夫妻沸片-台式麻辣火鍋 (已結業)

有一晚18:10 經過旺角夫妻沸片火鍋門口, 見面門似幾好, 而且19:30前離坐有七折優惠, 於是試下.叫咗個招牌夫妻鍋(麻辣鍋+酸菜白肉)$188 湯料份量足, 但湯底未有想像中辣及酸.豚肉花$118 - 有兩朵肉花, 份量少 (得個靚字, 可以用黎打咭) 羊肉捲$108- 比豚肉花份量多及厚切,  但肉質好鞋, 食到個胃好唔舒服. 手工團團丸丸 $118 - 還可以 油麥菜及老油條 @$48原本想叫杯台式飲品, 點知全部售罄 (差不多20款) ! 只有汽水及酒類供應 . 台灣火鍋冇台式飲品...好失望. (我唔飲汽水及酒) 待應只俾咗好細杯的水給我們!!雖然有七折優惠, 但湯底 醬料費 及小費都照原價, 所以唔係平好多. 又食得急,  最後埋單$600多.旺角有多間台式火鍋, 以這個價錢, 我會去選擇其他.   

之前聽過好多呢間餐廳既評語 一半好好 一半好差 到底好定差？🤔🤔今日終於去試一試佢 個人就覺得幾好味呀 其中既黃金魚皮同響鈴真係值得一試🥰🥰另外既牛小排都出色 🍲湯底方面🍲一定唔少得我最愛既台式麻辣湯底 但係同小朋友一齊當然要叫返個唔辣既 我地選擇左美人鍋 係花膠雞湯 一開始就要飲左個湯先 最原本既濃濃雞湯 食完先飲就會覺得咸喇🍽️聽聞服務態度差 但可能我好好彩 我地遇到咁多位員工都好好禮貌 總括黎講今晚又是一個好滿足食得好舒服既晚上🤗

去唔到台灣旅行，唯有喺香港食下台灣風味嘅火鍋過吓口癮😌依間來自台灣過江龍，有30多年老字號嘅麻辣火鍋，點可以唔試吓？！🤤食火鍋我就最鍾意點唔同嘅湯底，因為可以試到唔同嘅味道，今次一貫選擇咗夫妻鴛鴦鍋湯底👅·—·💃🏻美人鍋+暖男鍋🕺🏻｜美顏花膠雞鍋｜🐥•葵花雞·花膠•一見到個火鍋湯底咁深黃色💛，就知道一定好濃雞湯味，雞嘅份量亦唔少，而且落咗唔少花膠，係女士最愛嘅養顏恩物💆🏻‍♀️佢嘅食法建議等湯滾左之後，就先飲頭啖湯，然後可以先食雞肉😋·｜人蔘藥膳鍋｜🍲•葵花雞·紅棗·枸子·淮山·黨參·人蔘•呢個湯底好補身，有紅棗，蔘同淮山藥材，係補身養生嘅好選擇👍🏻雞肉吸收晒湯底材料，鮮嫩香甜，不錯之選🐥·火鍋材料｜油炸鬼·帆立貝·蟹籽福袋｜·油炸鬼—呢度油炸鬼標左為必試之選，梗係要試吓，見都係第一次用油炸鬼打邊爐，但係未到出奇地夾，而且油炸鬼完美地吸晒濃濃嘅湯底，啱晒打邊爐就係為咗食湯底嘅我✋🏻😳·帆立貝—連殼上新鮮夠大隻✨，打邊爐最適合食海鮮，中和返食肉類嘅感覺·蟹籽福袋—打邊爐當然唔少得丸類，用腐皮包左福袋形狀，裝滿了滿滿嘅蟹籽餡料，口感好滿足😋·—·

