奇蹟拉麵 ミラクル

营业中

休息中

於屯門曾紅極一時的奇蹟拉麵於2022年11月結業，2023年7月再次係旺角重開。今日又過嚟試吓其他口味。仍然做緊原味、烏賊、辣味、清湯醬油四種口味，以前係屯門試過烏賊濃拉麵，上次食過清湯醬油，今日就試吓原味濃湯拉麵。呢期仲有個限定係鴨拉麵，不過限定10碗今日就食唔到啦。叉燒今次食再咸少少，濃味啲啲，拉麵有咬勁。湯底用咗豬骨、雞骨熬到又濃又杰身，仲食到有啲魚介味，最啱重口味人仕。湯底膠質十足，好彩湯底嚟到時夠晒熱出晒煙。如果凍咗就可以加佢枱面嗰啲昆布醋，減低油膩感。午餐加$15就有汽水同埋小食。午餐嚟食就最抵。