太安樓車仔麵 (已結業)

屋企指定車仔麵鋪,呢間係我食過最好之車仔麵,不論任何食物都係好好食,連遠到廣洲親戚每次黎香港都要去食番餐(老闆娘次次都識到我,知道你口味,真係好勁)

幾多餸選擇,味道一般,夠熱,不過自從有傳媒介绍之後不停的加價,由07年頭16蚊加到20蚊３樣餸面,另外某啲餸要加多ｌ至6元,加得太快太多,唔低食.

幾年前已幫襯於太安樓的老店, 味道是太安樓眾多車仔面中最有誠意的一間, 車仔檔算是衛生, 湯底沒鹼水味, 豆卜等豆品類都沒有出現過變壞變酸的情況, 又夠入味, 香腸紅腸芝士腸脆皮腸各類丸需都沒有雪味, 蘿蔔夠淋夠入味, 雞翼和雞翼尖都鹵水得不太咸但又好夠味, 菜亦非常新鮮, 還有很多選擇不能盡錄但全部都是水準之作. 此店搬離太安樓後我曾經幫襯過其他檔口, 但全部都好難食(又唔明點解有D仲好多人掛隊). 好彩此店新址好快重開, 否則想吃宵夜食杯面仲好過幫襯其他車仔檔. 多得ssw介紹, 我自此去親都要排起少十分鐘, 不過見到老闆兩公婆咁勤力咁有誠意D 食物又好食, 排耐D都為佢地開心.

朋友順利駕駛了全港九新界...今天終於可以到我期望很久的平食地帶..筲箕灣泊車: 興東村12元一小時有意沒意的到來....認得女老闆好多人....叫了蘿蔔...5/5豬肚...5/5冬菇...4/5豆腐...4/5肯定有味精....但車仔麵來說...真的好好味道!!朋友跟我...開心道分別....致電親友...肯定好快再食

四餸/$20,揀咗芝士腸,雞翼,魚餃同冬菇,個湯加咗芽菜,湯唔錯,飲咗幾啖,唔覺口渴,阿叔都幾友善

我係附近學生黎既...平時10餐都有6,7餐係車仔食抵食ma...>< 無錢就會食佢個o.講真e個價錢質素點都係普通野我想同大家分享既係兩家有咩唔同呢.?近燒味果間執得乾淨d既..不過份量唔會比多你近排好似每碗送兩粒魚蛋..-0-多左一定"筆"番出黎近飽鋪果間係衛生差少少不過食左四五年都未中過招無事既...0.0""不過佢就係比較求期所以成日"筆"多比你有時係特登tim...通常係魚蛋個d (想搵著數可以叫x丸個d)因為大機會筆多比你)有時上手個客"筆"少佢d左去左落你度..真係好爽ga.(當然可能你係被"筆"少左個位人兄)but 只係少數所以次次去都有唔同既驚喜好似玩抽獎咁大家去食個時不妨當係大抽獎咁玩..><想食辣d可以叫佢比多兩"跟"辣油可以係好辣-0-p.s. 成座太安樓既食店衢生都唔會好得去邊ga la 平民化ma.車仔隔離間燒味有好有唔好..好:你見到掛著燒鴨批就叫燒鴨la 通常比批你唔好直接叫批wo 加6蚊ga 佢唔講ga..-0-壞:個r叔去完洗手間唔洗手@@同唔收毫子仲有r 去幫襯伯伯串魚蛋r 係車仔行去西灣河方向轉右華澗果條再向西灣

其實一直以來，我都唔會幫襯已經搬入舖的那間。我覺得比佢有水準的係另一間，佢地晏晝到夜晚會晌太安樓麵包店隔離。一到近出入口的水果度收工，佢地就會移師過去。佢地都係20蚊四，勁抵食。眼見一到凌晨時份，西灣河消防局的人，警察放宵夜，康怡保安，都係突登渣車過黎食。咁多人幫襯，仲要係熟客，所以我都唔知另一間點解會咁出名囉... 究竟阿蘇點解會介紹呢間呢？心水推介：芝士腸、咖哩魚旦、雞亦、豬紅，麵底要米線。一流呀

給留下那位:其實阿蘇介紹果間,如下面所講...夫妻已換了=]他們開了間地鋪（在明記隔離）：http://www.openrice.com/big5/sr2.htm?shopid=18351

