太安樓車仔麵 (已結業)

除0左食炒麵之外, 仲試0左車仔麵, 車仔麵四個餸, 廿蚊一碗我碗車仔麵有雞翼尖, 牛腩, 冬菇同蘿蔔, 配油麵食, 湯有好深的顏色, 我覺得應該係用0左老抽的緣故, 味道幾甜, 雞翼尖用鹵水汁鹵到入哂味, 好好損, 牛腩都幾淋幾好食, 冬菇, 蘿蔔都幾好味!一連食兩間食店的食物都不錯, 今次太安樓之旅收鑊都幾豐富

踏進這個有點像迷宮的太安樓, 有點花多眼亂的感覺, 食咩先好呢?都係食車仔麵, 配搭係魚餃, 尢魚鬚, 紅腸同埋豬紅的油麵, 廿塊錢一碗, 價錢ok, 味道唔錯, 特別係豬紅, 蠔油汁味煮到好入味, 同油麵既味道真係襯到絕! 其他配料可以, 尢魚鬚好爽, 無梘水味, 食得過!有幾張接枱可以坐, 不過覺得比較污濁少少

第二站就係食車仔麵了, 廿蚊一碗, 餸包括牛肚, 雞翼尖, 冬菇同蘿白既油麵, 雖然廿蚊一碗, 但係都幾大碗, 牛肚好好味, 味道屬於柱侯醬味, 煮得軟所以食完無黐牙, 冬菇好食, 蠔油入哂味, 蘿白都係, 滿以為食到一碗好好食的車仔麵之際, 出事喇 雞翼尖縮左呀, 仲係酸得嚟臭呀 好難食, 想反胃, 點解咁唔小心架, 一食左呢啖之後, 成碗麵都放棄左, 唉, 嘥哂喇 唯有去食第二樣啦, 天氣悶熱, 食物都好易變壞, 要小心處理啊

其實太安樓有兩檔車仔麵, 不過我食既一檔唔知係唔係呢檔.. 但係呢檔都有好多人排隊買, 喺正立雜炒隔離嗰間雖然多人排隊, 但係佢既味道唔算好好, 不過碗車仔麵都算夠味, 不過不失, 廿蚊一碗, 都值得去試試!餸之中以冬菇最好食, 因為好入味, 雞翼尖真係麻麻, 千期唔好叫 牛腩唔錯, 幾有味同幾淋, 每碗麵都fix左要叫四個餸!openrice既老編要update一吓資料了

早聞太安樓係個地痞派既美食天堂，不難見到大眾堆係張小小既摺檯之上或是拎住個碗企係度，呢日終於搵左朋友仔陪我黎朝聖。粉腸豬紅麵筋油麵粉腸：飽滿帶點粉，份量勁多豬紅：算新鮮，有咬勁但唔係死實麵筋：普通，但索曬湯汁幾好食油麵：煮既時間剛剛好，食油麵最怕煮太耐而變得軟patpat湯：牛腩湯底；奇怪的是車仔麵居然無落味精唯一敗筆係墊底既生菜，灼得太耐，幾乎融去冬菇雞翼魷魚油麵冬菇：軟熟之餘又帶點咬勁，入味，有點甜雞翼：好入味，可惜得兩隻(其實係合理份量，但好野點又會嫌多?!)同埋鞋左少少魷魚：得個爽，無味，但朋友仔鍾意紅腸：好味，唔知係咪炸過，邊位仲脆脆地，可惜我先分得一塊...太少服務勁好阿姐面對熊熊烈火，後面仲有一排小人龍，但仍分到心，見我地無位坐就叫我地去另一邊。食飽飽後就去尋找「習習習」。

