女人街食飯公司

营业中

休息中

今日同個朋友喺旺角行街，佢忽然話想食我一路話唔錯嘅室內大排檔，所以就帶咗佢上嚟食喇！😆 呢度裝修好懷舊，還原返80、90年代街邊大排檔嘅景象，顧客就好似坐咗喺條街食大排檔但嘆住冷氣咁，環境有大排檔feel但又唔洗坐街邊食咁辛苦。上到嚟第一件事就梗係打卡！首選打卡位就係「女人街食飯公司」嘅霓虹燈📸 我朋友一上到嚟就周圍瘋狂打卡🤣  ❤️ 鳳梨懷舊咕嚕肉 $108最經典但亦都唔係間間都整得好食嘅一道菜，呢度炸得非常好，酥脆金黃，外脆內嫩，醬汁味道啱啱好唔太甜亦唔太酸。食咕嚕肉最怕食到豬騷味，呢度完全無👌🏻而且分量都幾多！❤️ XO醬馬拉盞芥蘭煲 $98芥蘭好嫩，入面有蝦乾、肉碎，炒得好香味道香濃！微辛帶鮮😚 啲蝦乾多到唔洗錢咁，一啲都唔孤寒！😙❤️ 風沙九肚魚 $88去大排檔必叫，九肚魚炸得好乾身唔油膩，內裏魚肉非常嫩滑！仲要好多件好抵食！👏🏻❤️ 砂煲臘味豬油撈飯 $68熱辣辣上枱，店員會喺你面前落豉油，再焗一焗佢，之後就會幫你開蓋撈一撈，啲豬油香味即刻出哂嚟🍲 再加埋粒粒臘味同脆卜卜嘅飯焦，回味無窮！😋餐廳推薦度：⭐️⭐️⭐️⭐️ (4/5)今次係我第二次過嚟食，食物質素依然保持水準，朋友都覺得好滿意

大排檔d小炒特別有鑊氣 其實我都好鍾意食 但好多都有衛生方面嘅問題 個friend帶咗我嚟呢間望落去好有舊式大排檔風味 地方好乾淨 枱與枱之間有足夠空位 唔會太迫金沙脆鮮魷 ($108) - 超級好食 所有鹹蛋黃嘅食物我都極鍾意 佢個皮好薄好多鹹蛋黃 份量好多鐵板黑椒京蔥牛仔骨 ($138) - 鐵板一上枱既時候仲係渣渣聲出晒煙 好香 引到隔離枱都忍唔住嗌 牛仔骨好多件 肉質好林好易咬 同黑椒汁好夾 用嚟撈飯一流 佢完全唔吝嗇落咗超多京蔥 鍾意食蔥嘅朋友就啱晒XO醬馬拉盞芥蘭煲 ($98) - 呢個煲非常惹味 重口味人士嘅至愛 啲芥蘭頭非常嫩 仲有好多好香口嘅大蝦乾同埋肉碎 可以送幾碗飯都得鹹檸七 ($24) - 佢夠鹹檸檬夠晒鹹 絕不欺場 好啱我口味 飲左佢好似可以中和番我食既熱氣野咁😂呢間餐廳每一味餸都好大碟 比較適合一班朋友黎食多d 咁就可以試多幾款餸!!

呢間餐廳已經bookmark咗好耐，一直都好想去睇吓佢咁靚嘅懷舊裝修🥰🥰今日終於有機會約朋友嚟食飯，除咗裝修好有心好有特色之外原來食物都超有水準㗎 🤩🤩風沙九肚魚（$88 ）🐟🐠師傅炸得好，完全唔乾，啖啖肉，外脆內嫩多汁，最中意點埋喼汁一齊食😋XO醬海鮮小炒王（ $108 ）🦑🦐🥬🐠成座山咁高既小炒王，海鮮唔係拎cheap野hea你，魷魚食得出鮮甜，爽口得黎唔會好似香口膠咁😽😽大蝦碌份量又多，面頭炸白飯魚令個菜層次豐富好多，係有驚喜既小炒王😇鐵板黑椒京蔥牛仔骨（$138 ）🥩🥩炸..炸..聲上枱，香噴噴，京蔥有鐵板加持爆香，送飯一流🧆略嫌黑椒汁比較鹹，牛仔骨老咗少少🤏鳳梨懷舊咕嚕肉（ $108 ）🍖🍍唔知點解去大排檔食嘢都慣咗要嗌個咕嚕肉，如果咕嚕肉肥d會好口感d，要再讚下呢度份量真係好多，叫多d人一齊黎食飯啦🥰🥰

