女人街食飯公司

营业中

休息中

9月尾呢個星期五條街真係超多人，位於女人街嘅女人街食飯公司真係人氣高企，等候時間要一小時。餐廳環境闊落，充滿香港特色嘅霓虹招牌！餐牌有張是晚特價海鮮 ，想叫隻蟶子皇食下，不過要3隻起！餐牌有舊式冰室果種餐牌feel~~我地一行兩人叫左3款餸加一個白飯！蟶子皇 $48/隻 3隻起可選蒜蓉蒸或豉椒炒 炒就可能炒耐左無甘大隻，豉椒調味唔錯，很下飯。青芥末沙拉骨 $108芥辣味都幾重，都會有食芥辣果種嗆鼻感，啖啖肉加左少少芝麻會更香。屋邨三鮮 $78 有墨魚、雞腎、生腸 （甜醬+黃芥辣）整體都夠凍，雞腎質地非常爽脆！生腸特別入味，仲食到五香鹵香料味道，幾出色。墨魚大大塊，爽口彈牙。整體調味偏重，但幾好味，重口味人士岩晒，價錢份量都合理。

女人街食飯公司充滿舊式酒樓和大排檔風味！門面利害了一來到就被它吸引是小時候跟父母到酒樓月膳酒樓喜宴必備的一對金龍金鳳唔知有無暴露左年齡😆食店內上至裝修下至碗筷⋯內裝擺設也是懷舊大排檔裝潢。打卡影相懷舊一翻都是一流👍🏻～小編好小介紹中菜嫁！今次同大家分享一下😆～豉椒炒大蜆🎖🎖🎖大排檔小炒最講求鑊氣！蜆夠哂鑊氣上到枱香噴噴蜆都算大隻肉質新鮮彈牙～每隻蜆都開哂蓋正明火喉十足👍🏻豉汁夠哂味連配菜都比我食埋😋～生炸脆皮鴿皇🎖🎖🎖🎖鴿皇夠肥美而且厚肉新鮮即炸熱辣辣攞上手仲係辣手咬左一啖皮脆肉嫩有汁～再點小小華鹽果陣咸香呢～正！～啫啫南非五頭鮑魚雞煲🎖🎖🎖🎖大排檔啫啫雞煲都係必叫～原本想叫蒸鮑魚仔又驚食唔哂而家一次過滿足我2個願望😆背後聽到啫啫聲就知上菜伙記翻一翻撈一撈食得！鮑魚有隻湯匙禁大足5頭👍🏻上哂色估唔到配啫啫雞煲既汁都一樣掂！有紅燒風味但又乾身咬落又有口感！雞就無得輸啦！吸收哂所有汁既精華！皮啫到有小小微焦更香口肉質仲保持到鮮嫩伙記比多個「靚仔🍚」我丫！～XO醬馬拉盞生菜🎖🎖🎖馬拉盞炒菜都伙最愛之蝦乾大粒肉碎都算多菜都入味！送飯一流！送飯一流！～總結來講野食用料唔錯⋯但花多眼亂兩個人有d難

<港式室內大排檔>—🐔招牌瑤柱走地雞 (半隻) $148賣相好吸引 表面佈滿蔥 炸蒜🧄雞肉用上走地雞 質感好嫩滑🤤 而且好有雞味😆.🐟懷舊焗魚腸 $98呢個菜唔係好多餐廳有賣 因為工序都幾繁複🥲魚腸處理得好乾淨 食落冇異味👍🏻做法亦都好正宗 加咗薑絲果皮油炸鬼辟腥😋 不過略嫌雞蛋過熟咗少少.🦐黑松露蝦多士 (一件) $28多士味道好香脆 而且食落都唔算太油膩👍🏻蝦肉🦐爽口彈牙 .🍲杏汁白肺湯 $148一盅可以分到大約5-6碗燉湯好足料🤩 最中意加左白果薏米😋杏仁味道好香 豬肺處理得好好 冇腥臭味👍🏻—評分📈味道 7.5/10環境 7/10性價比 7/10

