女人街食飯公司

約咗幾個朋友一齊黎呢間大排檔dinner，叫咗四個小菜邊傾邊食～

沙拉骨啲肉比較實，好難咬🙈所以我只係食咗少少不過個醬有少少wasabi嘅辣味，都幾惹味～ 西蘭花炒龍躉片都好正👍份量都算多。虎椒炒鵝腸都好夠鑊氣。最後咕嚕肉好似好簡單，不過反而係最好食🤣因為肥瘦適中，酸甜度岩岩好！

呢度都幾適合朋友聚會，尤其係鍾意飲下啤酒嘅人會幾鍾意。呢度比起傳統大排檔乾淨企理，不過真係要早啲book位，因為早圍都幾full booking，我地最後都只係食到尾圍。