天天海南雞飯 (新城市廣場三期)

营业中

休息中

之前都聽聞呢間出名嘅海南雞飯專門店，但係圓方嗰間永遠都大排長龍，終於去到沙田店，先可以試吓叫咗兩個lunch set, 最出名嘅海南雞飯同埋牛筋腩撈麵牛筋腩撈麵，份量都幾足夠，牛腩都有好幾大舊，仲有四五舊牛筋，啲牛腩都幾淋，但係牛筋就比較硬，有啲咬都咬唔開個面底做用牛肉汁去撈，有少少鹹，但係性價比高，依家出去食飯，價錢就收到足，用了就差同少呢度嘅海南雞飯，原來係無骨海南雞飯，雞肉就應該係冰鮮雞，冇乜雞味，反而雞油飯，個雞味重濃試埋豆腐咖啡凍飲，都幾特別，咖啡味比較淡，不過可以一試

孤陋寡聞嘅我之前經過新城市都唔知點解咁多人食呢間海南雞。原來係喺新加坡嚟，仲升價幾倍嘅品牌，今晚就決定試一次係咪咁真係咁好味先🤔 天天海南雞（半隻）$268首先一定要試吓招牌海南雞，朋友話好肚餓要叫足半隻，結果個份量真係四人用都得😂 海南雞上面淋咗醬汁，另外亦有三款醬可以再沾。本身個醬都好夠味，再加埋個秘製辣醬又多一層次嘅辣味，間住嚟沾又幾好味喎。黑醬帶少少肉骨茶嘅味，都幾香。重點係雞肉嫩滑情況絕對有驚喜，滑得嚟帶爽，雞肉皮下脂肪極少，令人一舊接一舊咁食🤣石鍋天天油飯 （1-2人用）$48用石鍋上可以保持溫度，飯亦好香同粒粒分明，同隻雞一樣，都係唔會太油膩。喇沙脆腩 $158英文菜名食住lamb先發現原來係羊肉，侍應喺落單嘅時候都有提一提係羊肉。脆腩香口，羊肉亦夠羶，鍾意食羊嘅朋友話好味😅海南雞附送燻蛋一隻，燻蛋溏心狀態唔錯，但因為成口都係羊羶味，唔係好食到燻嘅香味，都食到啲蛋黃香😅😂花香菜膽 $88上菜嘅時候侍應會喺面前淋上「菊花茶」懶係特別咁🤣成碟菜好香菊花味，好清新🤤不過分量比較少，真係如餐牌所講，晚飯會變成主打精緻嘅餐廳😅苦中帶甜 $38白苦瓜蘋果檸檬蜂蜜 烏龍茶底試飲咗一啖之

好想食嘅呢一間天天海南雞飯終於嚟到香港開分店啦，雖然佢都開咗好耐啦，但係今次都係第一次食嘅啫，所以就充滿期待試吓呢一間米芝蓮嘅海南雞飯。因為今日行開沙田附近，就已經見到呢一隻雞隊長，的而且確好吸引人注目，所以都幫佢影咗張相。Menu好多款式，但始終都係想試佢嘅咪知蓮推介嘅天天海南雞同埋佢嘅雞油飯，就係仲有試吓佢杯豆花恐龍美祿。最特別嘅係佢嘅茶壺同埋啲碗筷，真係幾有新加坡嘅味道，亦都好靚，食起上嚟都賞心悅目啲。終於要試食佢嘅海南雞飯啦，佢個海南雞果醬好好食，原本嗰個雞汁已經好夠味，但係另外仲有三款唔同嘅海南雞醬，三款都好好食每款都可以試吓味。個雞油飯真係冇得頂，叫咗個大嘅有沙門飯，因為真係好好食好開胃所以我自己都食咗兩碗啊。個恐龍美祿就係來自50年代，佢話係米芝蓮推介嘅飲品，個豆花唔錯，但係個美祿就略嫌有啲淡，飲起上嚟冇乜味。然後就係到呢一個哪吒鬧海，即係所謂嘅海鮮喇沙，海鮮嘅份量都幾多，喇沙亦都有好香嘅椰奶味，啲粉都好多好入味，呢一個真係幾值得推薦比鍾意食喇沙嘅人，因為佢真係唔係好辣嘅啫。最後就係呢一個霧裏看花，一上場真係嚇親，因為啲乾冰真係好似霧，但其實佢只不過係咕嚕肉，但係肉嘅質地

