奧壽司

营业中

休息中

今日想俾D新意女朋友, 所以帶佢去數碼港睇戲+Dinner-------------------------------------------------------------------------睇戲見人體壽司, 於是了起我條筋去食壽司. 叫左1)三文魚壽司, 北寄貝壽司,蟹子壽司2)雞串,粟米串3)土左tofu4)豚肉拉面壽司尚可, 不過最低消費20 蚊碟, 如果叫蛋呀, 蟹柳呀就唔抵, 因為同出面ge 水準差唔多, 但係叫和牛就ok, 因為50有兩件, 出面多數3x 一件.串燒不合格, 太乾了, 未解凍就燒, 而且粟米太細條, 太細粒.是日係我地的tofu 有一舊配大量紅薑, 差d辣親我女朋友, 唔夠細心, 麻煩你地下次碟邊上拉面比未味千好, 隻蛋有溫泉feel, good-----------------------------------------------------------------------------------------------環境同service 都錯0既.自動波倒水, 主動介紹推介, 侍應有笑容. 環境唔錯, 不過有一半分應該比數碼商場-

假日八點幾三個人黎.唔洗等.芝士焗蠔: 個味麻麻地. 好明顯d蠔唔係新鮮的. 銀雪魚雜菜煲: D魚好甜. 甜到好似落左糖甘. 清湯幾好. 加洲卷: 不過不失. 鍾意佢唔係太大舊. 可以一啖食晒. 三文魚刺身:　有五大塊. 但係太厚. 寧願佢切多幾刀分左幾件.纓花炸蝦天婦羅：　呢個等左好耐先有. d蝦唔知o係邊. 基本係將d菜切條然後踏成網狀. d蝦應該係係裏面. 但係唔係點食得出囉. 同埋食落都幾油下．另外叫左個鹽燒牛利. 本人冇食到．環境普通. 算嘈. 張檯刻左字. 但係就係甘. 張檯唔乾淨...服務普通.

6/2/2008 午同朋友吃過團年午餐~我要左個三文魚壽司飯便當($108)朋友就叫左個一個燒牛肉定食($98)兩個餐都有魚生拼盆及味增湯味增湯唔夠鹹~而且無咩料~得果兩粒仔豆腐粒~昆布不見了~魚生拼盆份量頗多~三文魚ok~吞拿魚就腥帶子食落口好明顯係新鮮~而且鮮甜~我個定食有蟹子沙拉~不過味道一般~朋友的牛肉定食唔錯禾~不過塊牛都幾肥~坐就唔係好舒服啦~商場半開放式~奇怪的坐位唔舒服，張檯都唔夠上菜~一d都唔好坐~服務都好一般~個個都無笑容~不過好主動加茶唔知點解食完之後拉左一晚肚子.......

每次都因為有喜慶，例如同事生日先會去幫襯，話明喜慶，就當然係一大班人去，每次打電話去訂位，接線生都會同我講同一番說話，而我亦係答接線生同一番說話。本人：唔該我想訂位接線生：幾時？幾多位？本人：某月某日，24位接線生：唔好意思，24位嘅話要食set menu本人：咁我地唔可以食lunch special？接線生：公司規定，超過十位就要食set menu本人：咁你同我book 3張枱，每張8位，一張用姓陳訂，一張用姓李訂，一張用姓黄訂，安排3張枱係隔離接線生：咁無問題其實呢間店一D都唔好食，魚生唔新鮮，招呼差，只係數碼港內餐廳選擇唔多先至侷住去。真係比佢地激死！

在數碼港睇完史力加3世，要在附近搵食，選擇唔多．想簡簡單單的就選這裏．店名以壽司為名，但我地無唸住食壽司．只點了叉燒拉麵，豚肉拉麵和一客三文魚粒粒（名字忘了啦．．．）兩個麵的湯底都是淡淡的，味精也省不少．可能近收市的關係，麵條是零零碎碎的，很無癮！！！叉燒有點厚道，但無味道．唯一可讚的是豚肉片頗薄，就算肥膏部份也爽口不肥膩．三文魚粒粒以花松子拌過，上檯時還附一隻鵪鶉蛋．個人意見，後悔落左隻蛋．．．整體而言，兩個拉麵可以話係唔得．壽司嘛，要等大家的食評了．我應該唔會返轉頭喇～

