天機棧 (已搬遷) 新店位置

這間餐廳的食物倒是不錯的,尤其是甜品「心太軟」,還有飲品~環境唔錯！幾有情調、氣氛呢！用DBS/COMPASS VISA有九折，或者9:30之後就75折，抵呀！香蕉焗龍利柳意粉，好香濃，不過幾膩口...係咁吹水同食野 ~好好味....我地傾計多過食野的. 食完都12點幾~

真係估唔到係呢個烏煙瘴氣ge砵蘭街都有間咁ge西餐廳喎, 整體食物都唔錯架, 又唔太貴....~可以接受又可以坐低聊天.. 玩吓遊戲..坐得舒舒服服，星期六的晚上都唔係好多人，係一個好好傾計的地方，味道算好，但環境、氣氛好，值得一試！0r可以同fd開生日派對~

今日同老婆朋友去食飯點左一個二人餐及朋友叫左個意粉頭盤叫左鵝肝沙津及蟹肉牛油果他他頭盤OK啦 蟹肉牛油果他他都有蟹味 但少D囉鵝肝沙律就一般啦主菜叫左燒肉眼 及肥牛扒拌鵝肝先講肉眼 一定勁「毑」的牛扒佢件扒係有燒過 不過真係無乜肉味同霉霉地真係失敗另外肥牛扒就好以豬頸肉 牛肉版啦食味OK 有牛肉味 但件頭就真係少D而鵝肝就都OK 入口柔軟有香味 細細件ARM ARM好到甜品叫左蘋果酥及心太軟蘋果酥有肉桂香 酥裏面有蘋果及提子乾好食到心太軟 有之前的食評話好得我又係一個朱古力精 所以都有d期待但係一入口1朱古力味唔夠濃2個餅身太軟食唔到不同口感的對比另外佢好以好重一種布丁的味我只係免強完成今餐$375真係有d把鬼朋友話個意 粉都OK其實依個價都可以有好多選擇祝這餐廳好運啦不過我就無下次喇

雖然位於砵蘭街，不是一些很高級地方，不過一入到去餐廳，格調舒適、浪漫，心太軟size細了些…但是沒失水準~蛋糕皮薄夠香、甜味又適中都不錯，而個皮焗得好好, 脆脆地的！真係好味到不懂說！炭燒西冷扒- 叫了7成熟,，味道很好.不錯火喉剛好, 燒得好食, 滿意的^^至於服務，都好,不過來菜慢了一點點，我一定會再來..

08.07.2008叫左個2人餐,, ($238)頭盤:- ?- 芝士焗生蠔 湯+蒜蓉包兩片:有3隻湯,,但個waiter只講左2隻,,係聽到格離枱先知..我想飲之後先聽到個隻湯丫..- 雜菜湯 - 雜菌湯 - 蒜蓉包 主菜: - 羊膝 - 炭燒巴黎西冷扒 (7成) 甜品:- 心太軟 焗得唔錯丫!外層蛋糕脆脆地又不失鬆軟bor!! 入面既朱古力漿漸漸流出,,甜度適中,,好好食!*原來bf係第一次食熱既心太軟,,佢好鍾意食lu~- 蘋果卷 外層焗得好香脆,,入面既蘋果茸再+埋必要既肉桂粉,,一流丫!!酷愛肉桂味!價錢算合理na,,每人$119,,有湯有甜品不過或許再來只因她的甜品,,因其他很大眾,,taste亦一般

心大軟很好吃~裹面的較心朱古力不太甜~很好吃...軟心朱古力流出來的樣子也令人甜甜的~吃下去的口感很好~和情侶行完街後也可以坐下品嘗``令人有驚喜``環境令人很舒服``也很方便到達``在旺角地鐵站E2出口就是啦~也多人的~最好先約了才到達,否則可能要等一下~最開心是服務一流^^細心的覆多一次我們點得東西..

環境舒適~我同我d 朋友,行街行到餓~就入咗去想食少少野~不過太好味,我地都食多咗,果到環境同旺角開市比...差很遠~果到令我地食很好舒服~又近旺角地鐵站,D朱古力蛋糕口感超好~價錢又唔太貴. . .我下次都會再去過~

二人餐 $238頭盤 (四選二)牛油果蟹肉他他 - 牛油果清新, 好適合做頭盤. 但所謂蟹肉他他就遜色了一點, 首先唔太食得到蟹肉, 而他他其實都係似薯仔沙津咁, 只係乾身d咁樣.芝士焗生蠔 - 都幾大隻幾新鮮, 芝士味啱啱好, 唔會太膩. 唔錯.餐湯 (三選二) 配蒜蓉包兩片田螺湯 - 係比較稀的忌廉湯, 但就有好濃的田螺味, 好香好味呀!洋蔥湯 - 洋蔥加埋香草, 比田螺湯杰一點, 口感就一d, 都係好好味!!主菜 (好似係八選二)牛柳配三文魚 - 份量好大wo! 塊牛柳好大件, 五成熟, 燒得啱啱好, 唔會太靱, 切出嚟無咩血水流出, 完全食到牛味! 而三文魚就加檸檬汁和蒜蓉一起煎, 煎得好靚, 味道夾得好好, 好滿意!香橙干邑立魚柳 - 香橙味好香, 用嚟送魚柳一齊食, 好好味! 魚柳亦都煎得好好.餐飲咖啡奶茶都合格, 而且好大杯, 好抵呀!甜品 (五選二)心太軟 - 細細個, 焗得唔錯, 外層蛋糕略脆又鬆軟, 入面的朱古力漿, 慢慢的流出, 甜度適中, 好好味!焗蘋果卷 - 外層焗得金黃香脆, 內裡的蘋果茸幾甜幾好味!總括, 上菜有次序, 一定要食完一道才會上第二道菜, 唔會

