天天海南雞飯 (新城市廣場三期)

营业中

休息中

疫情後初嘗米之蓮海南雞- 天天。終於等到解禁，可以同老公去撐枱腳。他說要同我去食好西。果然係名不虛傳。 雖然係疫情，但係都坐無空虛𥱊，捧場客依然。 餐牌有如一本雜誌，頁頁精彩。 我地最後點了二人餐加一款小食。 頭盤蟲草花拌- 感覺養生又清涼。彈牙蟲草花配上香脆萵苣絲。中間滲出淡淡的芥末醬味但又沒有一絲攻鼻感。 蜜瓜螺頭湯- 新穎配搭火喉十足，這絕對不是味精湯，因為完全沒有口喝的感覺。濃郁的螺頭味道及蜜瓜的香甜相得益彰。 喜歡燉湯的人可以一試。 新加坡最hit的鹹蛋黃味- 雞軟骨。味道幾得意。終於到主角-天天海南雞，值得留意如果單點飯係要另外再點的。 套餐就包左這碟海南雞真是不得了。看得出的滑，入口非常鮮嫩。怪唔之得疫情下還是捧場客不絕。未能身處獅城，仍能品嘗到正宗口味。最驚喜是那辣醬，簡直係畫龍點晴之作。這與一般海南雞辣醬不同之處，在於香茅的香氣和特別的辣椒刺激感。這是這店特有的，一試難忘。 油飯就水準之作。賣點油香而不油膩。份量十足，男士多吃一點非常飽足。甜品花好月圓-特色豆花= 豆味+奶味布丁。正就正在豆味同奶味好平均，互相補足而不會搶味。入口滑滑凍凍的，為這天劃上完美句號。

差不多每日都會去幫襯 實在太好味 食都食唔厭 之前係新加坡食就已經好中意！宜家香港都有得食真係太開心啦！Excellent looking ahead and look broad your people Hong Kong Chicken rice.Best chicken rice in Hong Kong.The food is really good !!! Authentic chicken rice and chilli 鹽磚和牛、小炒王好惹味豆腐香囗環境優雅飲品好喝！小孩很愛！讚👍！多元化，聚會好多選擇，家人朋友都好喜歡揀佢地既餐廳🍴餐廳氣氛同價錢適合 可以做會員有豆腐花送服務態度超水準👍👍食物都好好味 龍蝦和豆腐花都超正😋😋整體：9分 差一分係進步空間

以前出差在新加坡吃過，味道很好。現在在香港，味道還是那個味道，就是用餐環境比新加坡的會好很多，除了海南雞飯，其他的菜弍也不錯。他們的超好肉骨茶麺，做的很好，肥而不膩，色香味俱全。海南雞飯不用説👍🏻。味道很香和不肥膩。醬汁好味，特別橙色個款。雞肉超滑，初初見好白，以為會好淡味，其實吃落好香，加上醬汁味道又上一層次。雞胸位置，也不會鞋。下次一定要試吓其他菜式，超好麵和老街坊。因為侍應話全部品牌都係新加坡🇸🇬米芝連推介。其待下次與多些朋友一齊去🙏🏻🙏🏻🙏🏻

一個人突然放工,天氣又鬼死咁熱，好想食啲雞，行過見到米芝蓮推介的天天海南雞，就不妨入去試吓。疫情到舖頭難得發現沒排隊， 例牌探過熱，佢哋都好體貼比個紙袋裝口罩廢話唔多講， 直接講主角「天天海南雞」招牌嘢 例牌雞都非常足夠.一個人非常之夠底是青瓜墊底 兩個人就點半隻啦雞飯另外上 食完你哋可能覺得個飯先係主角三色醬幾好， 個醬幾特別口乾叫咗杯 年代奶茶正茶有茶味。個人最喜歡個甜品 特色豆腐花，布丁口感 ，似飲豆漿，非常易入口總體體驗不錯,擺設及裝修都幾好， 係附近都可以過去試試

正宗星洲口味，海南雞滑，脆腩、菜花雙炒、雞油飯值得一推，有水準，會再幫襯 食物有水準地方環境優美嚟香港都可以食到咁好味嘅海南雞飯值得推介 海南雞的雞肉嫩滑有雞味。酱料微辣惹味，我不吃辣也能接受。海南雞飯套餐附送的雞湯鮮甜，有陣陣的雞香，應是用雞骨烹調而成。這個海南雞飯是我吃過最好吃的海南雞飯! Excellent .... exactly the same as the one in Singapore

今日同男友來到新城市，因其他餐廳太多人要等位，所以最後選擇左一間唔洗等位既餐廳。叫左個天天海南雞飯同豬手花膠麵。$108蚊海南雞俾雞胸唔緊要，鞋到爆同自己烚差唔多，d汁就ok,跟碗湯，似洗鍋水，雞蛋好食。豬手勁淡，麵勁咸勁重色，花膠好cheap好難食。總知唔會再幫襯🤮

老襯，做一次就夠了！性價比超級低!$138 肉骨茶好似茶餐廳米線咁，垃圾級別，冇藥材味... 叫凍飲少甜居然話冇得少甜，冲定㗎喎! 真係不知所謂，茶餐廳不如，一早知係咁我去食二哥好過。

第一次黎食，見新開甘耐都冇幫襯過，特登試一試，海南雞比想像中好味，啲醬汁特別。燉湯出色，油飯香，豬軟骨整得味濃，但份量就略為少，黃金蝦size比較細，環境可以，但價錢就略為貴。

