天龍咖喱

营业中

休息中

天龍咖喱🍛咖喱羊架飯 🐑 $92羊架飯足足有三大隻羊架，超級抵食！加上羊味非常濃郁，我同同行朋友都食到津津有味！💓💓咖喱三黃雞飯🐔 $68 呢度嘅咖喱好獨特，個人覺得佢更加似甜咖喱，係由大量嘅洋蔥蕃茄整成，真正真材實料，食完你就會做咗佢哋嘅回頭客🤣🤣🤣如果好似我咁唔想食飯，可以加$23轉三塊薄餅！咖喱飯周圍都有得食，薄餅唔係周圍有！價錢又唔貴，梗係要試吓啦✅✅✅香煎牛仔骨（2件）🐮$42牛味非常濃郁，個人覺得$42兩件都幾抵，算係市面上比較好食嘅牛仔骨🥰香酥雞 🐔$38即叫即炸，非常香脆，感覺有啲似鹽酥雞，不過係冇咁鹹嘅版本～凍檸樂（跟餐加配）+ $8凍檸茶 （跟餐加配）+ $3

📍 天龍咖喱(元朗) 再次支持小店~對佢嘅咖喱念念不忘，辣度又可以自己調教，讚👍每次黎到都食不同，果然有新鮮👏🏻🔸咖喱牛筋牛腩飯正常辣度既咖喱偏甜，適合🈴️老少咸宜👍牛筋牛腩，仍然保持爽口，牛味濃，一咬落去牛筋充滿豐富嘅膠原蛋白，而且低脂肪，入口即溶，好有軟糯感。牛腩夠哂淋身又唔嚡口，軟嫩牛腩，非常入味，正👍🔸咖喱生煎肉餅飯呢個係特辣咖喱，好岩用黎撈飯🍚辣味由喉嚨慢慢滲岀黎，好鐘意呢種感覺～肉餅煎得香口又脆身，份量來講都幾大塊，咖喱加肉餅感覺好和諧，整體確係不錯👍🔸蔬菜蝦卷新鮮蝦肉及豐富蔬菜🥬油炸後皮簿酥脆，完全保留蝦卷既美味口感😍🔸雞皮餃子係餐牌上，睇到個名，感覺好新穎，脆脆既雞皮沾上一點雞油，入面包住餃子，賣相好飽滿，口感唔會太油膩，剛剛好👍飲品🥤🔸熱西洋菜蜜🔸椰子冰粒粒椰果，用新鮮椰子，鮮榨椰汁，好鮮甜，冇渣，口感好細嫩👍

第三次去，今次食咗炸魚柳咖哩飯、蔥油三黃雞飯、牛肉薯餅、雞皮卷（第一次去嘅時候食過，今次翻兜），飲品照舊都係 話梅可樂 同埋 傷檸樂（今次要zero) ✔️終於食埋嗰塊好大嘅炸魚柳，上兩次去都望住隔離檯食，今次記得自己叫返份嚟試，真係好大好大好大塊✔️炸魚柳唔單只大，仲好脆口，外脆內軟，口感一流✔️炸魚柳嘅魚都飽滿，一梳梳嘅魚肉，完全唔係薄薄得返炸漿嗰種，而係真係好有份量✔️咖哩仍然非常好味，濃郁又多料，咸香又惹味✔️今次唔係淨係食咖哩，“我朋友唔食辣”系列都有好多嘢想食，今次先試一款，下次會再去試埋其他！✔️今次食蔥油三黃雞 ，雞有雞味，好嫰好滑✔️蔥配豉油汁竟然俾我當咖哩汁咁撈飯食，正到同啲咖哩汁撈飯有得fight✔️牛肉薯餅又係驚喜，以為食完咁多飯再食會食唔落或者好“漏”，點知完全唔會囉，軟糯清甜嘅內餡配上脆脆嘅吉列，唔駛點沙律醬都已經超好味，點埋沙律醬又有另一風味，多少少層次✔️雞皮卷仍舊出色，話梅可樂 和 傷檸樂 （即咸檸 加 鮮檸）仍然是所有食物嘅最佳配搭

