天天海南雞飯 (新城市廣場三期)

营业中

休息中

1. 問佢攞杯水，佢話收$9。攞去水洗下野咋喎，侍應話「好啦，下次就唔可以㗎啦」2. 問侍應兩個湯仲未到，佢好惡咁樣訓導我哋 「得啦，話咗比佢哋知啦！好冇！」3. 兩個湯嚟到，唔同樣嘅，佢話一個豬骨湯一個雞湯，由頭到尾冇人問我要咩湯！其實啲職員有冇訓練過？4. 個雞油飯好乾，啲飯好硬，啲雞好鞋！

寫呢篇野之前,希望貴店管理層能夠睇到為何咁多負評喺你哋餐廳!未必無因!今日嚟到呢間餐廳, 簡直嘆為觀止!!從來冇試過會寫篇食評寫得咁差!!!等位等左一陣好快有得入.帶位我哋入座,坐好比餐牌我哋. (過程中沒有同我哋說明要幾多點還枱)我哋即管試吓佢哋嘅出品,睇吓有幾米芝蓮🤔我哋叫咗雞油飯,你哋用石頭鍋出,牌面感覺好熱辣辣.點知得個樣唔好扮熱啦!!根本就係冷飯!印象分即刻減!咁就咪鬼用石頭鍋出啦!廚房要檢討下囉.....唔係求其(畢)d飯落去石頭鍋當係兜飯好熱,出品要快唔係咁樣樣㗎!唔該有返一啲專業!我哋叫咗佢哋海南雞...哇呢個簡直係味精雞! 夠膽說係招牌菜?佢哋肉骨茶,大佬肉骨茶餐牌上邊冇話胡椒湯底. 如果係胡椒豬肚湯底,應該寫落餐牌裏面!我哋張枱及隔離張枱分別都問女侍應,係唔係黎錯湯?我哋飲開肉骨茶,喺新加波飲嘅唔會係依種味道!我好相信佢哋樓面每一日都會同客解釋一個問題!!麻辣雞翼,廚師知唔知什麼係麻辣! 真係唔知佢煮啲乜嘢出嚟?酸菜魚, 你哋個廚房究竟係唔係好遠?酸菜魚唔夠熱?一杯咖啡建議正常溫度60至70度,連杯咖啡都不如!我估最多20度.個湯係暖!!!我食咗全晚最穩陣竟然係鹹蛋

千祈千祈唔好比所謂嘅「新加坡米芝蓮」欺騙呀！！！ 從來都唔寫comment, 但係天天實在太過份啦，唔寫唔得！個古法肉骨茶完全唔係正常個d肉骨茶，完全無湯底可言，好似白灼咁。問個waitress，佢竟然話佢哋嘅係「胡椒底」🙄🙄🙄🙄🙄🙄🙄 唔係嘛 Are you kidding me?!? 真係胡椒底，做咩唔寫清楚，用「古法」來欺騙人呀？但係，就算真係胡椒底，都係偷工減料，因為完！全！無！胡！椒！味！但係價錢一d都唔平，超級過份！一分錢唔該比番一分貨啦 🤬🤬 希望唔好再有人比佢ark 😤

海南雞好鞋完全唔想食 然後個海南雞汁同個海南雞飯完全唔夾 仲話自己係米芝蓮咁嘅價錢不如我去其他餐廳食 完全唔好味千祈唔好食 要食應該就去新加坡食 真係唔值得去食 啲配菜又唔好食 總之一個字真係好伏

人生第一篇食評獻俾新城市新開呢間新加坡海南雞餐廳。平日十二點去到吾算多人，疫情期間要我同人搭枱但又冇圍板。叫咗個招牌海南雞飯，雞肉好柴冇雞味，全靠醬料調味。送咗碗湯有D咸想要杯水，竟然同我講要水嘅話要收番九蚊茶芥？我又吾係要一壺茶，本身落單有order嘢飲但tap water都要收費？招牌咖啡有陣中藥味，但應該係佢特色係我吾識欣賞。一百蚊沙田食lunch有好多選擇呢間試完冇下次。天天海南雞食物質素同服務都吾ok,食完出面已經開始排隊，真係咩都有人肯食。