浪費左人生中嘅一餐半年之前食過葵興分店$69午餐set，以為水準差唔多沙田鋪租貴我明，但晚飯冇海南雞飯set換來$268半隻雞係過分得緊要小菜份量只夠最多兩個人石鍋油飯都可以唔熱先係最高境界。三個人叫咗三碟就算唔飽都唔再加單，伏多一蚊都嫌比多。全店四五個侍應只有兩個有正常視力見到客人舉手，其他視而不見而且黑口黑面可以理解隔離春水堂要排半個鐘而米芝連就只需等兩張飛。辛苦經營多年過江龍又係衰收尾。

今日行經新城市廣場，十分肚餓，見到該店有多人光顧，又看見寫著有米芝蓮推介，就決定試試。下午兩時多，等了大約5分鐘便可入座。一開始坐低後，店員亦隨即送上餐牌。店舖環境尚算寛落，坐得幾舒服。之後點餐就開始浮現問題了。店員數目唔算少，但點餐舉手一直冇人幫忙。店員們都在執枱，好似看不見顧客需要幫忙，效率極低，一張四人枱甚至出動兩個員工收拾。等待的期間還發現店員竟然把客人埋單的信用卡掉在地下都不知道！食物送到後，我們催促了3次先把碗仔送過來。我們點了半隻海南雞($268)+($32)套餐同肉骨茶面餐($128)。首先肉骨茶面套餐(忘記拍照）附上的燻蛋水準正常，雞油湯就非常油膩，一般。雲耳酸酸辣辣，味道不錯，但是肉骨茶面的湯淡而無味，完全及不上新加坡的水準！反而排骨比較好一點。接着的半隻海南雞加油飯套餐以這個海南雞的價格同味道絕對不成正比！雖然雞的口感十分嫩滑，但冇乜雞味！這個價錢可以在街市買一隻新鮮雞自己烹調。沒想到最有驚喜的居然是秘制辣醬同油飯。辣醬十分惹味，配合油飯味道唔錯。總括而然，無論價錢、食物水準同服務都是不合格的，還要加一。我想這間店鋪應該很難再有回頭客！食完之後，已經感覺到這間店鋪

之前提過隔離嗰間可叫埋呢間嘅食物, 原來同老闆. 由於突然多咗間選擇,見呢間嘅餐牌都好多款食物,最後我哋揀咗喇沙脆腩.賣相幾好,當晚上碟有8件. 炸粉厚咗啲,不過夠脆. 腩件夠”林”,不過肥咗啲. 點唔點醬都差不多,因為牛味本身已夠香濃.2個人食呢道菜都幾”漏”,食多幾件已有飽感.由於細項評分必須填寫，所以 "環境" , "服務" & "衛生" 之評分是給予當時身處之食肆。

#天天海南雞飯套餐 🐥 ($108)來自星加坡 #過江龍 既天天唔經唔覺係香港開左3間分店🥳 香港食既價錢當然比星加坡貴😓 而且雞既份量亦不多🤔 套餐包前菜、溏心蛋、湯同飯🍚 #海南雞 肉質都算嫩滑👍🏻 起哂骨食落好方便✌🏻 但雞味不算濃帶點雪藏味🐥 比起星加坡☝🏻呢度既甜醬油亦比較杰身🤔 油飯就正正常常🍚#老街坊豬手花膠撈麵 🐷 ($98)反而呢碗豬手撈麵有啲驚喜😎 豬手同花膠都炆得淋身🐷 而且煮得幾入味😋 配埋撈麵好惹味🤤

同新加坡既天天比 質素差幾百倍 回水肉骨茶 無藥味 胡椒溝水海南雞 梅既d肉 直頭違反商品條例 ...東山羊 完全無味難食 又貴極度中伏其實點解一個海南雞可以整得咁難食又好意思收得咁鬼價錢香港是但搵一間海南雞都好食過佢又凍又鞋仲好意思大大個廣告話自己啲雞好滑直頭要求要賠償情感創傷比米芝連一星嗰個人係咪食錯藥

明星效應過大，$500晚市2人套餐問題1: 叫套餐 任何前菜同熱食未到，即先上甜品問題2: 跟職員投訴，收走甜品，2分鐘後再上甜品問題3: 石頭窩飯，窩不熱可雙手拎起，飯只有微暖問題4: 向職員了解石頭窩飯是否熱上，職員回覆室溫上問題5: 熱湯味道淡，完全食唔出食材味道問題6: 前菜 wasabi醬撈唔勻 1啖無 1啖有咁個窩上黎做咩？誤導食客?成餐得2樣野係熱到出煙 : 熱茶同熱湯失望。完全無誠意。職員欠缺應有服務水準。埋單仲有$18茶芥。無下次喇。

一路都聽過天天海南雞好出名 每次經過沙田都見好多人排隊拎飛 今次我地就試下 排左20分鐘話入得 入到去見到個文昌雞好似吾錯咁 諗住嗌 點知賣哂 咁就轉嗌個海南雞套餐 點知個甜品豆腐花又賣哂 對另一款又無興趣 ⭐️建議如果係一早就沽清 應該一早同客人講定 因為客人係等位期間已經諗定食乜 佢地入座時間只有一小時 最後我地只有嗌左一客海南雞 一客油飯同一杯恐龍豆腐花飲品 食物無特別 無話特別既好食 不致於要排隊黎食 反而杯飲品有驚喜 員工既人手好不足 我見隔離枱佢地order完餸 後 等到餸到再叫個位waiter order個飯 又要吹單最後等左15分鐘先到 隔離枱客人感到表示不滿向我地大呻另外每位再要加多9蚊茶位 我覺得一嘗就夠了