太平館餐廳

营业中

休息中

「太平館餐廳，我細細個就聽過呢名」 - 還記得小時候某一個聖誕節，父母帶了我去太平館餐廳慶祝聖誕節，印象中點了炒牛河、瑞士雞翼、梳乎厘等等。走進餐廳，行過一條樓梯，見到的是富七、八十年代的裝飾格局，舊舊的感覺倒有一種歷史的味道。今次重臨，當然要點餐廳的招牌菜式 - 乾炒牛河和瑞士雞。乾炒牛河雖然是一款十分普通的菜款，但餐廳處理得十分細膩，河粉條條分明，牛肉應選用鮮牛，口感細滑且牛味濃。瑞士雞翼不用多說，老始祖的味道，雞翼煮得剛熟，肉質能保持嫩滑，口味甜甜的。總之，太平館的招牌菜不會令人失望，如有朋自遠方來，不妨嚐一嚐這香港特別餐廳。

在尖沙嘴閒逛，找了一家十分古早味的餐廳。感覺回到黃飛鴻那個時代，十三姨她們老去吃酥乎厘.....娃哈哈哈哈。其實是有很預算的下午茶套餐，由於自己很想吃乳鴿，於是乎就單點了乳鴿和酥乎厘.....乳鴿也好吃！但是酥乎厘真的好大好大好大，一個人根本吃不完的！！整個餐廳都很古早味，味道也是好的！

想試呢間歷史悠久的餐廳好耐了，今次去到位於尖沙咀的分店，主要係想試一試餐廳整的瑞士雞翼、牛河及梳乎厘！睇睇Menu先，有2人套餐可以揀！已經有齊想食的瑞士雞翼、牛河！另外仲有前菜、炒菜、飲品及甜品。餐的炒雜菜，菜仲係好嫩，煙肉令到整碟菜炒得更香。餐的乾炒牛河，牛肉軟硬適中，食落好好味，但唔會有茶餐廳好油的感覺。呢個係另外叫的葡國雞飯，汁唔算多，雞的份量多，汁都好香！瑞士汁雞翼，雞翼有6隻，每隻都有雞翼尖。雞肉煮煮得好冧好入味，怪唔知個個入到餐廳都有叫！餐的甜品，有啫喱同雪糕可以選擇。味道ok，比起市面上的餐甜，唔算差。飽到死都要叫的甜品！巨型梳乎厘！甜品要等20-30分先有，記住早d落Order。講返味道，好鬆開，放得耐唔算縮得太厲害，不過大家都係盡早係佢仲熱辣辣最正的時候食晒佢啦！

茶餐廳嘅夥計傾計其實好正常但係有必要挨住人哋個座椅咩講句句野都有粗口不過經理有禮貌少少只係問佢少少嘢就已經黑晒面啲食物係好食但係啲服務態度.......好想再去但係唔想再對住佢哋

坐低落其他食物時已經order左呢個疏乎厘，點知都吃完所有食物飲品，收埋餐具，等左55分鐘，我們問伙記為什麼這麼久還沒有，是否漏單？伙記去廚房問，原來話第一個制作焦黑晒，唔可以俾我哋，但又唔同我地講。之後叫我地再等過，之後等多20分鐘，終於有得吃啦。外貌同大，相當吸引，點知一啲都唔好味，其實其他食物質素都係普通，其他食物賣相又唔吸引，以為呢個疏乎厘會好好味抵吃，點知食咗第一啖已經唔想再食，要100多元一個非常唔抵吃，非常非常失望！不會再光顧亦都唔會推薦朋友去。而且重點係服務態度相當差，伙記看見了你舉手要落單，佢唔理你，唉，太差了！

老牌餐館可以係各個年代屹立不倒 相信總有佢成功之處 今次星期5晚上8時多黎到 有張4人枱 不用等位太平館瑞士汁牛河 $120有點失望 畢竟係招牌菜 除左牛肉滑嫩足料 河粉夠滑 瑞士汁夠味之外 幾條菜幾老下 同埋河炒唔夠熱花旗砵酒豬扒 $125 賣相普通 不過不失 冇影相個汁幾特別 豬扒經炸過後幾滑 其餘配菜普通茶餐廳水準疏乎里 $140主角到喇 落單侍應生話製作時間30分鐘 食到差不多完送上左大大疏乎里 香噴噴 味道keep到水準 望住個疏乎里已經好療癒 留肚食疏乎里所以冇叫兩人餐 最後兩人成功complete成個疏乎里服務方面提一提 所有經驗侍應服務好好 反應快 可惜係黎到埋單時 經理張信用卡放係離持卡人最遠既枱邊位置 之後態度好冷淡講左句 "攞返張卡" 輕輕一嘆 經理level的服務比侍應們還差一點點

今日又來了太平館餐廳，因為實在太喜歡吃他們家的東西。太多好吃的東西去了，例如：瑞士雞翼、瑞士汁牛河、蝦多士等等...今次我便叫了我最喜歡吃的瑞士汁牛河，瑞士汁很甜很入味，牛肉十分嫩，上面更有蛋絲，更加香口 這個是焗葡國雞飯，非常香醬汁加了椰汁，更加香口。雞肉很滑，還有薯仔很入味很香這個說大蝦沙律，份量很多。蝦肉很爽口彈牙，配料也有很多有青瓜蘋果番茄等等，青瓜很爽口，更沙律汁很配合，沙律汁不會太甜或太酸

