太興 (沙田廣場)

营业中

休息中

太興出名燒味就人人都知，黎親必吃既太興油雞飯保持一貫燒味水準，肉質嫩滑，肉都算多，但油得滯，稍嫌骨的部分多了一點，飯粒真係好軟熟好香，令我想多吃幾口。紫淮山花膠雞鍋都好味，不失太興一向既水準，一流，$78幾蚊黎講，又真係算唔貴架啦

今日放假去左太興食個下午茶- 肉躁米紛以幼滑既米粉在底淋上份量十足既肉躁配上二條青菜， 味道good!肉躁質地肥瘦適中， 咬口QQ地，肉味濃郁，以肥肉攪碎，增添光澤感和整體“念”性，與米粉搞拌後增加一整性， 整個米粉也很滑， 很配合， 因肉躁量十足， 吃起上來難免有點膩， 以青菜消除油膩感。太興冷震奶茶夠滑漏，奶味,茶味濃厚.價錢大約40元 抵食

是日，和媽媽去太興下午茶我點了奶醬厚多士和咖啡（少奶）多士分了四格，方便進食！花生醬查得厚厚，奶油輕輕塗抹在花生醬上，比例很好吃完一件又一件！媽媽點了常餐和凍奶茶！飲凍奶茶最忌太甜！太興的凍奶茶，不但甜道通中，而且茶味香濃！口感尚算香滑也不鞋口，連鎖店的奶茶其實是不錯的選擇，價格雖然較茶餐廳高，但勝在分店多！

出面排晒長龍，我地去的時候要等成十幾個位，見到裡面地方大到坐滿人。之前就聽過話太興燒味好食，今晚就即管試一試。終於到我地一行四個人，入到見到人山人海咁，待應又忙過不停咁。睇一睇餐牌，花多眼亂咁。最後已經有所決定，點一個燒味拼盤、雜菜煲、粟米班塊、蒸魚再加$19變套餐就可以有一個白飯配熱飲，當然我地都有轉冰震奶茶飲。更加有一盅湯，第一盅就$38，第二盅之係的都係$28，仲要係有材料份量十足的，我地一人一盅。非常豐富，成枱都係，開得餐啦！在燒味黎講，肉質都惼向瘦，如果係叉燒黎講，就比較一般，其他的都OK；雜菜煲方面，一大煲的，食食下，仲可以飲下D湯，都唔錯既；粟米班塊普普通通的一道菜；蒸魚就非常得！因為本身自己喜歡吃魚，又夠大條，好夠肉，又甜，加分！至於盅湯都還可以，夠火侯，夠味，食唔到有味精。整體黎講，我地都好滿意，好有家常便飯感覺，好親切。睇見週圍都係一家大小的，成個環境熱鬧，開開心心，大家可以黎感受一下。

去到沙田工作，醫左肚先，去太興食過$23西早先朝早好多人，要撘枱我地都叫左香辣肉碎扎肉米粉D肉碎小小辣，都幾多，扎肉肉質夠實在，米粉咬洛到其他不同，再煙韌D，口感不錯，整碗份量剛好

每次到它的鄰居翠華吃飯都看到有一大群人在太興門口，很好奇到底它有什麼吸引之處，於是就去碰碰運氣，看看能不能吃到。 幸好，今次一去到就可以安排入坐！紅燒牛肉面（＄48)用了秘制新鮮湯底，味道清新；牛肉肉質較鞋，不夠入味；上海幼面不會過淋，不錯。惹味排骨面條 （＄48）同樣是用了秘制新鮮湯底，不過味道較濃；排骨入味、軟腍；拉面彈牙，是一個不錯的選擇。兩款午餐都逄送熱飲，我們選了柑桔蜜，味道咸咸酸酸，十分開胃；另一杯是柚子蜜，和一般在家1現成沖的無異，所以就不多說了。雖然這裡經常要等位，不過勝在翻臺快，所以也不用等太久，不要被它那墟冚的等位人潮嚇倒。價錢方面，是茶餐廳菜式，西餐廳的價錢，不過它不用加一，算是不錯了！

