天機棧 (已搬遷) 新店位置

上次個 friend 喺度搞 birthday party ，食個幾掂，本來想再嚟幫襯，但次次都爆滿，今晚學精左，先 phone 來訂位，哈哈今次卒之食到哪。我同果 friend ，大家都點左安格斯牛扒，我要 6 成熟，真係啱啱好；安格斯牛扒的特點係肉味正，唔使點落調味，係食果陣牛扒嘅原味，唔使比其他調味品來喧賓奪主，做安格斯，重點唔係廚師手藝，而係老闆肯唔肯真係肯駛洗錢，為食家著想，入正宗安格斯，而呢方面，我就比天機棧 101 分。

琴晚7點幾同bf去左mk朗豪坊買非睇戲,仲有成粒鐘至開畫,咁未去左天機棧食飯囉.(因為之前睇個d食評,好似幾好咁)第一次黎食環境ok,黑漆漆的,很浪漫咁........我們一同叫了個肉眼排和鮮三文魚黑松?天使?,肉眼排叫了5成熟,剛剛好~~很有肉味,三文魚天使?,好好食啊!! 最後餐茶點了二杯熱咖啡,是全餐最加分的,咖啡好好飲,唔知是落了什麼奶的..........150$到二位唔算貴,ok

我同friend都有睇過d食評先去，講到好似真係幾值得一試禁，於是我地4個人昨天就去左食，可能佢以前真係好好食啦...但昨天真係唔得羅，待應又好似成日想吹人走禁，我個friend食完個沙律準備放低支叉之際(係準備姐支叉仲係離台面仲有一尺架)待應係佢手上羅左佢之叉問一句唔要架啦?嘩...咩服務...地方又噪又迫都不特止，d野食係唔好食羅，扒五成同七成既然七成係生d，仲要話唔係。個鵝盰沙律係煙鴨胸內加左少許礶頭鵝肝醬，而另外個扒搭既個一少忽鵝肝仲難食過雞潤。個心太軟外層係實丁丁好似沙利蛋糕雪到變左冰禁，好奇怪裡而只得dd朱古力but個碟就有好多朱古力醬(因佢個個係爛心太軟) 大家想浪費金錢既就去試下羅。如果同佢比我諗翠華好食好多羅

今日,我同朋友去左朗豪坊shopping, 之後就出去搵野食,記得之前好多人都係呢度話d野好好食, 愛食牛扒的我於是就去試下啦,去到門口我望到竟然對面係垃圾站, 真係有少少唔想入,不過反正都到左,朗豪坊搵野食又多人,算啦,入去試試啦!入到去,個環境又唔同左出面, 不過8點都幾多人,差不多full house,每張台有個小蠟燭, 氣氛都唔錯, 又會有concert播,真係幾好,同出面2個世界!之後我同朋友2個人叫左個2人套餐$238,頭盤:1. 鴨胸鵝肝沙律 ------- 哇鴨胸入面有鵝肝醬,下面有d生果沙律,正,不過太細碟了,好快就俾我食清光.2. 法式焗生蠔-------- 生蠔我唔食既, 不過朋友好鐘意, 俾佢食晒, 佢話隻蠔好新鮮同大隻!湯: 我唔得左咩湯了,不過都ok!主盤: 1.炭燒肉眼扒----- 我地叫左5成熟汁要另上, 黎到時都岩岩好, 由於我唔用汁食扒既,食落去真係有D唔信, 件扒真係好JUICY, 好有肉既鮮味, 我唸佢用既扒真係唔錯, 出面食既太多都係梳打粉,呢間睇黎真係冇啦.超正2. 美國野雞------- 雞食得多,野雞就真係好少聽過了! 初初黎到時仲以為係

我有晚同 gf 晚行過旺角朗豪坊附近，見肚餓，咪入左間天機棧食晚飯 ; order 左果兩人套餐，餐牌價係 $238 ；老實講，我本來係對呢類位於旺角區嘅西餐廳係無乜期望，但佢一上個頭盤鵝肝沙律，我就開始改觀；主菜嘅肉眼扒，我要求 5 成熟，就真係啱啱好，咬落去，外香內嫩，肉汁醒神；臨尾嘅心太甜，簡直係驚喜中驚喜，呢餐飯喺 soho 區，無 $600 都唔駛旨意；而喺天機棧連同加一和 tips，我埋單都係不過 $280 ；一句到尾，抵 !