放工約父母食海南雞，以前同父母係新加坡旅行時食過，係香港就第一次試這間店。我地點左半隻海南雞、二人份油飯、炒椰菜花同蠔餅。原本我地打算點串燒，有6串，豬牛雞各2串，不過父親食牛肉會敏感，而我同母親又一般所以落單時問侍應可否轉其他肉，怎料我想開口講“我想問可唔……“未講到一半侍應立刻“不可以“回應我，勁嬲，態度仲要超差，真係隔住個口罩都知佢係黑口黑面不過，其他侍應態度良好嘅。講返食物，海南雞雞肉好滑，連雞胸肉都好似脾咁滑；油飯份量足，我地本身食量唔算多，所以足夠；椰菜花加左類似馬拉盞炒所以很惹味；蠔餅香脆，值得一試

終於食到想試好耐嘅天天海南雞！行新城市廣場成日經過都想試，但次次假日lunch time好多人，唔太想排隊，所以就打消咗呢個念頭。今日咁啱喺附近，見到唔算多人等，就決定一試！話明係「天天海南雞」當然要試佢地嘅海海南雞(例)($158)，配埋個細雞油飯($58)。海南雞切得幾好，唔會切到奇奇怪怪，同個sauce好襯，唔洗再點薑蓉/其他醬都好夠味。飯有油香味，而食落唔會油膩，食落啱啱好夠乾。開始轉季，就叫咗個燉湯補補佢！木瓜花膠湯($78)，真材實料，一啖湯一啖料，木瓜味夠出，有小小膠感，很不錯！另一道招牌菜松露蝦多($108)，係由2塊多士夾埋一齊，中間有少許墨魚滑，令多士更有質感。上面係蝦同埋黑松露醬，係perfect match！食完感覺唔會過於油膩，好食！最後嚟個甜品紫薯山渣丸子($58)為晚餐畫上個句號。山渣啱岩好可以解一解成餐飯的油膩，唔太甜。出面係紫薯，加米粒(?)，食落有小小質感。值得一提，餐廳用咗一個幾高嘅隔板，完全咁阻隔隔離枱，食得更安心。侍應服務態度良好，起菜、收碟快，會睇住客人嘅進食再上餐點。

新城市一田裝修咁耐 都冇乜行過今日行過見到呢間天天海南雞飯就入去試吓🤪開頭以為得幾樣餸 點知一打開個Menu勁豐富😱除咗有套餐，仲有龍蝦燉湯海味我哋後尾嗌咗個二人海南雞套餐事不宜遲 去相 前菜呢個係合掌瓜 但係帶啲Wasabi嘅味道 都幾特別海南雞 正石鍋雞油飯我哋按top of個餐再加多個小炒王超推介！呢個燉湯真係好正 下面仲有個蠟燭仔keep住熱又足料我哋仲一人嗌左一杯嘢飲好refreshing!!呢碗豆腐花係佢哋自製 唔使加糖本身已經甜甜地 又滑🥰埋單都要六百幾蚊都唔算係特別平不過喺新城市來講就係公價同埋質素都好好都值！

新加坡的天天海南雞飯聞名遐邇，早幾年首次在銅鑼灣開店時又掀起一股熱潮可是不足為怪，如今已經在尖沙咀及沙田開設兩間分店，亦甚少出現當初大排長龍的情況，方便得多才終於找到機會一試。新加坡當地的天天海南雞以「平、靚、正」聞名，登陸香港後卻走截然不同的路線，雖然價錢相對昂貴但食物擺盤以至是餐廳環境等都有所提升，從平民美食搖身一變成為精緻佳餚。值得一提的是侍應服務態度相當殷勤有禮，上菜及收碟效率高亦不時會為我添茶；晚市並沒有一份份海南雞飯供應，只能夠單點招牌海南雞及雞油飯，另收茶芥每位$9。先以涼拌的脆爽海蜇 ($68) 作為前菜，除了海蜇頭之外更拌入芥蘭絲及馬蹄。天天海南雞 ($158) 有例牌或半隻兩個份量選擇，配上黑醬油、薑蓉及辣椒醬三款醬料。雞皮透薄嫩滑，毫不油膩之餘肉質軟嫩，肉味較弱但加上以雞汁調配而成的濃稠醬汁卻相得益彰。另外份量方面以此價錢而言相當充足，雖然看過網上評價參差，但這次親自品嚐過後倒是覺得刮目相看。酸菜石斑 ($128) 魚片肉厚嫩滑，湯底相對偏油但相當惹味，香麻而不嗆辣。另外底層更有芋絲等其他配料，盡吸湯底香味精華。香茜蟶王 ($128) 將蟶子混入大量芫茜及木耳絲，

