天樂餐廳 (已結業)

上星期六同朋友酊causeway bay shopping, 來到這裡食tea叫了瑞士汁炒河, 好吃, 瑞士汁好甜. 份量對女孩子來講剛好, 如果係男仔, 有可能唔夠...朋友order白汁焗意粉, 略鹹原本waiter帶我地坐入面間房仔(係士多房果類), 冇乜裝修, 感覺冇出面咁乾淨. 所以, 我們堅持坐出面. 如果可以裝修一下會好d......

我試了瑞士汁雞翼(6 雞翼+ 一杯lemon 茶+ dessert: jelly)，加一杯OT ，dinner set $109 in a set,，但我覺得雞翼一般，不入味,招牌生炒牛肉飯($58) 一般貨色...2 個人食左$198( 連埋加一),實在好唔扺!這裡的環境僅中下...很失望

今天下午一個人到處逛逛..悶悶的就到天樂tea 一tea...叫了下午茶之一的瑞士汁炒牛河...正...實在好吃..熱棘棘的炒河上有好味的瑞士汁....yeah~~~這裡的食物大部份也好吃的..最好的是即做的,會欣賞這份誠意~

也不知是對瑞士這個名字還是對瑞士汁與雞翼的親密關係有情意結在太平館(2006-02-23食評)吃過平平凡凡的瑞士雞翼後仍然躍躍欲試其他坊間的瑞士汁總覺得應該有更好的週五晚上閒逛至此先來一客牛尾湯湯不算濃配料卻甚多每啖也有牛尾和豆豆很不錯瑞士牛河瑞士汁比太平館濃少許但可能兜鑊仍是不夠始終覺得不夠入味牛肉好一點但不少河粉就黏在一起又沾不上汁莫非這才是"正宗"製法?縱使加上做得不俗的花奶jelly和凍飲兩大瑞士汁名店的招牌也是如此恐怕也毋須再試了吧?

There were a lot of restaurant on this street, finally we picked this one.The first impress about this restaurant was quite good, they were trying to offer varieties besides the typical dishes that would offer by others, e.g. 焗田螺，同梳乎里were on the menu. I ordered a mixed grill, then other ordered 豬髀飯, stew chicken on rice, and pork chop on rice. Something typical, then we ordered the Baked Alaska, and escargots. Saw quiet a lot of people ordered 瑞士汁炒牛河.First, about my mixed grill, pork chop, steak

上星期六行街賣野，肚仔有D餓行入天樂餐\廳食個TEA SET ，叫左個瑞汁牛河有杯餐\飲，個河粉食落好好味有夠熱汁唔太\"杰\"，但D侍應服務就麻麻由其有個女人好大聲罵人攪到好似大排檔...

同前面位仁兄一樣﹐要o左個包餐湯o既燒豬髀飯午餐($48)。餐湯要白湯﹐味道麻麻地﹐跟半個餐包都叫微暖。食後感覺亦一樣﹐就係豬髀薄片"鞋"﹐menu仲寫「馳名燒豬髀飯」﹐結果食完第一口已經唔係太有興趣finish....早知點隔離左右最多人點o既瑞士汁牛河啦﹗可能因為豬髀唔好食﹐就點多個甜品"刷牙"﹐係炸雪糕($35)。個外皮底部好快會"淋"﹐不過入面o既雪糕味道幾好﹐唔係行貨地vanilla朱古力strawberry之類﹐反而似係mixed berries o既味道﹐唔差.我覺得佢呢碟甜品除o左o的朱古力醬紋之外﹐應該係o甘意都加兩塊薄荷葉幾粒水果伴o下碟﹐感覺會精緻好多。宜家都係似港式茶餐廳。服務冇話好唔好﹐人多時段好繁忙﹐食物上桌時間都好快。冇人理﹐自顧自有o野就食。

一個要包餐湯的燒豬髀飯午餐($48)，另一個要只跟餐飲的咖喱雞飯($39)。餐湯要了牛尾湯，與跟湯的餐包轉頭便到。甜餐包只得半個，有點兒那個！牛尾湯則味道不錯，而且加了些薏米，頗合心意，不過「畢」來「畢」去也找不到牛尾。豬髀飯上桌，不是心想着帶些少肥而厚厚的豬髀肉，而是幾塊薄切的瘦肉片。肉質頗「鞋」，令人失望。咖喱雞飯反而幾好，咖喱汁滑而小辣。不過全用上雪藏雞髀仔，是為了省功夫？奶茶則最令我倆滿意，茶味濃而奶味足。雖然overall不算差，不過收這個價錢來看，還是應該選擇茶餐廳。