呢日同囡囡👧🏻上完興趣班好肚餓，囡囡話好想食薄餅🫓，就見到有間叫天龍咖哩嘅餐廳，就肯定有薄餅食啦🤩💡👍🏻Go Go Go!呢度除咗咖喱之外，都有完全唔辣嘅食物。但原來佢嘅咖喱全部都係分開上😳！太好啦！可以滿足大人想食咖喱嘅慾望🤤，又可以分比BB食👍🏻👍🏻 Good Good 😊!咖喱🥘：🍛金牌牛魔王咖喱牛大四喜飯 +🫓油酥餅2塊（$112）｛鐘意食牛嘅點呢個，咩都有🤗，咖喱唔太辣，好多人都食到。🫓點咖喱食最正👍🏻｝追加+厚切牛脷 （$15）🥩咖喱羊架飯 +辣🌶️（$99）｛我好鐘意食羊架😋有3大塊😍好正👍🏻👍🏻，老闆推介加辣咖喱😳真係正啲喎！Yummy!}特飲：🍸🧉椰子冰 （$22）{我的童年回憶😊｝🍹柚子疏打 （$22）小食：🍗天龍雞皮卷 （$42）｛我覺得就好似去咗骨嘅炸雞脾，皮好脆，啖啖肉｝🥓香煎牛仔骨 （$42）｛好食😋｝食物大大件，好抵食🤗

元朗其實都好多小店 好嘢食 今次就試咗呢間天龍咖喱🍛主打港式 &印度咖喱我係下午茶時段嚟嘅 晏晝費事食太飽所以揀咗一個下午茶餐同埋一個咖喱飯餐🌮🥘try try 💓見佢哋餐牌都有好多唔同嘅選擇唔食辣嘅又有 雞牛羊魚素食樣樣齊🥘🥢厚切牛脷煎太陽蛋🍳配薯條 $59牛脷大件又厚身٩(*´︶`*)۶҉ 口感一流 而且牛味好香 好嫩滑 再加d 咖喱一齊食👍🏻🍛薯條好脆口 下午茶餐食少少就啱晒👍🏻咖喱牛筋飯$59 +太陽蛋 $6 +薄餅🫓$9大大碟咖喱🍛唔算好辣 配菜有薯仔同埋洋蔥 🧅仲有主菜牛腩好滑而且全部都好冧好入味💞加埋隻滑捋捋嘅太陽蛋🍳🍳 完全係白飯殺手 🥷仲加配咗個薄餅🫓點埋一齊食香脆又入味🍽️總結呢間咖喱主打ge小店 選擇好多價錢又唔貴我見仲有好多唔同嘅小食🤡不過今次太飽，所以就冇叫到啦下次一定要試吓佢哋嘅雞肉餃子同埋雞皮卷先得💓

📍元朗天龍咖喱鍾意食咖喱既我黎到元朗決定試試呢間天龍咖喱，位置唔算遠，大棠路輕鐵站行6分鐘左右就到👍🏻好好彩唔使等位就食到，因為餐廳keep 住有客人排隊，一坐低老闆就好熱情咁介紹餐牌嘅內容，最後我哋order咗咖喱雞扒飯同埋蔥油三黃雞飯。✌️佢哋嘅咖喱特別之處就係唔係剩係得咖喱汁，入邊有洋蔥碎搭配薯仔，令到個咖喱汁有唔同嘅層次感，豐富嘅口感咖喱配搭酥餅同埋白飯係一流💦而蔥油三黃雞快有屋企住家飯嘅感覺，蔥油味濃厚得來又唔會搶咗雞肉本身嘅味道，食物分量充足之餘，肉類嘅火候都控制得好好，雞肉唔會覺得鞋👍🏻至於小食方面，叫咗個蔬菜蝦卷同埋咖喱酥餅，蝦卷食落去口感非常彈牙，而且好好有濃郁嘅蝦味，而酥餅配埋咖喱汁，可以話係貼近地道中東食物嘅水準另外佢餐牌上面仲有素食嘅咖喱選擇，健身人士同埋素食主義者都可以黎試吓，重點係性價比極高，人均消費70至100推介唔食得辣嘅人都可以試吓，因為佢嘅咖喱（小辣）唔係話好辣，我會用好惹味來形容，如果兩個人過嚟食飯嘅話，建議一個配搭飯一個配酥餅😝溫馨提示鍾意Tyson Yoshi嘅一定要入嚟聽住歌食咖喱🥰🍛