這間主打傳統的粵式小菜食肆，每晚都很興旺，要排長龍，今晚是專程提早了時間到來這裏瑤柱招牌走地雞半隻$138，雞肉香嫩可口，份量十足，點上自家製的醬汁，味道更佳。黑松露鮮蝦多士每件$28 (三件起)，黑松露味道香濃，鮮蝦爽口彈牙，配合炸得香脆的多士，香脆可口。家鄉鯪魚球$68，鯪魚球爽口彈牙，配上傳統的蜆介醬汁，鹹香味道十足，是佐飯的最佳一道小菜。客棧香煎蓮藕花枝餅$88，蓮藕餅內有蓮藕粒，味道鮮甜可口，配合墨魚膠的爽口彈牙，味道層次豐富，如果不是表面煎得太焦，效果更佳。

呢間大排檔環境舒適，乾淨企理👍🏻好適合一大班人去食，同埋怕熱嘅港女，可以嘆住冷氣食🤣而且裝修都好有心機，模擬返港式嘅懷舊風格，有好多霓虹燈招牌，去打卡都好正😆【黑松露鮮蝦多士】$28/件蝦多士炸得超鬆脆，而且唔會油淋淋👍🏻上面隻蝦都幾大，點埋個黑松露沙律醬，食落就充滿濃郁嘅黑松露味，超級邪惡🤤【士多啤梨骨】$108好似平時嘅咕嚕肉，不過變咗士多啤梨味，酸酸甜甜好開胃😋【黑椒蜜餞薯仔牛柳粒】$168牛柳粒唔韌，甜甜地又有黑椒嘅辣味，好惹味😋不過我覺得薯仔粒可以再煎脆啲😆【XO醬馬拉盞芥蘭煲】$98一上枱就聞到好香XO醬馬拉盞味，熱辣辣，好有鑊氣😙芥蘭炒得啱啱好，好爽脆，而且唔會太鹹，唔錯😋【老虎大蝦龍蝦湯脆米泡飯】$128好鍾意呢個泡飯😂超濃郁嘅龍蝦湯，但又唔會過鹹，而且有一隻幾大嘅老虎蝦，食落幾彈牙😆最重要就係啲脆米，侍應哥哥都不停提我地記住一定要加🤣加埋落泡飯食就好有咬口，脆卜卜又好味🤩

蝦多士非常出色，香脆可口！金沙鹹蛋黃魷魚🦑食落好香，但就少少膩鮑魚雞煲好好味，雞好入味，唯獨是鮑魚得兩隻太少芥蘭茶煲，好香，但食落菜唔係好夠味。椒鹽酥排好香脆。

講唔停想試呢間餐廳好耐 皆因佢個蝦多士好吸引🥰 而上個禮拜終於去試咗啦 冇諗過呢間餐廳個人氣係超高的 平日8:00仲有人等緊位😲✔️黑松露厚蝦多士 $28超驚喜的！講唔停覺得呢個係佢暫時食過最好食嘅蝦多士🤩 多士一啲都唔硬 好鬆脆 面頭嘅蝦膠好爽彈 而佢個沙律醬都係加咗黑松露 所以啖啖都有黑松露味 個人覺得呢個是必點的！✔️金沙脆鮮魷 $108炸粉唔厚 入面嘅魷魚好彈牙 鍾意食鹹蛋黃嘅一定要叫~✔️生炸脆皮頂鴿 $98乳鴿都幾大隻 外皮炸得好香脆但係唔會油淋淋👍🏻✔️屋村三鮮 $78呢款包左鴨腎 墨魚同豬生腸 全部都超級新鮮 而且十分之入味滷水味好出❤️✔️鳳梨懷舊咕嚕肉 $108呢個就正常水平 小菜嘅話會推薦叫金沙脆鮮魷多啲😚整體來講 講唔停覺得呢度嘅蝦多士真係好出色🔥 好值得一試👅 裝修亦都好特別 去開旺角不妨可以試吓呀～

