天樂餐廳 (已結業)

上幾個星期六同三個朋友去食lunch。當日係星期六, 我地去到o既時候, 間餐廳已經迫爆, 個waiter 話可以開餐廳後面間房仔比我地坐, 我地一入到去, 嘩!超唔掂! 好似係大排檔食野咁, 就算我比half price 我都唔會坐入面。等o左一陣終於o係『正廳』有四人位, 三個女仔都叫o左鐵板三文魚(見圖), 另外一個朋友叫o左個瑞汁豬X X(唔記得o左係豬乜), 個朋友話呢個瑞汁豬乜乜好普通, 所謂o既瑞汁只不過係其他茨汁溝埋一齊。個waiter 問我地d 三文魚用碟上定係用鐵板上, 咁即係意味住個鐵板其實係道具o黎o者, 個三文魚ok 啦。抵讚o既係佢d 紅湯好好飲, 我咁唔鍾意飲湯都飲o左一大半。

上個星期來吃過下午茶，之後老婆念念不忘隔離檯果個大大個的疏乎厘，今日下午來銅鑼灣shopping就專登來吃這個。疏乎厘有三種味，分別是朱古力、薑及呍喱拿，我們就要了較原汁原味的薑味。疏乎厘是發得幾大，幾得意。食呢味野要快手，不然塌了下去就無瘾了。這個疏在乎厘薑味不算很強，都算味道不錯。因份量不小，二人分吃一份就剛好。另外要了星州炒米，份量仍足，炒得唔係太油，不錯，起碼比炒烏冬好。埋單八十蚊，唔算貴。喜歡吃疏乎厘的都可以試試這裡的。

昨晚的食家聚會吃的太多，飽到今朝仲飽緊，感覺上是連那幾隻餃也未落格，更遑論那個結實的叉子燒餅！自己雖然飽但亦要照顧肚餓的太座，所以不吃午餐，就到三點幾才與她來這裡醫肚。呢度有多款下午茶餐，價錢都是三十蚊樓下，看樣子幾抵食，難怪咁多人，全程坐滿亦不停的有人在等位。叫了燒肋骨沙律同瑞士汁炒河，另外亦叫了炸雪糕。雖說是廿幾蚊的茶餐，但份量都不算小。我的沙律一般，個燒肋骨就幾好味，不過就有點油膩；說起油膩就不能不提老婆的那碟瑞士汁炒河，單看樣子已非常之好油水，吃了一口味道是不俗，瑞士汁是夠色水又夠味，如果不介意太油的話是不錯，碟頭都不小，夠飽；上炸雪糕前侍應會問一問客人，夠体貼。炸雪糕幾大個，有一個網球咁大，伴以朱古力醬，賣相都不俗。裡面的是士多啤梨雪糕，可惜因為個体積太大而入面的雪糕幾硬，外皮不算薄，幾腍，口感一般，不過這個下午茶餐的炸雪糕只賣23蚊，都不能苛求太多了。埋單連貼士八十蚊，侍應已醒目的預先把零錢拿來，縮短了埋單等的時間，方便佢地亦方便客人。價錢平食物不太差，值得一試。不過檯set得密亦幾嘈雜，來傾計就不太適合。

lunch食瑞士汁牛河，包飲品$35蚊加一，又平又好食!

星期二6點左右, 本來要去華南, 經過天樂便試一試, 叫了一個晚餐是焗牛仔肉飯,先來羅宋湯和半個餐包, 無錯! 是半個餐包, 我見到仲以為佢拿錯別人吃剩的麵包給我, 籃裏面的白色紙已經很污糟, 一個$65 的晚餐, 竟然付送半個餐包, 是不是無餐包更好? 焗牛仔肉飯好細兜, 味道還可。跟住的$68燒豬比飯, 好明顯是用微波爐丁一丁之作, 燒豬比很薄好似豬肉乾一樣, 汁亦極少... 成碟連泠飯一起丁, 真是難得!!!這一餐真是差差差...