本來暑假已經安排好晒機票酒店會去新加坡，但疫情的關係所有野都要取消，之後行街果陣記得沙田有天天海南雞，所以今日放假黎行街順便當去左新加坡食海南雞🤭🤭兩條友叫左例牌海南雞+酸菜石班+黃金大蝦+一鍋飯+兩杯飲品食到反晒肚🤣🤣海南雞例牌都好大碟，肉質嫩滑，完全無骨👍🏻👍🏻酸菜石班聞到味已經流口水🤤酸辣適中，石班塊數量都算多，好似食極都仲有😆，底下有秀珍菇+芋絲 ，芋絲索左D汁超正🤤黃金大蝦🍤 一上菜見到咁鬼大碟，數過有10隻去殼大蝦+一堆翠玉瓜 ，翠玉瓜都被黃金包住，食入口超超超好味從來未食過咁好食的翠玉瓜。當然大蝦一樣好好食啦⋯⋯只不過係大蝦竟然比翠玉瓜比下去😂😂😂因為三款菜都好好餸飯，所以唔餓都要叫個飯食，但佢地無一碗碗咁叫，只有一鍋鍋咁叫，一鍋有兩碗飯，飽死我喇🤣🤣食飯當然要叫飲品啦⋯⋯白苦瓜檸檬🍋 甘甘地去苦味，但好清新的感覺水蜜桃西柚香橙🍊 清甜好飲😊值得再食👍🏻👍🏻👍🏻

今日係沙田做完野搵好西食🥳行過天天海南雞竟然冇好多人排隊！就決定一試🤩呢間餐廳係香港開左好多分店今次都係第一次試😝先黎最馳名既海南雞 價錢$158上碟都好大分！雞好軟熟而且都嘗算入味😝我覺得重點係個醬汁！好滋味令到成點海南雞好岀色！🤓酸菜石斑 $128最鍾意就係食酸菜！呢個愈食愈開胃☺️石斑唔會整得太老 肉身都有口感😁菌王水晶😋健康之選！呢個熱辣辣咁上菜好滋味🤗成碟清曬！最後仲加左山楂丸子做甜品🤗呢個幾好！唔會太甜唔會太濟😝呢個店裝修大方簡潔！其實一路食岀面都好多人排隊🤓好彩今日早左黎咋！

新城市裝修完之後多咗好多新餐廳，原來一田樓上重新規劃過，有一大堆化妝品店之外，個foodcourt唔見咗，變咗幾間痴埋一齊既餐廳，天天海南雞飯就係其中之一。門面都幾搶眼，望落幾開揚，有好大隻雞既FIGURE擺咗喺度🤣餐牌入面選擇都幾多，我地叫咗一個燉湯、一個蝦多士、一個酸菜魚同一個軟骨大根。燉湯揀咗蜜瓜螺頭，蜜瓜夠晒甜，個湯既色澤都幾清，唔算油，飲落係酒樓水準。蝦多士有三件，好大件，一咬落去脆卜卜，油香四溢；最特別係佢層夾心，用咗黑色既墨魚膠，幾爽口。酸菜魚係咁多樣食物入面最出色既，個湯底酸得好過癮，魚肉用咗石斑，好厚身但唔韌，啲秀珍菇索晒汁最入味，佢本身已經包咗芋絲，但相信個湯用嚟送飯都好正軟骨大根用石鍋上，啲蘿白炆得幾腍，豬軟骨大大件，但啲軟骨就未到啫喱狀。最後叫埋個豆腐花做甜品，甜品唔算甜，不過不失啦

