天穴

营业中

休息中

朋友来港，想试一下日本菜，于是选了尖沙咀的天穴。从沙律到天妇罗及刺身，再加上豚肉石锅饭，每道菜都超级美味，感觉很满足。美中不足的是，只顾着吃了，忘记多拍几张照片留念了。

上個weekend同朋友食完tea見仲有時間，就去咗海港城天穴🍹嗰度唔止serve日式料理，仲可以喺露天座位飲嘢👯‍♀️出面嘅木檯木凳好闊落，可以好chill咁攤喺到😆企起身仲可以挨住欄杆，更近距欣賞維港景色✨黃昏時分嚟望住哩個景傾偈，好正！cocktail充滿日式風情🇯🇵裝飾都好靚💕我的是🦋蝴蝶夫人主要有梅酒、Rye Whiskey & Walnut Bitters梅酒嘅甜度幾高，飲到尾有少許回甘朋友嗰杯系🌹梅季緣，同樣有梅酒，仲有Sparkling wine & Angostura Bitters

朋友生日去咗位於尖沙咀嘅天穴食生日飯，店舖地理環境優越，望住維港景色，絕對係令人心曠神怡。同朋友都好細食，所以只係叫咗兩樣食物，分別係刺身拼盤，同埋天婦羅軟殼蟹卷。刺身10分新鮮，特別選用清新開胃嘅食材，令人食指大動之餘，食得出食物十分之精緻細膩。絕對係心機之作！至於軟殼蟹卷，軟殼蟹炸得十分之脆，絕對令人地食完一啖左一啖！望住維港景色同朋友傾計邊晚餐，餐廳你都播放着柔和嘅音樂，係一個咁休閒舒適嘅環境食飯絕對係值得再嚟！

到尖沙咀剪髮後順道來到海港城找晚餐吃，看見了這間餐牌看起來挺美味的日料。豈料下午五點多walk in的時候告知訂位已經滿了，要碰碰運氣，七點左右接到有位的電話。食材非常新鮮美味，品項也很多，但中高價位的選擇略為不親民就是了😂主要可惜食物普遍驚艷度不高，應該說這個價位上能吃到的原創性少了點，可能是我沒選到什麼特色菜吧但餐廳環境挺舒適，座位也寬敞安靜，喜歡日料的朋友還是可以去嘗試一下喔👌————

兔子和朋友吃farewell大餐，朋友們點選了天穴，為的就是這個美麗的夜景！天穴賣的是日本菜，以地點，食物質素和環境來說，價錢尚算合理。不是太餓的我們，所點食物不多，也是水準以上的。天富羅熱辣香脆，食材新鮮，種類豐富。西京燒份量慷慨，魚肉鮮甜美味，油脂分泌一流，香口好食！燒豚肉就是變奏版的叉燒，肉質鬆化，黑糖口感特別，配合起來天衣無縫。兔子最愛的茄子田樂燒，味濃香口，是非常好的下酒菜，一隻兔就可以吃一份了！有美食，當然要有美酒！店長推介的風之森，正合各位小姐口味。在美麗的環境下享用美味的食物，的確是一件賞心樂事！

今天一家人來到尖沙咀LCX 的天穴，慶祝生日，我們一行八人六大兩小。我們被安排坐在靠窗的位置景觀不錯。我們點了刺身壽司拼盤，一些串燒，烏冬面和斧飯。雖然給了十分的價錢，說實話真的不覺得有什麼特別，唯一特別可能是價錢比較貴。不是說他們不好吃而是用這個價錢吃這些東西又不覺得和千両的分別在哪。侍應的服務基本上很好，除了那個貌相許願的經理，老人家不小心叫他幫忙影相他好似聽到粗口咁黑面行開咗。只能說一句普普通通沒有什麼驚喜，除非你們打算吃香港的夜景。

The waitress was very rudemy 87 year old grandfather was waiting for me there and ordered a set meal (tempura set, good for 1)when i arrived my grandfather was not able to eat his food (only 1 pc tempura and egg custard) and left the rest untouched so he had me eat it. he ordered 1 iced coffee.. then I requested for tea which is complimentary.the waitess looked at me from head to toe (im wearing sneakers, jeans and columbia PFG shirt) and was relunctant to serve me another cup of tea.. then with