蜜餞金錢鱔$168一上檯已經聞到好香好香，中菜嘅誘惑就喺呢個香氣度🤤食指大動鱔肉肥美新鮮，一咬落去油脂香即刻充斥住個口最驚喜嘅地方係鱔魚皮，皮微甜、少少脆，醬同脆皮仲要極夾呀客棧香煎花枝蓮藕餅$88上面鋪咗啲炸乾蔥，好鍾意🥺難得味道同香氣又唔會太喧賓奪主餅係煎嘅不過咬開都有汁水，好彈牙，入面可以食到唔少蓮藕粒，好好咬口砂煲臘味豬油撈飯$68面頭鋪左細蔥、蔥花，仲有大量臘腸膶腸粒，呢度整得好嘅地方係膶腸唔腥，細細粒幾好味😋刮下個底就見到成大片飯焦😍臘味香而唔係好鹹，具備煲仔飯應有嘅高水準😙價格嚟講覺得幾抵，侍應上菜時仲話幾乎枱枱都嗌，好彩夠快手🤪侍應可以幫你撈豉油，亦可以自己揀落幾多豉油啫啫醬爆田雞煲$118食大排檔點少得煲類嘅小菜，仲要係啫啫煲喎😌上檯嗰陣個啫啫聲真係好吸引上面鋪左少少細蔥，雖然田雞本身有骨，食落肉質鮮嫩，幾腍咸檸七$24食住小菜配咸檸七，一個字爽☺️

一直都好想食呢間，尋晚終於有機會約左幾個friend子一齊食，上到去超多人，等左around 8個字先有位🥲 坐低已經勁餓~ ✨蒜蓉粉絲蒸蟶子皇 - 有朋友唔食海鮮，所以叫住兩隻試下先~ 不過真係好大隻又厚肉，都幾鮮味，配埋蒜蓉粉絲好惹味✨黑松露蝦多士 - 個底係厚多士，隻蝦都好大隻，估唔到同黑松露又幾夾wo! 每人一件份量剛剛好，食得多會少漏 ✨香菇油渣蝦籽撈粗 - 叫左細碗都覺得幾大份，蝦籽好足料，幾入味✨懷舊鍋貼小棠菜 - 呢個真係第一次食，原來係d魚肉mix左小棠菜再用腐皮包住拎去炸，好香口~✨金沙脆鮮魷 - 勁濃咸蛋味，都幾大碟，幾個人分剛剛好環境其實都多打卡位，好有經典香港feel🤩

🐝女人街食飯公司🐝…今日同朋友去旺角食飯，去左呢間裝飾好懷舊大排檔feel嘅餐廳，仲有冷氣，啲食物質素都好高👍😋…金沙脆鮮魷 $108啲鮮魷非常彈牙，但唔會好韌，幾好咬，又好脆，個味好出，夠鹹，又有蛋黃味，推介！🤩🤩🤩…鳳梨懷舊咕嚕肉 $108個咕嚕肉就正啦，係食過嘅咕嚕肉中最好食嘅，啲肉唔韌之餘仲好軟淋淋。個殼幾脆又唔會好硬，食落一啲都唔攰。😍😍…黑松露鮮蝦多士(3舊) $84呢個鮮蝦多士就必食！！！首先個多士一啲都唔硬，一咬就好似溶左落個口入面咁，仲甜甜地。舊蝦都好大舊，黑松露醬好香，每啖都要點啊！😋😋😋…屋村三鮮 $78呢個屋村三鮮就夠豐富，有鴨腎，豬生腸同墨魚，好正，好彈牙，如果大家都中意食內臟就一定中意食啦。👍👍…整體評分食物：🤍🤍🤍🤍🤍服務：🤍🤍🤍🤍環境：🤍🤍🤍🤍🤍價錢：🤍🤍🤍🤍…📍旺角通菜街1A-1L威達商業大廈1樓B室

