奇蹟拉麵 ミラクル

营业中

休息中

之前屯門人氣拉面店轉開到去旺角，今日特登早D食，以免要排好耐隊。原味濃拉面湯底十分濃郁，好重豚骨味，係比較rich既湯底，有少許漿口既感覺，所以D湯汁完全可以掛係面到。面質係幼面，雖然冇得簡軟硬度，不過都好適中! 有2塊叉燒，溏心蛋，蔥同埋荀絲。食完都唔會口乾到要狂飲水。今期既限定拉面款係 - 鴨肉醬油拉面呢款湯底相對之下比較清澈，湯底冇咁稠，但係都好夠味。內餡最大分別就係多左鴨肉，鴨肉每塊都好厚，感覺好足料。另外加左餃子，煎到每邊香脆，餃子餡料多。

今日旺角經過呢間拉麵店，就決定入去試吓，佢哋嘅Menu上面有五款拉麵可以揀，原本諗住試吓佢哋而家限定嘅鴨肉醬油拉，不過已經賣晒😢原味濃拉麵🍜$86呢個係濃厚嘅豬骨湯拉麵，湯底濃郁，拉麵用上幼麵，食落好重膠質，真係幾足料清湯醬油拉麵🍜$79呢個就係比較清嘅醬油拉麵，食落清甜，面底都唔會太腍，醬油湯底比起豬骨湯底食落會冇咁膩另外仲叫咗餃子🥟同埋炸雞，煎餃子皮薄餡靚，入面好多汁，炸雞都炸得好香脆，肉質嫩滑🍖

呢間野係屯門個陣就好多人講 但屯門真係好遠 一路都冇去試 開到嚟旺角就嚟一嘗究竟 餐牌選擇唔多 得幾款我自己比較鐘意清啲嘅湯 叫咗醬油 朋友叫咗烏賊濃味 講返碗麵 質素唔錯 唔洗排隊嘅話會成日食湯底ok 飲得落麵質係冇得揀嘅 但上到嚟都軟硬適中蛋係溏心嘅 整得唔錯荀都正常叉燒都冇奇怪味 唔係滑捋捋個隻分量冇話好多 適中 女仔食啱啱好 男仔可能會覺得少但唯一唔好嘅係 我地坐入面 個廁所好臭….好大陣廁所味 我會話係影響食慾個隻 碗麵上到嚟先好啲…

於屯門曾紅極一時的奇蹟拉麵於2022年11月結業，2023年7月再次係旺角重開。今日又過嚟試吓其他口味。仍然做緊原味、烏賊、辣味、清湯醬油四種口味，以前係屯門試過烏賊濃拉麵，上次食過清湯醬油，今日就試吓原味濃湯拉麵。呢期仲有個限定係鴨拉麵，不過限定10碗今日就食唔到啦。叉燒今次食再咸少少，濃味啲啲，拉麵有咬勁。湯底用咗豬骨、雞骨熬到又濃又杰身，仲食到有啲魚介味，最啱重口味人仕。湯底膠質十足，好彩湯底嚟到時夠晒熱出晒煙。如果凍咗就可以加佢枱面嗰啲昆布醋，減低油膩感。午餐加$15就有汽水同埋小食。午餐嚟食就最抵。

睇咗啲YouTuber介紹，所以想試但間野好麻麻嗌咗原味拉麵套餐，拉麵正常發揮餃子賣晒，嗌咗炸雞，但係啲炸雞5熱😂整體嚟講真係好一般如果要排隊試，應該會好嬲😂😂

聞名已久嘅奇蹟拉麵 ミラクル 🍜由屯門發跡再搬去旺角開店，作為大西北人竟然喺旺角先第一次食 🙈🍜 原味濃味拉麵 💲86🍜 濃厚辣味拉麵 💲93以稠身濃郁的豬骨高湯為特色，味道較為鹹一啲 🧂拉麵選用幼身麵條，煙韌有口感 😋每碗配料均有叉燒肉、味付半熟蛋、蔥同荀，可以按個人喜好自由選擇配料叉燒薄切，肉質嫩滑粉嫩，口感順滑 😍味付半熟蛋稍微遜色，雖然有流心但香味唔夠濃郁😢辣味湯底配有芝士粉但整體未算特別，味道比較單一無層次 🥹價錢以拉麵嚟講算係物有所值嘅水平 😗 整體合格以上，同區仲有其他更好食嘅選擇，不過唔洗排隊又不妨一試嘅✨

