奧士曼里阿 (已結業)

11-8-08 (一)叫了一份咖喱羊肉餐 ($35)，送來的一小碟羊肉，一看，幾件都全是骨頭，在其他地方吃過幾次咖喱羊肉，從未試過這樣。烤餅頗油，味道則不錯。三十五元一份這樣的 “骨頭餐”，超級唔抵。另叫了一份雞肉薄餅 ($15)，送來四大件，按份量又超級抵。不過食落就發覺很油膩，內裏完全吃不出是什麼材料，不是很好吃。今天可能是叫了不合適的食物，又或者是沒有運氣，遇上沒有肉的羊肉餐。如果再來，就跟那位好像是熟客的小妹妹，叫$8一塊的烤餅好了。評份是介乎0k和喊之間。

上次在隔離拮魚蛋, 已被這一家印巴小店吸引了. 今日早收工, 4:50完工, 沒理由咁傻去問Super攞野做, 上上Forum, 整理一下File, 入埋幾條唔駛諗既細數, 6點閃...不理屋企有沒有煮飯, 今日主要是再黎交加里, 開發這一條食街.首當其衝的, 其實是隔離拮魚蛋店, 但上次只食了隻雞脾. 寫與不寫, 雞肋也. 入到門口, 印度哥仔整緊餅, 打了招呼後讓我慢慢看餐牌, 咖哩, 有點full, 唔想食, 薄餅又怕不能充當晚餐. 問問有沒有Kebab, 薄餅加點肉, 既有伊斯蘭特色, 又唔會太Full.印度的手卷其實同土耳其的手卷有別, 印度是以Naan Bread卷著, 土耳其比較多用Pitta, 或是打開一塊不卷.羊肉加了他們獨有醬汁, 不羶, 不過個Naan凍了少少, 入面熱的. 送了一個炸菜俾我做頭盤, 有好香印度香料味.地方, 簡而清, 十足十一間在印度的小食店, 以前在英國一些住滿印巴人的貧民區, 感受過.

平時好少過灣仔,今日去開做工事終於有機會試下啦.要左咖喱羊肉餐: 羊肉好淋,一都唔ngan,用叉都整得開,咖喱汁好味,辣度剛好,薄餅即做，熱辣辣，一都D唔油，仲有一小碟炸素菜，個樣唔講都唔知係素菜，以為係肉，有少少菜汁伴碟，我叫涷奶茶少甜，真係好少甜，佢地D人好，尤其今日門口負責整薄餅同落單個個男仔，好好人．下次一定再去，會試芝士．

叫了個$10的薄餅////好好食///熱呼呼的，有口感。另外叫了個＄18的青瓜乳酪，有點失望。乳酪好「希」，朋友說起碼酸酸地，都似乳酪．．不過，我就覺得嘛嘛，＄１８其實唔抵．．朋友叫了個ＳＥＴ　ＬＵＮＣＨ，咖哩牛肉＋薄餅＋炸素菜＋飲品（奶菜）奶荼，朋友一飲便說「好啖」炸素菜，其實ＯＫ既咖哩牛肉，辣，果然真係咖哩，不過可惜我同朋友都覺得只係得個辣字，咖哩味卻不多最後，我覺得來這兒，最好食係薄餅，但下次來記緊要ＴＡＫＥ　ＡＷＡＹ，因為．．衛生情況有待改善．．．＝＝

不肚餓，旨在找個地方坐坐吃點小食。$8一塊即煎印度薄餅，熱辣又香，煙韌而不油，值得回頭。

13Jan2007 1622我指的是叫2個Paratha (印度拋餅)，然後自己沖杯咖啡，總好過用同樣價錢食茶記下午茶餐。這裡的Paratha 料可以選擇雞、牛、菠蘿、薯仔及香蕉，為安全計分別叫了雞及牛。印藉主理人新鮮製作，除左肉碎外，還有青豆粒、粟米粒、紅蘿蔔粒、花及雞蛋汁，還叫他加少少辣。外皮鬆脆，還有蛋汁流出，料足之餘還比預期中多，還有不知是否拋時拋得太勁，其實食1個都夠飽，2個都仲有位留番晚餐。

與朋友到[ 烤Come ] ( 另文再述) 吃完不飽，朋友推荐到Osmania 試試，由於地點是橫街，不算大路，初次來到不知吃甚麼，於是花了點時間去看。菜譜其實不大，花款有限( 比起港式食肆簡直是少) ，但見年輕差仔( 無貶意) 熟練地在弄烤餅，幾個人叫了一客咖哩魚+ 一客咖哩羊大餐\ : 魚沒甚腥味、羊羶適中不過火，看來調味簡單但吃來居然不差。最後吃烤餅，忽覺『返璞歸真』原來就是這麼意思! 餅沒加肉或香草，只是一團發酵麵粉，甩十數次張開成餅狀，再堆積成小山丘讓熱力烤乾。點員會拿出綠咖哩汁( 送兩件炸雞) ，點著吃十分地有烤過的麵粉香。去時記得喝杯乳酪，是平日少機會接觸的好飲品!