那天想吃甜品，經過這裡記得好像不錯，又正好late dinner有75折，那就試試吧。除了點心太軟，也點了一個set dinner︰蝦沙拉來試試。先來的是湯和蒜蓉包，湯就像是罐頭開的，而蒜蓉包也不甚特別。蝦沙拉︰色彩繽紛，賣相很好。可是味道就沒賣相吸引，蝦沒有味道，當然也算不上新鮮。水果份量少，只有一些芒果，除此之外便是大量的蘿蔔和薯仔。而薯仔又偏硬，不討好。於是便把希望放在心太軟上，單點要$32，我就覺得不太值了。份量不大，而且也沒有雪糕附送，最要命的是不夠熱呀。不過好在有不少的巧克力醬，味道是不過不失，不過真的要再焗熱一點﹗服務態度很冷淡，都是試過便算了。

無意中發現入去試吓...........現已去過好幾次味道不錯餐湯會有3-4款選擇, 味道牛扖, 好PASTA, 好味軟心朱古力旦糕, 好味環境氣氛不俗, 只搛坐位之間略為窄, 人多時不方便傾謁

睇完openrice既食評今晚拉左男友陪我去試點左二人餐頭盤:-法式焗生蠔: d 蠔好新鮮, 勁有蠔味!!! 我略嫌淡左d, 男友就覺得岩岩好-鴨胸釀鵝肝沙律: 正~!!!! 湯:-野菌湯x2: 唔算好濃, 不過啖啖都有菇粒, 有口感, 都係淡左少少主菜:-煎鵝肝拼肥牛扒(7成): 牛扒燒得岩岩好, 配汁都唔錯, 份量岩岩好; 鵝肝有d 焦同乾, ok-羊膝(+$5改配長通粉): 我唔食羊, 呢份係男友點既, 佢話好大份喎! 評語: 幾好甜品:-心太軟: 一整好, 哇! d 朱古力湧出黎, 不過食落去發現入面唔熱, 仲有d朱古力未溶晒...-蘋果批/卷: 我冇試, 男友話好好食!!總括來說, 食物賣相極佳, 味道也不錯, 如果濃味少少仲好, 服務亦有水準睇得出係一間有心思既餐廳!!!尤其在旺角區黎講真係中上啦~!!

不起眼的門口,內裡都幾有氣氛,與外面一d都唔同,七人同木台,我與另一個朋友叫了二人餐,都選了西冷扒及心太軟。鴨胸鵝肝沙律-普通 磨茹湯-超好飲,無揀錯,人人讚好 炭燒巴黎西冷扒-不錯,朋友意見,反而肥牛扒更好食心太軟-好好味,如果有雪糕更正天機特飲-芒果+桃,有好多款種類揀,不選太甜,解渴環境略噪,坐得太遠的朋友有點難傾計,三四人都ok。服務都ok,即使外面好多人,都不會吹人走。走時見外面排長龍,原來9.30後有特價,以這樣的價錢同質素,怪不得這麼多人。

今日又去左天機棧食啦都食左幾次啦都係仲有好多野未食過不過今日個waiter介紹我食個甜品"心太軟"我本人就唔係好鐘意食甜野但係食落呢個心太軟又唔算太甜入面有d朱古力漿,幾得意不過我覺得貴左小小可以平返d就最好

原本去天機棧都係因為朋友介紹的！佢都講左我知有238係二人套餐唔錯既選擇，或者係MK區算貴了少少既所謂CAFE形式既扒房！前日去到，大約八九點，人唔算多，或者燈光問題，感覺有點雅緻，睇過MENU都以為哩度講求高格調，而且佢地係某網介紹自己話老闆係酒店出身的！最後我地四人點左兩個二人套餐！果頭盤鴨胸配鵝肝沙律，真係想知係咩肝？雞鴨肝？意大利雜菜湯=茶餐廳羅宋湯？配蒜蓉包=放左一日定兩日(通風)軟哂！連包都咁慳呀 (朋友飲果個什麼國家名開首的白湯=粟米湯)主菜鵝肝配什麼肥牛扒，鵝肝上面都講左咩事，但係塊扒真係仲衰過用幾十蚊去普通餐廳食既！甜品係心太軟，真係未食過咁難食既心太軟，入面係用朱古力一齊蒸軟左既饅頭？外面係焗到硬哂既所謂蛋糕皮！老實講係MK仲要係附近砵蘭街都係食平民平價野，已經唔講佢環境同裝修亦唔講服務(佢D侍應唔知勤力我滯定咩，我未食完既野，叉都未放低佢已經黎搶我支叉收碟)真係服哂佢趕客既態度！想講百幾蚊食左D咩？茶餐廳既水準？！D名就改到鬼咁誇扮哂HIGH！做出黎真係咩貨色？大家心照啦！

呢個場我都去過成次,,,我覺得係西餐廳黎講,,,,佢可以算係上級,,,,雖然佢係旺角區,,,但係佢入面既環境都唔會太嘈,,,,同女朋友去食野一流,,,,d飾物同個埸好夾,,,,我就最中2果度既法式香草燒羊鞍,,唔會話好細份,,,食落唔會太"so"正常人一定接受到,,,,係咁多間野食過既羊鞍之中,,,,天機棧可以係話做得好好,,,,,就連我女朋友食過都話好,,,大家可以去試下,,,不過我試過有一次去到無位,,,,所以都係訂定位好d