同朋友想食大排檔好耐，不過前排天氣好熱，又唔想食得咁辛苦，所以就搵到呢間有冷氣嘅大排檔！！有冷氣又可以食到大排檔！正呀！👍🏻呢度既裝修好有以前大排檔嘅氣氛味道，佢用咗香港既特色風味，見到就會聯想起以前嘅香港！👍🏻佢地既餐牌好多款既餸菜丶飯麵，真係選擇困難症發作😣佢哋上菜好快手，落單冇耐，好快就上枱，唔使10分鐘！🐦乳鴿通常食大排檔嘅時候必點😂我既至愛，好好味！🍲好少地方會有焗大叔焗魚腸，所以忍唔住叫咗，真係冇叫錯，好好味！一d都唔腥，好多魚腸，每一啖都食到魚腸，真係好足料👍🏻👍🏻🐟啫啫斑頭腩同咸肉野菌炒雜菜，都好惹味，超好送飯食！呢間室內大排檔好有懷舊嘅味道，食物又好味！好多餸菜都想叫，但係真係已經好飽，所以下次一定會再去！😋😋

想食鑊氣小炒 但而家天氣太熱唔想食大排檔搵到呢間旺角樓上小炒#女人街食飯公司呢度裝修好有懷舊感覺 空間大 重點係有冷氣中價位 食物好有質素 特別推介脆皮牛腩同埋蝦多士原舊超軟稔炆牛腩 薄炸漿 香口唔油膩 牛腩仲要好入味 超軟稔稔添！蝦多士隻蝦大大嚿 香脆懷舊另外沙嗲粉絲大蝦煲 有超過10隻大蝦 隻隻厚肉食極都仲有勁抵食 粉絲吸晒沙嗲精華 仲有粒粒鮮甜菠蘿仲有豉椒鐵板鵝腸 超邪惡吸引 大碟又抵食！仲有好多嘢想食下次一定要再回頭🥰

前幾日同朋友去開旺角行街，朋友介紹我嚟食呢間女人街食飯公司。高湯粉絲雜菜煲 $98叫咗一個雜菜煲，係呢一餐唯一嘅菜。雜菜種類都唔少，有西蘭花、菜心、小棠菜、白菜仔，份量都幾多，配埋高湯同埋粉絲一齊食，相當豐富。鳳梨懷舊咕嚕肉 $108咕嚕肉嘅炸皮做得幾好，脆之餘又有一點煙韌。咕嚕肉汁做得幾好，酸酸甜甜，用嚟撈飯一齊食都唔錯。風沙九肚魚 $88風沙九肚魚炸得好香而炸粉又唔會太厚。我覺得最特別嘅係佢用嘅配汁，酸中帶點甜，好香，好開胃。九肚魚嘅魚肉好滑好滑，正。八味脆豆腐 $58呢一道餸算係一道開胃小食，豆腐味好香濃，再將豆腐炸香，外脆內軟，每粒細細粒方便一啖一粒。古法脆麻花（4件）$28食落好似炸雲吞皮咁，有好多蜜糖可以自己決定點幾多，可以當甜品食。

上次食妹記發現呢到有另一個選擇，就約定下次食呢間！室內大排檔，冷氣真係好重要！！睇完魷魚遊戲，朋友話要食金沙脆鮮魷😂D蛋黃超正！唔係好咸，食到停唔到口！魷魚極新鮮！鳯梨懷舊咕嚕肉炸漿粉唔厚！酸甜醒胃菜😛，個汁個人覺得可以再酸D，椒用哂3色椒，睇落都開心D😍。鮮魚湯杞子浸白菜杞子可以抗養化😊，飲左成碗魚湯，都算鮮甜。黎大排檔點可以唔啤啤佢？😆🍻係戰鬥碗呀！但呢到就唔係好見到啤酒好既足跡😂。氣氛、環境、味道同價錢都幾好👍。

去到間餐廳好似去左80年代咁既感覺，睇得出落左好多心思係裝修到，完美咁演繹左舊香港既特色👍🏻-👅：黑松露鮮蝦多士 ($28/ 件)一上枱就已經聞到微微既黑松露，但多士就偏硬既。-👅：鳳梨懷舊咕嚕肉比較甜嘅咕嚕肉，而且除咗鳳梨仲有好多配料例如三色椒、洋蔥同花生，味道豐富，咕嚕肉脆口，肉味香濃，酸酸甜甜，相當開胃。-👅：金銀蛋浸莧菜 $88起初以為係好簡單既湯菜，但原來上面鋪滿了蛋白，將鹹蛋和皮蛋切粒，加埋肉碎，幾好食🙆🏻‍♀️

