天虹海鮮酒家

营业中

休息中

五月三十日 星期五 下雨天約左朋友去食海鮮預祝生日,要七點鐘準時到尖咀碼頭上船到天虹,我科學園趕去尖沙咀,因天雨關係,欠少少遲到上唔到船,後來我用九秒九九由港鐡跑去天星碼頭.幸好的是,趕到上船出發.因下雨天,比較大浪,搞到我地坐船時都有少少暈暈地,大約四十五鐘到達目的地.到了,一上船,有天虹的工作人員接我地去天虹,因為當天好多外國人, 起碼開左六圍枱,有白酒,相當有氣氛,包分餸上枱,好有SERVICE喎,佢地可能有FUNCTION.我地搵左個靚位,坐低左,開始諗食乜,後來見到MENU上面的套餐不太吸引.話曬都山長水遠來到, 我唔會叫餐,因為套餐毋乜海鮮食.但有餐前小吃, 墨魚加花生..幾得意,幾好味.友人一齊到了店前的魚缸前, 有各款海鮮, 我地點了以下海鮮.椒鹽賴尿蝦 -- 三細隻 好似都係三十五蚊一隻, 咸咸地, 鮮甜有味, 肉質爽口,香口蒜茸蒸元貝 四隻 二十五蚊隻 -- 夠大隻,一入口, 但不是全熟, 元貝還未完全離殼, 有少少酸味(只有我食到), 蒜茸和粉絲亦很夠味豉汁蒸鮑魚仔 四隻 二十五蚊隻-- 鼓油加蔥,件鮑魚仔好咬口, 其實鮑魚仔的味道係毋乜,好味在係D鼓油..鮑魚

知道這裡多人就先訂位，但電話打了好幾次都無人聽。最後響到自動cut線前終於有人聽。訂八位七時。到達時只是六點二十分，見到我個名字的訂座牌還未上台，剛好見到有海景位吉了出來，就溜了進去~~ 話說是吃海鮮，其實大家又不算大熱衷，故海鮮只點了聖子一斤，佢話一隻一兩(豉椒炒)，蒜溶蒸線貝八隻(廿五蚊隻!!)，彩虹秘制蝦一斤。聖子和線貝都幾好味~ 新鮮，蝦就唔得，並非因為蝦唔新鮮，而係個醬汁唔match.. 佢聲稱蜜糖加黑椒汁煮，不過.... 好怪，早知白焯算了。揀海鮮時一定要好小心選擇，除了新鮮與否，預算份量都好重要，落單既人一定會用盡方法另你買得有多無少，玩弄數字遊戲。一於少理，計人頭叫就最好，例如蝦可以一開二，大隻既一開三，隻數可以買少一點。買聖子時，問佢一斤有幾多，竟然答你一斤60蚊，你識唔識廣東話架？佢話八個人食要兩斤先夠，咕嚕肉又話食大才夠吃，聽佢講就死，聖子一斤都十幾隻啦，咕嚕肉細既都唔少，仲要不停sell賴尿蝦，大的$150，小的$50，不過我地只想要普遍蝦囉!! 千祈千祈唔好信佢，又無禮貌又講大話又串咀，叫得少又要黑面。小菜還叫了紅燒豆腐，蝦醬通菜，芝士焗伊面(好味)，椒鹽鮮尤

we took the free ferry (well of 'coz you can say it's already built in the bills...) to lamma island in the afternoon. weather was nice! though it's not bright & sunny, it's not hot, with a bit wind, we had a very easy walk from the ferry pier to the beach, enjoyed some tofu desserts and returned to the pier to have a big meal. we picked the indoor tables, as we didn't want to ruin our good gathering and catch-up greetings with bad smell of cigarettes. in general the dishes were nice, and seaf

