奇味小廚 (已結業)

家姐買回來的食物這店比我既感覺就係水準中等,價錢便宜,但堂食好多人以前成日都來食今次外賣了蒸魚腩,蝦醬SQUID炒菜和鵝頭蒸魚腩是一味十分穩陣既菜式,呢度整得夠惹味,豆豉不太咸,加上蒜頭和辣椒提鮮,十分可口,魚腩很滑,正炒菜就一般,一來蝦醬味不足,但咸味就夠WOR,二來太濕了鵝頭個汁都幾鮮,唔太咸,也很入味加個白飯約2百頭,其實算抵食了因為很大碟

預先訂了位跟同事吃散水飯, 較預約時間早了15分鐘到, 於是不用再久等.一入座, 已經聽到肥老板爆粗, 係堅爆粗. 目的是鬧某枱客人食完飯唔走. 唔識做. 不關我們事, 照食! 點了 5碟菜. 1. 京都肉排 - 好食, 大碟!!2. 上湯豆苗 - 非常咸 (上錯了去別人的枱一段時間才被那枱客人"退回", 再夾硬放低給我們)3. 土魷蒸肉餅 - 好"林", 一夾已經散哂. 味道都OK4. 墨魚餅 - 好食5. 雜菜煲 - 一般除了食物無之前的水準外, 服務態度係差中之差. 食到一半, 肥老板已經在側邊跟伙記說我們食得慢, 食完又唔走 (跟之前隔離枱一樣), 我們只是由正常的午飯時間, 12:50 入座, 到13:30 他已經不奈煩. 到13:45, 估不到我們未說埋單, 他便行過來, 大大聲放低張單說" 三百七十五蚊!!!", 無尾音, 無禮貌. 我們唯有付款, 付上一張$500紙, 他也很有效率地找回$125. 完全無說話!!! 不用你說多謝, 你也應該回一句"唔該"吧!!! 什麼的態度!!!!!!!!!!!

有人推介呢間餐廳, 於是今日我哋一行六人就嚟咗呢度食晚飯啦. 出面睇間嘢唔係好大, 而且好似好 up dup 咁, 但係又坐滿晒人喎! 我哋訂咗位, 但係遲咗五分鐘, 攞位0既時候個老細話: "仲以為你哋唔嚟添!" 喂, 洗唔洗咁寸呀? =.="叫咗幾味餸, 全部都幾大碟. 最好食係碟豆苖, 唔會油淋淋咁, 啲菜味出晒嚟, 正!!!其他包括沙薑雞同埋個香芋南瓜煲都超水準!!! 另外個咕嚕肉同紅燒豆腐都唔錯, 幾好食!好可惜, 個炸蝦完全敗筆, 擺近個鼻係會聞到阿摩尼亞味0架!!! 真係食唔落, 要退咗佢. 廚房試過味之後都無異意, 即係唔係淨係我哋食到啦!呢度0既服務真係零0架, 唔會有人自動同你加水, 但係你叫佢佢都會理吓你0既. 埋單嗰時最搞笑, 我哋都未計清楚湊夠數未, 個老細已經用閃電0既速度將啲錢從我哋其中一個人手上搶走!!!!!!!!! 我哋即時目瞪口呆, 完全冇預計過呢幕會發生, 大家都唔知比咩反應佢好 =.="總括嚟講, 呢度啲嘢食係好食0既, 啲味夠但係又唔會話好油膩好多味精咁 - 起碼食完個口唔會話好乾! 但係就要預咗個老細係有啲怪怪哋0既...

一直以來都想去呢度試下, 今日終於有機會了.入到去睇下餐牌, 發覺好似無咩好點, 又唔見有狗仔鴨, 雞就140蚊一隻應該唔係新鮮既就唔叫. 最後點了3個人要了沙薑雞腳, 乾煸四季豆, 韮菜豬紅, 豉油王金蠔, 蜆介魚腐茄子煲首先豬紅, 我唔食豬紅只係食韮菜, 好似落左好多味精, 勁咸同入味, 韮菜好多渣期待既四季豆黎LA, 一睇賣相就知道唔係真係咁好. D四季豆好短, 好似平時D一開3, 又唔夠乾身, D豬似未煸晒D油出黎, 不過已經係全晚最好食, 但最多都係比到佢70分再黎茄子, 超咸, 叫2個白飯黎送, D飯唔熱既 之後先再上雞腳, 次序真係有D問題.之後金蠔上黎LA...百一蚊有8隻, 但D蠔都係好迷你的, 不太好味.整體而言份量都好足既, 我地打包左3/4 茄子煲, 1/2豬紅3個人食左328, 唔係貴但完全唔特別, 仲以為佢D小炒好掂奇味改得無錯, 味道真係幾奇怪..................