我今日返下午更，早上便約同好友去旺角行街，順道去位於旺角通菜街22號達明大廈地舖的奇蹟拉麵食午餐，環境舒適，坐得舒服。我點左個特製限定拉麵（鴨肉醬油）$108，好友點左個烏賊拉麵$93，炸雞兩份$92。鴨肉醬油拉麵有鴨肉4片、叉燒肉2片、糖心蛋1隻及蒜子2條，鴨肉味濃好食，叉燒好味，糖心蛋的蛋黃流心好食；烏賊拉麵都是有义燒、糖心蛋、葱和筍，墨魚汁湯底好有特色；雞件炸得皮脆肉嫩，好有雞味又多汁，淋上檸檬汁，點沙律醬，好好味！

🍜🍜🍜🍜鴨肉醬油拉麵 ($108) 🦆🍜鹹鹹地嘅鴨肉 再配上大蔥嘅味道 意外地夾啊🤙🏻湯底唔會好杰身 比較清一啲💧而拉麵唔會偏軟 或者偏硬 啱啱好啊👍🏻呢款拉麵係期間限定 如果想試就快啲去啦🏃🏻🏃🏻‍♀️💨💨厚味濃拉麵 ($86) 💦🍜叉燒好薄 好嫩 唔會有種好乾好韌咁啊😆湯底比起鴨肉醬油拉麵會杰身 夾拉麵嘅時候 都可以包住個湯啊😋而且相對會比較濃味🤤炸雞 + 飲品 ($15) 🍗🥤午市套餐只要加$15就有啦💵炸雞都幾大舊 唔會炸到好乾身🌵有時口癢想叫個小食都幾好啊🫦

奇蹟拉麵係一間以前喺屯門有名嘅小店，而家搬咗嚟旺角舖頭大咗，今日嚟嘅時候見到人唔算多，就決定一試下。首先，我試咗佢哋嘅清湯醬油拉麵$79。拉麵上面有叉燒肉、溏心蛋、竹筍同埋蔥花。拉麵麵條硬身彈牙有咬勁，湯底清淡而鮮美，唔會太鹹，好適合唔鍾意太重口味嘅人。叉燒肉腍身，溏心蛋熟度啱啱好，整體味道滿足。其次，原味濃拉麵$86。呢款拉麵有濃厚嘅湯底，湯底濃郁而有層次感。一樣配叉燒肉、溏心蛋、竹筍同蔥花。如果你鍾意重口味，呢款拉麵嘅湯底就夠晒濃厚。除咗拉麵，我仲叫咗炸雞$46。炸雞皮脆肉嫩，外層炸得金黃酥脆juicy。飲品我加一杯烏龍茶+$16。

奇蹟拉麵旺角通菜街22號達明大廈地舖經開旺角好多嘢食，老友想食拉麵，帶咗我去女人街嘅奇蹟拉麵，果然高汁。😉烏賊濃味拉麵🍜+原味濃拉麵🍜主要配料有叉燒肉、味付半熟蛋、蔥和筍，我哋追加咗叉燒肉和紫菜，我唔夠喉，一定要加麵。😂叉燒肉新鮮嫩滑，肉味香濃，入口即溶沒有筋，脂肪和肉的比例很好，大廚處理得恰到好處，必食。🤤味付半熟蛋蛋味濃郁，內層香滑，外層入味。😍蔥夠香，不辣口，筍夠爽，入味沒有渣，紫菜吸收了湯底的精華，好味道。😻原味濃拉麵的湯底，原汁原味，香氣四溢不油膩。烏賊濃味拉麵的湯底加了墨汁，層次提升了，湯底沒有味精，鹹度適中，我把湯底喝光了。😽拉麵口感煙韌，沒有鹼水味，處理得很好。炸雞即叫即炸，炸油新鮮，雞肉香滑juicy，加少少檸檬汁效果更佳。😋✨支裝津路烏龍茶，無糖，解渴，去油。😸奇蹟拉麵 環境舒適，食材新鮮，侍應服務態度好，還會再來。😎🤘🏻