同情人拍拖紀念日佢嘅一個好選擇，可以選擇露天或者室內，咁嘅環境咁嘅view 貴啲都合理，食物方面五百幾蚊一個刺身拼盤算係對得住呢個地方，味道係不錯嘅，另外點左個炒飯唔記得影相但係個炒飯略嫌細碟不過都好食，其中叫咗個海葡萄沙律都新鮮清新的，串燒係幾好食嘅，穩陣嘅埋單千二蚊

話說老闆約咗合作夥伴傾生意，揀咗喺天穴度食Omakase, 對住勁靚嘅海景食野，真係心情都好d😆😆呢啲透明嘅魚仔，其實冇乜特別嘅味道，不過個樣好靚 見到舊拖羅上面嘅油花，食落口嗰種入口即溶嘅感覺🤤🤤正啊大廚有逐碟介紹下係乜嘢嚟，掛住食都冇乜點認真聽呢個龍蝦凍湯，味道好清甜，飲落口有種好清新嘅感覺，同平時飲嘅濃味西式龍蝦湯，感覺好唔同呢個和牛好有牛味😆食落口好juicy 最震撼不過呢一疊北海道海膽！！！望住個樣都覺得震撼！係一整版呀！不過只係拎出嚟俾我哋影一影相，之後就分組一碟碟上俾我地。一個二個港女上身，瘋狂影相🤣睇佢個樣都知佢有幾新鮮，超鮮甜！不過我都係最鍾意食呢個蜜瓜黃豆蕨餅，香軟，清甜！真係無得輸

男朋友生日帶咗佢去食，我哋兩個人一坐低服務員就好好態度，擺低餐牌，一直喺旁邊等我哋落單，令我感覺好體貼亦都俾咗好多建議我，係生日當天嘅之前我已經打過電話去交代左我男朋友生日，可唔可以準備一個蛋糕或者甜品係寫上生日祝福嘅，最後果然冇令我失望👍🏻我哋一共叫咗一個set兩個人share再加甜品，甜品方面真係唔錯，主菜反而麻麻哋，兩個人食咗$2000 ，其實都對得住個景不過只此一次，因為都真係唔太抵

又食生日飯，不過是跟朋友慶祝的生日飯，都話3月份特別多朋友生日。今次有點不同，我沒有一早安排西餐，因為對這位朋友認識不算深，故還是由她來決定較好。結果.....她揀了日本菜，並由她揀選喜歡的餐廳，雖沒有了驚喜，但卻是她自己喜歡，很好呀！嘩！餐廳近着海旁，透過大型落地玻璃窗可看到一望無際的大海，很舒服！近門有張大型壽司吧枱，另一邊有幾張圓枱，再入一點則設有多張二至四人枱，座位不少。最吸晴是牆上的油畫，栩栩如生，很美！有兩本餐簿，紅色是飲品，有多款日本酒、cocktail、mocktail、啤酒、烈酒和非酒精飲品，選擇不少。黑色是食品，選擇都很多，分別有Omakase、前菜、小食、沙律、刺身盛、壽司盛、創作刺身、壽司、火炙壽司、創作卷物、天扶良、串燒、燒物、一品料理、茶漬、食事、汁物和甜品，真的令人眼花撩亂。*************************先來一客沙律清新一下，友人揀了海之幸沙律 Assorted Sashimi with Salad($128)。沙律面舖滿亮澤的魚生粒和晶瑩剔透的三文魚籽，選材豐富，色彩吸引。酸汁另上，可按自己的需要而注入，爽口清新的沙律菜拌入酸咪咪的酸