火鍋黎講 佢地都唔係便個堆😑單點叫嘅火鍋都預左貴 食物質素ok la 食得落肚 不過心情可能會影響食嘅感受🤫 勁趕客 職員態度又差 10點完 8點45分就last order 我就book8點食嘅😅 咁早last order就應該confirm booking嘅時候講聲啦 其二 我地有準備蛋糕 2135 突然拆左蛋糕衝過嚟 我地2200閂門 開左俾你先 其實就我枱面啲野都未淥完 何來空間時間食蛋糕 拆前會唔會問左先好啲？其三 2145再次行過黎 我地就鎖門嫁啦🙂 一餐飯催足3次 我真係到死個日都記得你地夫妻沸片收10點🥰 最後 2155未問過已經過黎收我地枱 2158離開個時 有職員都幾大聲話打卡啦打卡啦😚 我心諗 得啦 阻住收工sorry囉 唔使大大聲俾我知你打卡嘅😃 ‼️仲有冇check單會冇左折, 提提大家一定要check單😂‼️俾番少少建議 廢時有破壞無建設😄 個人建議如果員工係要10點收工，可以安排番食客只係食到9:30，8點後唔好接booking(因兩小時限時）而唔係10點員工同食客一齊完😩呢間野真係冇下次 食到一肚氣 簡直係嘥錢😉

台灣夫妻肺片麻辣火鍋成立於1985年為台式麻辣火鍋鼻祖其中馳名麻辣湯底由創辦人周師傅研發並加入夫妻肺片亦即牛雜作為食材因此店名取為夫妻肺片火鍋湯底用上多款中藥材及香料熬製麻香適中不嗆喉配料更有香港限定特色小食跟台灣總店配方台式麻辣湯底招牌台式麻辣湯是用20種湯頭用料及藥材熬足多個小時製成牛骨湯可先喝口湯細嘗湯頭麻香辛辣而不灼喉的滋味 再食火鍋火鍋配料有百幾款之多,必備手打丸 和牛肉片 海鮮盤 老油條等等~入口牛肉味濃質感軟腍香滑配以台式自家製蒜苗醬和麻辣湯同吃味道特別香濃地址：旺角彌敦道625號雅蘭中心二期地庫B102號舖平均消費$400評分 8/10

旺角朗豪坊附近呢一間夫妻沸片，好多人都知佢係專食台式火鍋，主攻肉類，但竟然俾我發現咗佢做緊新鮮生猛嘅海鮮套餐！😱叫埋朋友過嚟一齊食，仲更加估唔到嘅係，佢嘅海鮮全部都係生猛貨，喺上台之前會俾你睇吓佢游緊水嘅狀態，等你心理更期待接下來嘅呢一餐😂我哋今次揀咗鴛鴦鍋，分別係麻辣同埋花膠雞，個花膠雞真係煲晒啲精華出嚟，喺未食之前已經每人飲咗兩碗湯☺️之後先加水沸野食而今次嘅一啲肉類丸類就變成配角了，完完全全比呢兩大盤海鮮K.O.！虎杉斑、手掌咁大隻嘅南非鮑、同埋拳頭咁大嘅元貝都好好食🤤蟶子亦都係，仲要呢個4人餐有成8條。紅蟹雖然唔大隻，但係肉質超級鮮甜。唯一比較可惜嘅係，海鮮唔似肉類一熟就變色，如果有埋每一樣食物應該淥嘅時間應該更加正，不過好彩我哋靠估時間都冇浪費到呢啲咁新鮮嘅食物😂

大熱天時朋友話去打邊爐真係呆一呆聽到個名咩「夫妻沸片」以為夏天食麻辣玩咁大去到一睇原來有得揀夫妻鍋、暖男鍋、兄弟鍋、仲有美人鍋咁好明顯揀美人鍋養顏花膠雞鍋朋友仲叫預訂左個4 人海鮮套餐海鮮餐包左虎杉班、鮑魚、蟶子、紅蟹、元貝好新鮮咁一包包咁分好套餐除咗有海鮮當然仲有美國穀飼牛肉卷、韭菜豬肉餃、牛筋丸、繁花似錦火鍋最緊要個湯底打開個蓋係原隻雞仲會在面前即場分割唔會怕無左幾件個湯好濃有一層薄薄的膠質在湯面試返幾啖無味精雞湯雞肉滾返起就即刻食就唔怕老啦鮑魚好大隻比平小菜食得仲要大隻淥10分鐘食得超鮮味紅蟹啖啖蟹羔不過略嫌蟹肉比較少蟶子處理得好好無食到沙元貝大大粒海鮮用雞湯煮過特別好味原條虎杉班切片去骨啖啖肉又滑又鮮我哋仲追加咗個日本A3雪花和牛片雪花幾靚套餐嘅美國穀飼牛肉卷已經好靚雪花和牛片口感更嫩最後「繁花似錦」大盤蔬菜份量蔬菜誠意十足種類都太多了

