天虹海鮮酒家

营业中

休息中

尋日同朋友正想搭船出返中環, 點知發覺miss 0左15 分鐘前0個班, 要兩個鐘後先有-_- 就0係度叫0左少少0野當食tea.由於一d 都唔肚餓, 兩個人只係叫0左細0既蒜蓉蒸龍蝦(一隻開邊share), 同一人兩隻蒜蓉蒸扇貝.我食其中一隻扇貝有d 怪怪0地味, 唔知點解? 龍蝦... ok 啦, 鮮味的.哈, feel 到撩我0地埋去幫襯0個個waiter 好無奈, 兩個人只係叫咁少0野食. 呢個世界真係現實, 你show 到人睇你有consumption power, 佢就會當你神咁拜, 好好招呼; otherwise, 就唔好怪人黑口黑面.

同男友先乘船到索罟灣食海鮮, 到達時約12 點, 幾間酒家剛剛開門. 由於無一間熟識,行左一陣, 就揀左呢度落腳. 分別點左蒜茸粉絲蒸澳洲聖子2隻(好似成$30/隻), 因size特大, 待應哥哥叫我地唔駛要咁多又可試多d其他野. 呢味係我最欣賞的, d肉真係好好好鮮甜!! 早知清蒸就好了!! 之後係芝士焗龍蝦(伊麵底) - 開邊龍蝦上鋪滿焗到金黃色既芝士, 淨睇都覺得好味~ 新鮮彈牙既龍蝦肉加d芝士汁真係夾得好好, 最欣賞佢\個芝士汁, 濃得黎又唔會蓋\過龍蝦鮮味, 真係要讚!! 仲有豆豉粉蒸貴花蚌4隻- 唔算太新鮮, 但蒸落d汁入晒粉絲度, 勁好味! 另外再黎一個蟹肉鮮菇, 呢個ok, d菇真係幾新鮮, 仲好大粒, 蟹肉亦夠多, 但就咸左少少.另外仲想講講呢度既服務, 可能我地早去, 唔太多人, 待應哥哥服務非常周到, 仲好好笑容添! 佢\地唔只中英文掂, 日文都唔差喎! 見佢\地serve幾個日本客都應付自如, 認真勵害! 香港既服務業真係好強呀!!

1)勁差招呼，2)勁難食，3) 勁貴1)訂左位都要等，算啦，但又由街頭趕到街尾，點左菜又要等很久，催佢又無反應，太好生意啦，D待應經當黑面，又話專船又係要等齊人才開船，係碼頭吹風，中環尖沙咀又不同碼頭又不講清楚又無指示，亂哂大籠......2)太好生意啦，吾夠伙記，天氣又凍d菜來到都冷了一大截，菜來了醬汁又要等，個密糖蟹，古古怪怪，浪費了隻蟹，菜又細碟，炒飯也很差，很少料.....3)叫埋單，又要等，有我們叫的東西的，加一小脹，餐前小食，茶介啦，餐前小食不是我們叫的，是一坐低就有，幾十元一喋，茶介又幾十元一位，吾怪得有免費船搭.....

一行8 人..叫了龍蝦4 隻, 扇貝8 隻, 兩隻蟹, 中蝦一斤,椒鹽鮮尢, 咕嚕肉, 上湯豆苗, 椒鹽豆腐無叫o野飲...每人都要220 蚊...隨o左個芝士焗龍蝦比較好之外..其他o野真係無乜特別...最難食係佢推介o個隻唔知咩拿獎蟹...個汁exactly 就係蜜糖黑椒雞翼o既味道..攪到隻蟹不倫不類咁...

週末去到，簡直可以用「混亂」兩個字黎形容。間餐廳做到咁大，個管理或者支援唔到啦~~~樓面唔夠伙記，連上菜都唔夠人，上錯菜更不在話。話晒咁出名，可能大客多啦，D員工同阿姐都幾百鴿眼下。D野係有水準，名碼實（貴）價，樣樣仲新鮮，但係服務就真係麻麻，個個伙記都咁忙，邊有時間講service。果個肥仔紅色t-shirt經理又寸到爆。一句結論，食物都算係一流，不過服務就九流，當自己去間高價大排檔。仲有唔記得講，個toilet永無廁紙！！！