今日約咗朋友去傾心事，咁梗係要揀一個靚餐廳慢慢傾㗎啦，我喺星光行嗰頭做嘢，都見過好多次天穴，但係一直都冇入過去食嘢，所以今次我就一早book定位同我個friend望住海景好浪漫咁食個晚餐。天穴個景真係冇得頂，我坐嘅位置正正對着ICC,服務態度方面都係一流，我覺得一個服務員只會招呼一至兩台客人☺☺我哋先叫咗一杯Cocktail（仙鶴女），我杯仙鶴女係有酒精嘅，第一啖飲落去濃濃嘅奶味，之後再慢慢咁滲出酒味，好好飲；另外仲叫左一杯Mocktail,我只記得自己飲咩，我朋友的忘記了😂先吃一上前菜小食，叫咗一個好出色嘅蔥吞拿魚腩薄脆，陪我杯酒一流，同埋我哋叫咗一個油甘魚薄切鵝肝粒👍🏻👍🏻食完前菜就食咗一啲壽司、卷物，仲帶咗一個炸吞拿魚壽司卷，好好味吞拿魚未熟有少少熱個壽司卷炸得剛剛好；最後我哋叫咗一個佐賀牛烏冬，服務員仲好細心咁問我地要唔要分開兩碗上，真係令到我覺得好窩心😍😍當日最失望嘅就係個天色唔係咁靚同埋有少少落雨,所以睇過風景都讚差d,其他嘢真係冇挑剔嘅地方👍🏻👍🏻👍🏻

真係好鐘意食海膽😍呢到既海膽超鮮甜 少少腥都冇😋😋不過因為我地得兩個人食得多會有啲濟 已經飽飽地壽司拼盤都吾錯😆上面啲魚生都幾新鮮不過有好多都係我唔食嘅魚生🍣仲有一舊蛋糕仔 但係蛋糕仔就唔係咁好食啦火灸左口魚都係我最愛之一❤️冇失望😋朋友嗌一份魚生沙律 我唔係話特別鍾意食只係食咗少少 但係佢哋嘅魚生沙律嘅沙律醋都好夾 酸酸地幾開胃😋

天穴始終係最好😍～～～～～～～～～～～～～～～～～～日本料理黎講，係香港天穴真係數一數二好味，有海景兼服務態度一流。🥩佐賀牛壽喜燒（$528）佐賀牛肉質柔軟，油花豐富、分佈均勻，入口即溶，而且肉味濃郁，令人一試難忘，可惜在份量有D少⭐️蒜味噌燒原隻帶子（$128）帶子鮮甜，蒜味噌好入味，cp值高🥚鵪鶉蛋（$38）燒得外脆內軟🌽粟米（$28）燒粟米粒粒都好甜🍢雞翼（$38）燒雞翼鹽份夠，好入味，脆度剛好。🍢雞軟骨（$38）雞軟骨粒粒都燒到好爽口🦀松葉蟹蚶（$58）蟹肉鮮甜，仲有咁多款調味粉。🍱鰻魚石鍋飯（$168）鰻魚油份十足，鰻魚肉質鮮嫩，冇骨，蛋絲份量剛好，粒粒分明嘅米飯。～～～～～～～～～～～～～～～～～～～

今年生日正日我揀左嚟天穴食日本菜，自從冇喺尖沙咀返工，都好多年冇再嚟了，以前總會間中過嚟食個lunch。生日貪佢有海景睇下，不過真係坐得幾迫下㗎，好彩有book位並且要求window seat，仲有訂埋生日蛋糕，所以位置坐得比較舒適。鱆紅魚薄切沙律，前菜薄切會覺得冇咁膩，加埋旁邊嘅沙律醋開開胃先。蔥吞拿魚腩薄脆，加左蔥簡直冇得頂，配埋脆米餅喺底，唔覺唔覺就食左一件，口內油脂&蔥味一絕。生日飯食好啲一定要叫個刺身啦～我地唔食魚籽嘅，店員好好幫我地轉左第二款刺身，另外再加上日本空運海膽，海膽非常鮮甜，甜到唔捨得咁快食哂(笑) 其他刺身當然係夠新鮮啦，連平時唔太中意嘅魷魚 & 帆立貝我都冇抗拒喔，呢一口拖羅簡直係入口即溶，冇得頂呀！其實2個人食魚生都食到有點膩，但又怕夜啲會餓，所以叫左少少串燒，雞皮燒得麻麻，如果燒香啲乾身少少，脆多少少就perfect啦！另外仲有少少天婦羅，個蝦頭俾我K.O.左，好似食薯片咁脆，好香好好味。最後就係我嘅生日蛋糕，索價$150，真係好細件咋，真心唔抵玩吖，不過生日一年一次就算啦，之但係佢寫我個名可以擺入中間少少囉，而家個畫面就係爭緊啲野，少左啲美感(爆)