之前一路都好想試呢間大排檔熱炒。門面裝修好復古、old school，好有香港風味。菜單款式都好多選擇，樣樣都好想試。先叫咗啲送酒小食，屋村三鮮 - 有生腸、鴨腎同墨魚，3款都勁入味。脆豆腐細細粒勁香口，食唔停口，最尾忍唔住再encore😆咖喱水魷魚係冷盤，舖上炸蒜同香蔥，比起熱食更加開胃。仲有家鄉鯪魚球，配上咸香蛤蚧醬，款款小食都係下酒菜🍻份量都唔少。仲有風沙九肚魚，外層香脆可口，炸得好乾身，一d 都唔油。鹹魚炒芥蘭都好出色，有鑊氣之餘，芥蘭清甜爽脆。主菜仲有鮑魚雞煲同鐵板黑椒豬手🤤兩樣都炆得好入味，味道又濃，啱哂我。鮑魚大大隻新鮮爽口，豬手炆得好琳，豬皮煙韌又充滿膠質，襯上黑椒味唔會覺得油膩。仲有好多小菜都想試。

餐廳大玩懷舊風，以大牌檔作主題，門面的紅絲絨牆襯金色龍鳳雕，相當搶眼！店內裝潢設計有心思，將七、八十年代大牌檔環境重現眼前，還原舊時香港面貌，充滿老香港味道，非常吸睛，整間餐廳都非常適合打卡。黑松露鮮蝦多士 ($28/件)多士相當厚身，金黃香脆，蝦肉彈牙爽口，加上黑松露令菜式份外矜貴，還增添一份迷人菌香。鳳梨懷舊咕嚕肉 ($108)粉漿薄脆，咕嚕肉肉質軟腍鬆化，酸甜有致，相當開胃。金菇沙茶肥牛煲 ($128)用瓦煲滾着上桌，開蓋時冒着煙滾着泡，濃濃沙茶香撲鼻而來。沙茶濃香惹味，粉絲彈牙，完全吸收了沙茶汁，惹味至極，讓人一口接一口，一吃停不住。蒜蓉清蒸日本大元貝 ($48/隻)元貝大粒厚身，粉絲吸收了蒜蓉味，蒜香十足。蒜蓉清蒸紐西蘭蟶子皇 ($58/隻)不愧為蟶子皇，蟶子相當大隻，肉質肥美爽脆，配上蒜蓉粉絲蒸煮，吃出其鮮香惹味。

位於旺角通菜街的商廈就開了一間樓上鋪，名為女人街食飯公司，以懷舊大排檔風格，店內更有不同場景：酒樓喜宴金龍、鐵皮屋仔、水哥鮮魚等...坐位旁改裝成唐樓窗花，更有以茶洗碗，令人回想起從前的時光。叫得做食飯公司野食當然唔少：咕嚕肉、肥牛煲、焗魚腸、海中蝦等...應有盡有！鳳梨懷舊咕嚕肉咕嚕肉份量很多，而且每一咕嚕肉上都掛滿了酸酸甜甜的醬汁，入口外脆內軟，啖啖肉，非常開胃，難怪我由細到大都咁愛吃。金銀蛋浸莧菜莧菜上加入鹹蛋同皮蛋，令上湯更鮮味，食起來口感更豐富，更有層次。金菇沙茶肥牛煲他們以傳統煲仔烹調，來到時非常非常熱，夠哂火喉，金菇、粉絲都吸收了沙茶的香濃味道，而肥牛軟腍，牛味重，送飯連汁無得頂！蒜蓉清蒸紐西蘭蟶子皇$58/隻不愧為蟶子皇，蟶子有如筷子般長度，肉質非常彈牙爽口，鮮味出眾；而且蒜蓉粉絲，更吸收了蟶子的鮮味，令粉絲更加鮮甜味美。蒜蓉清蒸日本大元貝 $48/隻大大隻大元貝加上蒜蓉清蒸，大元貝肉厚肥美，口感彈牙鮮甜，一食上癮。