行完山, 當然好想食餐好的呢, 去到就選左天虹, 因其實都無乜好選了, 一條街, 有三四間個名都係"天虹", 可以說差唔多係獨市生意.是次叫左炒蜆, 澳洲泥蟹, 椒鹽瀨尿蝦, 扇貝,抄飯首先, D炒蜆好細碟, 去選個時明明好大籮,但上時就好細呢!澳洲泥蟹煮得好差下, 無味的, 我以前都食過這種泥蟹, 雖是較其他蟹種蟹味較淡, 但無至於咁唔好味呢, 好似成隻蟹浸完水咁瀨尿蝦佢就加黑椒去煮, 個人就唔多LIKE, 因唔多MATCH.扇貝又係選時大上時細, 我都知蒸完會係收水, 但都無理由會差唔遠呢, 都唔知係唔係入到房換左就真!!!是次每人數260, 極唔抵, 又食到成肚氣!!

做孝順女陪老豆媽媽入南丫島行山，如果我揀我會去榕樹灣食西餐。但係為了有免費晚餐食，唯有由媽媽話事啦。一行四人，唔想諗索性叫了個四人套餐加一碟咕嚕肉。頭盤小食係炆花生鴨肝，全碟俾老豆同老公清晒，佢o地贊口不絕。竟然先上咕嚕肉，新鮮瀼熱辣，真係熱到燙口的，好有水準，是我近期食到最好的一碟，全碟差不多由我包辦。之後套餐包括，白灼蝦-蝦肉幾彈牙，不過蝦頭較苦，唔鮮甜。牛油焗龍蝦-勁香牛油味，龍蝦又算大隻，又多肉幾入味。清蒸海上鮮-老豆話條魚係「盲曹」，蒸得剛剛好，魚肉嫩滑，好食過老虎班。金獎秘制蟹-推介話係得奬菜，煮法都係是炒的，不過只是醬汁唔同，似是海鮮醬又似係甜醬，總知係味道較甜；老豆話「重殼蟹」幾靚又多肉，可惜這種煮法不胃口。蝦榚炒飯-蝦羔份量恰到好處，夠野味唔會過鹹，而飯又炒得唔錯，夠乾身又唔會油。之後還有油菜同生果盆。仲有來回船接送，4個人慳番百幾蚊，計落條數都幾抵。p.s.服務就麻麻，因為太多客人，而侍應得幾個，絕對不夠人手，等了15分鐘，才有人執台。

兩個人去, 食左:龍蝦, 鮮尤, 賴尿蝦, 元貝鮮尤好鮮, 非常彈牙.問題出在元貝: 我朋友屬abc 人, waiter 介紹佢食元貝, 朋友問佢係米個輪帶子, 佢竟然話唔係.因為我同朋友係分開出去叫野食, 所以我唔知, 及後d菜上我問返, 佢地拗低句"無野既" 就咁走左.個輪元貝有事, 佢地d貨好明顯去唔到. 咁樣recommend 人都有.

因為住香港仔，而且又勁鍾意食海鮮，成日放假得閒都會同男朋友入去食，每次都會食紫菜海鮮羹，呢個係我男朋友至愛，個味道好清，海鮮又夠甜，真係好正，另外如果大家多人去o既話，不妨試下籠仔糯米蒸蟹，d糯米真係好正，好鮮甜，有少少酒香，總之就好正，不過個份量都幾多，而且係糯米，所以少人就唔好叫喇，如果唔係就會好浪費，其餘大家就跟個人喜好啦，不過有一次我地下晝入去食，兩個人叫左3個海鮮，一個紫菜海鮮羹，另外最加個不得不提o既大龍蝦，兩個人食斤十呀，上湯再伊麵底，好正，隻龍蝦淨開邊唔斬件，入面d肉好滑，不過食起上黎就麻煩d囉，不過真係好正，始終佢地做遊客生意，d service 都好好，不過如果大家去我建議去最開面果間，舒服d，冇咁迫同焗，而且冇咁多人，d service會比入面o既更好，個view都比入面更寬，有海風。

話說食完榕樹灣的阿婆豆腐花之後繼續行山到索罟灣, 原來有人早有預備, 就係訂左檯去天虹食海鮮......一行十人叫左個八人餐, 有:1. 不過不失的蟹肉粟米羹2. 炸到金黃, 而且香口的杏香金雪球3. 地道的蒜蓉蒸元貝4. 特色, 但我食了不多的豉椒焗龍蝦5. 我冇食過的酥炸吉列鮮魷6. 普通但大碟的西檸煎軟雞7. 普通的西蘭花牛肉8. 有大大隻蝦的炒飯9. 生果盤.不過不失, 埋單千多元又唔算貴, 加上有專船去香港仔(晚上)同埋中環......之後原來仲有下一場, 去左數碼港.