有日睇片個陣咁岩見到有youtuber介紹呢間元朗咖喱咁近 當然要去試下佢餐廳鋪面唔算大 但裝修都新淨 坐得都舒服✨咖喱牛仔骨飯牛仔骨有成三大塊 煎到好香 但一啲唔韌 唔會好難咬咖喱同平時食既港式咖喱唔同 入面有好多洋蔥同蕃茄食落甜甜地 但又有咖喱香料既辛辣味 好送飯👍🏻✨咖喱厚切牛脷飯厚切牛脷都有三大舊 舊舊都勁厚勁大塊 牛脷都係煮得好稔 一咬就爛 但又好香牛味✨牛肉薯餅即叫即炸 上檯熱辣辣 咬落外脆內軟 薯蓉超滑✨天龍雞皮卷雞皮餃子食得多 雞皮卷第一次食雞皮好香脆 但又唔油雞肉又好結實 雙重口感配埋泰式甜辣醬食 唔錯👍🏻價錢唔算貴 而且每樣份量都唔少 性價比都幾高下次黎一定要試下佢其他野食🤭

【元朗區】【天龍咖喱】今次同道歉哥入到嚟元朗食嘢，因為我聽講呢間啲咖喱唔錯，睇過其他 foodie 朋友仔寫過都話佢幾好。不過我自己本身唔係太食得辣，所以先至搵埋道歉哥嚟幫手試。間嘢唔算難搵，其實喺大家熟悉嘅又新街一直行到尾就係。去到就梗係叫咖喱嚟食，諗諗吓都係要咗 $112 嘅「金牌牛魔王咖喱牛大四囍飯」，佢有牛腩、牛筋、滑牛同一整塊牛脷喺咖喱入面，加埋啲薯仔，好味。小食我要份 $68 嘅「孜然羊架」，嘩，燒得勁好食，我幾推薦呢個。飲品方面我就加 $10 飲「話梅可樂」，可樂裡面加咗話梅味幾得意。而道歉哥就食 $68 嘅「咖喱三黃雞飯」，首先一上碟就見到係勁大份嘅，差唔多放咗成半隻雞，勁誇張。而本身咖喱同雞都係絕配，加埋薯仔成件事都唔錯。道歉哥要 $42 嘅「天龍雞皮卷」做小食同加 $5 飲「可樂」，所謂雞皮卷即係雞腿捲，好味。夾埋 $305 唔過份，我差啲唔記得講我嗰份餐除咗跟「白飯」，仲有跟兩塊「油酥餅」，點咖喱食真係好滋味，不枉我咁遠入嚟試佢。。。（地址：元朗合益路17-53號合益中心地下23號舖）@curryten_