去開LAMMA ISLAND的朋友都會知, 索罟灣的海鮮一向平過榕樹灣。所以趁假期, 一家人搭船去索罟灣試下"天虹"。一點到去到, 好多位, 不用等位。出左去CHOOSE SEAFOOD, 價錢好清楚, 5 個人食, 叫左5碟。炒蟹---本來叫薑蔥炒蟹, 不過WAITER哥哥話有秘製炒蟹仲正, 信錯左佢......原來所謂秘製係黑椒汁! 仲要係凍的......我地估佢地想save time, 加上一早煮定, 所以sell 人食lor~ 不過都味道ok o既, 但下次唔會再試這碟!!蟶子---好食! 肥美無沙! 不過唔好以為有好多, 其實得13隻度, 舖晒o係面,下面全部都係殼~椒鹽賴尿蝦---正! 鮮甜! 好好味!!! 一定要食~椒監魷魚---OK la~唔夠脆咕嚕肉--- 好食! 脆卜卜~ 送飯一流~估唔到海鮮好味, 小菜都ok wor叫白飯都好快手! 至緊要係reasonable price~

上兩個星期日, 同太太及亞仔(3歲囝囝), 聽朋友介紹入去南丫島索罟灣個"漁民文化村"玩, 下晝三點先幾入到去, 驚玩完冇位食飯, 所以就走咗去最近碼頭又最近又最大果間"天虹"訂定位, 諗住一家人開開心心食餐好嘅......當玩完"漁民文化村"之後(大約6:15), 就埋去攞位食飯, 點知完全冇人啋, 問幾個都唔理你, 搞咗成五分鐘先有人啋, 之後等到6:45先至有位, 已經有啲唔高興, 一坐低就即時出去揀海鮮, 當時都已經冇乜海鮮揀....因為响"漁民文化村"買咗條2斤幾3斤重嘅石蚌, 所以就叫佢蒸, 點知落單位哥哥面色一沉, 竟然答我: 今晚好忙, 廚房唔得閒蒸噃!我非常愕然: 咁我條魚點呀?黑面哥哥: 我幫你雪住, 你攞番屋企食啦!我詐晒形: 我訂位嘅時候, 你啲伙記話可以來料個噃!佢先極不願意地: 今晚好忙, 要成半個鐘, 等唔等?我答佢: 半個鐘咪半個鐘囉!收60蚊油水都算合理!之後只係揀咗半斤赤米(剩番最後半斤!), 四隻大蟶子, 四隻元貝, 花螺, 仲order咗椒鹽鮮魷, 咕嚕肉, 蒜茸白菜仔.....中途叫飯好難先搵到個伙記, 叫兩碗飯一共叫咗四次!!哈!哈!想攞喼汁

六百評了. 繼續講南丫島之旅. 行到索罟灣, 日落了, 也係時候晚餐. 上次公司宴客那家水準幾差, 是晚也不作多想, 去回天虹好了.一早訂了臺6:30, 到達時係6:25, 但店方明顯係無預留臺給我們, 只係安排了我們坐係路口的中臺. 等了一會, 去揀完海鮮返來見埋邊有張二人臺吉了, 問過了侍應, 變轉臺去那邊. 但係另一個亞姐就係度狂鬧, 又話甚麼落了單點知你轉臺, 好麻煩, 鬧完一餐, 最後又要出去樓面交帶了我們轉臺的舉動. 就算我們幾麻煩都好, 也不用這樣去怒罵客人吧. 單計這點, 服務已經一定係0分了.出去海鮮檔揀海鮮, 但其實係同係位叫無分別, 因為店方連做樣也難得做. 我們想要隻龍蝦, 問大概幾両, 店員只係講, 未秤又點知? 但係又不能給我們去揀, 也沒有任何舉動讓我們知道揀了邊件, 唯有上臺先知.等的時候望著個海, 景色係不錯的, 不過, 食物就…蒜蓉粉絲蒸扇貝$80: 2分, $20一隻, 要了四隻, 火候係明顯不行, 扇貝係有點咬不開, 蒸老了, 或者是晚人客太多, 廚房兼顧不了. 蒜蓉粉絲係不太入味, 係蒜蓉粉絲跟扇貝各有各的, 扇貝係淡淡的無乜味道. 有2分係仲

