女人街食飯公司

营业中

休息中

______________________________裝修風格似足90年代嘅茶樓小炒懷舊茶樓，懷舊嘅碗碟筷子，鐵做嘅茶壺🫖，伙記粗聲粗氣似哂以前啲街市大排檔，超有香港🇭🇰風味😂十分搞鬼嘅名字好吸引我，決定些吓呢間餐廳🍚𝓜𝓲𝓼𝓼 𝓛𝓲𝓸𝓷𝓷🦁評分：7.5/10🎂鮑魚啫啫雞煲好夠味，熱辣辣🔥，份量好多👍🏻偏重口味，有兩隻大大鮑魚，記住要叫返碗「靚仔」（白飯）菠蘿生炒骨好味，甜酸適中，又夠脆卜卜，包住嘅個層粉唔會太厚，排骨都幾多肉，唔錯好有鑊氣蒜蓉粉絲蒸扇貝都偏鹹，扇貝都幾大粒，粉絲比較乾少少金銀蛋浸白菜湯汁味道唔錯，菜可以自己選擇，但有幾款菜好快就賣哂🙈，最後揀左白菜，都好味😋回頭率：75% 食物味道唔錯，都偏重口味，有香港大排檔風味，幾埋一班女人一齊係女人街食餐飯🤣正～

好耐都冇同朋友見過面今日難得一見我哋終於決定去咗呢間餐廳，本身入去諗住淨係識個環境影下相，點知入到去有驚喜，食物方面雖然係普通大排檔都會見到嘅食物，但係味道十分之有質素鑊氣十足，特別係佢嘅手撕雞質嫩爽口，鮮味十足。另外仲嗌左打冷，佢個汁係重點之中，鹹香惹味而且佢嘅魷魚🦑爽口彈牙，店員一擺上枱冇幾耐已經清晒，食完之後可以喺餐廳影啲靚靚又有香港特色嘅相，一次過滿足色香味嘅要求，環境方面因為喺室內燈光比較昏暗，營造左夜晚喺街食大排檔嘅效果，有種返咗去80年代嘅感覺。可以睇得出佢哋喺所有細節方面都做得十分仔細。

服務差到不可思議，由到門口一刻已經冇人理我哋，喺到呆等咗5分鐘先終於有個職員嚟帶位，不過態度都係好差，到坐低之後就更加神奇，好似我隱咗形咁完成唔理我，但係就keep住serve我哋附近嗰幾檯，嬲到我痴線。食物方面就都係好一般，正常水準啦，不過價錢偏貴，份量都唔算係多，但係加埋頭先食嘅嗰肚氣就夠曬飽，絕對唔會有下次，唔舍啲正評邊到嚟。

💎總評分：8.0/10-怕凍🥶、怕熱🥵、怕唔衛生🦠、又怕坐得唔舒服🥲嘅人的確唔係好啱食大排檔，但係如果你又想過下癮，小編今次帶你嚟試呢間大排檔風格裝修嘅餐廳，但喺大廈入面乾淨企理，出面打風落雨都唔洗怕😎，男士們如果想同女朋友食下大排檔，揀呢度就最穩陣啦。餐廳長期有人排隊，建議大家做booking📝!1️⃣ 招牌杏汁燉豬肺湯 $148招牌唔係講笑，呢個湯好快賣晒，如果8點後入座嘅話可以booking時先預訂📌。一大煲分到8碗左右，店員會幫手將湯渣拎出嚟，份量都足足有一大碟🥣。湯煲得清甜滋潤，無味精(or小編飲唔出)，啖啖充滿杏汁味，開飯前飲一碗簡直perfect😍。2️⃣ 八味脆豆腐 / 胡麻鮮准山 / 地道咖哩水魷魚 $158豆腐外皮炒得香脆，入口嫩滑，放左一陣都無淋到，水準之作👍🏻。准山以麻醬調味有驚喜⭐，唔多地方有得食，清新又健康🥗，作為涼菜必叫。本以為魷魚係熱食🦑，原來都係涼菜，港式咖哩整得真係好地道，辣辣地🌶️，唔錯!3️⃣ 辣肉碎炒蟶子皇生菜包 $198朋友嚟過食幾次推介呢個，果然無介紹錯!有D似泰式生菜包🥬，多左D蟶子，新鮮爽口，炒得唔UN又入味，肉碎唔太辣，包生菜食啱啱好，值得一試😋!