女人果然有 "another stomach for dessert", 未食完佳餚店, 為食的 E 已經問我朗豪坊或附近邊度有得食朱古力心太軟 xD 諗起未試過0既呢度, 膽粗粗帶路0黎試試. 叫了一份 creme brulee, 一份 apple strudel 及兩份朱古力心太軟 share 食.先0黎 creme brulee, 面層的焦糖厚薄適中, 夠甜又夠脆, 下面的 custard 香甜又幾滑, 幾好食, 不過都係0個句, 同九龍城「小店」「臥虎藏龍師傅」的出品 (詳見 http://www.openrice.com/restaurant/commentdetail.htm?commentid=1885193) 比, 係無得比的.兩客心太軟賣相幾參差0下, 我食0個個完整無缺, 仲幾靚 tim, 阿媽食0個個則係爛爛0地的 (咁都拎出來 serve!?)... 蛋糕質地 spongy, 中間亦的確有朱古力漿流出, 但朱古力味道實在太假了, 亦甜得「鬼鬼祟祟」的 (好似代糖0個隻怪怪的甜味), 唔係咁好食. 如果呢個係招牌的話, 就真係應該拆0左佢了. Apple s

當日晚上8時前入座,差不多滿座,叫了兩個晚餐(因為二人餐太多食物,怕肥):牛柳拼'線'貝+雜菌湯+'棟'咖啡酥皮羊扖+雜菌湯+'棟'檸茶我同男朋友都覺得雜菌湯好多料,他說'線'貝很鮮,牛柳亦'林',我的酥皮羊扖的酥皮亦很香脆,羊扖就夠入味但略嫌乾了些,飲品方面我想是普通,整體都算合格但沒有什麼驚喜的

大家都知小弟同姚東師傅份屬好友, 試好嘢亦非首次. 今次試呎間亦係值得一笑之店.有睇開小弟既食評都知我係錯就要認, 打就要嗌定嗰隻.天機棧, 正如姚東師傅話事計, 哈哈笑就走唔甩!食均前, 中, 後都係一舊, 坐又唔迫, 店員又唔會俾壓力你, 都經已喊唔出啦.湯, 我亦要了蜆湯, 蜆味是有的, 唔錯.主菜, 焗咖喱海鮮意粉, 個味是ok的, 但我預期是用一個兜上, 將咖喱洋舖面焗, 但出嚟卻是用碟上, 故有出入. 用料亦殺我個措手不及, 居然冇大塊魚柳, 卻有獅子狗及日本湯面的魚蛋, 幾搞. 但大家諗諗, 只是六十幾蚊一個餐, 絕對無理由唔收貨.甜品, 心太軟及蕷果批, 2者不太甜, 味度上佳! 尤其是蕷果批, 個酥皮十分鬆化, 暖暖的, 正!但小弟有些少意見, 就係如果2款甜品再加一個雲呢那雪糕球在旁, 深信效果必定更佳.總括嚟講, 呢間絕對是區內值得番炒之店!