❤️ 女人街食飯公司 ❤️.記得科勞 @cr.eating_hk ٩(˃̶͈̀௰˂̶͈́)و些些！..............................通菜街有間sell舊香港情懷嘅小炒( ´▽｀)環境好闊落打卡位多 好啱一大班人嚟聚會🙌🏻好想食臘味豬油撈飯但賣晒😭可惜！...............................🍽金沙脆鮮魷 $108（👏🏻9/10）鮮魷咬落好彈牙 外皮好脆但有啲𠝹口(｡ ́︿ ̀｡)不過味道好正 每嚿都均勻痴晒鹹蛋黃 鹹鹹香香！.🍽瑤柱招牌走地雞(半隻) $138（👏🏻7/10）走地雞肉質食落比較實 但都不失嫩滑感瑤柱都有一堆喺面 但食落唔係太覺瑤柱味有薑蓉同埋酸辣汁跟埋 個人比較鍾意薑蓉🤩.🍽辣酒煮花螺 $128（👏🏻7/10）花螺份量都幾多 食落彈牙但唔係好鮮甜粉絲係粗身啲嘅 好惹味 有譚仔小辣嘅辣度(⁎⁍̴̛ᴗ⁍̴̛⁎).🍽八味脆豆腐 $58（👏🏻8/10）呢個豆腐送酒一流 上枱勁熱辣辣勁脆♪(´ε｀ )調味都做得好好 同啲炸蒜一齊食好香口食到一粒接一粒停唔到口😋...............................🎈 女人街食飯公司 (旺角)旺角通菜街1

今時今日女人街都有大牌檔，重點係有冷氣，另懷舊風格嘅環境令人覺得好吸引。💁🏻‍♀️招牌杏汁燉豬肺（$148）聽聞好多人為咗呢個湯而嚟，杏汁味唔會過濃，好啱唔太好杏汁人士，另湯渣有一大碗好足料，仲睇到豬肺洗得好乾淨呈白雪雪，飲落勁甜又潤喉，正👍🏻💁🏻‍♀️黑松露鮮蝦多士（$28/件，3件起）事先做足功課，所以知道呢道小食相當有名氣，蝦多士非常鬆脆，牛油味好香， 每件蝦多士面嘅蝦都好大隻，仲配埋黑松露醬同埋黑松露沙律醬，非常邪惡，真係好好食😋必食👍🏻💁🏻‍♀️蒜蓉粉絲蒸大元貝（$42/隻，3隻起）大元貝的殼有大半隻手咁大，所以元貝肉都好大粒，元貝嘅肉質爽嫩彈牙，鮮甜無比，配埋惹味嘅蒜蓉粉絲就更突出。💁🏻‍♀️白酒蝦乾鮮胡椒勝瓜浸大蜆 $138大蜆份量好足， 而且又夠大隻，啖啖肉😋濃湯好好味，蝦乾同胡椒嘅香味好出，蜆肉連埋湯一拼放入口，真係鮮味十足，好食到停唔到口。

不太愉快，所以相都無影，非常可惜。對食評無特別興趣，呢間質素幾突出，所以先想分享下。一間類似飯堂嘅 己人食市。我地就第一次去，叫咗魚腸焗蛋好大大碟，但走咗魚腸，99%是蛋，個面真係焗得好靚，成枱每人都話只食到一小塊魚腸，連碎也沒有。一碟魚雲係有2塊類似魚頭嘅部份，其他係一塊塊不知明部份嘅肉，應該食過魚雲都知呢碟唔係魚雲，可以話成碟唔知咩嚟，整體份量只有半碟。都有味道ok的，泡椒鳳爪，炸豆腐有半碟，魚球同街邊隻大粒魚蛋差唔多大粒，味道唔錯，豬肺湯燉得非常非常好，燉湯好少咁咸。佢有汁嘅野都落足，例如淮山嘅胡麻漿、蒸不知明魚嘅豆豉漿、魚球嗰碟蜆芥都落得好足，如果講食漿佢係比多你，可惜重點唔應該响呢度。另外伙記好客氣，但放菜嗰時一定要讓位比佢地，男伙記放野落枱會推開你撞你。環境非常舒適，無熟人食開不適合 嘅地方。習慣好評，星星都盡量比足啦