南丫之行走到索罟灣最後一站，慕名而至最多鋪亦是最多人的天虹。好好彩有一圍海邊桌剛剛走，我便馬上溜過去要左張桌。我們點了二人餐，唔使煩又有想食既野︰蒜茸蒸元貝︰很好吃，元貝夠大隻，肉與鮮甜，而且有入味，蒜茸和粉絲亦很夠味，很快清碟。牛油焗龍蝦︰一來已經嗅到很香，龍蝦肉夠入味，很好食，很快清碟。清蒸游水海鮮︰蒸魚質數不錯，魚肉很滑溜，完全沒有鞋，很快清碟。酥炸吉列鮮魷︰酷愛魷魚的我一吃就感覺到和平時食既係有唔同，的確新鮮，是有種不同的味道，炸粉不厚，又是很快清碟。郊外靚油菜︰普通，勉強清碟。天虹炒飯︰揚州炒飯，有頗大隻的蝦肉一起炒，都幾好食，但真的太大碟，太多了。精美水果盤︰西瓜和菠蘿。環境當然好，就坐在海的旁邊。服務真的不堪一提，有一個光頭的男子態度比較好，但一個紮一條馬尾既中年女就麻麻地，請她點菜她馬上回喝︰「唔得閒住」然後走左去做其他野，(最後完全沒有回來)我們立即呆了，普通茶餐廳服務員也最多揚一揚手或說轉頭過來吧。後來看到隔黎桌向佢追個炒飯，佢又哦一聲走左，最後當然無理，個炒飯依然失蹤，個男人仲親自出去嘈。另一較後生較小個子的短髮男生，叫他上果盤他卻係咁姨應下，跟住走左走招呼一大圍

天虹，下次入南丫島我一定會再食..期待已經ge食海鮮地方，我會俾足5分囉..d野賣相靚之餘仲好好食添呀！1.小龍蝦開邊..入晒味！好香蒜茸同牛油味，又彈牙..賣相好靚..真係唔捨得食2.扇貝都好香，撈埋蔥同埋粉絲撈飯真係一流..3.炸鮮魷，啖啖肉都唔會全部都係粉味..讚呀！4.蒸魚，又係驚喜之作，夠大條..唔會老，個份量岩岩好蒸熟左d肉仲好嫩同滑，又係游水魚..食左我好耐！5.油菜..好甜同爽，連之前出面旺角食果間煲仔飯d菜都無佢\咁好食..食得多肉得滯食下菜..又可以當抖抖！6.天虹炒飯..有少少驚喜，雖然只係普通炒飯..不過唔太油之餘又香仲多料..比預期中好7.咕嚕肉，都ok丫..無骨啖啖肉，而且炒落夠香又唔會成舊肉都腍pet pet..埋單2個人520蚊..飽到飛起，要挑剔就係d野來得慢少少..不過入到來仲好似食快餐\咁咩..都可以接受！仲有個侍應哥哥通常跟外國果d客咁..鬼叫佢\地會俾下tips咩食完仲俾埋船飛你搭船走..搭返尖沙咀之前食果間麗晶,全程一個人都無..又早d收檔，天虹仲熱熱鬧鬧，證明一分錢一分貨..果間野真係摺左佢\算啦！

just been there last weekend with our client, as they recommended. this is my first time go to lamma island. we took their free ferry to lamma, (never know hong kong had such nice place). anyway, we had 10 dishes for 14 people, had steam fish, lobster with butter, shrimp in soy sauce, sweet and sour pork,abalone2 veg. dishone fried rice and one noodlesand another 2 dishes ( forgotted)the Lobster with butter and Sweet and sour pork are the must try dishes, About the lobster, i tried it so many ti

食了-芝士焗龍蝦(不錯可SIZE太小，有D失色鼓椒炒蜆(普通+蜆不是很新鮮)椒鹽鮮尤(上次冇食，呢次補數，OK) 椒鹽賴尿蝦(好香口)咕嚕肉(以為得獎會好正，不外如是)環境不錯，價錢個人認為貴。今次請人，下次有人請再去。HA