好耐冇食奇味小廚啦... 有好多原因嘅... 一來佢好FULL, 好難BOOK到位... 二來佢分量好足, 次次都食完都飽到D腸就o黎爆開咁痛... 所以就算日日心思思想食, 都唔敢o黎食...今日因為有o野做早咗食LUNCH, 同埋咁啱路過呢頭, 所以唔使諗啦, 緊係入去食餐勁o架啦!!!店內裝修簡約, 主力SELL食物嘅味道同火喉...每日靚湯--無論食午市特價套餐定係巧手小菜, 都會贈送靚湯!!! 今日嘅靚湯係昆布海草湯!!! 清熱氣, 正!!! 飲完唔夠喉仲可以添飲o架!!!每日靚飯--無論食午市特價套餐定係巧手小菜, 都會贈送靚飯!!! 食完唔夠喉仲可以添飯o架!!! 不過要食晒第一ROUND嘅飯都已經唔簡單, 非食力一派勿試!!!椒鹽鮮魷(巧手小菜, $70)--必吃!!! 好好味o架!!! 明知好熱氣, 但次次都忍唔住要叫o黎食!!! 鮮魷好新鮮, 個炸漿好薄, 一啖放入口, 熱到要吐番出o黎... 超熱呀!!! 椒鹽調味適中, 真係食極都唔厭!!! 點小小喼汁, 簡直係神來之筆, 食到唔停得口...鮮茄煮蛋(午市特價套餐, $35)--必吃!!! 好好味o架!!! D蛋

5月2日同老公去完北角實惠，諗唔到去邊度食晚飯，醒起Quarry Bay近大酒店附近有間飯店可以叫小菜，於是就去左果度食。一去到無位，有個男人叫我地行過一個舖位重有一間分店，有個二人位，But超迫同坐係門口位，不過我地都照坐。叫左3個餸 - 椒鹽九肚魚、腿蓉琵琶豆腐、扣肉菇煲。過左6分鐘左右，腿蓉琵琶豆腐就到，味道一般，粉厚，重有裏面係凍既，我地即刻叫左火計投訴，個亞姐(長髮束馬尾，木口木面)，同我地講話用微波爐幫我地叮番熱，我即刻Say NO，佢斍然行左去，我地再叫左佢幾次，佢唔理我地當聽唔到，之後行過黎佢又講番同樣既野，重問我地想點，我話再煮過碟啦，佢望住我話一係唔好要，同我地Cancel左去，佢全程態度超級差，我即刻話Cancel，同老公菊住度氣，但又怕一陣其他餸俾人加料，So唯有快d食完走人。之後黎埋椒鹽九肚魚&扣肉菇煲。九肚魚都OK，個扣肉菇煲好難食，我地食完就叫埋單。白飯& 白粥都成$10蚊碗，唔抵！衰左我地唔記得影低d相，不過離開左間舖即刻想寫上網話俾其他食客知，佢地d亞姐(幾個都係)態度差到無人有，我同老公以後都唔會再去同一定唔會recommend其他人去。

第一次來此店一去到 19:00 同阿姐講 4 位, 她就問我齊人未 ? 當時我地只有兩個人, 話好快到,阿姐就比個位我地.首怎點了菜是蠔餅 一食就唔掂,先唔講正唔正宗潮州口味, 點解蠔餅要加蒜頭 ? 點解蠔的百份比只有 20% .全部是粉 ? 講正宗我阿媽是潮州人. 一食就只知唔係用"薯粉" 造 ! 第二是用鴨蛋 ! 點知貴店 用唔知乜粉 + 雞蛋就交貨 ! 第二味菜" 雜錦老味" 完全無味,..... 好彩此店有自知知明無話自已是什麼潮州菜館第三味沙薑雞不用多說. 無味道的第四味砂窩魚腩終於有品是正常有味了,最好味是 D 蔥..真是奇就奇在這裡.我相信我地同奇味都是無緣份可言,留給知味人

預先BOOK 檯同預先叫左餸的關係, 一入到去坐低就食得 !!!一行13人!!叫左8個送~只影左幾個~~食物大碟, 以這個價錢,食物算是好了..飯同湯免費任裝 ....一個字抵

佢唔憂做,冇訂位冇得食,訂左位電話落埋菜一坐低就有得食經常一行人都有十二,三人做節食午飯雞要預早打電話訂另外仲有乞衣雞,個缽細細,但係裝到好多雞,推介有椒鹽豬扒,椒鹽鮮魷,鹹蛋蒸肉餅,糖醋魚,京都骨,金銀蛋時疏,啫啫雞煲,羊腩煲,介蘭牛肉白飯任裝,老闆都幾囂張,但係感覺冇咩惡意,只係冇咩親切感,呢個可能係老飯店特色次次都係平均每人五六十蚊,抵過去飲茶

