72
45
27
| 餐厅: | 太興 (沙田廣場) |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
以上资料只供参考，请与餐厅确认详情
相关文章
首先上枱系柠檬茶，少茶味而微微偏甜。梅菜扣肉上枱时卖相唔吸引，睇餐牌相片就几吸引，但现场水准一般，与期望有差别。腩肉嚡口肉味道偏淡，而梅菜就碎湿湿似用机器搅伴过，腩肉与梅菜两位主角质量一般，米饭软硬度适中，垫底青菜算可以。其实好多茶餐厅或者小菜馆都可以做得比较出色。太兴梅菜扣肉煲价钱唔算平宜，好彩当晚有特别优惠，满$100加$36送半只鸡，算系拉上补下。香茅豉油鸡够味，有微微嘅香茅同埋豉油香味，味道适中，不过啲肉就较嚡，而鸡味偏淡。伴碟有简单装饰，只有葱蓉而无甜豉油汁。唔知系唔系潮流少人食姜，抑或啲姜贵，好少食到姜葱蓉，味道真系争咁啲，至于碟葱蓉够蒽味，不过用盐非常重手。香茅豉油鸡水准好过梅菜扣肉煲。清洁整体算合格，地下睇到好多头头屋尾碎片。服务则够勤快有礼貌，食物上枱从四方八面递过嚟，前后左右上菜，就算后面隔住埲矮墙都难唔住佢哋递碗饭过嚟。
继续阅读
喺太兴食晚餐平时一家人假期都一定会出街食!! 两个女都一定话要食白饭加𩠌，所以我哋就去咗太兴到食!! 原来夜晚有个孖宝晚市有烧味小菜二重奏!! 啱晒钟意食烧味嘅爸爸同埋女😂 148有两个𩠌，最可以加配埋白饭同埋嘢饮! 我哋四个人食都系食咗四百几蚊但叫到成枱都系𩠌!! 都几抵食大部份小炒都系$70-80加上我本身唔食白饭!! 所以都系转咗两个做套餐😆总共叫咗五个𩠌，有两个烧味拼盘有烧鹅, 鸡, 叉烧, 烧肉！有咕噜肉有肥牛粉丝锅!! 仲嗌多咗碟通菜~~ 全部都非常惹味🩷如果想轻轻松松食餐饭其实都唔错呀!!😀😀
继续阅读
久违去食下太兴, 早餐menu选择好似少咗啲, 不过其实之前太多差唔多嘅嘢 cut紧啲都唔过份, 想食多啲protein就叫返good old鸡扒炒蛋公仔面之前黎亲有八成机会都系叫公仔面, 贪有啖汤饮下 佢又够浓 够晒邪恶happy下, 但今次食意外地佢个汤淡咗好多, 系咪终于realise到咁食落去客人个肾会gg lol 都系好事, 话变淡咗其实系同以前相比, 实际同其他resty比又唔会真系淡而无味, 系变返正常咸嘅feel, 有进步which is nice 鸡扒juicy as always一啲都唔干唔鞋
继续阅读
装修前觉得这食店的食物退步中，装修完，现在再去试吓。眼见环境同以前没大分别，只是普通翻新，但加了价，0 K。叫职员比水，职员竟戴著清洁手套比水杯我！好彩她自动话换个一只新杯给我，也除了这手套🤣⋯⋯好啦叫番平时食开既雪菜肉丝汤米、太阳蛋多士加热奶茶，个汤米肉丝少到数得出，汤系好咸既盐水，加左水一样甘咸，失望到已忘记拍照，太阳蛋已煎到over左，最难明件多士会甜到好似食紧沙糖甘😵💫，但我只系揸左牛油！奶茶就继续一般，整个早餐难食！好难再叫人回头帮衬！
继续阅读
曾几何时太兴嘅烧味为人津津乐道，太兴嘅烧腩仔皮脆肉嫩，太兴嘅烧鹅荔枝柴香回味无穷，今日喺沙田经过沙田广场，咁啱又到下午茶时间，见门口排队人唔多就排一阵，入去坐抵睇餐牌，哗～虽然下午茶都几贵，食好啲叫个太兴烧味八宝饭要成旧水跟饮品，烧鹅背得层皮无肉，皮脆油香，叉烧软腍有焦香，切鸡胸皮滑肉鞋，油鸡近patpat都算仲有条毛，烧肉麻麻地，咸蛋有咸味，红肠有红肠味，熏蹄几好食，最唔钟意椰菜伴碟减分，虽然都预大杂烩无咩靓嘢，但都应该整好少少啰，唔好切晒啲头头尾尾一碟上。
继续阅读