天然豚骨拉麵專門店一蘭

营业中

休息中

近兩三年，香港排隊食一蘭的人越來越少，每次想搵人陪我食一蘭，朋友都會話「一蘭！？又貴又唔特別喎」😭知己難求，我其實係一個食上癮既人。🥺🥺💕兩個人食，最鍾意加替玉加醋加蛋，加飯加肉。我的拉麵選擇：濃味湯底、清淡油膩、½蒜泥、有蔥、3倍辣、普通麵。另外再叫碟燒豚肉，因為拉麵的叉燒食兩淡就食完了，邊個叫我係食肉獸👹無肉不歡～㊙️至於加麵定加飯呢，我會投加飯一票！ 我成日凝住加替玉後鹼水味會重左咁，同埋拉麵的軟硬度唔係次次一樣。白飯就再熱辣辣D，當泡飯食，感覺似食酸菜飯湯配白飯！香辣豬骨湯撈飯先岩啊。鹹湯送甜飯～飽肚滿足感。💯

每次經過銅鑼灣一蘭的門口，人龍總是長長的。每當想排隊的時候，總會受不了門外的一股熱熱的空氣令我放棄。這天是星期六晚上，門外人流不算太多，肚子不算太餓，因此決定鼓起勇氣排隊。幸好，在門外只是排了十五至廿分鐘左右，終於被安排入店內！但只是入店內排隊 在店內排隊時 店員已遞上落單紙給我們order 最終再多等廿分鐘，終於被安排入座。 座位是好像圖書館自修室一樣的落單不到五分鐘，已經有得食了 第一次食到一蘭的拉麵🍜，湯底濃濃的，配上較幼的拉麵條，十分好食。可惜是拉麵份量不多，男生一定要追加多一份拉麵才夠飽

今次係我第五次係香港食一蘭拉麵，餐廳對湯底嘅水準十分高，無論辣到湯底都非常恰當。今次加咗個半熟鹹味蛋，令到碗一蘭拉麵更加似日本既味道。餐廳營業時間係二十四小時所以對鍾意食宵夜嘅人係一個好選擇！

通常喺銅鑼灣諗唔到食乜，又唔想排咁耐隊或者周圍揾位，就會去一蘭。初初開得呢間，要排兩個鐘，宜家唔使再排咁耐，今次早過食飯時間仲即刻有位。鍾意食拉麵但又唔可以食太肥膩嘅我嚟到就一定揀無或少肥膩度。辣亦都完全無要，唔使驚刺激到腸胃。其餘嘅都要一份嘅分量。第一碗麵叫普通，食食下就會軟。如果添麵通常會揀軟麵，因為湯凍咗唔會影響個麵質感。五分鐘左右就有得食，服務同味道都同日本食過嘅一樣，跟足指引做。拉麵本身唔係咩高級食品，我欣賞佢用心調節各種食材嚟遷就顧客味道，唔鐘意佢個湯嘅人就要揀第二間啦。價錢就絕對係貴，物離鄉貴，無日本咁公道。

相信大部分去過日本的人都吃過一蘭，對它的印象應該是那紅綠招牌的顏色，入座的音樂，最重點的是排到腳軟的人龍。今次行綞銅鑼灣見到一蘭的招牌，很有日本的感覺，便決定進去再回味那味道。香港一蘭的收費方式下單方式有些不同，日本是自助販賣機選擇商品付款下單，然後再選擇口味。結果排了差不多一個小時，腳都企都痺了！共點了兩份，天然豚骨拉麵，濃郁的豚骨拉麵，加上赤紅秘製醬汁，帶點微辣，更開胃哦！但面的份量有點少，男生應該要加面。拉麵裡面有紫菜、木耳絲、叉燒、半熟鹽味蛋。最後呢餐收費是300多元，老實就是有黠名過其實的感覺，但想一拾日本感覺而又有時間排隊的話，都可能一試的。

突然想食拉面，於是約埋友人黎到一蘭。一如竟往，雖然已經9點多，但依然要排隊。排隊期間，店員會每人派發一張落單紙，等客人一坐埋位就可以點餐，加快速度口味濃淡: 濃味油膩度: 普通蒜泥: 1/2份蔥: 無叉燒: 有赤紅秘製醬汁: 1/2 倍 面硬度: 超軟$95比左點餐紙後過左大約10分鐘，店員就將熱辣辣的拉面呈在眼前。由於揀左普通油膩度，所以湯面既油唔會太多。而濃郁既豬骨湯配上秘製醬汁(少少辣) 令到碗拉面既味道昇華左不少，甚至會愈食愈開胃雖然一碗拉面黎講$95 並不算便宜，但值得一試!

Ichiran ramen is simple yet significant. It’s my favourite ramen restaurant at midnight, love its spicy flavour!