三人吃了:1)海鮮豆腐湯(MSG好重)2)豉汁蒸貴妃蚌(OK)3)豉油王對虲 (太細隻)4)粉絲蒸扇貝(呢樣正!)5)粉絲蒸象拔蚌(呢樣都正!)6)豉汁蒸南非鮑魚仔(最正呢樣!)食完收皮回港

dec 2,07終極南丫島之旅,最後1擊,10大3小,叫6-8人餐+散叫:i) 白灼生蝦-有鮮味又唔細隻ii) 蟹肉粟米-散叫-可以都食有d鮮味iii) 蒜蓉蒸元貝-1碟8隻,再散+多2隻-粉絲無鹹味,元貝又無鮮味-no goodiv) 芝士焗龍蝦-4隻開邊,再散+多1隻-好夠芝士味,好似笑x牌d,而龍蝦啖啖肉得又有鮮味-goodv) 椒鹽焗鮮魷-可以vi) 清蒸游水海鮮-好似細條dvii) 金奬秘制蟹-都幾細碟,而且d肉亦炸得太乾身,無咩肉-但個汁就帶甜,幾好味viii) 得奬咕嚕肉-可以,唔差ix) 上湯浸時蔬-個菜心好甜,原來食完先知道上錯,免費食多1碟-個白菜仔先ge,都唔錯x) 南蝦醬炒飯-味道好夠,飯亦炒得1粒粒,不過太油xi) 炸子雞-散叫-伙記介紹炸的做法-皮薄,唔多油,肉亦滑xii) 果盤-變做+大xiii) 大啤x 1枝- 因友人關係,所以免茶芥同將果盤變大- 食完免費有天虹隻船送往中環或尖沙咀碼頭

Had dinner last weekend, too disappointed, 10 reasons not to re-visit:- missing boat & table booking- dangerous boat ride (especially embarkation)- unstable quality control (once the award winning dishes)- poor manner of the manager (yelling to customers)- dirty washroom- over priced seafood- bad wine selection- charing for storeroom as "private dinning room"- messed up food order- unfresh steamed fish

估唔到我寫嘅食評會有人睇，仲係天虹嘅人睇。剛收到天虹營業部陳太嘅電話，佢跟住番上次D食物質數嘅問題，好利害呀，好專業呀！放心，我地係唔會放棄你地架，下次整得好食D同比個折頭就得啦. . . hehe ！

原定8月10日去南丫島天虹食海鮮，點知掛八號風球，被迫取消。計劃好嘅事情一定要做，於是再搞過，就係8月23日成咗團，一行＋五人，包括多核士、多核士老外男友旭及、老外呼吸墮連男、Monchichi、全仔、三哥、阿神、阿撈、阿綺、細媽、方方同阿Shy，仲有兩位來自上海嘅姑娘利達雅同米雪。天虹有專船同定期班輪往返南丫島，可選擇係中環、尖沙咀或香港仔登船。我地係數碼港返工，於是約咗天虹專船係數碼港碼頭接我地，感覺好專貴，而且費用全免。大約二＋分鐘後到達南丫島索罟灣，安頓落黎就立即點菜。1) 芝士焗龍蝦伊麵底(比較乾身)2) 豉椒炒聖子(好肉，正！仲教識老外呼吸墮連男食)3) 豉椒炒蜆(有小小沙)4) 椒鹽鮮尤(比起上次食，炸粉惨口，肉質較硬，記得上次去我地叫咗前後四碟，可惜今次失望)5) 蒜蓉烝扇貝(呼吸墮連男至愛)6) 椒鹽賴尿蝦(全仔至愛)7) 炸子雞8) 椒鹽豆腐9) 2碟菜10) 咸魚雞粒炒飯(生米呀)11) 唔記得12) . . . 13) . . .14) 6碗豆腐花15) N枝beer，N罐汔水送餐前小食，2碟皮蛋酸薑。連tip埋單$4,240，如果有叫洒水，免收開瓶費。須然今次