見呢度D食家推薦﹐一於同朋友去試下。夜晚大約8點鐘去到都唔使等﹐不過都算滿。點左必叫的瑞士汁炒河﹐洋蔥湯﹐法式跼田螺同埋梳乎厘。瑞士汁炒河果然好味﹐唔怪得差唔多7成檯都有叫呢碟。分量都算幾大﹐兩個女仔的話應該要SHARE 先食得晒﹐因為食落都幾“肥& 滯”洋蔥湯一般﹐無咩特別﹐但以價錢計就係貴左少少。法式跼田螺都係一般﹐上檯時夠熱但比較乾身﹐香草醬亦唔多夠﹐10分只能夠俾5分。梳乎厘賣相一流﹐SIZE 夠震撼﹐跼得亦好靚﹐但食落比想象中容易“處決”。味道都唔錯﹐唔會話太甜﹐都算值得推介.總括黎講雖然唔係樣樣菜式都好味﹐但係價錢唔算係好貴﹐我諗如果想食瑞士汁炒河粉﹐我都會再幫襯的。(SORRY唔知點解打唔到個“火局”字)

尋日同舊同學0係呢度食晏，見佢D set lunch係只係三十零蚊左右，算係白沙道最平架喇，所以入左去食。我叫左瑞士汁炒牛河，同學叫左拿破崙炒意粉。雖然只係三十幾蚊，但都ok大碟，而且兩碟都好夠味。佢賣0既同太平館真係差唔多，但係就平太平館好多，而且都唔錯，所以係一個唔0既選擇啊﹗

最初還以為呢度會好貴；入到去，發現有set dinner食，大大碟瑞士汁牛河跟一杯飲品都係$50，幾抵食o丫，起碼平過太平館先啦~~碟瑞士汁牛河真係好大碟，D汁都唔算太甜，河粉滑滑，唔錯o播。仲叫o左客$88瑞士雞翼，有8隻，另加$10變套餐，跟羅宋湯同飲品；羅宋湯比預期中好味道，幾正~~瑞士雞翼就不過不失啦。總括o黎講都唔錯，雖然座得迫一D；相中就係瑞士雞翼。

係銅鑼灣行完街街唔知食咩,忽然想起天樂就走左去白沙道食。去到時係7點10分,無咩客人,好意外。兩個人食左以下既野:1.瑞士汁雞翼:無得講呢個係必叫,鎮店之寶喎,點都要食下。雞翼上檯時熱辣辣,有成8隻,食到我地好full。呢味野好食就好多人提過我就唔多講,反而佢隨雞翼而上既西蘭花好食,唔係一般西餐廳跟佢黎個d白烚無味菜。2.瑞士汁炒牛河:一上黎碟野好黑,仲以為好多老抽好甜,點知食落口又唔係,味道岩岩好,係濃左少少,河粉唔會散修修,有咬口,牛肉先好味,一d都唔un,加埋甜甜地既菜心,成碟食晒!3.焗梳乎里:佢話就話係2人份量,但係上到黎好大,3-4個人食都得,味道中等,唔太甜,但係真係要趁熱食,因為我地兩個人當時好飽,食食得慢左少少,頭個幾啖好好味,但係一凍左就唔掂,不過呢個應該係梳乎里既問題,唔關天樂事。因為個河粉有餐飲送,我地另外叫左杯熱檸水,呢餐成為240蚊,唔算平,但係味道不錯,服務態度都ok,有時d侍應忙左少少,要人提先識jump水,但係好有禮貌。走既時候8點半,反而多左人等位,對面cafe 21水靜河飛,太平館亦未見人龍,可見天樂係白沙道都算係熱門選擇!值得一去!

又寫天樂, 唔係呀??? 係呀.... 食左D新野嘛....瑞士汁牛河, 好大碟呀. 不過有好多牛肉, 好淋, 好夠味. D菜心都唔UN, 幾嫩下. 佢比我預期中冇咁油, 唔錯, 唔錯...繼續雞翼, 唔駛多講...焗疏乎里... 我實在睇少佢, 諗住係好MINI... 哈... 好勁. 好大個. 不過都不負所望, 食淨DD. 唔... 都幾好味, 唔會太甜. 雖然我個FRIEND話佢咬到粒糖. 有蛋香...下次一定要試埋個焗雪山, 寫到明係4人份量...P.S. 服務一次比一次好

最有印象反而係乾炒牛河，當然夠色夠味夠油水的背後是肥膩，又係果句，怕肥的千祈唔好試，當然亦少好多人生樂趣。其他食物坦白講無甚特別。<br />價錢唔係平，但當然無太平館咁貴。

嗄??? 竟然冇人寫天樂，我好意外!! 估唔到我係第一個!! 哈哈~~<br />食豉油西餐, 梗係會揀亞amy 啦, 平過太平館嘛! 但係都一樣咁好食. 瑞士雞翼, 好食到呀. 雖然有8 隻, 好似好多咁. 但係會食到唔停得口. 不過食完會有dd 口渴, 始終係豉油. 點都會有d!! 而其他食物都ok, 都好大碟下!!<br />不過亞amy 都好多人幫襯, 好多時都要等位!! 而且地方淺窄, 唔係話太舒服. 要有心理準備!!