數碼港,難得的一間食肆.大貓帶小貓來數碼港一遊,進了這間中高檔的日本料理店.叫左一個魚生飯盒,魚生新鮮無比,鮮味無窮,數量不少.水準高於平常壽司店所吃的~

數碼港的唯一日食，可是沒什日本餐廳的格局，樓底高，可惜不善用，起碼來個日式吊燈吧？一般西餐室的模樣。。。還來個只會在ＥＬ　ＣＩＤ才見到的彈結他人。。。奇怪的感覺令胃口減半。原本屬中價的食物，頓時覺得很貴，所以只點了個冷麵、一個蝦天婦羅咖哩飯。冷麵是做的不錯，炸蝦就你要了。手指公般粗的炸蝦，裡面的蝦原來只有隻鉛筆段粗的蝦仔，Ｄ粉厚到丫。。。侍應似乎比較熱情招待說英文的外國人，我等只叫兩樣野的只有冷冷的點頭，話都不願多說。。。埋單百多元。。。回家再吃公仔麵。。。

12月31號晚同女朋友去左CYBERPORT睇戲，未睇戲之前就去搵野食啦，成個商場可選擇的食市不多，就搵左呢間食日本菜...2個人點左以下食物:1) 壽司拼盤-- 魚生大大件同新鮮，幾抵食(HKD180)2) 三文魚手卷-- 第一次食手卷係食到最後一啖都重食到三文魚(HKD 25)3) 牛油焗帶子-- 有6小隻，味道OK (HKD 4X)4) 豚肉拉麵-- 個湯普普通通，但係豚肉好好食，而且份量夠... (HKD 4X)無記錯最後埋單HKD360....

上星期五晚去過，係成個商場冇乜選擇下第一次幫襯。兩個人叫左三文魚壽司，八爪魚壽司，地獄拉麵，咖哩牛肉拉麵，雞軟骨同燒(魚青)魚。三文魚比想像中大份同肥美，飯唔多。八爪魚就好新鮮，唔似其他個d咁乾。兩個拉麵唔掂。雞軟骨炸得太耐，好油。燒(魚青)魚燒得剛好，唔乾，好好味。整體黎講都幾好，添茶次數頻密，不過張凳唔好坐。

7月15日晚上,成個商場都無咩好食,唯有又係揀日本野啦,個次無吃壽司及魚生,因為有D厭,叫左佢推廣中的黑和牛燒牛仔骨,燒得太熟,太咸,螢光尤魚就好新鮮,最好味係串燒牛舌,爽口味夠,燒三文魚頭都幾大,過得去啦。食食下仲有個菲律賓人逐張枱埋去彈結他唱歌,但未唱到我個度我地已經要埋單去睇戲了。順帶一提,D侍應就麻麻喇,抹枱抹到好"哩HEA",抹完仲成台蟹子好似無抹咁,一係就叫極都無人黎,撞鬼~

魚生幾新鮮，其他東西又不貴，唯一不是太好就係D chairs不是太舒服啦。。。

來數碼港睇戲，多數都來這裡吃飯。點了加州卷- 幾精緻，味道不錯。牛油焗帶子- 幾香，份量少少地，可作小食。蟹羔炒飯- 咸咸地幾乾身，不錯。咖喱吉列蝦飯- 蝦好爽脆，咖喱香香甜甜，好味道。綠茶雪糕- 都幾香綠茶味。價錢不貴，地方又好坐，所以成日都來，係我在數碼港嘅飯堂呢！

今晚路經薄扶林，順路往數碼港吃晚飯。本來打算試周莊水鄉，想不到在水靜河飛的數碼港內的周莊水鄉七時不夠已經客滿。因為趕着回家看「叮皇爭霸戰」，隨便走進這間奥壽司。我們兩人只點了一個壽司拚盤、燒魷魚和天婦羅烏冬。壽司﹕厚厚的魚生包着手握的飯團，口感和鮮味絕對不是迴轉壽司或廉價日本餐廳可比美的。燒魷魚﹕看似平凡，但一份淡淡的鹹味配上點到即止的燒烤，完全把鮮甜肉汁封在微焦的魷魚內。烏冬﹕天婦羅的蝦比較細了，豉油湯很清，烏冬幾彈牙。順帶一提，此餐廳的日本茶很濃味，可惜待應沒有為我們再加茶。