太興野食都好有水準其中我最愛係燒味/鹵味類我下午茶時段 叫左個迷你 朝州四寶飯都係30幾蚊 ok 呀有薰蹄 紅腸 尤魚 及 咸蛋薰蹄 入口軟熟 幾有煙薰味紅腸 唔鞋口尤魚 爽口 唔算那得太（西離）咸蛋 半隻 都幾香飯夠熱 撈咸蛋一齊食 口感更佳冰鎮奶茶依舊好好飲 亦係來這裡其中原因之一有奶味又不失茶味Good

來到沙田，原本想去瀝源邨用膳，可是卻又下起雨來，無奈被迫在商場吃飯，在不太多想情況下，只好在沙田廣場找吃。當第一眼看到太興的時候，不作他想就取了籌，等了一會，便可入內，坐下來，又要回覆短訉，在沒有機會看餐牌的情況下，點了一個雙併飯。叉燒燒肉飯是不加思索點來的隻併飯，叉燒有點燶位，而且是瘦叉槸，沒有半肥瘦，但吃下卻是軟腍，又帶點鬆化口感；燒肉皮燒得很脆，不硬，不過卻甩了皮出來，未能皮肉相連的吃著，還有的是肥脂不多，卻又軟腍。冰鎮奶茶水準不俗，有茶味兼且順滑，味道濃郁得來也沒有茶澀。整體來說，較其他分店為佳。

印象中係第2次去太興食野!佢ge價位一向比較高,所以都少黎食!今次係為左個project要黎觀察同試下食!朋友先到埗,搵位坐低,我到ge時候門外都有十多人等緊位!呢度ge裝璜幾現代化,最近仲有Eric Kwok扮Iron man ge廣告!Menu選擇唔算好多,最出名主打係燒味!然而,我卻唔食燒味,試下佢ge咖哩,叫左個咖哩牛腩飯!朋友呢就叫左個燒肉飯!黎啦!我果個咖哩賣相唔錯呀!佢D咖哩汁係輕微ge辣,應該一般人都食到ge~D汁唔會太稀,我覺得濃度岩岩好,撈飯一流!不過略縑D汁唔算好夠...牛腩唔韌,吸埋D咖哩汁幾好食,有肉感!仲有唔少筋,當然牛腩數量係多D啦!D筋都一咬就開~整體而言係好食ge!至於朋友個燒肉飯,佢D燒肉皮冇切開晒,燒肉我覺得算一般,因為佢呢度係賣燒味,我覺得唔係普通街市貨色,但只係酒樓果種,冇咩特別咁...朋友都同意我講法~希望佢燒味可以做好D,畢竟係主打!我飲果杯係熱柑桔蜜,真係好濃好好飲,就算冇喉嚨痛都激讚!可以試下呀!!!唔一定飲冰鎮奶茶!

$18一份鮮油多本來都冇乜所謂，但內容完全和以前茶餐廳或大排檔食的鮮油多大不同。你試想下一份鮮油多入面鮮油的份量是多少？大多數應該會話，一片片鮮油舖滿多士。咁點解我會話係減肥之選呢？原因相片說明。當你又想減肥，又想食鮮牛油時，這份多士係你的最佳選擇，可是絕對不是一份合格的鮮油多士，

本人在沙田太興訂購價值$580乳豬一隻. 作為年初一食用, 但質素極差:1) 訂的是乳豬全體, 但有頭無尾;2) 全隻乳豬, 肥肉多, 可以吃的少;3) 乳豬皮又厚又硬, 吃時以令家人割傷了口腔.在取貨當日(2月10日年初一), 本人下午3:00取. 久候了45分鐘才有, 但整隻乳豬沒有切, 亦沒有用有蓋的托盆盛載, 只用一個紙袋盛着便算. 本人當然不接受, . 該店負責人已玩嘢和死不認衰的說: 你張單沒有寫明.後來負責人在沒有詢問本人的情況下, 將整隻乳豬取切件後, 分成5份, 入發泡膠飯盒內. 實在太過份. 如果本人是切件買, 都不用訂一隻乳豬吧, 買現貨便可以, 還不用這個價錢. 本人以往亦有在另一間太興訂購乳豬過年, 該店的負責人做事妥當, 專業, 在落單時懂得詢問客人取時有何要求. 太興一直以來在本人和家人心目中, 都是一間有質素的餐廳, 真不希望因為這些劣質的員工, 而導致品牌失色!

