天龍咖喱

营业中

休息中

天龍咖哩位於元朗合益路17-53號合益中心地下23號舖咖哩有好多種類，例如加椰奶的港式咖哩日式甜咖哩加入乳酪的咖哩等等天龍咖哩係類似巴基斯坦的做法咖哩中的甜味係洋蔥焦糖化後的味道微酸係蕃茄的味道經過長時間烹煮再加埋薯仔令咖哩汁較為杰身啖啖蔬菜溶餐廳的門口非常醒神藍色拼紅色非常擔眼餐廳有下午茶，小食，飯類，飲品飯類有分為咖哩同唔食咖哩系列岩晒一大班人唔同口味餐廳的咖哩預設係小辣可以要求加辣今日我們叫左金牌牛魔王咖哩牛大四囍飯附油酥餅2塊，仲有叫埋天龍雞皮卷，羊架，飲品叫左椰汁冰，鹹檸碧金牌牛魔王咖哩牛大四囍飯❤️有入口即溶的牛腩又滑又大塊的牛肉一大塊厚切牛舌，非常嫰牛筋非常淋油酥餅非常酥蘸咖哩汁非常美味❤️羊架❤️好淋多汁夠晒火候雞皮卷雞皮釀雞皮肉雞皮非常脆雞脾肉嫰滑非常好味❤️天龍咖哩多蔬菜，少油值得再度光顧👍😋

天龍咖喱📍元朗合益路17-53號合益中心地下23號舖綠色門面好搶眼，室內嘅裝修簡潔明亮。主打咖哩，但如果唔食辣都有其他唔辣嘅款式可以揀。咖哩牛仔骨飯$82咖哩一大兜，唔算好辣。估唔到牛仔骨咁大塊，兩大塊大到遮晒成個飯😳飯量都唔少，有少少沙律菜。惹爆蔥油雞扒茄子太陽蛋飯$53雞扒都好大塊，肉滑雞皮脆😋蔥油撈飯好好食，茄子用嚟解膩啱晒。太陽蛋都煎得唔錯。天龍雞皮卷$42好少可會食到雞皮卷，呢度嘅雞皮卷好香脆可口🤤食唔停口。香酥雞$38好多件，熱辣辣😃餐飲揀咗凍鴛鴦同凍檸茶，個茶底幾香茶味，幾好飲👍🏻

黎元朗搵朋友，大家都想搵間平民食店，見到呢間餐廳主打咖喱，就入去試吓先！🔹咖喱牛仔骨飯 $82 （轉薄餅加$23）一上檯份量真係大到嚇親，兩大塊牛仔骨配三大塊薄餅，真係足夠幾個人分享。咖喱入面嘅配料主要有薯仔同洋蔥，岩曬配埋薄餅一齊食🔹惹爆蔥油三黃雞飯 $61 呢個三黃雞有驚喜，雞肉食落入味，肉質唔會鞋身，岩曬送飯！🔹蔬菜蝦卷 $38炸到金黃嘅蔬菜蝦卷，食落彈牙鬆脆🔹香芋魚肉餅 $38咬落去好多芋頭粒，好香芋頭味，配上甜酸醬好開胃。

同朋友去元朗打卡，順便嚟呢間專門食咖喱嘅餐廳醫下肚。就咁睇落去都幾多選擇。座位都比較闊落，環境舒服。餐牌有得揀食咖喱，又或者唔食辣嘅，都可以揀蔥油系列嘅太陽蛋飯。小食專門都係煎炸食品。咖喱香煎青衣柳飯 $78咖喱入邊有好多薯仔粒，青衣柳係深海魚🐠，魚柳全部都厚切，肉質比一般淺水嘅魚柳韌身少少，煎得幾香。惹爆蔥油雞扒茄子煎太陽蛋飯 $53呢個飯有好多蔥油同埋蒜粒林喺太陽蛋上面，之後雞扒煎得好香，茄子都好好食。唔食得辣嘅朋友都可以揀一個太陽蛋飯！叫咗兩個小食，左下角嗰個係蔬菜蝦餅，好重蝦多士嘅感覺，炸得幾好食。右上角嗰個呢就係香芋魚肉餅，佢嘅香芋味道好突出，魚肉餅好食！紅豆冰同埋椰子冰都好好飲。

建議食前睇咗呢篇同我圖附上嘅另一篇差評先天龍咖喱 主打咖喱咖喱淡而無味所有入面嘅配料都係似水煮放一大堆洋蔥扮多料薄餅明顯來貨成餐飯無樣野好仲要冷氣機滴水一路食一路滴睇之前嘅差評都有人提過了睇嚟完全無處理過士但放塊布就了事咁無誠意唔好做生意