上次要plain 薄餅(相等於咖喱鄉里的油蘇餅)$8, 十分好吃, 可剩食, 也可點咖喱汁食(上次剛巧有買鄰檔的小食有汁點)。今次改要香蕉薄餅(pratha)$15, 餅太油膩, 托不出香蕉味。

弟弟說他很想念第一次跟我外出所吃的印度薄餅．．．我記得以前在灣仔補習附近有一間叫ＯｓｍａｎｉａＣａｆｅ的專賣店，今天就跟他和姐姐一塊去．．．大熱天時，坐在空調不足的小店，真的彷彿到了Ｉｎｄｉａ．．．我們要了一份兩人套餐：ＢｕｔｔｅｒＣｈｉｃｋｅｎ，Ｓａｍｏｓａ，ＰａｋｏｒａＰｌａｔ，Ｐａｒａｔｈａｘ２＆Ｄｒｉｎｋｓ（Ｌａｓｓｉ＆ＭａｎｇｏＭｉｌｋｓｈａｋｅ）咖喱角的咖喱不多也不夠濃，但材料塞得滿滿，外皮很香脆．．．咖喱雞的肉質很一般，但很入味．．．咖喱汗煮得很捧，用很配薄餅最好．．．薄餅真不愧是招牌，很鬆軟，弟弟一人ＫＯ了一整碟套餐吃完後覺得肚子還有空位，就再叫一個甜的Ｐａｒａｔｈａ是菠蘿味的．．．熱騰騰，皮很薄很軟，加上菠蘿粒來吃，口感很好

次次行過都覺得好吸引,尋日終於可以試下... 結果非常失望1) 羊肉薄餅（$１５）~ 完全地貨不對辦,同幅圖簡直差好遠,d料己經少,仲要雜豆仲多個d羊肉粒,其實係咪羊肉都完全食唔出,最後都係食咗幾啖掉咗

Murtabak 的別名很多，有印度甩餅、阿拉伯甩餅、印度煎餅、印度皇族煎餅…或者就咁叫印度餡餅。Murtabak 是印度人宴客食品之一，是用雞蛋、肉、洋蔥等做餡料，折入擂油的麵餅中，在鐵板上煎至金黃色，切開一件件後食用。Murtabak 一定要熱食，本身已十分可口；若加咖哩辣椒佐食，更覺惹味。這間店的主食主要有：淨油酥餅（roti paratha）、肉/水果/素餡餅、咖哩蘸薄餅同最貴的Murtabak - 它一份的份量是前者的三倍。是日的印度羊肉餡餅，皮煎得不夠香、不夠硬、不夠脆…只是一塊大薄罉包一堆碎濕濕、蛋多肉少的料子。雖與吃過最好的murtabak 差一大截，但仍能登大雅之堂。只因便宜同一下心癮而已。

3/2(六) 1:30pm是日放工後,先自行遊蕩一會才會合男友.為是晚的自助餐作準備,下午不能吃得過火,路過此店買了件最基本的印度薄餅$6,薄餅份量頗多,但不酥香,不軟熟,薄餅也不見得香脆;失望失望!

今晚吃完飯後，口痕痕就同男朋友仔結伴去呢度食薄餅，之前我地都試過。個雞肉薄餅即叫即整，門口的印度哥哥整餅技術真係一流，而個餅也熱烘烘，好香呢~~ 我地叫咗1份雞薄餅，10蚊應該只有兩塊，但係佢俾4塊我地都係收10蚊。呢度的環境真係麻麻，不過個印度老闆好熱情，不停為我地介紹佢地d野食呢~~ ^^10蚊大大塊薄餅，真係抵呀~~~下次要試下佢個香蕉薄餅先~~

已經幫親過好多次.每次經過都忍唔住買返件薄餅($6), 即叫即整, 正呀!!另外仲試過薯仔薄餅($10), 又係即叫即整, 薄餅入面包住d什豆同咖哩薯蓉, 都幾辣, 但都好味道.

如有人向我提起香蕉薄餅, 我會想起那些日式甜品式的香噴噴薄餅, 內裡夾著香蕉和雪糕. 想想也覺得好味啊!來到這店, 發現原來香蕉薄餅原來是一梳香蕉加一塊薄餅(如餐單所示). 咁都得??我很有衝動想叫一客香蕉薄餅餐(只售$10), 看看他們是否真的會給一梳香蕉還是一條而已. 但當時很餓, 要醫肚, 不是合適的時候去玩冒險.三個半飽的人叫了兩款咖哩-- 菠菜咖哩雞($45) 和咖喱羊肉($25). 另外每人一塊薄餅($6 一份). 起初見那位阿叉哥灑不少油來"撻"薄餅, 以為會很油膩. 但薄餅到來時見到卻未如想像中那麼油. 不過薄餅是摺起來煎的, 我只喜歡吃那煎得有點焦, 有點脆的面. 餅心是有點油, 淋淋的麵粉.雞是連骨的, 份量適中. 我要了大辣. 不錯, 真的有辣味. 雞肉普通, 沒鮮味而且不很滑. 不過勝在重味的咖哩搶了味, 令遜色的雞肉不太明顯. 另外咖哩羊肉的肉不錯. 咖哩汁卻嫌不夠辣, 而且咖哩本身的味道也不很香, 不很惹味.對環境有要求的這裡不是個好地方. 這小店的桌椅很少又迫, 供應最簡單的用膳設備.如有下次, 我真的想試試那個香蕉薄餅!