今日又有朋友生日，一行四人我哋去咗旺角搵嘢食，有個朋友介紹話喺女人街上邊有㗎裝修好特別嘅餐廳，叫我哋去試吓，上到去都幾多人喺度排緊隊，我哋都等咗陣先有位，建議下次去可能打去留位會比較好🤪⭕️屋村三鮮（豬生腸，鴨腎，墨魚）超級新鮮同爽口彈牙，性價比超高，份量都好大碟，豬腸同埋墨魚勁爽口，配埋個秘制嘅汁真係超好味⭕️小食地道我哋叫咗個$158擇3款，（咖哩水魷魚+家鄉鯪魚球+八味脆豆腐）碟碟都幾多份量，我個人最中意咖喱水魷魚，因為食落去竟有細個喺樓下街邊檔食嘅風味⭕️鐵板黑椒豬手豬手超林勁入味，配埋個汁簡直一流⭕️薑蔥鮑魚雞煲估唔到鮑魚都幾大隻，同埋個雞煲啲雞唔會勁乾身，仲好嫩滑，同埋食得出好有鑊氣😋⭕️風沙九肚魚揸到都好乾身，所以非常脆，最緊要係唔會成口油😌⭕️曼谷咸魚炒芥蘭龍龍嘅鹹魚味，芥蘭唔會太老，食落都幾有泰國嘅風味⭕️Asahi朝日因為做緊推廣買二送一，我哋梗係叫返一打先啦🥳🥳

今次帶家人一起去食，咁多人試下我未食過既菜最好不過。碟碟家人都話好好食，讚口不絕😋😋服務員好好禮貌屋村三鮮：必點之選，有墨魚，生腸和雞腎，全部我至愛，咁大個女最好食就係呢間，家人話有以前香港既味道。😊😊黑松露蝦多士：終於試到，脆脆哋，熱辣辣，蝦好大舊，食到用新鮮蝦做出來，好香蝦味，食到蝦肉，配埋個黑松露和秘製既黑松露漿，真係好好食，炸得唔油又香。😆😆🤤鮑魚雞煲：呢個上次試過唔多講，一樣好味。龍蝦湯飯：下午食最抵，只係$58包埋飲品，隻蝦大大隻，個湯婆熱辣，好濃蝦味，下面有飯一食好配，最正係額外有埋個炸米比你撈埋一起食，口感好特別，飯又熱又軟又脆咁，仲好大煲。😄😁班頭楠煲和鼓汁炒鵝腸：呢個無咩特別，分量少，價錢貴。😊鼓汁炒聖子：不多講，上次已試過。

之前響網上見到呢間懷舊風嘅大排檔已經好想試，所以今晚同埋啲同事一齊嚟旺角試吓，佢位於旺角女人街商業大廈嘅一樓，一入到去就已經俾佢嘅懷舊裝修吸引住即刻響佢個門口度打咗卡先。呢度有好多懷舊嘅大排檔菜式，包括蜆介鯪魚球、豉椒炒大蜆，屋村三寶（包括生腸、鴨腎、墨魚），金沙脆鮮魷及煲仔臘味豬油撈飯等等….., 我哋一行四人叫咗總共八個餸，呢度分量適中味道亦OK八個餸加埋每人只需要$220都算幾抵食，希望下次可以再嚟食過！

女人街食飯公司 (旺角)旺角通菜街1A-1L威達商業大廈1樓B室上到女人街樓上餐廳食飯, 雖然個名叫食飯公司, 入面環境,隔局真係好大排檔FEEL~D野食仲幾有鑊氣tim~~金沙脆鮮魷 $108鮮魷炸得啱啱好，外脆內軟，既有鹹蛋黃味又有鮮魷味！豉椒炒大蜆 $128分量十足，隻隻都好大隻，豉椒好入味，喺度食豉椒炒大蜆值回票價！鍾意食蜆嘅朋友記住嚟食。黑椒鐵板豬手 $148三個主菜入邊我哋最鍾意就係豬手，份量多不再話下，有個鐵板喺底上枱嗰陣時熱辣辣加埋啲黑椒味，黎大排檔必食！