天龍咖喱 (元朗)元朗合益路17-53號合益中心地下23號舖蔬菜蝦卷＄38外型有d似炸大腸，炸皮唔會太厚，幾香脆！入口蝦滑幾彈牙，配埋泰式辣醬幾惹味！！牛肉薯餅 $38 牛肉薯餅我都幾鍾意食，牛肉薯餅香糯軟滑！好似食緊薯蓉咁，以牛肉亦打碎左做到好似薯蓉嘅口感，令口感一致但食到唔同嘅口感！算係幾特別！咖喱生煎肉餅飯 $57依家食天龍咖喱，小編都好鍾意叫肉餅飯。因為呢個肉餅真係整得幾好食，同埋佢哋嘅咖喱非常夾！！佢嘅肉餅好多肥豬肉，大概係四六比！口感突出豐富，仲會爆到肉汁，但溝埋咖喱食又唔會好膩，佢哋嘅咖喱就唔使講，超一流！今次叫咗小蘭，增強左個辣度，風味更重！！個洋蔥依然係超級送飯！惹爆蔥油雞扒茄子煎太陽蛋飯 $53特別嘅係好少蔥油汁會配埋炸蒜一齊配飯，炸蒜幾有口感又有鹹味！配飯都非常好，佢地嘅茄子外皮焦脆，同茄子肉做到幾強嘅對比！靈魂煎雞扒非常大塊，皮肉中間唔會好大舊肥膏，外皮薄香脆肉嫩！價錢同午餐嘅水平都差唔多，經濟又好食！椰子冰 $25味道唔會死甜 幾fresh凍檸碧 $25

蘇拉 颱風落返3號波啦，梗係出去食嘢啦，又去返呢間，因為仲有好多吸引我嘅菜色未試！今次第一次食 生煎肉餅飯、香芋魚餅 同埋 咖哩煎青衣魚柳飯，都有叫食過好多次嘅雞皮卷，飲品就次次一樣，都係傷檸樂 同埋 話梅可樂。✔️咖哩煎青衣魚柳飯 好有驚喜，青衣魚柳好厚身，啖啖肉，仲有好多件，煎得又香又嫰，估唔到點埋落咖哩汁係咁夾，當然咖哩汁仍然出色，香濃惹味✔️香芋魚餅 又是另一驚喜，類似日式魚餅，甜甜的，細嚼之下會感受到芋頭嘅香糯軟綿，一口點甜酸醬，另一口唔點醬，各有風味層次✔️生煎肉餅飯 肉餅外型可愛，細細啖肉餅已經可以配好大啖飯，少少豉油汁吊出飯與肉融合嘅咸鮮✔️雞皮卷 及 飲品 之前已寫過，都係嗰句，好味嘅嘢當然會再食

經開新界個邊，突然好想食咖喱，所以Search左一下咖喱，發現左一家咖喱專門店，無論是食材選擇還是調味風格，都顯示出其對咖喱這種美食的熱愛🤩香煎牛仔骨煎太陽蛋飯牛仔骨經過烹煮，肉質鮮嫩，再加上煎太陽蛋的滑嫩口感，層次比較分明😚咖喱厚切牛脷飯店員表示咖喱有少辣與大辣，不過也不會很辣，確實食落去又唔會話好辣，而牛脷確實是厚切的，一共三片🤞🏻牛肉薯餅香脆的薯餅中夾著粒粒的牛肉，口感豐富😊孜然羊架羊架經過烹調，帶有濃郁的孜然香氣，實在值得比個Like👍🏻紅豆冰清涼的椰汁加入了香甜的紅豆，既清爽又甘甜，是餐後的絕佳選擇😍鹹檸雪碧雪碧配上鹹檸，挺特別的配搭，清爽得黎又帶有一點鹹味，作為解辣的飲品又挺不錯🤣好味指數：8/10性價比指數：9/10餐廳名稱：天龍咖喱餐廳地址：元朗合益路17-53號合益中心地下23號舖電話：70743234