上星期約左友人同埋食家"乜都放入窿"黎個飯局, 地點由食家乜都放入窿決定, 最後鐵定黎呢間食店一試, 理由是因呢間食店嘅食評都幾好, 加上幾個人都未試過, 仲有相片吸引, 所以決定一試! 為免去到冇位, 於是師傅就去訂枱! 準時去到, 伙計招呼入座, 呢度環境幽暗, 都頗有情調! 接著落黎就睇下有咩好食喇, 呢度樣樣食物都幾吸引, 加上都幾經濟, 最後師傅要左個芝士焗蠔拼牛柳配薯菜, 而友人就要左個羊架, 至於食家"乜都放入窿"就要左個焗意粉, 而呢度每個都係套餐, 所以有餐包同餐湯, 而師傅就要左個忌廉蜆湯!最先黎到當然係餐包同餐湯, 餐包係蒜蓉包, 蒜蓉包好鬆好脆, 幾好味; 而忌廉蜆湯就好多蜆肉湯, 不過d蜆肉就韌少少, 湯就幾好味; 到左主菜芝士焗蠔拼牛柳配薯菜, 牛柳要左五成熟, 肉質好鬆好鮮, 有牛味, 不過係細舊d, 而芝士焗蠔嘅芝士好香, 而蠔都算幾大隻, 肉質好鮮, 掂喎; 至於薯菜就有幾條大舊嘅炸薯, 薯條好香好有薯仔味, 正呀! 至於友人同食家"乜都放入窿"嘅食物, 賣相都係非常好, 而且佢地都讚d食物好味!飯後再叫左兩客甜品, 當然係呢度最出位嘅朱古力心太軟同埋

呢間餐廳未“出名”之前d野真係唔錯﹐ $198兩人餐大件夾抵食﹐個陣幾乎每個月去兩三次. 但係OR d 食評越黎越多﹐d野就越黎越差. 上個禮拜去過一次﹐ 感覺真係差﹐由service去都食物都同以前差好遠. 前兩日決定俾多次機會佢﹐但係水準依舊係差.入到去﹐ 佢安排左我地坐中間﹐都ok. 點菜既時候阿waiter哥哥好似我地差佢十萬九千七甘, 非常討厭. 水唔係唔幫你refill, 不過傾傾下計會好似鬼片甘﹐突然有隻手伸過黎﹐因為枱與枱之間太貼, 上菜速到超快﹐個頭o岩o岩 放底頭盤隻差﹐個湯就已經到. 趕住去對面睇戲絕對唔洗擔心. 安排座位方面﹐ 我地去個陣成間野都無人﹐但佢死都要安排d客人係隔黎做左右門神. 食物方面﹐湯依然係唔錯﹐好足料同好味﹐ 頭盤都keep到﹐ 會轉menu. 不過entree就唔得﹐ 牛排如果唔要熟d會食都d霉味﹐好明顯係唔新鮮﹐ 羊膝食左兩啖放棄左﹐ 好淋但無味平時攞得最多分既甜品都失埋分﹐其實個strawberry pudding都幾好食, 夠滑同夠strawberry, 唔會得布甸粉﹐ 但係心太軟就完全令我地失望﹐ 唔夠熱同唔夠蛋香﹐兼上枱時已經穿

星期六．三點．未吃午餐．好餓通常來旺角，不想再想去哪兒吃便來原本兩個人想要三個tea set（兩份正餐加份甜品set），但吃完正餐已好飽tea選擇不多，而且太普通，不過勝在平囉１）肉醬意粉（$25）：好濃味但食完不太口渴，唔錯。但意粉就硬了少少，應已焗了一段時間吧２）白汁吞拿魚意粉（$25）：白汁+吞拿魚+意粉+青紅黃椒，我都識整，講完甜品set都幾抵，例如apple crumble + drink只是$22，可惜太飽了這裡自從『出了名』後就差了，e.g. 水杯有污蹟、杯水只有半杯水（駛唔駛咁慳？），令人懷疑。人太多，太嘈…p.s.這裡變得很MK，例如侍應、環境……

預祝治療師的生日，兩個人走到天機棧吃晚飯，一心想試個鵝肝牛柳二人餐，點知一睇$238仲要加一，好似唔係太抵，所以都係睇menu叫晚餐。選了以下兩個晚餐︰茄汁鵝肝牛柳焗飯 (配餐湯、蒜蓉多士及餐飲)煙肉焗青口肉眼扖飯 (配餐湯、蒜蓉多士及餐飲)另加了一客心太軟焗飯出奇地好味，鵝肝的份量都不少，而且個茄汁又唔會太濃搶了牛柳的味道，另外配以雜菇的口感亦很好。至於肉眼扖，明明記得治療師話要五成，結果出黎一定多過五成囉，扣分~~最令我們驚喜的是心太軟，連一向都不嗜甜的治療師都大讚，還說下一次要再食過！其實自己整個心太軟都知，係非常考師傅的功力，如果入焗爐的時間不準，出黎的便不是心太軟，變成心太硬，切開外層的時候，中間的朱古力漿便無法流出來，所以我們最欣賞的莫過於這一個甜品。好多食家都評個二人餐唔抵食，其實我覺得都可以打開menu試試其他菜式，或許會有更多驚喜~~