首先吃之前沒有看過食評，抱住試下的心態試一下，侍應帶我們二人坐下立即說，用餐時間一小時，令人驚訝！由點餐到上菜差不多20分鐘，來了鳳爪，有啲汁，賣相一般，果然食落更一般，沒有啤夠水，充滿雪藏味道。套餐有個湯，唔想有賢病千其唔好飲，涼拌雲耳、一般，三個汁正常，到海南雞飯，飯份量似兒童餐，雞……來說失望極了，來的是雞胸，其實海南雞出名雞胸也好像雞脾咁滑，但呢個雞胸鞋過亞婆啲腳皮，而且一點雞味也沒有，和鳳爪啲汁一樣，而且飲杯水也要9蚊，食完埋單約210元，口渴到不得了，不值這個價錢

未到12點一坐低，就要面對一個態度差無禮貌嘅黑衫男經理，自己又唔係服務好，又當眾鬧啲細，搞到成間舖職員啲氣氛都好差，個個比佢話到驚驚青青咁。我叫咗個海南雞飯 同 一杯豆花咖啡，等咗成3，4個字先上飯，都唔多like，因為間嘢當時客唔多！頂佢個掣啲飯干爭爭又唔熱，仲要少到bb飯咁少，都算，個黑色醬傑到麥芽糖咁，可以拉到絲想點，唯有點另外兩個薑容同辣汁啦。 食到咁上下問個黑衫我杯咖啡呢，佢話嚟緊，食完成個飯都係無嚟，最後取消埋單。超失望！又要收得貴，又要做得廢！ 絕對影響新加玻間原裝舖既聲譽！！

初初見到天天海南雞打著新加坡過江龍旗號，諗住試吓沙田有啲餐廳啦點知一睇餐牌，價錢都幾貴，我哋兩人本身想食海南雞飯，點知晚餐餐牌只有散叫雞、和油飯，而不是我哋食開嘅碟頭飯點了海南雞例牌$158面頭有啲獻汁，成個賣相即刻打晒折扣，本來見佢咁出名海南雞，心想啲雞一定好正啦，點知雞肉鞋口，冇雞味，好失望，份量又少石窩雞油飯$48更加搵笨實$48一小窩得果兩碗，飯又硬又冇油香，完全唔夾個海南雞。綜合講句性價比低，可一不可再

心血來潮去試下係咪真係咁好食，一個二人餐再另外叫咗個酸菜石斑，埋單560幾，真係當香港人傻嘅。首先介紹下馳名難食海南雞，面頭一堆芡汁去掩蓋個口感，本身啲雞肉已經霉，無雞味，香港求其一間茶餐廳例牌海南雞飯個雞都好食過佢，仲好意思收160？老實講，除咗海南雞，其他菜都特別，例如酸菜石斑都係OK好食最後，唔會有下次，當香港人傻嘅，160食隻爛雞，油飯又唔香，另外佢新加坡本地個間其實都係一般到唔一般，大家唔好去食。

自己一人堂食午餐，預早些來12:00到、仕應話有位，但用餐時間一小時，心諗自己一人食完都走，因為很想回味當年去新加坡食天天海南雞，點知就中伏，坐下來叫杯水喝，點知仕應話「九蚊一杯水㗎，叫嘢飲啦，加18蚊」算啦忍你，為了天天海南雞 好味就無所謂叫左一個正常海南雞飯，黎度雞皮的確薄薄的但肉乾凈淨，又無味，三種醬汁又難食，點同吾點都沒有分別，非常難食的雞，就算冰鮮雞 都可以整到好好味，仲要係天天海南雞，唔通新加坡天天海南雞黎度香港變質了！D仕應服務態度都可以忍，為左想食美味海南雞、真系希望越大失望越大，怪不得環顧四周，都吾見人食海南雞、個個都食其他食物。真的下次不會再幫襯這間香港版新加坡天天海南雞🥺。

先抱歉其實就唔係好關天天事，但檔野係乜嘢美食聯盟其中一間，但大招牌同開飯都係標示天天咁無辦法勒，今次講嘅係。超好麵我叫嘅係午餐set 嘅超好味肉骨茶湯麵餐$98+10%我食咗甘多年肉骨茶，可能仲有啲孤陋寡聞，講到拎獎甘厲害，黎到一試.....嗯冇味嘅？！我味覺有問題？！係真似水加鹽喎似乜呢似燒味檔唔夠味嘅味水，以經唔係講胡椒一派定药材一派....係水！骨無味，茶(湯)無味，其他配料唔洗講。仲有係你配圖係粗麵但黎到係幼麵，仲要答我係呀我地係幼麵....果然圖片只供參考。依次我大意。唔講個麵淨係講個湯都唔合格，點解仲會拎車呔？$98 仲加壹唔係貴但唔係表示可以食D咁無心做嘅嘢！過去後面食蛇女 好過🤬🤬🤬🤬🤬