喺IG見到好多人去呢間餐廳打卡，餐廳名字有趣，裝潢以懷舊香港風情為主題，覺得幾有特色，所以去試吓！.🦐 黑松露蝦多士 $84 (每件$28, 3件起)多士夠厚身，炸得金黃酥脆，佢哋嘅蝦多士唔同一般食開果啲用蝦膠，而係用咗原隻大蝦。蝦肉肉質爽彈，上面仲鋪有黑松露醬，增添鹹香鮮味，蘸埋黑松露沙律醬更滋味。.🍍鳳梨懷舊咕嚕肉 $108大排擋唔少得要試咕嚕肉，咕嚕肉選用無骨腩排，肉質紮實偏瘦，炸醬皮薄脆口，醬汁酸甜度適中，搭配清甜嘅新鮮鳳梨，開胃好送飯。.🍲 白酒蝦乾鮮胡椒勝瓜浸大蜆 $138叫咗兩款炸嘢，所以想食多樣濕濕地有湯嘅。蝦乾同大蜆超大隻而且份量十足，大蜆肉質新鮮又無沙。湯汁帶濃香嘅白酒味道，鮮胡椒味唔會太重，飲落鮮甜順喉，勝瓜及粉絲吸收晒湯汁精華好入味，推介！.🍚 油飯 $18油飯粒粒分明夠乾身，帶雞湯鮮味，飯面灑上炸蒜更香口。油飯幾大碗算抵食，建議想食白飯($12)嘅可以考慮試吓油飯。.🍋 青檸梳打 $24青檸汁及梳打分開上，加埋有成2杯份量，青檸汁夠多，飲落清新又冰爽解渴！.總括而言：餐廳面積十分寬敞，場景以舊式大排檔及街市小店為主，牆上掛有懷舊港式霓虹招牌、門面、窗花及鐵閘等

☞ bookmark咗呢間大排檔好耐，大熱天時緊係要留喺室內食吓小炒啤啤佢🍻🍴 咕嚕蝦球（$168）❖ 咕嚕肉就成日食，蝦球就比較少見。個蝦肉好彈牙，而且粉漿唔厚👍🏻 醬汁食落酸酸甜甜好開胃😋❖ 加上佢係用新鮮菠蘿！唔係罐頭菠蘿，抵讚😆🍴 黑松露蝦多士（每件$28）❖ 見到好多人嗌呢碟（三件起）一上枱就聞到好香黑松露味🤤佢唔係用蝦膠蝦滑，而係用全隻蝦開邊，配埋黑松露醬不得了😍不過價錢就唔算太平～🍴 金沙鮮魷（$108）❖ Size好大舊，同平時見開嘅鮮魷唔同，食落魷魚都幾淋身，唔會好難咬👍🏻炸嘢配咸蛋黃無得輸啦🤪

呢間大排檔設計時尚具懷舊風味🏺環境舒適度高座位以大枱為多適合一大班人聚餐👥食物質素都相當高🥳小編週末晚上六點去到walk in 都有位 訂座嘅話就要提早啲👈鳳梨懷舊咕嚕肉入口酸酸甜甜好開胃🤤排骨外脆內嫰👌汁醬亦都預得啱啱好👍用上新鮮菠蘿好驚喜🤩XO醬馬拉盞芥蘭煲上枱熱辣辣🥢食落夠鑊氣👨‍🍳芥蘭又嫰又爽🥬感覺份量都好多👏配料有乾蔥同大大嘅蝦乾🦐令菜式更加鮮香XO醬唔濃只係食到少辣🤏夾埋啲肉碎食好惹味😋

女人街食飯公司 - 港式大排檔今日介紹一間位於旺角通菜街的餐廳，餐廳名字就係叫女人街食飯公司，所以一定唔會去錯地方，是一間港式大排檔餐廳，提供多款地道小炒、撚手小菜。鳳梨懷舊咕嚕肉 $108即叫即炸的咕嚕肉，加上新鮮鳳梨，配上酸酸甜甜的醬汁，拌飯一流。風沙九肚魚 $88大排檔必點的九肚魚，薄薄的金黃色炸粉，香脆鬆化。金銀蛋浸時蔬 $88蔬菜方面點了清清地的浸時蔬，加上鹹蛋和皮蛋超豐富。蛋白杏仁茶 $28甜品竟然有蛋白杏仁茶，超滑的蛋白加上濃郁的杏仁味。古法脆麻花 $28還有滿滿蜜糖的脆麻花。