之前經過這邊，看到有不少人吃，裝潢也整潔，所以這次專程過來試試。金牌牛魔王咖哩牛大四囍飯 $112（附油酥餅兩塊）整份餐都份量十足！除了跟白飯，還附上油酥餅兩塊，每塊都是完整大小，並非贈品尺寸。女士只吃掉兩塊油酥餅，應已飽了。油酥餅香脆，配上咖喱一起吃，十分滿足。主角咖喱有四種牛，包括牛舌、牛腩、牛筋和滑牛肉。牛舌厚大爽口，牛腩和牛筋夠軟，容易咬開，滑牛肉口感爽滑。四種不同部位的牛肉，沾滿香噴噴的咖喱，美味十足。如能吃辣，可要求加辣啊。惹爆蔥油豬扒茄子煎太陽蛋飯 $53雞蛋本身品質好，蛋白彈牙，蛋黃很香，加上廚師的功架，這個脆邊太陽蛋怎能叫我不喜歡。茄子又再證明廚師的功架，走油後茄子的新鮮的顏色得以保存，肉汁鎖好，口感軟軟的，又是我最愛的狀態。豬扒大大塊，肉質厚實但不難咬開，配上爆香了的蔥油，味蕾大滿足。天龍雞皮卷 $42以雞皮包裹醃好的雞肉，然後油炸而成。因切去肥肉，且隔油做得好，沒有肥膩感，只有外皮香脆，內裡肉汁豐富，沾上隨碟附上的甜酸醬，可口惹味。時令油菜 $22吃肉後要吃點菜，出外吃也要均衡飲食。菜心新鮮又大碟，保持鮮綠的顏色，沾上少許蠔油，增添香味。話梅可樂 特飲跟餐加$8酸

💁🏻‍♀️元朗友對天龍咖喱並不陌生，已經幫襯第二次，第一次念念不忘果種濃烈帶點清香嘅咖喱汁，每次都可以撈晒成碟飯。2:30後仲有下午茶，可以試下輕食咖喱撈麵或薯條🍟🥢咖喱汁以大量洋蔥碎加上蕃茄製成，不是純粹香料醬汁，口味清爽有質感。🍴咖喱牛腩牛筋飯 $62牛腩牛筋炆到好嫩滑，牛筋入口即溶，牛腩肉質軟冧中帶絲絲口感。🍴咖喱厚切牛脷飯 $59超厚切牛脷一咬落去，唔會太韌，非常足料，足足有三大塊。咸檸碧 +$13大粒咸檸檬🍋配上雪碧，醒胃又消暑。話梅可樂 +$13成日飲可樂飲到悶，話梅可以提升可樂層次，感覺清新。🍴蔬菜蝦卷 $38類似春卷包住蝦肉，用泰式醃料及蔬菜粒，炸成條狀，配甜酸雞醬好開胃🤤

見咁多好評，就去食個晚餐試下。單拖一個，有張近門口四人枱坐咗兩個人，負責收銀嘅男士（可能係老闆）招呼我坐埋去。叫咗個咖喱牛脷飯加凍奶茶，坐隔離嘅兩個人無耐食完埋單走咗，換咗對情侶坐低，坐吓坐吓個女人不斷向我迫過來，我望咗眼，然後個女人話滴水要換位，我先見到個女人果邊張長櫈放咗塊抺枱布吸水間舖得幾張枱，食飯時間根本無位調，我唯有坐歪d，個女人就猛話呢個位成日都係咁，似乎係熟客，知道間舖成日都唔整（但難得竟然咁都繼續幫襯）。無耐我個飯嚟到，諗住費事迫住，嗱嗱臨食完就走，食食吓隔離對情侶個男人就話有水滴落條頸，然後，我食咗一半嘅咖喱就有水滴咗落去，彈到d咖喱成枱都係，完全係睇到都唔開胃 — 大佬，你間舖d冷氣水周圍都滴，係咪叫d客要開遮食飯呀？你叫開遮都仲好喎，家陣d廢水兜頭滴落d嘢食度，叫人點食？！我即時推開碟嘢放棄食，我同個侍應講d冷氣水滴咗落去，個侍應話換過俾我，我話唔使喇，你哋整好個冷氣好過，然後對情侶就再同收銀個男人講要換位，話「你哋呢度越滴越嚴重，頭先先滴落我哋條頸，又滴咗落呢個小姐條餸度呀！你哋都唔整嘅！」可想而知，呢個問題存在咗幾耐。但最估唔到嘅係，個男人竟然只係話：「呀，係

有朋友介紹元朗有間港式咖哩做得幾出色，今日收工就同個fd馬上起程，去到門口見到有幾個人等緊，好在係等外賣，岩岩好有張台，店員主動安排就座👍🏻今次叫左咖喱炸魚柳&生煎肉餅飯同埋咖喱牛腩牛筋配薄餅，飲零系可樂同紅豆冰，餐廳可以額外加辣。一上餐就已經聞到好香既咖哩味，可以清楚見到用左大量洋蔥粒煮出泥，肉餅煎到金黃酥脆，入口滋味好豐富，仲食到肉汁味👍🏻 另外牛腩牛筋煮得好淋，牛腩肉質鮮嫩，牛筋好軟熟👍🏻薄餅真係必試，咖喱香辣濃郁加上熱騰騰既薄餅係絕配，薄餅唔會太厚身或韌，又有dd恰到好處嘅燶，好香口又唔太油👍🏻一邊食到濃烈嘅咖哩一邊飲埋紅豆冰，涼爽又開胃！總括而言，呢到既咖喱真係好好食，而且仲有其他配搭，例如魚柳雞扒等。仲有唔辣嘅美食（我朋友唔食辣😂)推薦比鐘意食咖哩嘅朋友，絕對唔會失望！