老實講, 早在阿蘚介紹之前已經食過呢間車仔麵啦, 無可否認佢係好平, 真係街坊價, 始終果度係太安樓, 果頭既食肆都係咁上下價錢, 偏向平價路錢, 不過可能係明星效應又或者真係每個人既口味唔多同, 我真係覺得唔係咁好食.... 因為之前老婆喺正太安樓對面返工, 所以成日都去太安樓搵野食, 而呢間車仔麵我地只係食過一次, 唔係乜野原因, 而係真係覺得唔好食, 湯味唔濃, 我老婆直頭覺得淡(因為佢食得比我濃好多), 蘿白都ok, 夠甜又冇乜渣, 牛腩好普通, 豬紅又冇食開果啲咁好食, 而菜同麵就冇乜好講, 基本上只係平.....但係經過阿蘇講一講之後, 真係唔知點解會成日都見到一條人龍响度排隊買麵, 其實以前真係從來都冇見過有呢啲咁既情況, 好明顯係明星效應, 我就死唔信邪再去試多次, 結果...... 唔好食...... 同以前一樣, 都係湯味淡, 料普通, 都係咁句, 最抵讚係都係咁平, 不過其實太安樓入面仲有好多舖頭仲好食又平, 就好似泰式小食館, 十幾廿蚊有泰式粉麵仲有野飲, 真係平靚正, 雖然地方細又感覺唔太好, 但係就肯定好食過車仔麵好多, 如果只係同返車仔麵比, 雖然地區唔同

2007年4月20日。行完麥裏浩徑第三段去了太安樓食雞蛋仔和車仔麵。吃完雞蛋仔，吃我素來都愛吃的車仔麵，又要排隊。叫了生菜、冬菇、蘿蔔、魚蛋和幼麵。料多又平，也好味道。不過，無堂食，要企住食，比較辛苦。

只想提提食家, 曾被電視台介紹的車仔麵檔受訪夫妻已不在太安樓開檔, 現在出現的『夫妻』並非推介時的檔主, 可能已經易手。重點要提的係幫襯前留意衛生情況才好決定購買。

放左工，屋企冇飯食，去左太安樓買車仔面~排左一陣隊就到我，叫左3個送+米線只係$17!!1) 雞翼- 好入味，正2) 珍寶腸- 應該炸過，好脆皮，不錯3) 豬大腸- 唔太肥另外送埋菜底夫妻檔既車仔麵，分工合作，d食物都算乾淨，老闆娘幾nice，d野又好味!!下次冇飯開，再食過!

因為阿蘇的介紹,今日和男友特地來這間店舖一嚐...一開始,看到有兩間相似度99%的車仔麵店...兩間都沒有店舖的名牌...排隊人數相若...經過我的分析後,覺得應該是燒臘店旁的那一間,而並不是麵包店旁的那間...排了8分鐘隊,我叫了淨餸5款...$20有牛腩,冬菇,大腸,豬紅和蘿蔔...老闆大汗疊細汗,可想而知有多熱...他十分好人,見我沒有叫麵,撈了特別多生菜給我...每款餸其實份量也不少,他並沒有吝嗇,所以發泡膠碗內餸堆得滿滿的...而收錢的那位女士也頗有禮貌...我的淨餸: $20牛腩- 味道不錯,牛筋很"淋"冬菇- 很入味,越吃越想吃大腸- 都OK,沒甚麼特別豬紅- 都OK,吃得出是新鮮貨蘿蔔- 雖然有人說很清甜沒有渣,但我卻認為是無渣,但不是特別清甜特別好味生菜- 我很喜歡,哈哈男友的3餸麵: $17牛腩冬菇雞翼尖- 很入味,有7隻那麼多,我喜歡吃(但他說麵不夠"淋")因為沒有位坐,唯有站著吃,非常熱...此時此刻,發現另一間有十分多人排隊,比我光顧那一間多很多!令我開始懷疑自己吃的是正貨還是冒牌貨...=.=回到家翻看雜誌想知自己光顧那一間是不是阿蘇介紹的那間...發現..

假期長征第二站是山長水遠的太安樓，純粹為了一嚐男友年輕時打通宵機的夜宵-車仔麵。咁大個女都係第一次吃鐵皮車的車仔麵，感覺都幾得意，這檔車仔麵都算乾淨企理，食物全部分類，整齊地排列在鐵皮車前方，方便食客挑選。我們要了男友必吃的蘿蔔和冬菇，我另外挑了豬紅和雲吞。白蘿蔔非常清甜，完全無渣，冬茹厚肉，味帶甜，軟熟又不失咬勁，真係好好味。豬紅亦新鮮嫩脆，不會煲到起哂泡泡，雲吞就麻麻，太粉，不推介！麵我們選了粗麵，沒什麼特別，普通貨式，湯底出奇無味精，$20一大碗，絕對食得過！車仔麵又稱拿喳麵，但太安樓的這一檔，出品精緻，味道細膩，一點也不拿喳呢！