夫妻沸片-台式麻辣火鍋 (已結業)

旺角朗豪坊附近呢一間夫妻沸片，好多人都知佢係專食台式火鍋，主攻肉類，但竟然俾我發現咗佢做緊新鮮生猛嘅海鮮套餐！😱叫埋朋友過嚟一齊食，仲更加估唔到嘅係，佢嘅海鮮全部都係生猛貨，喺上台之前會俾你睇吓佢游緊水嘅狀態，等你心理更期待接下來嘅呢一餐😂我哋今次揀咗鴛鴦鍋，分別係麻辣同埋花膠雞，個花膠雞真係煲晒啲精華出嚟，喺未食之前已經每人飲咗兩碗湯☺️之後先加水沸野食而今次嘅一啲肉類丸類就變成配角了，完完全全比呢兩大盤海鮮K.O.！虎杉斑、手掌咁大隻嘅南非鮑、同埋拳頭咁大嘅元貝都好好食🤤蟶子亦都係，仲要呢個4人餐有成8條。紅蟹雖然唔大隻，但係肉質超級鮮甜。唯一比較可惜嘅係，海鮮唔似肉類一熟就變色，如果有埋每一樣食物應該淥嘅時間應該更加正，不過好彩我哋靠估時間都冇浪費到呢啲咁新鮮嘅食物😂