隔左一排冇再食過呢間咖哩，真係令人會有點回味所以我又再來吃多一次；這間店唔算太大，但係人來人往的幸好我們就早早到達,唔係唔知就要等到幾耐先可以食到飯啦黎得天龍咖哩，又點可能唔叫咖哩架今次我就點左咖哩牛腩牛筋飯 $62配餐飲可樂 +$3 ,凍奶茶 都是+$3這一碗咖哩仍然是滿滿的蔬菜粒外，但係主要的食材牛腩牛筋仍然是不少的唷!!今次忘了說少辣，但係它仍可以不太辣的，我可以整碟飯吃光光的，我還把那個咖哩打包了，另外加購了這家的牛舌做了晚餐另外這個是小屁孩要的蔥油雞扒茄子太陽蛋飯 $53  跟上次他吃的也是一樣，當然味道仍然是一樣的好吃；我最喜歡它家的蔥油，撈飯吃就是最好吃的茄子有三大塊的，也有一大塊的雞扒連同太陽蛋真的很惹味的再來一次吃這店，吃了不同的咖哩菜式；這個咖哩真係很令人滿足，即使吃光光了這個咖哩，仍可以打包回家呢是日分享:天龍咖哩元朗合益路17-53號合益中心地下23號舖就這樣完結啦，下次再見啦!(拜~)

🍛🐮元朗高質性價比高咖喱小店🌯🤤咖喱牛腩牛筋配特選咖喱薄餅，濃郁嘅咖喱香氣彌漫，佢哋嘅咖喱係果一種充滿洋蔥同薯仔粒嘅咖喱所以非常濃郁，牛腩牛筋更煮得軟嫩入味，牛筋入口即溶！🥘👅 最值得一讚嘅係佢哋嘅咖喱薄餅，非常香脆而且帶有一種淡淡的牛油配搭咖喱食層次感非常好🥰咖喱吉列魚柳飯亦係一個非常唔錯嘅選擇,超大條嘅吉列魚柳性價比極高,魚柳表皮炸得非常香脆而且裏面魚肉嫩滑口感簡直一流，裏面嘅魚肉亦都非常足料唔會係剩係得薄薄嘅䊢，係超級抵食嘅一個選擇😋🐟小食方面，就試咗佢哋嘅孜然羊架，羊架10分香口，而且啖啖肉唔會燒到乾爭爭牛肉薯餅炸得金黃酥脆，裏面係薯蓉混合牛肉蓉軟糯嘅口感配上脆脆吉列嘅表面超級邪惡😈🍖

記得以前嘅元朗有好多專食咖哩舖頭，依家好多舗都執哂，好彩依家有依間小店係專食咖喱，價錢實惠之餘，亦有好多選擇🤣🤣🤣🍗天龍雞皮卷用雞皮卷住啲雞肉再拎去煎，雞皮好香脆，而雞肉亦嫩滑多汁，真正嘅外脆內軟👏🏻👏🏻🐟香芋魚肉餅依款小食出面少啲機會食到，煎得好香脆嘅魚肉餅包住綿滑嘅芋頭，成個口感係軟淋得嚟又帶啲魚肉嘅鮮味，推薦👍🏻👍🏻👍🏻🥘咖喱香煎青衣柳飯 咖哩有大量薯仔同洋蔥一齊煮成，所以個texture一啲都唔稀，有啲洋蔥粒同薯仔粒可以食下。而青衣柳份量都幾多，肉質偏結實，但一啲都唔乾，加埋咖哩更加惹味😛😛😛🐮金牌牛魔王咖喱牛大四囍飯 配 油酥餅2件有齊牛腩、牛筋、牛脷、滑牛肉嘅四大囍飯份量超大份，牛腩同牛筋炆到好淋身，而牛脷好大塊好易咬開，亦有多片嘅滑牛肉，2個人share 都OK。個人比較鍾意油酥餅加咖哩一齊食，熱辣辣嘅油酥餅配埋薯仔粒同洋蔥粒，冇得輸✌🏻✌🏻✌🏻🥤柚子梳打 話梅可樂依度嘅特飲好夠味，飲到最後都唔會變哂水，唔怪得之吸引咁多區內街坊嚟食🙌🏻🙌🏻🙌🏻