滋味！大排檔必點金菇沙茶肥牛煲嘅沙茶香氣由老遠飄嚟，一端上飯檯仲滾緊有泡泡！貨真價實，肥牛份量超多，粉絲吸收哂沙茶醬同肥牛嘅精華，食到全檯人lam lam脷！4個人3碗絲苗白飯秒速被KO～大家對虎皮尖椒豉蒜爆鮮鵝腸都讚口不絕！鵝腸超爽，尖椒爆得超香又唔辣，仲勁有鑊氣！正！金沙脆鮮魷魚嘅鹹蛋黃包滿大大舊嘅魷魚，連伴碟紫蘇葉都炸得超香口，配啤酒簡直冇得彈！XO醬馬拉盞芥蘭煲嘅芥蘭同蝦乾、肉碎、蒜片一齊炒超惹味！女人街食飯公司真係非常唔錯，上菜速度快，而且好味有鑊氣，貨真價實，我一定會再嚟encore～

黎到女人街食飯 好耐好耐冇食大排檔喇呢間餐廳行既係懷舊老香港既風格 裝修得好有風味 因為冇訂位即興去食 好彩早去都仲可以入去食✨黑松露鮮蝦多士 $28/件一上檯大大件 蝦多士好明顯見到隻蝦係面多士炸到好酥脆 一啲都唔覺好油膩 上面仲有黑松露醬 好香黑松露味再點埋佢地既黑松露沙律醬 酸酸地 勁解膩🤤✨招牌瑤柱走地雞（半隻）感覺有啲似風沙雞 上面有勁多蔥同炸蒜 仲有瑤柱絲 雞肉好滑 勁入味 配埋蔥蓉一齊食好香👍🏻佢仲有配多個泰式辣汁 酸酸辣辣咁 又係另一種風味✨啫啫龍躉頭腩煲上檯勁香 好足料 龍躉唔會淨得骨 都有好多肉 而且炒過既洋蔥 蔥頭都好入味 送飯一流✨懷舊鍋貼小棠菜呢個其實一望落去估唔到係菜 勁大餅佢係小棠菜切碎撈落魚肉到再拎去炸炸到外皮好酥脆 炸皮食落甜甜地 有啲似牛脷酥既感覺但值得一讚係同樣都唔油膩咬落啖啖肉 加左小棠菜增加左口感 👍🏻✨客棧香煎蓮霧花枝餅 份量又係大大份 咬落又係啖啖肉 加埋上面既炸蒜 好香口食到蓮藕既爽碎 花枝又好彈牙 口感極好呢餐飯真係超滿足👍🏻👍🏻食到捧住個肚走 碟碟都勁足料 環境服務都好好 上菜又快手 帶屋企人黎懷舊下老香港既感覺係唔錯既選擇🙌🏻

這間餐廳在剛剛開張冇耐來食過一次，一直都想再找機會來，今次終於跟友人再來一次，試試大排檔風味!餐廳懷舊仿照了舊香港街邊的大排檔作裝修，令你置身於懷舊空間中!餐牌上有多款美食可以選擇!一口臭豆腐，臭豆腐的份量都幾多，炸得脆卜卜，內裡嫩滑，而且真的有臭豆腐獨有的臭味，附有辣豆瓣醬和甜醬，點上更加刺激味蕾!豉椒炒大蜆，份量都幾多，而且好有鑊氣，醬汁惹味，帶有青椒既味道，蜆肉爽口！XO醬馬拉盞芥蘭煲，一煲上熱辣辣，芥蘭用左XO醬，令原本的苦澀味去除，醬汁用黎送飯一流呀！家鄉鯪魚球，鯪魚球大大粒，炸得香口，點上芥蜆醬咸咸地幾惹味！大叔焗魚腸，這款菜式在香港真係越黎越少，因為做法繁複！在嫩滑的蒸蛋入面加入魚腸，味道唔會好咸，連埋芫茜一齊食特別香口！砂煲臘味豬油撈飯，大大煲臘味飯，臘腸粒帶好多，加上有蔥粒同埋豉油，令人不大啖大啖食，而且仲有飯焦添，脆口又香口！去大排檔又點了得飲返杯啤酒呢！

朋友介紹嚟呢間位於妹記樓下嘅室內大排檔聚餐，裝修十分有舊香港情懷！黑松露蝦多士$28@1 必食推薦！！大大隻蝦同多士超鬆脆！加上黑松露勁香，食完一件即刻想再嗌！記得趁熱食，同埋會有一小片芫荽，唔食嘅朋友挑咗佢出嚟先～wasabi沙拉骨$108wasabi味幾重下，同時豐富咗沙拉骨嘅味道，比起平時食嘅沙律醬撈沙拉骨更清新唔膩！金沙脆鮮魷$108食得出滿滿嘅咸蛋黃味，不過我都係鐘意椒鹽鮮魷多啲，呢隻食完兩舊就好濟。啫啫薑蔥鮑魚雞煲$178鮑魚大大隻爽口彈牙！啲雞都十分惹味！用煲仔上夠晒熱辣辣，望到都流口水，不過啲雞較細舊，份量有啲少。馬拉盞通菜炒牛肉$98呢碟菜就較遜色喇，馬拉盞通菜比甜味蓋過，仲漏咗單，加單後半個鐘先比我哋，感覺求其出比我哋。整體嚟講唔錯嘅！好有大排檔風味，星期六日嚟食記得提前book位！