太湖海鮮城

营业中

休息中

今日返晏,同男友11點左右黎呢度飯茶,星期一至六1點前埋單大,同,小點一律$8.8,仲有d特價點心$6.8,我地叫左8款點心.春卷$8.8---炸得頗乾身,內裏蝦雞肉西芹十分多,味道都可以!魚腐雲南小玉瓜$6.8---開頭吾知系湯黎,一碗都幾多魚腐粒,而且幾滑,個湯清清地,都吾錯!玉子豆腐紫菜湯$6.8---基本上同魚腐玉瓜湯d湯差不多,只系淡左d,味道亦屬輕清.皮旦瘦肉粥$6.8---瘦肉就吾多,但食到瑤柱同少許皮旦,粥底都算綿,而且食吾到味精.蝦米蒸腸粉$6.8---一般!腸粉雖薄,但似乎蒸過火,一夾即爛.雞扎$8.8---佢地用西洋菜卷住雞,叉燒,魚肚同冬菇,感覺幾特別!幾健康!都吾錯呀!豉汁蒸大鱔$15---亦是水準之作!大鱔十分肥美入味!必食!環境尚算靜,冷氣夠凍,服務就平平啦!埋單$91都算抵食!叉燒酥$8.8---相當有水準!酥皮鬆化到不得了!叉燒粒亦吾太肥膩.

在回程航班上, 望著老爸, 想著剛過去的那星期只得一晚跟他同檯吃飯(心想希望是自己再一次記錯), 再數一數過去一星期參加開飯喇的聚會, 當中跟其中一位食家, 七天內同桌進膳多達五次, 包括早午晚甜品合計十餐.......再望望老爸, 心感愧疚之餘......又想著今天的晚餐去了....。上一趟來的時候, 因吃得太飽而沒有點南瓜酥, 到達前還想著今次應該走不掉了,不幸地聽到侍應說:「無!」是晚點選了六款菜式, 水準平均, 其中兩款為得獎名菜;金絲三味豆腐(見圖), 是三種不同味道的豆腐, 一款為伴以皮蛋肉鬆涼食的豆腐,豆腐入口頗滑, 但皮蛋沒什味道, 另外是炸豆腐兩款, 其一是搭配甜味花生醬汁進食, 另一款是作鹹吃的, 還有薄脆及甜黃豆伴食, 此味只能作冷盤來吃, 其實當中是普通的材料, 但其配搭及餐牌上的圖片也對食客具有一定吸引力。薑米鮮魚炒飯是用桂花魚及紅蘿蔔切絲加茨汁再淋在炒飯上, 入口清淡, 不油不膩, 是一個較為的炒飯。金絲三味豆腐薑米鮮魚炒飯瑤柱脯翅群玉掌一品煲炸乳鴿兩隻西蘭花炒海鮮球白玉蒸海鮮頭腩連加一總算為$60x

多數星期日去飲茶都有位，不用等位。食物有質數，價錢合理。最喜歡吃香芒蝦筒，外層香脆、筒內蝦味足。值得一試。

雖然識既日子不太耐，而且呢年半要成日搬"屋" (虛擬世界)，但感情好好，難得各網友(廿到卅尾都有) 有空而不劈酒，昨晚最後地點左CWB 太食餐飯，吹下水，有甜有乾(相反) 兼麻甩既話題/笑話，整左個十二人套餐，除左啤酒或汽水係一人一罐外，送菜與去飲幾乎一模一樣。首先係乳豬拼盤，佐料齊全，但係薑蓉冇葱；第二度居然係魚翅羹，我常試落辣椒醬，另有一番姿味，第三度係炸亡果沙律卷，裡面唔係太熱，不錯兼香口外表唔林。第四度就係燕菜同埋髮菜，外圍有節瓜釀瑤柱，仲要俾佢地取笑(見過我既人會明白)；第五度係龍蝦仔配伊麵底，龍蝦仔隻隻有肉，麵底既味有的似即食麵，的麵凍左都冇起章湖，算係咁。第六度及第七度分別係帶子鮮魷配西蘭花及蒸海上鮮一條，中庸啦；尾三係乳鴿四隻切件上碟，食唔曬；尾二係生炒糯米飯，唔係好記得點唯之叫做炒得好食，但至少感覺唔會蒸完再炒，最後以功夫茶KO 左。這個套餐以1998 埋單，冇加一，貴係貴左少少同埋冇dessert，但以質素同埋目的又會覺得物有所值。

為左答謝一位同學,今晚約左個一pair 小學同學一行四人去太湖海鮮城食飯.我地叫左:蟹粉小籠包奇脆明珠伴金龍(其實係龍蝦+蝦球+再加四季豆, 買相砌得好靚, 好味!)蒜香九肚魚(炸香的九肚魚不嬲都好食)竹笙雜菜煲(作為晚飯的疏菜)三弄回味牛肉(牛肉皮炸得脆脆地, 好得意, 好好味)薑米活魚炒飯(薑絲炒飯加上魚生, 好特別)不愧呢間酒家可以年年都可以攞獎, 菜式有創意.佢地d 招呼都幾好.

起初以為呢一間嘢只係一間好普通嘅大眾化酒樓，但眼見佢喺每年美食之最大賞都有獎攞，就即管同食神大佬走去試一試，試過先知真係有驚喜。嗰晚我哋試咗薑米活魚炒飯(炒得好掂!必食!)芝麻鹽焗雞(冇乜驚喜，但係都好食)奇脆明珠伴金龍(好食得嚟 又特別)芝士南乳酥伴南瓜球(絕對試得過)& 一碟炒菜同蟹粉小籠包(都絕對唔錯)最衰我哋 嗰 次人少少，如果唔係一定試埋其他得獎菜(例如三弄回味牛肉)，唯有下次先再去試。

原本打算去利苑, 但原來冇畫分非吸煙區, 為食媽最忌呢樣野, 所以只好改地方黎左依度, 環境同服務都唔錯, 未夠12點黎到都唔使等位, 點心共叫左四樣, 味道ok 但食物只係微暖, 另叫一個椰汁燉燕窩($38), 椰味好香濃而碎燕都唔算少, 再加多個粟米魚塊飯($40), 碟飯都好大件頭, 熱辣辣, 雖然飯面塗滿粟米汁, 但咬下一啖魚塊時表皮仲係脆o既, 粟米咬落爽口, 應是新鮮貨色, 所以此碟飯為整體挽回不少分數。(總計$16X.00)

太湖我由細食到大架，酒樓黎講，算好得架啦！消夜又平又好味，耐唔耐都見到有鬼佬去食添．係銅鑼灣可以做咁耐，好勁架啦．

咁大個女第一次食黃油蟹,十分緊張,而且抱很大期望,見呢度$28/兩,似乎幾平,所以試下,不過令人有點失望,因同在街市買到的$40/斤的羔蟹差不多,但價錢就差很遠,可能是時間不配合,酒樓侍應話7至8月食會靚好多,所以今次有點失策.蟹粉小籠包則ok,因沒比較,所以知算不算好.

打電話去尖沙咀分店book位及查詢,但態度嘛嘛.而銅鑼灣店則very good,所以寧願遠d過海食,下星期食完再俾意見.

又係我初初出黎做野果時成日光顧的酒家~ 次次兩個人去都係叫套嚇 地鮑魚仔都食得下~ 當年經濟好果時~ 三百幾兩個人~ 有翅有魚有鮑魚.. 仔 仲有小菜~ 都唔覺得係乜野一回事~