之前同朋友介紹呢間台式火鍋都唔錯, 而且地方又坐得舒適當時是為了吃鴨血和麻辣鍋最近有朋友生日想吃火鍋, 來Openrice看過, 原來menu已更新舊有的酸菜, 麻辣鍋仍然有供應, 還加了較健康的海鮮料, 仲要係生猛的游水活海鮮 (需要預訂)主角都是海鮮迷, 一於訂位啦~位於地庫, 裝潢以古典的木材為主, 雖然看似老派一點, 但又不覺與現實格格不入海鮮套餐有分2, 4, 6人份量, 活海鮮也有不同我們一行4人, 當然點了4人餐啦當中有5款活海鮮和其他火鍋食材, 共9款食物由於我們是預先訂購, 所以活海鮮好快就準備好仲會比埋客人睇完先再處理好才上檯全部都是活生生的, 食材當然是吃新鮮的好在等待的期間, 我地就去咗自助醬汁區混醬啦~可能都知在等吃的時候, 大家是最餓的一刻店主在醬汁區也放了幾款涼菜, 讓大家頂一頂餓先, 很貼心湯底我們選了有花膠雞的美人鍋 (全隻)湯底開始滾的時候, 服務員會過來幫我們將雞剪成雞塊好大隻雞脾呀~花膠份量都唔少未開始將食材放入煲內, 當然是要飲下頭啖湯先啦, 話哂又花膠又雞, 對女仕好滋補的一個燉湯湯底唔會杰撻撻, 唔會是味精味, 是濃雞湯那樣不過建議盡量先食

之前一路都鍾意食台式嘅火鍋，上網見到，啲人話呢間餐廳價錢偏貴，我自己食完之後嘅評價係，價錢真的不便宜，但我叫的這個海鮮餐，由一開始叫，到佢地拎新鮮海鮮俾我地過目，之後再拎去加工，呢一份誠意我覺得就真係幾唔錯。佢哋真係拎晒所有海鮮嚟俾我哋睇。之後佢哋就會將佢哋變成火鍋材料。同時間佢哋亦都會開始整熱個火鍋，我叫咗個湯底係暖男鍋，有少少當歸等藥材味。加工過嘅海鮮會用竹籤撐起，由於係新鮮加工，所以肉質非常爽脆。除咗海蝦之外，特別鍾意嘅係，佢仲有新鮮蟹，帶子，可以清晰見到，蟹膏非常靚，而且帶子亦都非常大粒，個裙邊亦都特別爽。之後亦都嚟咗個蔬果藍，裏面嘅蔬菜排得非常靚，而且亦都多元化，有唔同種類嘅菇，包括冬菇、金菇、秀珍菇、同埋生菜等等。係食肉嘅過程同時中和一下。佢哋嘅餃子，我覺得係做得非常之好，因為肉質香之餘，汁亦都好豐富。就正如我們進入開始提到，呢度嘅價錢絕對唔會話好平宜，但由於我哋叫嘅係海鮮餐，份量亦都好多，我哋成餐飯食咗有兩個半鐘，我覺得呢個價錢，都算對得住。

食物一般 急凍蠔硬過石頭 手切牛偏細片 飲品難飲 呢個價錢呢個質素唔會再考慮，客人不算多但員工懶懶閒，服務態度極差，食餐飯好似要受氣咁，不會再考慮再食，呢個價錢好多選擇

Book 9點，入坐無耐，點完野食，就過嚟問你仲有無野嗌，叫我埋單。大佬呀，個湯底都未嚟，就要埋單？條靚仔話收機埋數….我話未得住。條靚仔黑口黑面走開左。隔左半個鐘，又過嚟。我火火地投訴，佢就話 : 廚房收工，你唔埋單都無野叫。佢個晚booking 到10點，9:30 last order???? 你班友仔要早收工，都唔係咁玩吧算，最後好無引咁，食到10點，走!!!!間野都多投訴，唔知個老世知唔知自己間野，比啲員工 玩到臭晒朵…