參加完友人的婚前派對之後，一行十多人行了過來這兒吃飯。好像已訂了位，但我們來到仍要等位，好在當時天氣仍不太冷...大家就拿著餐牌，在門外開始研究起來 + 點菜了。過了約 15 分鐘，終於弄到店裡最後旁的一張大圓檯給我們，但仍坐的挺逼的，於是大家就像歡樂滿 XX 那樣，將就一下了。環境就真是差些，只是比大牌檔整潔些少而已，但也算光猛。大家不停地點了很多菜色，多到記不起全部了，又沒有拍照，這裡是印象比較深刻的：生煎墨魚餅 - 叫得做鰂魚涌小炒王，此類香口嘢一定做得不錯，這墨魚餅真是好好吃啊！質感看來是手打的，因為還有一點點有咬口的粗粒，餅面則極之惹味！因此轉了一圈之後，已經給搶吃一空，想吃多件都沒有了。潮式倂盤 - 鹵水麻麻地喜歡，都是些鹵水鵝和豆腐（這個吃了，鹵水味足，肉不鞋）還有些粉腸、鴨腎、豬耳、墨魚和紅腸等，幾多款式的。黃金 (西施) 豆腐 - 好像是這個名字，即是蒸豆腐粒伴鹹蛋黃末和蛋白之類，軟滑得來鹹香，本是送飯佳品（但我們好像沒有叫飯喎）。枝竹羊腩煲 - 冬季最受歡迎食品之一，一定不會少了羊腩煲！羊癡如我就最歡喜！這裡的用大鐵鑊連爐上，食味跟市面上普遍的羊腩煲分別不大，我食底

都唔明點解話好味。叫咗3個菜，奇怪嘅味：小炒皇，鵝腸，有臭腳味！炒個菜又淡而無味...你話好味，D伙計態度差都話你有風格呀。入到去話兩位，個伙計好似同老闆既人望都唔望吓我哋，兩個喺到講，比佢坐個張啦。嘩，原來同緊我講！叫嘢食問多句有咩好介紹，彩都唔彩...永遠再見...

8月3日（星期二）晚，是晚女友開完會找我吃晚飯，因為不想四處找地方吃，於是便往女友家附近，不過我已說了不祇一次，接近夜深的鰂魚涌，食肆的選擇真的不多，這趟我們便去試這裡，叫了兩個小菜和一碗白飯。腿蓉琵琶豆腐：完全找不到一丁點的腿茸，可能已經被煮溶了，豆腐內祇有非常少量的肉粒和菇粒，除了每塊都頗龐大外，便無可取之處；香芋南瓜雞煲：香芋和南瓜的份量很多，下了椰汁來煮亦算香甜，可惜兩者都未夠腍，而且雞的份量少得可憐，數埋也不夠十塊，還要盡是皮肥肉少的雞碎件（如雞頸位），太欺人了！這裡的服務很有性格，全程不發一言，正如其他食家所言，這裡的水準滑落得非常「奇」，真係問你服未！

朋友介紹就去試試, 其中點了” 腐竹浸潺菜 ”, 不知何故鹹得苦了出來, 於是低聲向老闆提出想換別款, 怎知此人一手拿起菜, 轉身背向私便大喊 : 個個叫無事係你話鹹 ! 走開了. 真的給嚇驚! 想吵架嗎? 自己試也未試,一口氣就說我錯, 我細聲向他提出就是不想影響他們的聲譽 , 怎知此 奇人 偏要搞事. 好像我亂講. 還沒向我交代怎樣處理 ! 幾分鐘後,侍應送上同一碟菜, 冒險再試味, 嘩是加水再煮,但仍鹹得不可入口, 於是向另外一個伙記要求換南乳骨,他幫忙換了, 但上菜後發覺也偏鹹, 不過算吧 ! 人家名奇味小廚, 招牌已道明了.過了一陣那 奇人 走過來要求我讓出四人位,轉去兩人位, 此時他才用曾經有人教育過的禮貌說 ;老細唔好意思可唔可以轉過去細枱…. 有自己利益就以禮相求, 人家提出訴求當人褔頭, 可能他見我生客, 好欺. 這樣待客,加上水準下降, 看你怎樣維持!

Dinner with my grandparents was a pleasant experience, even though the service was sub par as my grandparents warned me.奇味小炒 - one of its signature dish; so-so南乳齋煲 - surprisingly tasty with a great variety of vegetables椒鹽排骨 - a little too bony for me but it was well marinated味菜豬肚粉腸 - not bad but nothing special腿容琵琶豆腐 - favorite dish of the night; highly recommended!I heard that the entire building where the restaurant is located will be torn down soon. I wonder if this restaurant is going to mov

一個星期前曾到這餐廳午膳(亦曾在這裡介紹過給大家), 由於同事們對餐廳的出品都反應良好, 於是今天又再拉大隊光顧(真的很感謝帶我們到這裡午膳的同事!)。哈哈, 今天記得帶相機喇, 可以給大家看看這裡的食品。今天一行12人, 點了八味菜餚, 大家都食到"肚滿腸肥"。今次推介奇味小炒皇及蒜蓉蒸聖子, 奇味小炒皇辣辣哋, 幾開胃, 如果用來佐酒, 應該不錯。至於蒜蓉蒸聖子, 味道不俗, 而且大大碟海鮮都不用七十元, 認真抵食! 希望日後再有機會試試這裡的其他特色美食!