行經哩間食店，第一入去感覺地方比較窄，入埋我地兩個已經full晒．將個餐牌反轉又反轉，睇下食邊樣好．有餐湯：牛尾湯，羅宋湯，忌廉湯選擇或者生果沙律．阿M要沙律，甜酸雞球飯，酸左少少，雞球應該少ｄ粉，食食下好似係咕嚕豬肉咁．男友要牛尾湯，OK喇！瑞士汁炒牛河，甜甜地既汁，好好味！成碟清晒．．．後來一個甜品：黑加崙子jelly，麻麻地，好似飲緊咳藥水．餐飲：凍檸茶兩杯．

因為餐廳名字與本人真名相近，已多添幾分親切感，食物水準又特別合我男友胃口，令整體水平提高。試了甜心雞卷，皮夠脆，汁酸得有趣，耐人尋味。還有印度雞飯，黃薑味恰到好處，又是雞皮最好吃！環境嘈雜了少許，衛生頗佳，冷氣強勁，侍應服務及格，價錢在同區中算合理，值得一試。

7.15(六)放工之後要趕去聽talk,四點幾重未食lunch,朋友雖然食左野，仍然陪我坐低食Ｄ野叫左瑞士汁炒牛河set同蒜蓉多士set牛河賣相好核突，一batbat咁,可能D汁太"杰"，但味道食落都ｏｋ既，牛肉唔會好老，又入味至於個多士有六片，烘得夠”濃”足脆，蒜蓉味亦足，不過剩係食多士好似怪怪地，如果有D餡會好D下午茶時間黎食都ok～不過D位有D迫～

當天樂還在海塝時已有幫襯了, 但搬了鋪後吃過一次, 發現水準頗不如前, 也就沒有再去了, 今天來到銅鑼灣, 正不知吃什麼好, 走到這裡見不用等位, 便再給這裡一次機會了。一坐進去, 發現晚餐的選擇十分多, 有點花多眼亂之感, 好不容易才點了一個龍蝦汁海鮮意粉餐和一個法式羊膝煲, 餐湯都是要牛尾湯。牛尾湯不俗, 但喝到一半時發現了大概是「鋼絲刷」的碎片, 不算是嘔心, 但基於衛生理由也要求更換了, 換了兩個羅宋湯回來, 味道也是不錯的。龍蝦汁海鮮意粉先來到, 賣相很一般, 很茶餐廳feel, 水準也是茶餐廳feel, 比較失望。法式羊膝煲卻比想像中好, 熱騰騰的一大煲, 羊膝煮得很腍, 肉質嫩滑而又不失羊肉味, 汁的味道也很好, 很開胃, 送飯一流。飯後跟餐是有甜品的, 但老闆娘給我們免費轉了做這裡出名的疏乎里, 很香很滑又不太甜, 頗不錯。之後我還給老闆娘認出了....雖然尚算不錯, 但比之從前仍有一段距離....仍有點遺憾。

飯是吃得挺愉快的,但跟餐廳的食物及服務質素無關.昨日是Happy Friday,又出糧,一定要出街食慶祝下.我和友人本來都不認識此餐廳,食佢純粹因為有位,而且價錢比其他餐廳平一截.如果將之視為餐廳,這裡的環境僅中下,服務質素更差得過分,伙記們好像未訓醒一樣,印象中好像好久無遇過這樣的service.兩個人,各叫了一個set dinner,我叫的是一個什麼印度式的雞扒飯(唔記得左個菜名).黃飯偏乾,汁弄得不錯,整體尚算ok.餐湯選了羅宋湯,又真係幾好飲,叫人安慰.出於好奇,好想知焗梳乎厘是否此處的signature dish呢? 眼見好多食客都叫了一大個,兩個人share,睇落幾得意.

我公司在天樂附近,所以有時都會幫襯.對我而言,佢的食物味道同太平館相差不大,以價錢(銅鑼灣)比較便勝一籌,服務當然比太平館(d阿伯)好好多,佢銅鑼灣同灣仔都好出名!我見過Alan Tam成班去食lunch,蘇絲黃,連鍾楚紅都見過佢買外賣.我知道佢廚房師傅都係由太平館出另起爐灶的.所以d食物(梳乎里,乾炒牛河,瑞士汁雞亦)同太平館好似囉.

一行五人o係銅鑼灣聚會，o係太平館/南華/天樂之間揀，最後揀左天樂。原因？因為依度有位~　其中朋友好肚餓，一見到鐵板什扒餐($99)就雙眼發光；事實上佢份餐睇落真係唔錯(見圖)，見佢食得津津有味，我估味道都差唔去邊~ 我lunch太飽，無福消受扒餐，就為自己點份咖哩豬頸肉($64)，諗住香口d開胃d，結果...唔好食~ 每份套餐都有跟餐湯、餐飽、甜品(jelly)同飲品，當中除左餐飽好香軟，其他都一般過一般~ 　餐廳環境普通，不過可以坐好耐。我o地一餐飯食左兩個鐘，價錢又唔貴，係幾抵~　最後，想講一講有好多檯都叫焗疏乎厘。眼見佢好大隻好香，如果唔係過飽我都一定會叫一客~ 此為是夜唯一遺憾~