聽咗呢間夫妻肺片好耐，終於揾到日約齊班fd出黎試下佢😆 一睇menu太多選擇，選擇困難嘅我哋果斷叫咗個四人海鮮餐，唔使自己諗食咩！上枱之前仲可以好型咁巡視吓啲海鮮，見住佢地仲好生猛就知道無叫錯了！🤤呢度環境寬敞，裝修好多燈籠好有古代宮廷feel🏮🏮🏮。攞完醬料翻埋位，先揀湯底，我哋要咗招牌嘅夫妻鍋同埋美人鍋。夫妻鍋裏面有好多鴨血，每件都大大嚿，口感軟滑；美人鍋仲勁，有成隻葵花雞，非常入味。最欣賞佢加湯係加翻你個鍋嘅湯底而唔係加普通上湯，咁就由頭食到尾湯底都仍然咁有味啦！😋😋🥘上枱了上枱了！！！手掌咁大隻嘅鮑魚、成條虎杉斑、仲有紅蟹、北海道元貝同埋蟶子，不得了！紅蟹鮮甜肉肉嫩、鮑魚就新鮮彈牙、元貝啖啖鮮味超級香口。食到尾聲落埋啲菜同菇，尤其娃娃菜索晒啲雞湯，食到完全停唔到口🤤

旺角台式麻辣火鍋同朋友去開旺角想一齊食嘢傾偈就梗係少不免食火鍋🍲可以吹吓水呀嘛，練習食辣當然要簡麻辣鍋。openRice見到服務員評價非常之差，本身都驚驚地，不過去到侍應又幾好笑容同禮貌，同埋有講解小小（可能我一早預訂左海鮮套餐嘅關係😂）環境寬敞舒適，裝修中國木系風格，台灣流行曲背景音樂。平日晚上人多，記得book位。餐廳座位舒適，卡位，環境非常熱鬧～提供紙巾和濕紙巾，自助醬料$20@人（外面有醬料區）。最近出左海鮮套餐二人份量$988，活海鮮🦞：北海道元貝四隻、奄仔蟹兩隻、大蝦仔一斤。另外還有韭菜豬肉餃四粒、美國肥牛卷一份和繁花似錦（菜）。份量很多，足夠三個人食。另外包湯底，我選了夫妻火鍋🍲（小辣）和可樂，另收+1服務費，價錢小貴夫妻火鍋小辣都幾辣，五小辣程度😂味道不是麻辣，有點中藥味，像正宗台灣鍋的味道火鍋配料推介：#肥牛 有牛味，很肥惹味，不錯#韭菜豚肉餃子 細細隻🥟皮薄嫩—————-#基圍蝦 爽口彈牙微甜#奄仔蟹 新鮮清甜味道淡#鴨血 嫩滑很淋同多汁，有鴨酥味#豆腐 厚實吸湯服務質素：7/10環境舒適度：8/10ᶘ ᵒᴥᵒᶅ個人口味評分：7/10

台式火鍋依家响香港越開越多，今次就試吓喺旺角嘅夫妻沸片～預訂左個四人海鮮餐套餐包括左：虎杉班一斤、鮑魚四隻、蟶子、8隻、紅蟹兩隻、扇貝8隻。另外仲有牛筋丸、韭菜豚肉餃同埋美國殼飼牛肉卷。蟹肉又多仲有蟹膏添，新鮮生猛就係唔同啲！特別鮮味！扇貝同埋聖子爽甜～湯底我哋揀咗暖男鍋（人蔘藥膳鍋）同埋兄弟鍋（酸菜白肉鍋）。人蔘藥膳鍋入面有雞脾肉同成條人蔘，非常足料！酸菜白肉鍋入面有五花肉同埋酸菜，風味十足。繁花似錦同個名改得一樣咁靚，即係什錦蔬菜🥬整體來講大滿足～

預訂左個四人海鮮餐$2088，貨真價實全部都係游水活海鮮！新鮮生猛游緊水識郁㗎～俾我哋睇完先拎入廚房即場切開。湯底方面可以選擇鴛鴦湯底，我就揀咗暖男鍋（人蔘藥膳鍋）+兄弟鍋（酸菜白肉鍋）。後者特別有台灣風味！之前去台灣打邊爐都食過～套餐包括左：虎杉班、鮑魚、蟶子、紅蟹、扇貝。當中扇貝同埋蟹真係勁好食，新鮮就係唔同啲，唔使點醬料都勁鮮甜！除咗海鮮之外另外仲有牛筋丸、韭菜豚肉餃同埋美國殼飼牛肉卷。仲有繁花似錦即係什錦蔬菜🥬不得不提，自助區嘅拍青瓜同埋醬蘿蔔好入味酸酸地，超開胃～