係旺角要搵地方比一大班friend 打冷飲啤酒, 首選肯定係喺通菜街嘅女人街食飯公司, 老闆入貨源靚， 廚師功力夠， 各種小菜即叫即炒， 夠鑊氣。 仲要係成個場嘅氣氛都非常一流，未食都已經超開心。餐廳各種 大排檔小菜都有供應， 你講得出嘅都有， 各種生猛海鮮龍蝦老虎斑， 仲有懷舊香港小食 滷味， 各種懷舊菜都有， 選擇多肯定每個人都 揀到想食嘅餸菜。 金沙魷魚88先叫碟香口小菜吧， 金沙魷魚，色澤金黃、外酥脆之餘， 鹹蛋也夠鹹香，魷魚爽脆彈牙，再加一杯嘉士伯， 冇得彈。Xo醬海鮮小炒王108呢度菜係我超喜歡的， 蝦乾隻隻同手指一樣長， 靚貨又靚料。 小銀魚腰果魷魚份量多， 韭菜仲有冇渣，超嫩，鳳梨咕嚕肉鳳梨酸甜開胃，咕嚕肉即叫即炸，食得出豬肉肉質爽，唔會梅dum dum，醬汁酸甜，整體黎講超好食。屋邨三鮮生腸鴨腎 墨魚， 爽口彈牙， 而且份量多又冇欺場 ，喺度食好過喺街邊篤一串串啦。啫啫班頭腩煲呢度個煲貴就貴咗用了足用料靚 鑊氣足， 班頭腩新鮮肉雪白， 蝦乾大隻夠鹹香， 乾蔥頭 蒜頭等等爆得香口， 自己喺屋企炒肯定炒唔到呢種嘢未。

一直聽朋友講旺角女人街有間幾出名嘅大排檔，仲話佢有個湯係超級好飲😆 鍾意周圍捐窿捐罅搵食嘅我，今次就帶埋屋企人一齊上去踩場，試試佢個湯有幾正😎飲湯前，我哋嗌咗份喺嗰度都相當出名嘅小食——蝦多士！$28一件，仲要有黑松露😜 蝦多士炸到十分鬆脆，多士搽咗牛油，食落好香好好味😋 蝦都幾大隻下，配埋面頭嘅黑松露醬同埋黑松露沙律醬，非常之夾！雖然好邪惡，但食到停唔到口😌無錯！我哋全家人就係為咗呢個湯而嚟🤩 見到有唔少人都嗌咗呢個湯，本身我自己麻麻哋杏汁嘅，不過佢呢個湯嘅杏汁味又唔會勁重，飲落帶甜而且好潤喉，可以連續飲幾碗，果然無介紹錯😚 而且仲有一大碗湯渣食，好足料🤣鍾意食咕嚕肉嘅我嚟到呢度梗係嗌返碟試吓💁🏻‍♀️ 呢度嘅咕嚕肉份量唔算好多，細細碟咁，性價比就唔算好高。不過個咕嚕肉炸粉都幾薄，而且都啖啖肉，同埋每舊都幾大舊下，而個配料都幾有驚喜，菠蘿食得出係新鮮菠蘿，而唔係罐頭菠蘿，如果比多幾舊就仲好啦！小炒皇都係我哋去食大排檔嘅至愛，佢嘅小炒皇好足料，有超多魚乾仔、腰果同韭菜，仲有幾舊大蝦球同魷魚仔，不得不讚佢個蝦球真係好爽口🤩 味道方面，因為加咗XO醬，食落鹹鹹香香咁，用嚟送酒就最適合不過！🔸