不爱粉面的我在香港渐渐找到可以让我钟爱的粉面维记的猪润面刘森记的黑百叶虾子捞面开心面皇的无味精汤面哈哈 还有这里太安楼车仔面果壳苏三饕餮走四方 餐厅名称 香港太安楼车仔面 餐厅地址 西湾河太安楼交通 西湾河地铁站B口出，进太安楼第一家，有蔡澜照片的 营业时间 星期一至日: 12:00-03:00 就餐时间 2009 年 3 月 13 日 13 时第几次用餐 第 1 次 可否刷卡、八达通 使用现金 如何知道该餐厅 openrice上觅食 用餐目的 上一次就想吃了，但不确定自己看到的是不是大家所说的那一家，回家confirm一次之后，决定尝尝 菜名 油面陪鸡翅、冬菇、牛腩、猪小肠 价格 23元，三种的话就是19元，学生哥来吃，我没看他们都点什么，但是价格一律听老板喊14元。 评价 哇塞，太好吃了，我喝到汤一滴都不剩。和维记的猪润面、刘森记的虾子捞面风格不同，这里是卤味的天下。排了五分钟的队，拍了三五张照片，吃得满头大汗，幸福得快要溢出来。面条我特意说要“小小”，分量真好。冬菇超级入味，不会像想象中吃到后面或者吮吸时有苦味，味道甜咸适中，我的碗中有8块香菇；鸡翅两个，和开心面皇的有点像，但是

來到太安樓,車仔麵一早已被鎖定為必試目標,皆因從網上所看到的車仔餸種類之多,真的不想錯過!!而且掃街團又多一名成員,更加肆無忌憚地向車仔麵進軍!!分別有2檔同是陣容鼎盛的車仔麵在附近,先後研究兩邊車仔餸後,可愛朋友選擇比較多人的這間,皆因食物看來較靚仔。點了油麵作為我們"long肚"之選,原來還送生菜! 正~~ 這2者都是一般的油麵和生菜味道,不會太特別了。車仔餸選了麵筋、魚蛋、魚皮餃、魷魚、雞翼,本打算繼續點,誰知老闆娘老實地回應"夠架喇!裝唔晒架喇!!" 魚皮餃為來貨,總之沒腥味就可以! 自從吃過楊屋道街市附近那間魚蛋專門店的魚餃後,一般貨色已不能滿足我了! 灼熟了魷魚本身欠缺味道,由於沒加辣汁,所以吃來相當原味=無味,非戰之罪!!魚蛋質感偏淋,不是我喜歡那款,同是沒有腥味就算了!麵筋份量真的不少,煮軟了的麵筋相當柔軟和飽肚;全碗最好吃的是雞翼,雖然不算超肥美,總算煮得入味,可以一吃!! 湯底味道不濃,欠缺車仔麵那種濃味,而且今次只加腩汁而沒有辣汁,風味繼而減半,也許是自己點得不當之故,難道要點午餐肉、霹靂大香腸那些才夠味道??小情人那碗幾乎是全素,味道也是不太濃味,最好吃也是個子

要了四餸﹕魚蛋﹐豬皮﹐雞翼同土魷幼麵。雞翼鹵得幾入味﹐豬皮過得去。但魚蛋質素差﹐土魷亦好硬。價錢算ok﹐所以唔會有甚麼其望。因冇乜位置供人堂食﹐所以多數人都係外賣。如要堂食就只好在隔離張細臺下喺度跟大夥人排排座食粉果吧。

除夕夜周圍都多人,唔想同人迫,就同女友先遊個電車河,嚟到西灣河,就整碗車仔麵食下...女友要咗豬紅,牛肚,雞腎,蘿蔔,大腸,粗麵,而我就要牛肺,牛膶,魚片,齋卜,油麵,料真係好多選擇,味道又唔錯,最緊要係抵食,兩碗4-5餸麵,夾埋都只係$46,嘩,喺出面邊度得呀...!!??平靚正,咪喺呢度搵到囉~~呢度真係一個卧虎藏龍之地~~

我去都係叫米粉+冬菇+豬腸/豬紅/蘿蔔/粉腸米粉 :個人口味豬腸 :好腍.入味豬紅 : 正!蘿蔔 :入味冬菇 :好腍.入味,正! 真係超好味!!!!!!! 粉腸 :5錯其實佢樣樣都咁好味,我只不過係想介紹冬菇, 因為我覺得真係好抵食!有時佢都會 '+料"比你咖!但廿幾$ 算係咁啦!

