天樂餐廳 (已結業)

今日o係公司忙得好緊要…放左工想好好地食返餐安樂茶飯。朋友仔知我近日好想食薯蓉，提議去返Amy's Kitchen食石斑薯蓉。一去到都幾多人，要等左一陣先有位…坐o既位就真係唔係太舒服～不過環境都唔算係太差。我地叫左芝士石斑薯蓉同肉醬焗什菜盤。羅宋湯+餐包：個湯都幾「杰」；餐包係叮叮麵包！最初食又香又軟，食食下就變得un un地。芝士石斑薯蓉：石斑煎得好香，有好多西蘭花襯托。非常好食！薯蓉就咁食有少少淡，不過如果襯落ｄ石斑度就o岩o岩好。肉醬焗什菜盤(驚喜位！)：一黎到，我忍唔住：「嘩！薯蓉呀！！」原來佢都有薯蓉圍邊！！好開心～食完白汁薯蓉，再食埋紅汁薯蓉！哈～勁開心～個汁幾好味～不過ｄ菜出水…溝稀左個汁！（驚喜搭救！）什菜有西蘭花、西芹、青瓜、小棠菜（@@?），都算豐富～甜品本來係o者o厘，爭取之後變左雪糕。雖然唔係特別好味，但一定好食過o者o厘！可以靜靜地食餐飯，又食到自己想食o既野，非常滿足～！！

在附近上堂只得一個鐘午飯時間和友人商量過之後決定試下呢度個SET LUNCH我叫了個瑞士汁炒午河賣相真的麻麻D汁好"杰"味道比較咸價錢都OK但係下次都係去試下第二間好D

今日lunch time 同事三人，12:35 到，剛好有位不用等。點了: 1. 白菌雞扒(雞太老太un，不合格)2. 吉列石班沙律(ok，但個人不喜歡pre- mixed 的罐頭生果)3. 鐵板三文魚(不錯，但魚太salty，可能因為要配很淡口的意粉)餐湯不夠熱，但麵包ok，咖啡/ 奶茶都過得去。加上上菜快，以about $45- $60 (連加一) 一個set lunch 都叫不過不失。

昨天逛銅鑼灣，便來此吃下午茶，叫了個瑞士汁牛河，味道其實不錯，但如果同太平館比，當然略遜一籌，可是以28元這個價錢連飲品，那就差不多了。且汁和粉的分量剛好，沒有汁多粉少或粉多汁少的情況。

打開餐牌,同太平館真係好似男友點左炒牛河, 佢話份量夠,而且牛肉十分入味我點左扒原條龍利柳,有d失望,乾身且冇乜肉,個汁有d怪跟餐既鮮果沙律一d都唔鮮,但係又好遲先上另點左梳扶里,份量同味道同太平館冇得比,一個人都食得晒,似蛋糕多d不過,以價論貨,可以接受

個d瑞士汁超難食ar!!!!!!!得個甜字又勁"立" 口,都唔食係咪漿糊黎....d服務奇差....個waiter唔幫你落單......倒潟左水唔幫你不特止.....仲要彈開十尺...簡直垃圾

我試了瑞士汁雞翼，加一杯奶茶，tea time連加一$31，但我覺得雞翼一般，甜味太重，我都係鍾意普通鹵水雞翼多d。

瑞士汁雞翼...牛河餐..........+湯同一個菜同疏乎里~~~~兩個女仔食.......當然飽左d啦........雞翼同而隔離賣緊百幾蚊一客既質素差不多....不過個菜就淡而無味~~~牛河唔好味.....疏乎里.......我覺得好過隔離喎~~不過.... 價錢就合理過隔離果間好多囉~

前幾日黎食下午茶，諗都唔諗叫左個瑞士汁牛河，當然係比較下同太平館有咩分別。價錢真係平，廿八蚊一碟牛河包野飲，下午茶咁既份量都幾大，食量唔大既可以當係正餐咁食添。牛河比太平館味道淡，太平館果ｄ一黎勁多瑞士汁係底，呢度冇，但依然好味。不過跟餐既凍檸茶就唔得，勁淡，好似冇落糖漿咁，唔知係咪等ｄ客自己落糖。環境當然同太平館冇得比，但係咁既價錢食到咁既質素，都算係咁啦。

叫個香草汁三文魚意粉, 個汁煮得唔錯, 成碟意粉食晒, 都唔細碟, 三文魚好大塊, 唔肥, 好好味! 食完個餐仲有車厘食. 不過環境就麻麻, 我座個位好似僭建.

太平館的瑞士雞翼十分聞名、瑞士汁炒牛河也很出名；這裏的廚由太平館出來，食物質素都極相同，但平成半！不過試過他們的梳乎厘，就唔太得，死死實實的。講時講，我覺得同類型的餐\廳中，紅螞蟻的梳乎厘又真係幾得噃，不妨試下！（推介薑汁)

在西環開分店一段時候, 豉油牛河好入味,雞翼也好味,午晚都有套餐,真係幾抵,連個喱都好認真.希望唔好跌watt啦.

先講講題外話, 今日本來想去新開張的"笑笑居樂屋", 但原來我再一次低估左香港人對日本菜的狂熱程度. 我在正午十二點(開十二點)前去到笑笑居樂屋, 已大排長龍, 二十分鐘後只行前兩三步. 再等下去, 恐怕一點後都未有得食, 於是便改到天樂餐廳. 不知是否受到笑笑居樂屋影響, 在天樂餐廳旁的峰壽司, 平日大排長龍, 但今日的人龍短了很多. 想試峰壽司的朋友, 或許現在是適當時機.講返正題, 今次係我第三次到天樂餐廳, 叫左瑞汁牛河, 生炒牛肉飯, 瑞士雞翼, 田螺同焗雪山. 我就十分喜歡瑞汁牛河, 生炒牛肉飯同焗雪山, 很很很快便吃完. 瑞士雞翼同田螺也不俗. 埋單$270, 平均$90一位, 算抵食.

上個月裝修左幾日,開頭以為佢執左,幾驚呀!話晒瑞士汁牛河,瑞士汁雞翼同梳乎里O係隔離幾間鋪貴三四成架!我覺得兩間鋪的味道唔係差好遠,兩間都好好味.但係天樂lunch set 瑞士汁牛河,有埋湯,飲品都係卅幾蚊,好抵食嘛!夜晚食齊瑞士汁牛河,瑞士汁雞翼同梳乎里,都係200有找,正!不過D位真係幾迫下,仲以為佢裝修完會好D,點之都係一樣,都唔知佢裝左D乜野!

I went there yesterday with my friend. We ordered 2 tea sets. One was "Marinade (swiss sauce) chicken wings" and the other was "Singapore Chow rice noodles". My comments:1) Chicken wings (OK!)2) Rice noodles (I felt that was better than chicken wings. not too oily!)