晚餐选择了尖沙咀有一百多年历史的太平馆西餐。点了几个经典菜式和点心巨型舒芙蕾，味道都非常棒👍🏻餐后清咖味道值得回味、老式奶茶自己动手制作的感觉很新奇，和服务员K.C WONG聊得很开心😀值得以后到港再去光顾………………,

eat sweet pigeon at Tai Ping Koon restaurant Old brand bird nest and cream soup Ok 👌 bread and butter are famous pigeon whole With a big rice Soup or vegetables shrimp 🍤 salad dinner set The pigeon is delicious 😋 HotSweet On a la carte basis To order a pigeon alone The bigger the better a new bake rice 🍚 menu Seafood white sauce Only prawns Some squid No fish 🐟 fillet the rice 🍚 is Ok Soft Using good quality White rice rawBut not the seafood 275+10%

月尾出左糧，梗係要食番餐好。黎到老字號西餐廳 – 「太平館」。今晚餐廳食客唔多，加上柔和嘅燈光，所以有種好寧靜的感覺。餐廳招牌菜是焗梳乎厘同瑞士雞翼，亦都係為左呢兩樣而黎。但望下餐牌，散叫就唔係咁抵食，所以叫左個招牌2人套餐，打算食完再叫焗梳厘。提供濕毛巾，而家好少餐廳有。湯跟小餐飽一個，微暖，無咩特別。海龍皇湯 – 好足料好濃，有蝦，帶子，但飲落有啲腥，飲左一半放棄左。煙肉炒雜菜 - 炒雜菜有煙肉片，甘筍，黃椒，西蘭花，椰菜花，味道不錯。太平館瑞士雞翼 (6隻) – 雞翼大隻好滑，好淋，唔駛好用力就食到。可惜瑞士汁只係得表面，完全無滲入到雞翼入面，失望。太平館瑞士汁炒牛河 - 牛肉算嫩，河粉都彈牙，可惜瑞士汁過多，偏咸。甜品: 雪糕 + 飲品 (咖啡) 最後都無心情食焗梳乎厘。整體黎講，今餐好失望，難怪周邊食客都係遊客。五百幾蚊食呢餐，質素超級下降，真心覺得唔抵食。

太平館這個老字號，我小時候便跟隨爸媽來。今天下午經過加連威老道，也不得不進去尋找兒時的味道。因獨個兒吃的關係，今天沒有點岀名的瑞士雞翼和梳乎厘，而是點了午市套餐。港式餐包先到，雖然簡單，但每次也覺得把牛油塗滿麵包後再放進口中溶化的感覺很幸福。羅宋湯很美味，熱度十足，用料充足又不會太油膩。主菜是砵酒焗豬扒飯，豬扒應該是先炸後焗的，所以咬下十分鬆脆入味。可惜飯不多，但勉強也夠飽的。飯後一杯香濃咖啡，總結今天的完美午餐。

本人覺得同花園餐廳差唔多，如果比呢個價錢不如比多少少食老外餐廳，食咗個加拿大西扒7成熟，唔覺得特別好味，服務態度差環境完全唔掂，tst 都死，係咁多！以後唔會再去！本來林住開開心心食一餐，林住坐係靜D 位置，叫呀光頭經理安排，點知佢一句話有人book 咗，又會啦我走都無人坐，好心啦！之後林住問4眼經理野，佢大大聲咁同人講野一啲禮貌都無！好唔開心！都唔明如果佢一開始對我呢個客戶好d，就唔會搞到我以家重坐係呢間餐廳度坐咁耐打呢編野啦！

這裡已經很久沒有來了。可能是尚早，所以給人一種寧靜的感覺。要了蝦多士、蟹蓋、乳鴿、什扒餐。先來了蝦多士，一般但那個沙律好好味，可能因我喜歡吃薯仔沙律。什扒裡面有雞、牛柳、豬扒、火腿、牛脷。最好味都是那塊牛脷。那塊火腿我意為好一般，怎知吃落不像普通的貨色，很是意外。乳鴿最失望：因上碟給人感覺好像胡亂放上去似的，反而那個鴿什不錯。蟹蓋最後上，因要等30分鐘。我們卻等了45分鐘才到。不過真的很好吃，啖啖都是蟹肉，但裡面實在太熱了、你真的可以慢慢品嚐。下次再來一定要叫牛脷、蟹蓋等...........

太平館係經典中既經典，但我就未食過，雖然同學話銅鑼灣同中環好味啲，不過個日經開尖沙咀睇戲就食埋啦😋嗌左炒牛河、葡國雞飯同焗雙花。個牛河牛肉超多，小小甜，夠正。葡國雞飯就爭小小，雞肉唔太嫩，焗雙花個西蘭花好好味，椰菜花就好普通。梳乎里好大一個，不過少少稀，但夠睇頭，懷舊黎講真係一流😸

星期六同阿仔一齊去太平館食瑞士汁雞翼，啲雞翼好好味，叫咗個咖喱牛腩但太辣了小朋友食唔到，服務態度超級好我嘅小朋友食雞翼整污糟隻手個服務員攞毛巾比我嘅仔，又幫佢帶上餐巾好貼心