. 元朗名物咖哩小店 | 雞皮卷出色過咖哩📍#天龍咖喱🍖天龍雞皮卷 $42一心黎食咖哩🤭點知食到咁好食嘅小食用雞皮包住滑嫩嘅雞肉、雞皮炸到脆卜卜😍鎖到肉汁😋點泰式辣醬好夾嚟啦💯好好食啊🍛金牌牛魔王咖哩牛大四囍飯 $112🐮牛大四囍包括牛脷、牛肉片、牛腩同牛筋😈配一大碗飯同2片印度薄餅👳🏽牛脷有一大塊😲整體4樣都炆得幾淋👍🏻咖哩就唔多夠汁、直接用薄餅沾咖哩都唔夠味🤔無咖哩應有嘅香、辣、椰汁味😌同埋偏多油、咖哩好一般🥤傷檸樂 +$13新鮮檸檬青檸🥹冰底加可樂就是正！——————————————-總結 : 初頭聽落好多負評話好一般姐、所以本住試伏嘅心態去食😂點知有小驚喜🤭間中食下都可以😼比較多人食係煎肉餅飯同雞扒飯😲12點煎肉餅飯已經話賣哂。。。好奇係咪好食既呢👻下次再戰——————————————-📍 天龍咖喱🏠 元朗合益路17-53號合益中心地下23號舖📆星期一至日 : 11:00-22:00#hkfoodstep#hkfoodstep元朗##hkfoodstep港式#元朗美食#咖哩 #hkfood #hkfoodie #hkcouple

#fatxyuenlong ‼️不 同 咖 喱 配 搭‼️•① ［ 咖 喱 吉 列 魚 柳 // 厚 切 牛 脷 ］｜咖喱是屬於冇咁結身的質地，入面放咗好多洋蔥٩(〃._.〃)ว吉列魚柳 超級大件，外層亦都炸得好脆牛脷 不會過韌，一咬就咬得斷。｜𓋪 8/10·② ［ 香 煎 牛 仔 骨 // 雞 皮 餃 子 ］｜「 香 煎 牛 仔 骨 」黑椒味重，不過略嫌有點油膩。「 雞 皮 餃 子 」很特別，入面啖啖肉。｜𓋪7/10•③ ［ 紅 豆 冰 // 椰 子 冰 ］| 兩杯椰子味都好濃，奶味偏重。｜𓋪7/10·天龍咖喱 (元朗)元朗合益路17-53號合益中心地下23號舖

記得小時候的元朗，曾經是各式咖喱食店林立。有印度式的、巴基斯坦式的、尼泊爾式的等等目不暇給。之後小店一一離開，正宗咖喱變得罕有。幸而這次來訪的天龍咖喱讓我有所驚喜，重拾在元朗品嘗咖喱料理的樂趣。小店主要賣點說是以大量蔬菜烹調。確實今天一試非謊言✅大大碗的蔬菜咖喱汁分開端上，配搭着各種飯餐，讓人自由選擇用作拌飯的份量。可能因為高蔬菜量的關係，咖喱汁香口而不油膩，沒有其他巴基斯坦咖喱口味太嗆太重的問題，非常佐飯。餐牌上咖喱飯款式頗多，較罕見的羊架和純素也有供應，我點的青衣魚柳飯份量也很滿意，魚肉厚切新鮮。另外店員推介的天龍雞皮卷也非常香脆可口。以雞皮裹上豬肉的春卷以油炸切件上桌，頗為特別，一向崇尚健康飲食的我也忍不住破戒了😋偶爾放肆也是必需的😆

呢間天龍咖喱響鳳琴街體育館附近有人黎做完運動想醫下肚見到呢間專做咖喱嘅小店唔算好多位 但座位都可以個menu有好多咖喱飯揀左個金牌牛魔王咖喱牛大四囍飯 $112黎到都好驚訝有咁大份仲配有兩塊油酥餅 有4款牛 - 牛腩 牛脷 牛筋 牛肉肉嘅份量好多呢款飯夠哂兩個人share咖喱都幾香 有少少印度咖喱嘅味道但唔算辣個人覺得可以再辣d野飲就普通茶餐廳嘅飲品 冇咩特別佢仲有其他小食叫不過呢個飯份量太多 要下次再黎試整體黎講 呢個價錢都ok抵食嘅 勝在份量多同足料 岩哂大食同好肉嘅朋友