< 女人街食飯公司 > 📍旺角第三次試呢間懷舊港式大排擋 水準依然 唔怪得都全場爆滿🤣🐙屋村三鮮呢個三鮮就有啲似街頭小食，有魷魚生腸同雞腎，唔使點醬就咁食都好滋味，平時掃街都食開呢三款，基本上都唔會失望，魷魚大大嚿，生腸夠爽口，雞腎都唔錯👍🏻👍🏻🦐咕嚕蝦球平時食開咕嚕肉今次有啲新意，蝦球超級大舊，係咕嚕肉嘅海鮮版，蝦肉夠彈牙啖啖肉😛酸酸甜甜咁要嚟開胃就啱晒🥩金菇沙茶肥牛煲去大排檔通常都會叫個沙嗲肥牛煲要嚟送飯，呢個肥牛煲既牛完全唔係薄薄一片，而係每一塊都好厚肉😂 仲要份量唔少，夠晒四個人食

今晚同屋企人食飯小炒當然係首選啦～但俾得我發板我就唔求求其其嘅今次就一齊黎到女人街食飯公司試下超喜歡呢度嘅裝修陳設勁多打卡位！店入面仲播住90後經典金曲雖然暴露左年齡嘅秘密但真係好啱聽！我地揀左三樣野食金沙脆鮮魷呢個用金沙脆皮包住鮮魷聞落好香鹹蛋味但唔會好鹹而且鹹蛋唔會食到顆粒好順滑鮮魷唔韌，好柔軟XO醬海鮮小炒王我最欣賞佢面層勁多小魚乾香得黎又好有口感爽爽脆脆韮菜翠綠無渣有穫氣👍老虎大蝦龍蝦湯脆米泡飯呢道飯喺食過爸爸超喜歡所以今次一定見到，都決定要點龍蝦湯超超超超濃郁～好鮮甜～好幸福～仲有隻超巨大虎蝦，好好肉將脆米混入湯飯中稍稍一浸就盛起同泡飯有不同口感有軟有脆好好味！呢個真係超推介！大家都好滿意～總算都無白行一趟

女人街食飯有限公司裝修、枱凳、員工制服⋯⋯全部都特意打造舊式香港大排檔的風貌（乾淨版本）！😍😍地方寬敞，適合一大班朋友來聚會！［鳳梨懷舊咕嚕肉 $108🍍］（8/10）酸酸甜甜😍咕嚕肉沾滿醬，但仍然保持脆卜卜😍［金沙脆鮮魷 $108🦑 ］（9/10）脆卜卜🤩咸蛋黃很多，超級配魷魚！🦑怕熱氣的我都吃了很多！😍［牛肉生炒飯 🐮 ］（6/10）有鑊氣！！！（好熱🤣）炒飯粒粒分明！［馬拉盞通菜煲 🥬］（7/10）馬拉盞惹味！午餐每人一碗例湯雞腳湯是家的味道🥰回頭率：✅✅✅✅推介：金沙脆鮮魷！！📍女人街食飯公司 (旺角)旺角通菜街1A-1L威達商業大廈1樓B室

朋友揀食中菜，揀咗呢間近排頗受歡迎嘅食肆，有冷氣嘅大排檔格局加懷舊裝修，確實幾有趣。黑松露鮮蝦多士係必叫，呢個好食，主因我鍾意食蝦多士同香口嘢，好味。另外，金沙魷魚都好味，有咸蛋香，好邪惡。當然唔少得我最愛嘅咕嚕肉，呢個都ok；仲叫咗招牌走地雞，有肉質同幾有雞味，好耐無食過鱔，就叫埋豉椒蒸鱔，鱔肉彈牙，但略嫌太多豆豉，偏咸。最後想食臘味豬油撈飯，可惜賣晒，就叫咗蝦籽油渣撈麵，麵質爽口有埋油香，幾好食，呢餐好飽兼好邪惡😆

