天天海南雞飯 (新城市廣場三期)

营业中

休息中

早前係沙田開咗新嘅餐廳，🤟🏻於是就過嚟試吓食🥳🥳。今次帶咗半隻海南雞！同出面嘅海南雞唔同，非常之香滑可口！👍👍跟住叫咗份醉雞三寶👍👍！！！！！！個醉雞非常之好食😋！價錢方面就尚可。整體來說不錯👍

見好似都多人排，又新開張，又講到自己米芝蓮，裝修又抄太二，就試下啦。嘩，難食到印象深刻。D雞好hi, 佢淋上個好腥既茨汁扮到佢好滑，咪玩啦，當人未食過雞？ 最難忘係個雞3寶，雞肝又腥又有血水，好似白烚唔熟咁，餐具有洗唔乾淨既口水味，想問侍應拎杯水洗下餐具，佢話清水要收錢，即使洗餐具都要。ok，永不回頭，新城市廣場入面最難食都應該係哩間，請我都唔會返去食，腥到我怕左食雞幾日，openrice多年來一直次寫食評，為哩間腥味雞破戒。

剛剛去光顧貴餐廳丶帶位員服務態度惡劣丶食物味道欠佳丶由其是文昌雞丶肉質冇色丶雞肉帶腥味丶我試過丶以後不會再光顧丶另外丶個椰子雞湯材料甚少丶湯水又少，價錢太貴丶只有個油飯尚算可以接受！

哇見新開張，好多人排隊喔，就入來試下叫了個海南雞飯： 雞胸肉，又唔滑，茶餐廳嘅海南雞先幾十蚊，佢收百幾蚊。由叫了肉骨茶麵餐：個湯一啲肉骨茶味都冇！叫加杯水飲下，原來要人頭計9蚊位完全不值得曬錢來吃

一直都有openrice account 但真係第一次要寫差評，平時見呢間野要排隊，一直都想試下，今日難得放假又早左見到無人排隊就試下，3人叫左海南雞飯，牛腩牛筋飯，豬肉撈麵(相片係好睇吾好食).海南雞飯$108 份量少，雞普通好似白切雞咁，佢嗰三隻醬汁都係普通，食落完全冇驚喜。吾值過百元。牛腩牛筋飯就係似平時茶餐廳質素，$118套餐，牛腩牛筋都大大件，無切細，又油，牛腩牛筋飯用石鍋上，一d都唔熱，只係一個裝飾，我期待嘅係上菜嗰陣熱辣辣，茲茲聲，但實際嘅係完全相反。撈麵非常鹹、濃味，食吾到鹹就吾好點呢個，而且麵質比較韌，食極都唔斷，仲衰過蠔油撈麵。另外叫左奶茶，凍檸茶，已經叫左少甜，都成杯糖水咁，已經叫佢換過一杯，但仍然係咁，奶茶已經預先落咗煉奶，飲入口都係勁甜，最後寧願飲熱水。佢有兩款例湯，豬骨同雞湯，都係好冇誠意，飲落都係雞粉開水。唯一一讚係男侍應態度熱心，幫我換左杯飲品，都會跟進o吾ok.絕對係無下次了。

超級愛食海南雞嘅我，今次嚟到沙田新開嘅天天海南雞分店。 💛天天海南雞飯+小食套餐 油雞飯超級香，粒粒分明。 好耐無食過咁入味嘅油雞飯 。讚讚讚👍🏻雞就無想像中咁滑， 不過不失。 佢跟埋個雞汁幾特別，其他鋪頭都係俾個3 色汁你點。 天天就跟埋獨門雞汁，唔錯，有驚喜。 另外好想講佢個雞湯。 真係嚇死人。 唔可以用湯黎形容。 我會叫佢做雞水。🤦🏻‍♀️ 仲有小食同一隻蛋。賣相恐怖到我影唔落手🤦🏻‍♀️💛老街坊牛腩牛筋麵哩個都幾有驚喜。牛腩牛筋軟硬度適中，麵彈牙，好入味。出符意料之外👍🏻 💛五十代奶茶 係奶味重嘅奶茶，又不失茶香，我個人鐘意奶味重啲嘅奶茶😉，哩杯正合我口味 總括價錢唔算合家歡，以過江龍黎講都算係合理。我絕對會再食，不過碗雞水就免了🤭

聽講天天海南雞的食物質素不錯，今天特登出來試食。衛生: 在政府限聚令期間，餐廳衛生環境不錯，所有員工都有戴手套，但有待改善的是，員工不斷用戴着手套的雙手調整口罩的位置，期間不斷接觸口罩的表面，把口罩上的細菌沾上雙手，然後隨即出餐，可見員工衛生意識較差。出餐: 出餐速度一般。整個餐不是一次過上，先上主菜，過了一段時間才上前菜和小食，令客人疑惑套餐是否上齊，不夠細心。味道: 整體食物送上時已冷卻1. 海南雞飯: 味道一般，雞沒有雞味，雞肉鞋口，像白恰雞肉，醬料還好，雞油飯送上時已冷卻而且變硬，實在令人失望！ 2. 嫩雞麵: 面完全沒有味道，而且得兩塊鞋颯颯的雞塊，相信在家中自己煮會比這裏吃的更出色。3. 豬軟骨蘿蔔撈麵: 撈麵有味道，還好。4: 牛筋牛腩石鍋飯: 牛筋和牛腩入味軟淋，非常出色。👍🏻茶介: 跟餐沒有飲品，令人憤怒的是要加一之餘，茶介（清水）竟然要收每位$9，實在太離譜，令人十分反感！！！😡其他: 碗筷洗得不夠乾淨，餐具有明顯裂痕。lunch set 價格極高，食物質素整體低，可以説性價比極低，我相信試一次已足夠，以後不會再來。