一向起太興食野都好有水準由從前的燒味至近年少炒fusion都係有中上的水平否則以其價錢應該冇人會幫襯今次食义油雞飯真係麻麻油雞冇雞味义燒瘦到好鞋口如果今次係我第一次食就應該冇下次了好在平時印象分夠高當係一時失手冰鎮奶茶依舊好好飲好有茶味又不失奶味Nice

呢個星期六媽媽又斬料 , 又煮少一個送 , 幾懶 xd例牌幫襯太興嫁喇 , 爭在係買咩o家o者 , 太興明碼實價 ,媽媽就係貪佢同街市燒味舖價錢比唔貴得幾多 , 但質素同衛生程度都好好多 , 呢次就買左一盒燒肉 ,四個人食 , 要 $ 11x , 用埋優惠劵都要比 $ 9x , 物價漲得驚人 !整盒燒肉都係可以食o既 , 唔似得街市o個 d 咁 , 一堆骨o係底腩位肥瘦均勻 , 就算係肥o既部份都好爽口彈牙 , 唔會太膩而瘦肉又軟腍唔會太乾太韌 , 個人喜歡食燶燶地o個 d 位 , 雖然會較咸 , 但好惹味 ~ 燒肉皮都幾香脆 , 即使放到夜晚先食 都唔會淋到入唔到口唔會變得太韌 , 整體都令我地一家好滿意 ~## 呢次媽媽除左拎左芥辣仲要埋乳豬醬 , 甜甜地咁 ,同燒肉都幾夾o家 , 畢竟乳豬都係燒豬 , 同燒肉其實如出一轍

今個月煤氣單寄黎, 送左一張 coupon , 有好多格... 好多唔同餐廳o既其中有 d 我唔 arm 用比左媽媽, 今日媽媽就用返落我個肚度 xd因為下晝去左探堂哥對女女所以唔係幾多時間煮 , 於是去左太興斬料, 用左張買 $ 100 燒味平 $20 外賣燒味部多數都要排隊 , 叫完秤完返張單去比錢比完錢返黎就有得拎 .... 今日媽媽拎左張飛去比錢 , 但 pack 野o個個妹妹仔未見到張收據就比左兩盒野我 xd我地本身想要 $ 30 义燒 $ 30 燻蹄同 $ 40 墨魚 , 點知燒味哥仔一秤舊燻蹄就話要 $ 70 , 我地問可唔可以要一半 佢話 : 我唔會斬比你o家, 係成隻賣o家 ..... 咁唯有唔要墨魚啦1. 义燒~ 今次肥左少少 , 但依然好入味好鬆軟 , 因為我地唔係返黎即食放耐左之後 d 汁索晒, 但都唔會話變得好乾身, 但個底o個d 就咸左 d 2. 燻蹄 ~ $ 70 好大盒, 不過食下食下好快食晒, 睇住佢先切左頭頭尾尾放盒底之後好有心機咁慢慢切薄片, 睇落真係切得唔錯, 不過夾起時有d 仲痴住我見到佢排好入盒之後加左少少麻油 , 好香好好味, 肥瘦均勻 ,

拿着太興$20早餐券到沙田太興新世代吃早餐。 這裡的價錢比大家樂等快餐店貴一點，若沒有現金券便不大化算了。 反正未試過這裡的糯米雞，便要了一個，連奶茶套餐價$30。糯米雞屬我一直喜歡的醬汁型，糯米得軟熟，除了是剛剛蒸出來外，聽行内人說他們會混入其他米令它不致太滯口，不知太興有否這樣做呢? 若說唐記糯米雞較傳統； 太興糯米雞便較矜貴了，材料分别有冬菇、蝦米、义燒、臘腸、蓮子、雞肉、豬肉碎和類似馬蹄但又較細小的配料，十分豐富，進食過程如同尋寶，啖啖有驚喜，值得一試。職員態度佳，地方尚算舒適，可惜鄰鋪正在裝修，十分嘈吵，還是兩星期後再去吧!