太安樓,其中一個香港"奇蹟",是一眾掃街者天堂,年前在附近上班,因為長期當夜班之緣故,不時也會過來吃夜宵,炒麵,粥,煎糕點等等.回想昔日,口水也直流.在日前大龍鳳局之後,意猶未盡,再聯同八位壯士,飛車到太安樓,掃個痛快.再沒有昔日的墟陷,太安樓風光似已是昨日,但仍然有不少檔口,為我們眾掃街孝子服務.其中一檔,就是車仔麵檔.沒有什麼新式味道,只有我們常吃的幾味,見有牛肺,粉腸,再加個豬腸,配粗麵.好,就來個車仔麵牛豬大戰.之後再過去其他地方,買些碗仔翅,糯米飯等等.大家一同分享.豬腸肥美入味,白雪雪的粉腸一口粉,很豐滿.牛肺爽口,連帶一點點脆骨,很好吃.麵條灼得剛好.有幾特別?其實不能叫很特別.還原基本步,車仔麵本身的定位,理應如此.夠草根,夠那渣,就連進食的地方,也不要靚裝,要立食才算入型入格.懶理碗仔翅足料與否,懶理糯米飯是否真正生炒,一大班人柴娃娃,嘻嘻哈哈.什麼也不理了.但我更懷念以前太安樓,那種如大笪地的歌舞昇平,今時今日,往事只能回味矣.

今晚去左鯉景灣釣魚,朋友帶我們嚟西灣河食車仔麵一落車離遠已經見到人龍,好誇張呀!!食物款式都有好多我地好快就排隊,有時又行去睇定食咩餸先(好心急) 之後去左鯉景灣嗰邊碼頭,一邊吹海風一邊慢慢嘆~~~魚蛋+豬紅+豬腸+魷魚+米粉(超大碗)但係味道好似有點保留.........豬紅麻麻地,唔入味,魚蛋唔彈不過豬腸+魷魚又好好味而且每一個餸份量都好多3個人3碗都係$62咋

同女友第一次試去到已經見到幾多人排隊我地叫左冬茹, 粉腸, 大腸, 雲吞最好味係粉腸, 完全冇苦, 正冬茹就失望d, 其實一心係想試下冬茹既點知都唔係話好好味不過就真係食到好熱lor!

食左幾年, 由好平到而家加哂價, 貴左唔緊要, 但 d 料仲小過以前, 而家食覺得好唔低, 由以前既一星期食 2, 3 次到而家一個月可能只食一次, 因為真係唔太好食.

西灣河,我從來都冇咩機會去呢個地方,因為我至小就家住油尖旺區,而過去既工作都在新界地方,跟本絕少步入香港西/南區,自從認識了女朋友,跟她搬到西環住了,在中環上班,開始慢慢接獲香港區的世界...或許是因為女朋友的緣故,她以前住的是西灣河太安樓附近,所以她很熟悉,而且經常要我一定要去試那兒的車仔麵檔!!當然,有得食,我自然無所謂,何況家住香港區,去西灣河,還不過只是一程巴士而已...到達太安樓車仔麵檔,我第一個感覺就係-熱氣逼人...整個商場充滿各式各樣的小食,麵食,真係好特別既一個地方...然而,每處既鋪頭都在為客人拼命咁煮食,令整個太安樓都變得熱鬧起來...隨後,我點了豬大腸,牛腩,墨魚丸,芝士腸....跟住個感覺就係-份量極多,平日跟女朋友LUNCH去中環附近食車仔麵,極其量,每樣都只是有丁點兒...但這裡,一碗就可以解決了我...而且價錢亦相宜,都只是二十元...非常抵食!!!有些人嫌冇位坐,當然,呢度始終係行人地方,唔能夠張揚地放滿檯任人坐係通道上食...而我女朋友係呢個地方居住多年,就介紹我去馬路對面既一個公園,個度入夜之後較少人,亦有非常之多既檯,無論情侶買完車仔麵撐檯腳,又