昨晚同公司的同事來食海鮮餐，這裡幾好，包船來回。不過在中環上船後，要先去尖沙咀接人，再經北角接人，才到南丫島索古灣。真是幾辛苦，因為很大浪呀，隻船又不是油麻地的船咁大，所以很搖晃。去到一坐吓又幾好呀，因為有幾個很大的氣體電暖爐。所以就算昨晚很凍，但都不用穿著大衣食飯。講回食物，有秘製花蟹，這個幾好需然不是中等大細，但甜甜酸酸的幾好味。椒鹽瀨尿蝦，都幾大隻，有四隻，每隻分為四件。肉質夠爽，味道幾好，不過咸了少少。蒜蓉粉絲蒸帶子，帶子幾大，肉質幾好，味道ok不過又是那句，咸了少少。芝士焗開邊龍蝦仔，這個又是幾新鮮，肉質是爽的，味道最好。豉椒豆蒸聖子，這個亦幾好味，但亦是咸了少少。炸魷魚，肉質都是新鮮的，不過就是全晚最咸的一味。全條魚起肉連西芹、西季豆炒完放回魚身的所為龍吐珠，魚肉好味，但都是咸了少少。清炒芥蘭，這個一般。楊州炒飯，過硬料了，大碟，但人人只食少少。最後是生果碰盤，一般哪，西瓜就似大陸的，又淡又冇沙，又不甜。總括來講，海鮮夠新鮮，煮的時間亦剛剛好，味本來不差的，但就偏咸了少少。價錢不知，因為不是我付的，亦不需要付。

食過椒鹽瀨尿蝦, 大隻鮮甜. 椒鹽鮮魷新鮮惹味香口. 但人少千祈咪去, 因為好難嗌. 叫細龍蝦又"雞肋". 叫炒飯又鬼咁大碟.

1月2日去咗新年食午餐, 順便行吓山, 嗰日唔算多人, 架船都唔滿. 可能我地食得早卦. 一行五人, 菜單如下:-1. 白灼花螺- 細細隻好爽口, 鮮甜美味2. 辣汁花螺- 採用比較大隻的螺, 辣辣地非常惹味, 我仲留番d汁嚟撈炒飯, 好味.3. 芝士焗開邊龍虾 - 伙計介紹, 話係得獎菜色, 果然 名不虛傳, 芝士夠香滑, 龍蝦仔肉質爽甜, 夠新鮮.4. 秘製膏蟹- d膏唔太多, 隻蚶大到暈, 唔知係咪搞錯 咗俾咗肉蟹, 佢地既秘製方式, 有d似避風塘式, 都 係辣辣地, 比較乾身, 都係嗰句, 新鮮美味.5. 椒鹽瀨尿蝦- 非常巨型, 肉質夠爽, 皆因新鮮, 可 惜肉味不夠鮮甜, 食咗龍蝦後, 覺得佢稍為遜色6. 蒜蓉粉絲蒸桂花蚌- 扇貝就$20/隻, 佢就$45/隻, 個人較喜歡蚌的口感, 喜歡淋身的, 扇貝都唔錯.7. 清炒菜心- 條條菜遠, 全部清倉8. 單尾楊州炒飯- 軟硬適中, 略嫌未夠乾身, 碟頭唔 算太, 如果人多, 可能要加大先夠.本來想吃撞奶, 不過真係好飽, 食唔落, 諗住最後行完山先番兜, 不過最終都冇食到, 去咗食雪條. 講多句,

上週未，總公司同事被我老頂屈請食海鮮，我有幸做倍客。主菜如下：椒鹽瀨尿蝦：大香口蒸帶子：鮮美，火路剛好不韌粉絲蒸象拔蚌：鮮美，火路剛好不韌上湯龍蝦：ok，不算大。服務好，伙記好細心。有個怪現像，鄰店全在拍烏蠅，而這裡卻應接不暇！唯一問題，回程時已開始狂想喝水，太多味精了。

大大話話食了幾年，最初係公司開完會老細指定要去食，唔食唔知咁堅。之後自己行完山都要去試下，椒鹽鮮尤好好味，好新鮮！送BEER一流，莫講話海鮮，京都骨一樣咁夠鑊氣！咪以為遊客價，埋單都幾底食，仲有免費專船出中環。