之前去新加坡就食過好岀名既天天海南雞飯，喺香港開左咁多年都未試，咁岩今日經過新城市，原來已經開左第三分店。今日泥到都好多人排緊隊，好彩我地兩人，唔洗等好耐就有位。點都要必點海南雞例牌，雞好鮮味，完全無肥膏，雞肉𡟹滑，食落好健康。新加坡仲點少得一字骨肉骨茶，好大碗，入面啲骨好入味，啲豆卜索哂啲湯好正，有濃濃胡椒味，可額外點個石鍋飯做湯飯一流。見呢間同新加波唔同多左好多小食，我地點左咸蛋雞軟骨同花膠豬手，滿滿骨膠原，豬手炆到好淋，估唔到小食都咁好食。佢每枱都會有中國茶解膩，食完一啲都唔滯！

女朋友話好耐之前新加坡食過好食，所以咁啱黎開沙田就試吓。入到黎店面都舒服，但價錢就不算很親民。因為一個沒有飲品的set已經要$108然後仲要加一。但比較失望係飲品要另外加錢，然後想叫咖啡奶茶都冇，而檸茶都只係得凍。但只係2點幾嘅時間，所以都感到失望。而且只係午市就冇咗比較常見的飲品真係有少少奇怪。味道上都不過不失，但又唔係話勁好食一試難忘咁。所以都未必再係香港食啦，因為仲有好多其他海南雞飯店都好好食。

叫左兩個海南雞飯套餐，雞肉唔嚡，可惜沒有雞味。雞肉上面既醬汁唔好食。餐廳寫住飯更好食，但係食唔出啲飯有什麼特別。另外點花膠豬手河餐，可惜上咗撈麵，唔係河粉。免得麻煩，無叫餐廳換。幼身蛋麵，跟一般麵店既撈麵沒什麼差別。花膠量多，豬手淋，可惜無咩味。想要一杯水，竟然要收$9一位。比茶餐廳還差。服務員無禮貌，收走枱上碗碟無出聲，就咁攞走。多要一個碗，忘記要再催。價錢相對食物質素，完全唔值。一定唔會再食。

天天海南雞飯兩年間已經係香港開左3間分店, 今日係新城市廣場行完街就專登行過去食, 去到門口見到佢地既主角captain雞, 好攪笑! 餐廳環境同MENU都好有心思, 用左好多漫畫風既設計, 座位亦好闊落舒服。門口男職員好有禮貌,入座後又有STAFF比壺茶你, 態度又好好, 感覺依度既SERVICE好不錯!霧裏看花霧裏看花個名同實物一樣咁有意境, 用玻璃裝住, 以乾冰製造煙霧效果, 真係幾靚! 由於煙霧效果都幾吸睛, 上枱時吸引左好多目光😂賣相似咕嚕肉, 真身其實係安格斯牛柳粒, 外層粉漿炸至帶脆, 入面既牛粒竟然可以保持JUICY, 一D都唔會韌! 味道酸酸甜甜, 仲有D甜椒做配菜, 食落唔會覺得膩。 而已份量頗多, 本身一粒已經大大粒, 塞滿左成個上層既玻璃碗! 酸菜石斑魚對酸菜魚冇乜抵抗力, 依度竟然有得食, 而且仲係正常份量, 唔係大大盆個種, 即刻叫一個! 依度用既係石斑魚, 魚肉比較大舊厚身又不失嫩滑, 最緊要都係冇骨啖啖肉! 仲有秀珍菇同埋芋絲, 連同酸菜湯一齊食食到見到碗底咁濟~~天天海南雞(例牌) + 石鍋油飯黎到梗係唔少得要叫雞! 其實佢有3款雞(海南雞, 文昌雞,

而家無得去旅行，今晚揀左過江龍天天海南雞食晚餐！😋唔洗等位就入得去了，我地2個人食，當然要叫返個例牌天天海南雞食啦！估唔到都幾大份下！個皮好晶凝通透，見唔到毛孔的！個皮幾滑，令到平時唔食雞皮既我今晚都食左好多😂個醬都幾好味，提升得到海南雞既味道！食海南雞當然要配油飯！天天石鍋雞油飯有2種份量揀，我地揀左2-3人份量的。送到上黎有蓋蓋住，要食先打開！油飯要熱辣辣食先好味！果然係”雞好吃 飯更好吃”！油飯唔會好油膩，但又有雞油既甜味，熱辣辣咁食真係一流，我都忍唔住食左2碗飯😂推薦！另外叫左個古法骨茶，好足料！豬骨好大條！啖啖肉！煲到d肉質又夠冧，容易咬。仲有叫左個酸菜石斑，魚肉都幾新鮮，爽口👍🏻總括而言，呢餐食得幾健康，味道都唔錯！