2020年01月30日約左朋友係沙田食晚飯。行左好耐。都唔知食咩好。最後見到有間新開既天天海南雞。就決定同朋友一齊試一試佢。因為佢新開。都幾多人試佢。我地都等左一陣間位先入到去。佢名都叫天天海南雞。當然要叫個海南雞食啦。個海南雞又真係唔錯喎！可以再黎食佢！個飯都好香。呢個對我黎講有啲辣。不過都算唔錯。最吸引都係個個海南雞！真係一流。又夠滑。又冇骨。又夠香又好食。如果大家經過沙田。都可以黎試下佢！真係好正！

唔明喎⋯⋯又話係新加坡好出名，點解唔係我想像中咁好食？————————唔知係因為d雞冇油脂，定係因為老，食落好鞋，好似食緊雞胸肉咁。仲要話d雞係冇雞腥味，我想講係雞味都冇！😑d雞皮又唔知去左邊，雞汁都唔係好濃...不過佢個秘製辣醬係幾好食既。幾香雞油味，飯粒粒分明，軟硬適中，唔錯👍🏻酒味好重，唔鍾意酒既可能唔鍾意，不過幾入味，好爽口唔知d和牛係邊🧐牛筋同粉絲幾淋幾入味，但個湯既肉骨茶味好淡，得鹹味，鹹到有腎病！不如改名叫做牛肉粉絲煲算啦😪點餐既時候侍應都有講聲係羊肉，但我冇估到係咁大陣騷味，真係頂唔順

經過門口想試下新野，試下个海南雞要set lunch, $58,冇飲品, 比碗味精水你飲，之後來到d雞少而冇乜特別，d飯暖，飲完味精水問取杯清水，話要收茶介，心唸水者，駛吾駛甘慳皮，算啦，食一次夠了，加埋一不值得

最近行經沙田新城市廣場三期，剛裝修完的商場，多了很多新餐廳，午餐時段便選擇了之前在銅鑼灣吃過幾次的天天海南雞飯～.不免俗一定要吃一份海南雞飯，海南雞的肉一如往常的軟嫩，搭配醬料提味，最喜歡還是越嚼越香的雞油米飯，簡簡單單就能令人滿足的口味！.另外點了一碗叻沙，湯頭濃郁料足，可惜稍微偏油，跟想像中不一樣的是一夾發現麵條竟是粉絲，還沒吃到一半湯已經被粉絲吸了大半，無法細細品嚐湯頭稍嫌失望，正值午餐時段餐廳太過繁忙，我們亦趕著用餐，便未詢問店員，算是美中不足的部分，整體而言口味還是可以一試的！

香港係美食天堂，怎麽會被負九流食物入侵，疫情期出去晚飯都叫揾命博呀，海南雞主打差到沒有更差，但價錢係唔平$208半隻，不包飯，另加石窩飯又四十幾蚊，D飯係微暖，即係用石窩裝D飯咁囉，石窩的確令人誤會韓式，不過都比D熱飯呀，其他食物唔再多講啦，總括唔去係對自己最大既幸運。

一直都好想試這間餐廳，終於在沙田新城市開了分店，所以便試試。餐廳座位很多，以開放式設計。每位入座的客人都要在門口位置先量體溫!我們趕得及下午落場前來吃!天天海南雞飯，雞的份量唔算好多，雞肉嫩滑，附有海南雞的醬汁，如果可以份量多少少會較好。飯是雞油飯，有點硬身。附有小食煙燻蛋，蛋黃是流心的，味道都不錯!另外還有清雞湯，很清甜，還帶有少少胡椒味!花膠雞粥配炒麵，雞粥很鮮甜，內裡有不是嫩滑的雞件而且沒有骨，花膠份量都幾多，不過沒有味道!炒麵份量剛剛好，上面有乾蔥，帶出炒麵的味道!辣汁鳳爪，鳳爪是無骨鳳爪，辣汁慢慢變辣，整體味道麻麻!美祿朱古力奶，味道很淡，像喝水般，如有多些美祿粉會更好飲!可能當天太多人和餐廳剛開不久味道一般，希望日後有改善!

今日經過沙田新城市三期，見已完成裝修有新面貌。疫情關係，老公建議搵些比較坐得舒服而且不太多人的餐廳午餐。天天海南雞飯門面非常亮眼，門口見大大隻雞超人模型。午餐價錢尚算合理便入去試試！門口時應先替客人探熱和噴洗手液，感覺衛生！出餐：等待差不多15分鐘才上兩個海南雞飯和一個燒雞飯。套餐其實包括一碗餐湯，不知原因為什麼不是跟餐上，結果追了三次單才有。食物質素：這間分店的海南雞實在比較遜色，海南雞算是啖啖肉但份量可以，但沒有雞味，一尾只吃到醬汁鹹鹹的，完全掩蓋雞味！雞油飯不油、不熱，亦不感有雞香。失望！跟餐的雞湯，只有蔥花幾粒，味道淡淡的！反而較出色的是另加$18恐龍美祿，味道濃郁！但奇怪的是飲管長度與杯不配！想點先？茶介：餐紙上顯示茶介每位$9，奇怪店員沒有主動奉上茶水，經詢問下原來食客要求需要茶水才會收費，即使不喝茶要一杯水也要收$9！這是合理的收費嗎？飲杯水都要收＄9？呢個咩世界？令人有點反感！！！

海南雞又蟹又苦雞油飯又硬又凍好難食以後唔會再去食名大於實食物質素超差仲要收茶錢離晒譜碟碟細細碟，價錢又貴都唔明點解咁多人會去返隊食呢間咁嘅嘢😵😵😵😵😵😵😵