平時二人行一定晤肯排隊今次得自己一個開飯 就決定黎一蘭朝下聖竟然七點半門外得一個人 梗係即刻排啦 😍😍😍😍😍不過少年真係太輕狂啦 又點會甘易俾你食到入到門 原來裏面已經有至少二十幾個人係裏面排緊🤦🏼‍♀️🤦🏼‍♀️🤦🏼‍♀️🤦🏼‍♀️不過諗深一層 其實食拉麵翻桌速度好快 所以都決定排下啦排完呢二十幾個人 仲需要排多一條隊 不過就有椅子坐 相對舒服少少😆晤經晤覺排左大概半小時 終於有得食湯底好濃好香豬骨味 無味精既感覺附上二塊叉燒 都幾香口 麵都好彈牙97蚊價錢以過江龍黎講算中上當然日本抵食好多啦

由日本到香港開張到現在都經常去光顧, 因為一蘭嘅豚骨湯真係最岩我口味, 豬骨味道同拉麵都夠正宗。今次特登再親臨本店係因為想試之前網上教最强食法, 我想試下咁點係咪真係比之前更滋味! 果然不出所料, 真係非常出色。網上流傳最强落單選法口味濃淡: 濃味油膩度: 超濃厚蒜泥: 1份蒽: 有叉燒: 有赤紅秘製醬汁: 3倍麵的硬度: 超硬原來咁選法真係惹味好多, 但油膩度重了自然會比較膩, 所以食完要飲大量冰水。3倍辣度剛剛好, 既可以享受辣味刺激又不會影響豚骨湯既香味。蒜泥要1份, 會令拉麵更香更滑。麵質硬度點超硬, 食落更煙靭。食完好滿足好實在。由於太好味嘅關係, 所以我決定加麵底。

日本食過頂呱呱，黎到香港人龍長到傻，好彩排隊時間唔太耐，大約半個鐘就入得。店內風格跟足日本，好有風味。 湯底仍然好味，但總覺得日本的更濃。無辦法，搭過飛機乜都好食多一點。。。。豚骨湯底入口幾順滑，味道幾夠濃，個人認為咸度適中。 拉麵是日本的，但總覺得唔夠極硬。 叉燒仍然好味。夠腍。肥瘦適中。 蛋反而比想像中好，微咸，咸度適好，中間溏心，非常不錯。配拉麵食係相當不錯的。  夜晚黎食，需要替玉半個 無得去日本，黎呢度可算係止痕之選!

近日都要ot，放工要揾間好食餐廳補償下心靈同肚仔嘅空虛行到嚟銅鑼灣，見一蘭唔洗排隊就決定入去食下啦！一人食都唔會老尷其實，佢d位分得好好，靜靜享受呢碗高質拉麵！叫左normal size,好快就上枱。湯底濃郁，唔會過咸，麵條彈牙，配上湯一齊食更正！小小辣更惹味。另外叉燒亦好出色，肥瘦適中當然要食隻蛋啦嚟到，流心效果一流，為呢碗拉麵添上精彩一樣有凍水供養，食食下覺得有d咸都唔怕！價格還好，香港食拉麵都係咁上下。

Wanna try long long time but always need to wait long time , don’t want to wait so never line up. Until today no need to wait so can try , so lucky .In face the soup very nice but the meat very small and less not enough , and the design where eat , very lonely ,haha finish very fast!

今晚同朋友約左嚟銅鑼灣食飯 突然之間好想去拉麵 於是就拉左我朋友嚟排隊朝聖😚😚 等左一陣 我地就入得 比我預期中快好多🤔因為之前係東京食過 所以希望香港分店都可以保持到水準😙😙😙 一蘭的拉麵都可以依照個人喜好製作 今次我就揀左濃湯加埋蔥同秘製赤紅色醬汁☺️☺️☺️☺️☺️湯底好濃郁 好重豬骨味 啱曬我咁重口味😍😍 麵條聽聞係自家製作 軟硬適中！加埋辣醬好惹味！ 下次都會推薦朋友嚟試~~~推薦：⭐️⭐️⭐️⭐️

天然豚骨拉麵專門店一蘭 (銅鑼灣) 個個都去食，唔通自己都唔食？😈呢間餐廳一入去就好似用咗多啦A夢法寶 隨意門🚪去咗🇰🇷日本甘 不論餐廳設計精緻，好有日本風格 而且店員👩🏼‍💼囗音都好似日本甘 唔知係咪真係日本人🇰🇷黎？坐嘅住置相堂闊落 每人一格格 好似去洗手間 獨自安心享用。中意食辣🌶嘅我係唔會叫最辣🤢🤢，因為經過上次叫完之後 個湯底係偏苦😢所以我會叫7級辣度，呢個辣到啱啱好 完全冇取代原本湯底味道反而更突出原本嘅湯底味道👍🏻特別嘅係拉麵軟度係比客人自由選擇 除咗 普通 硬 軟 仲有超軟😋更特別係拉麵湯底嘅油膩度都係比客人自由選擇 👐，真係配合晒所有人食用！這一點十分之體貼👏🏼整體🍽環境座位十分舒服，味道自由配搭，就算口味淡 油膩度無仍然帶出應由水平嘅質素嘅味道❤👍🏼一間餐廳唔應該由食物帶出餐廳嘅高級程度而係員工服務質素！員工服務質素高🏅 自然食物質素都會提升，兩者提高了 香港就多了高級餐廳🎖！

無論有幾夜，有幾多人排隊，依然會成日心思思想食一蘭。一蘭既湯底好正，湯我通常叫普通，已經好夠味。我都會叫普通辣，夾埋個湯就更香，呢個辣度唔會蓋過湯既豬骨濃香，但會令成碗拉麵有更多層次。麵會叫硬身，咁樣到上枱時就啱啱好了，唔會太淋一咬就斷，因為一蘭啲拉麵同普通既有啲唔同，特別幼身，所以叫偏硬會好食啲有啲咬口。而叉燒我諗唔係一蘭嘅賣點，所以都係食麵飲湯算啦哈哈～