店名——Mirakuru 原來係日文讀Miracle 的發音😂 諗左一陣點解唔係「きせき」。佢期間限定話有一日得10碗嘅鴨肉醬油拉麵，講到咁把炮🧨 就入左去食。原本以為頂多都係煙鴨胸肉嘅質素質，但鴨肉都出奇地林身，似新鮮肉咁款。此乃我眼中的小奇蹟。另一個就係隻半熟糖心蛋、有全隻蛋⋯⋯ 都唔孤寒。配料有兩塊好甜嘅小京蒽～ 其他元素，例如麵條，湯底、叉燒都係正常有水準應該要有嘅發揮。食咗一半之後加昆布醋係幾好嘅選擇，因為鴨肉湯會比較油，試過原汁原味之後嘅一半，剩低嘅一半可以加昆布醋，用酸味平衡同埋帶嚟啲新口感服務態度都幾好，細細間舖頭，但有兩個樓面，都會主動幫手斟水，俾個籃你裝書包🧺

鄰居係一個拉麵控，周圍去試唔同嘅拉麵。放工快閃旺角食飯，就咁樣俾人捉咗去食拉麵。本人對拉麵實在唔係話超鍾意，但係就一絲無妨。第一啖湯，豬骨湯都幾濃厚。個流心蛋都做得唔錯，流得恰到好處，同埋都好有蛋香味。不過可能我食唔慣拉麵，就硬係覺得啲麵條太過煙靭。同埋個叉燒唔係我想像中嘅日本叉燒，佢有少少似Parma Ham嘅感覺，但有少少鹹香。唔可以話唔好食，如果可以加塊蜜瓜，我會開心好多。同我所認知嘅叉燒拉麵相差一大段距離。不過份量雖然唔算好大，但係食完都好飽。

奇跡拉麵真係好味嗎？🤔新開既時候每日都大排長龍，有人更話由屯門去到旺角食就算見人多都去排隊，充滿期待一試點知湯底太鹹......係死鹹至於叉燒，粉紅色，應該係慢煮方式，不過唔知點解食落口感似濕左既巴馬火腿.又似生豬肉咁..而且部分咬唔開 ,到底發生了甚麼事😂拉麵部分都正常既....但成碗拉麵最好味應該係........隻蛋🙈🙈真係麻麻地..........有點失望希望會改進啦如果要排隊真係就唔考慮啦🙈

細細個覺得公仔麵係人間美食，大個先知原來拉麵先係麵嘅極致。🍜濃厚嘅豬骨，鮮香嘅醬油，係一碗拉麵好食嘅指標，今日我黎到聞名已久嘅奇蹟拉麵 ミラクル (旺角)🍜，叫咗一碗🍜清湯醬油拉麵同一碗🍜烏賊濃味拉麵。首先，醬油味聞落幾看，一飲落口有陣陣嘅鰹魚香氣，頗為清爽，食完都唔劊覺得有負擔。而友人嘅烏賊濃湯，味道上比較香濃咸鮮，比較適合一眾重口味人士。🥚溏心蛋方面我覺得較為遜色，香味唔夠租有啲過生。叉燒水準不俗，肉質粉嫩，火候掌握得啱啱好。雖然好多人話奇蹟大不如前，但在我而言，呢個價錢喺香港食到呢個質素嘅拉麵，而經係好難得，如果唔洗排隊可以再嚟食，但要等好耐嘅就唔會揀了。🔖值得推介有🍜🍜🍜

今日就是本住某某影片分享網站紅人日本人介紹話好好食，本身都鍾意食拉麵，今日專登去食，排第二張枱，叫左一個原味濃湯拉麵，加碟炸雞啲濃湯好咸，叉燒好生，浸完熟啲都係無味，炸雞又好咸，樣樣都咁咸，食完好後悔，個個又係睇完片過嚟朝聖，中伏中伏食完總結，就係好咸好味精，我即刻出去買嘢飲，食完好後悔，食茶餐廳好過，無下次!!!!!!!!!!!!!!!!!!!!!d comment 仲咁多like!!!!!!!!!!!