同屋企人食飯，二大一細，行到新城市第三期，見到新開幾間餐廳，這一間特別多人等，於是便排隊試下。睇睇下原來先知，依度係米芝連餐廳，香港餐廳老闆仲要將新加坡幾間出名品牌餐廳mix埋一齊，等香港人多d選擇🤭。餐廳裝修幾特別，冷色糸，ooen area，坐落都舒服嘅。我地叫左：招牌海南雞：雞肉超級嫩滑😳，質感第二度食唔到！配埋三種不同醬汁，好好味，果然配得起米芝蓮級數！蒜泥豚肉：(冷盤)配個特色辣醬，非常惹味。魚仔菜苗：唔係好記得個名，正常野，新鮮疏菜咁雞油飯：淡淡清香味雞油，正，我地好快食晒😂豆花咖啡：咖啡味算幾濃，但香味不足，但配埋豆腐花個口感係幾特別。埋單總共5百幾，平一定唔係架啦，但係幾有質素，個menu仲有好多野想試，會再來的🤤

工作關係成日都會去新加坡，天天、文華、文東記、全部都食過。幾個月因為疫情留喺香港，今日喺沙田見到天天雞飯，就坐低諗住食返新加坡嘅味道。侍應帶咗我哋去蛇王芬嗰邊坐，原來都係同一間嚟。叫咗一個雞飯同一個喇沙套餐，但留意套餐嘢飲都係要加錢嘅哈哈🤨然後坐咗20分鐘左右水都冇一杯，冇人理我哋。咁枱面呢個黐住啲毛嘅水壺係做乜嘅呢？原來應該係要食蛇王芬先至有茶嘅？！25分鐘左右，喇沙到！飲啖湯，味道係正常嘅，不過就唔夠熱！可能因為嘢食要喺另一邊廚房用餐車推出嚟，侍應好似仲拎錯咗過去天天嗰邊！因為之後黑T經理就鬧佢啦，大大聲話佢瞓醒未！食一隻花甲，又硬又臭完全唔新鮮。蝦呢就係霉既，肉質鬆散，冇蝦殼嗰啲雪藏蝦都好食過佢！炸豆卜又有油益味！然後到啲粉絲啦，完全黐實一大舊？！$108一個你俾啲咁樣嘅嘢我？之後雞飯終於到啦，明明唔係叫佢嘅輕量版，成$78但個正常版都成個兒童餐咁樣。雞好老都算啦，因為海南雞飯最重點係個飯，要加$5嘅油飯，仲硬過隔夜飯！仲要係完全唔夠熱！海南雞本身就係室溫，所以個飯一定要夠熱先至好食㗎嘛！乜事呀而家！我用電飯煲煮鹹雞飯都好食過呢個飯多多聲囉！問黑色衫經理想要2杯暖水，澎一聲放杯水

我食嘅係三人套餐：油飯：都唔錯🥴和牛：好硬🤭好難咬😕豆腐花：味道唔錯😜用豆漿整😂木瓜燉燕窩：有中藥🌿冰鎮白玉：唔太好食☹️～～～～～～～～～～～～～～～～～～～～～～（總括嚟講）我覺得呢間餐廳唔係太好食✨我自己唔太建議大家食（嘢食質素又差野食又貴）最好食嘅就係油飯👍🏻飲品方面就係豆腐花美祿🤤～～～～～～～～～～～～～～～～～～～～～～（我4個人食）嗌咗一個3人套餐+2杯野飲2杯嘢飲包括（凍檸檬茶＆豆腐花美祿）呢兩杯嘢飲都幾好飲（個檸檬茶冇乜特別但係豆腐花美祿就有驚喜喇）因為其實本人係第一次食呢間餐廳😂如果俾我揀下次都唔會去食🙏🏻（呢個只係我自己個人意見✨）

今日同朋有試下天天海南雞。聽過唔少人說讚！今日中於試左個（輕量版）海南雞飯，豬手花膠撈面同埋肉骨茶！唔中意食撈面既我 都要讚下個撈面 好好食 😋豬手好夠林 重有好多花膠 抵食呀！海南雞飯，肉骨茶 味道都唔錯🤣 再點左個五十年代奶茶 👍🏻正