屋企附近嘅嘢食真係好多選擇，呢間天龍主打巴基斯坦咖喱，招牌菜當然必試咖喱🥰唔想食咖喱都有其他飯揀，價錢非常親民而且選擇多🤤 金牌牛魔王咖喱牛大四囍飯 呢個啱大胃王😂 份量十足！可以一次過食晒四款牛🐮 有牛舌、牛腩、牛筋、滑牛肉～咖喱辣度可自選☺️ 入面有洋蔥、薯仔粒，香甜帶微微香辣，好容易接受🤪 呢個本身有飯➕油酥餅😌牛腩濃郁入味，牛舌有咬口！油酥餅幾香脆，點咖哩食好正🫶🏻牛仔骨有兩大塊，係用特選既優質牛仔骨品牌😗入口肉嫩多汁，有油脂香，仲要係即叫即煎😳 撈埋太陽蛋汁同甜豉油，送飯一流啊😎 小食真係好驚喜😍 質素絕對拍得住啲咖喱🍛 牛肉薯餅有2大件，外面有一層吉列炸麵包糠，入面係薯蓉同牛肉碎😛做到內脆內軟！好好食一定要叫呢個！孜然羊架都要讚下，醃得幾入味🤓表面焦香，入口軟嫩👍🏻跟餐仲可以加飲品，好抵食🥹金牌牛魔王咖喱牛大四囍飯 $112香煎牛仔骨太陽蛋飯 $79孜然羊架 $69牛肉薯餅 $38凍檸茶 + $6凍檸樂 + $10

咖喱牛腩牛筋飯 $62咖喱汁同薯仔+洋蔥粒係絕配，洋蔥粒令到味道甜甜辣辣，口感更濃稠！而牛腩牛筋就更加好，炆到淋曬嘅牛腩同牛筋基本上係入口即溶咁，同咖哩汁非常夾，牛腩索到咖哩汁好juicy，而咖哩汁都有牛肉絲，傳統得黎非常好食！如果女仔或者比較細食，可以考慮叫少飯，因為個份量都真係幾澎湃！咖喱香煎青衣柳飯 加 厚切牛脷 $93牛脷 1塊 $15一樣有薯仔+洋蔥粒呢個小編真係好推介，呢個青衣柳份量真係好意外！厚切仲要好大舊，基本上魚扒黎！口感結質唔會乾，小編非常建議配咖哩一齊食，會好夾！牛脷時間岩岩好 嫩滑口感非常好！目測有5-6cm長👏🏻芋頭魚肉餅$38呢個係小編推薦要試試嘅小食！外層有dd似甜不辣嘅口感煙煙韌韌，咬開餡芋頭味好重，加埋魚肉嘅口感！層次感好豐富！香酥雞 $38外層酥脆，雞肉嫩滑，食到街外台式炸雞嘅風味。凍檸碧$10 柚子梳打$10

第二次去呢間好近自己生活路線嘅超正咖哩店，上次食雞皮卷，今次食雞皮餃子，上次食蔬菜卷，今次食羊架，上次食牛仔骨咖哩，今次食蝦咖哩，兩次都有食好勁嘅 金牌牛魔王咖哩牛大四囍飯，食咖哩當然要配汽水，兩次都係飲檸樂同埋傷檸樂✔️雞皮餃子 好少見，繼上次食過嘅雞皮卷，又係另一超推介嘅餐點！✔️雞皮餃子 外形好得意，真係用雞皮包住啲餡， 外脆內軟配上甜酸醬，口感層次極豐富，由甜酸脆香到爽口蔬菜及彈牙內餡嘅融和，非一般餃子或炸雞可媲美，係雞皮餃子不是一般餃子，係好有新意嘅雞皮餃子！✔️羊架同樣超正，望個樣已經知煎得好靚好甘香，入口香氣撲鼻，彈牙有口感✔️好多隻蝦，又係一望就知煎得非常靚，蝦頭喺咖哩汁入面，係估唔到嘅又夾又滿足金牌牛魔王咖哩牛大四囍飯，檸樂同埋傷檸樂就唔再講啦，啲咖哩係點樣都唔可以再講啦，總之就係好值得再去同埋再介紹啦