旺角鬧市中想搵一間有質素嘅小炒唔係咁易，係卜唔到位嘅情況下，我地好好彩被安排到入座（卜位時段只有6:30pm前同8:30pm後）想要食繁忙時段就要walkin啦～我地早左十日打去問都已經話full哂，所以真係好幸運，7點入座，8點半交台。個半鐘都算充足嘅～入到去裝修得好懷舊又帶點現代，幾特別啲感受花枝蓮藕餅-上菜個陣岩岩煎起，分量都好多，一碟有六件，食得出用花枝打出黎因為好彈牙同埋有啲花枝粒，蓮藕粒分量都好多，配左泰式辣醬好似食緊泰式花枝餅咁，面且每一片都好厚，其實每人食一片都已經好滿足黃金軟殼蟹-先將軟殼蟹炸到酥脆，再用滿滿嘅鹹蛋黃裹係上面，軟殼蟹炸到外脆內軟，鹹蛋黃都好足夠，食落口唔會好油膩，但係食多兩舊都要抖抖先🤣完整有一隻蟹，真係要慢慢食咕嚕肉-呢個真係值得一讚，首先呢道菜自己本身係屋企唔會整，出去到食飯好多時都會叫黎食，但外層粉漿都會裹得好厚，入面舊肉就變相好少，呢個就唔會，炸到好脆但粉唔會厚，起碼咬落去係啖啖肉，甜酸汁做到岩岩好，甜酸適中同埋唔會係溝左好多水個種，成碟菜出到黎係每一舊都平均咁沾滿醬👍🏻都係得地一致認同本日最佳菜式砂鍋豬油臘味煲仔飯-我地真係好好彩，叫左佢地最

✨XO 醬海鮮小炒皇 $108有蝦仔 蝦乾 蝦 魷魚 菜甫 韮菜 黃椒 炒得好好食 蝦仔脆卜卜好香 不過食到最底就好多油 ✨金沙脆鮮魷 $108咸蛋黃味都幾濃 個皮又唔會話好厚粉 好食👍 但魷魚唔易咬開 好易會搞到魷魚同個皮分開左咁食😂✨鳳梨懷舊咕嚕肉 $108我覺得呢個係偏甜味多啲 唔係好有酸味 炸粉唔算好厚 肉都冇話好肥 都唔錯總括黎講份量都唔算好大碟 之前兩個人食樣餸會極飽但呢度係飽姐 加上呢度裝修幾靚幾有特色 夠乾淨 如果人少想食大排檔又唔想坐喺街咁呢間就啱 不過我個人覺得就冇咁有大排檔風味 同埋有個呀叔同佢講野又唔應人😑 晚餐人均$150~200味道❤️❤️❤️❤️價錢❤️❤️❤️服務❤️❤️環境❤️❤️❤️❤️

【女人街食飯公司】新潮大排檔一直都好想嚟「女人街食飯公司」試下，原因無他－全因八、九十年代大排檔裝修非常吸晴😛下班後跟幾個同事一起到訪，手執菜單，字體上同舊式大排檔相差無幾，我們一行四人，選好食物，好快就有得食喇！餐前小食 $158/$58@1❒ 八味脆豆腐❒ 地道咖喱水魷魚❒ 家鄉鯪魚球❒ 黑松露厚蝦多士 $28(一件)❒ XO醬馬拉盞芥蘭煲 $98❒ 黑椒蜜餞薯仔牛柳粒 $168❒ 砂煲臘味豬油撈飯 $68❒ 招牌杏汁燉豬肺 $148❒ 青島啤酒＄28餐前小食一款＄58，揀夠三款平少少，三款都唔錯，其中地道咖喱水魷魚係冷盤，少少辣非常開胃。其中一位同事之前已經食過，大推黑松露厚蝦多士，熱辣辣炸好上檯，加配黑松露醬，真係超好味！XO醬馬拉盞芥蘭煲－芥蘭爽口而且炒得非常有鑊氣！黑椒蜜餞薯仔牛柳粒－薯仔炸過，包上一層糖衣，口感有驚喜～砂煲臘味豬油撈飯－臘味切成細碎粒，用豬油一起煮，除了非常香口外，米飯起焦，懷舊風味十足！招牌杏汁燉豬肺－少少杏汁，不會太濃，非常清甜滋潤👍最後，一場嚟到大排檔，當然要叫返枝啤酒～啤啤佢啦😛