有朋友生日，見好多食評大讚呢間天機棧o的食物好味，尤其心太軟，故此訂位同朋友慶祝生日。環境幾舒服，情調又未至於話好好，一般cafe 的水準。點左一個二人套餐$238，頭盤share 左一個芒果蝦沙律同焗香草扇貝。一食個扇貝覺得好掂，有薯蓉焗，好似食焗田螺咁既味，幾特別的fusion菜；沙律夠凍而且沙律醬份量剛剛好。頭盤俾我的印象幾好，值7分。餐湯有牛尾湯、忌廉湯同羅宋湯，我揀左牛尾湯，好多蔬菜粒，最得意係有薏米，真係fusion。但好可惜o的湯好淡味，冇牛尾味，亦冇蔬菜味。至於忌廉湯，除左有麵粉味外就冇其他味。我只可以俾4分。輪到主菜喇！一個大蝦雞扒同鵝肝燒牛柳(7成熟)。先講大蝦雞扒，大蝦都幾大隻，食落ok，有少少乾，但唔蝦的鮮味好淡；雞扒煎得乾身，沒有油，但好似食雞胸咁冇乜雞肉味。我只可以俾5分。至於鵝肝，薄薄一片放在一片法包上，淋了草莓汁。o的草莓汁好香，但鵝肝完全冇味。燒牛柳好淋，唔靭，亦都剛剛7成熟冇overcook。侍應給了一小碟mustard。mustard 的味頗濃，牛柳好像沒有味的，我還以為mustard 的味太濃而蓋過了牛味。再試一口牛柳，今次沒有配mustard亦

The food was just fair and was served cold. We ordered tea sets. It costs $40. The juice tastes like water! The cake ... it was like a mouthful of sugar and nothing else. My friend wanted to order sandwich and they said it was sold out! Man, it was just 3pm! However, to be fair, the place is quite spacious and cozy for a quiet chat in MK.

難得放假, 出去旺角行街買嘢!!行到累當然要嘆番個下午茶啦!!記得之前睇過有人寫過此處的心太軟好味, 就放膽一試!!我們一行二人推門而進!!可能係閒日既關係, 只見得一枱客!!於是我們隨便坐下!!點了心太軟同扒芝士火腿三文治加兩杯熱檸茶!!觀察下環境先!!門外剛巧有工人處理裝修廢料!!斜對面就有個垃圾站!!殺了不少風景!!所以我們無坐近門口!!好彩隻門都好隔音同實淨!!如果唔係走晒D 塵入來就真係扣晒分!!店內既布置簡單得來帶點樓上caf既親切感!!傢私同擺設都有種陳舊既感覺!!都幾舒服!!加埋無人, 嘆茶歇腳, 唔錯!!等了一陣!!心太軟上枱!!初時以為朱古力漿溜晒出來!!原來係另外”吱”左一陣朱古力係底!!掏一匙放入口!!熱辣辣既朱古力加上鬆化可口既蛋糕!!即時覺得$22抵比!!朱古力味夠之餘又唔太甜!!食完又唔太”溜”!!啱晒我既口味!!Good!!個扒芝士火腿三文治(飛碟)就勝在夠熱!!好味!!可能無人啦!! D嘢即叫, 即整, 即食!!唔洗擺到凍晒!!來到上枱好夠熱!!全程有兩個侍應生招呼過我們!!第一個雖然唔係太熱情, 但都唔算無禮貌!!第二位(我諗佢係老細or Senio