天天海南雞飯 (新城市廣場三期)

营业中

休息中

個晚網上外賣平台嗌左呢間野外賣，叫左蠔餅同酸菜魚。兜酸菜魚啲魚第一舊食落口腥到爆，第二舊擺入口發現臭左，lur都lur唔切，又腥又臭仲要賣比人，我哋食個餐食完都肚柯，其中一個仲要係大肚婆，有咩事你地負唔負擔得起？

又過江龍，又打敗Gordon，又一碟百幾蚊，又勁多人排隊。我就叫左個天天海南雞飯，白飯加凍咖啡。首先就係個服務差，一開始乜都唔講就扔左個蛋黎，唔睇番個Menu都唔知係前菜。普通茶記就無乜野，但係而間閒閒地收人百幾蚊，服務點都應該好D掛？溏心蛋又凍又鞋，雲耳普通，雞幾滑，有三種醬，但係點完都係無乜分別，無乜驚喜，包你第二日已經唔記得咩味。不過又唔係唔好食，簡而言之係普通海南雞飯，飯務差又收到人貴一貴。130蚊，夠你去大把地方食2次海南雞，而間唔係唔好食，係完全唔抵食。不過中意坐得舒服又或者中意打卡朝聖既話就可以去下既，裝修係Ok。但係真係想食好野既話就真係唔建議啦。

星期六係新城市食個午餐之前都有聽朋友介紹過天天海南雞恰巧等左一陣都有位就試左了點知都幾有驚喜👍🏻我地兩個人各點了一個套餐每個餐都包前菜、小食和湯有溏心蛋和辣雲耳✨天天海南雞飯這個當然係招牌菜雖然價錢真的比市面貴但是好好食👍🏻即使不是雞髀的部分都好嫩口表面薄薄的雞皮加上晶瑩剔透的脂肪入口即用調味既醬汁好濃郁已經不用再加薑蓉等調味油飯也粒粒分明🍚看似加了薑蓉作調味亦都沒有油膩的感覺✨老街坊豬手花膠撈麵最值得一讚就是麵底🍜加了醬汁調味，仍然十分爽口軟硬適中，口感一流花膠和豬手份量都好足夠👍🏻食物質素與價錢相符

天天海南雞係新加坡就好出名啦 依家冇得去旅行係香港都可以試下 首先緊係試吓海南雞飯 雞既份量都算係幾多 成10件都有 雖然個位係雞胸 但都唔鞋 都ok 但係油飯真係幾出色 一打開就聞到好香 真係油飯！好多油飯都只係得個顏色 但呢個真係用咗雞湯去煲😋 另外都配返3個醬 個黑醬好厚身 好似膏狀咁 撈飯都好好食另外一個餐就叫左燒雞飯 燒雞一樣都幾多件 個皮幾脆 而且咁岩係雞髀位 所以肉質都好嫩 而且有肉汁 幾好食 跟餐有送埋小食同飲品 一個叫左菜 一個係溏心蛋 野飲叫左奶茶同咖啡 估唔到竟然幾好飲 唔會過甜 好滑茶味又香 咖啡都唔錯！ 不過如果有熱飲揀竟仲好因為外賣有6折 一個餐跟咁多野 而且又唔錯 所以都算幾抵食！

冇得去旅行，同女朋友見外賣app到有尼間新加坡過江龍，一於叫黎試試，諗住食完當去左新加坡。我地叫左天天海南雞飯，老街坊豬軟骨蘿蔔飯。海南雞飯有跟齊海南雞基本個三隻汁，唔錯。海南雞飯既油飯唔錯，幾香雞油味。但係一咬落舊雞度... 海南雞冇雞味同埋一D都唔滑，差d以為食緊減脂期既朋友---清蒸雞柳🥲。咬落舊豬軟骨度...一D都唔軟,咬到牙骹都冇哂力。。反而係蘿蔔幾入味同幾腍。失望...希望堂食會好d (ಥ_ಥ)。

週末晚上唔想煮飯，心思思想食海南雞，決定試呢度。點左兩份海南雞飯set，另加一份蘿蔔豬軟骨。後來看到其他食評才知係米芝蓮，失覺失覺，但個海南雞令人有點失望⋯係夠柔滑，但兩份都係雞胸？！😮以為點錯减肥餐，定我冇留意到呢，定係呢度只serve雞胸，係我大鄉里？冇所謂，但個雞真係冇味兼冇曬脂肪，點個薑蓉，又係淡味，我哋開始疑惑⋯ （ermmm 配菜芫茜夾雜住兩株又黃又啡的葉子⋯）然後試個蘿蔔豬軟骨，蘿蔔ok可以接受，係就係唔夠入味，而豬軟骨就好靱好靱😪 老細話唔再比機會了。我地未試過堂食，但外賣都唔平，疫情影響生意係一件事，點解唔可以用心少少呢⋯（p.s.咁嘅心情，冇可能影到相）

一直想試呢間天天海南雞飯好耐，呢間犀利，係米芝蓮級數，無奈因疫情關係，夜晚想搵個朋友出黎食都難呀一坐低侍應就擺低一壺精緻嘅茶壺飲落係清香解膩嘅玄米茶，好飲佢餐牌有好多野食，亦有二-四人份嘅套餐如果係慕佢嘅海南雞飯名而黎，我就見到有個二人天天海南雞套餐除返每人都係二百左右 食到你唔食!但係呢，因為我地想試多啲野，就散叫黎到呢到一定要試招牌菜海南雞，佢有regular size同半隻揀雞係用佢地自家農場養，皮薄肉滑，無骨無肥膏，旁邊有幾款汁伴雞，隻隻汁都好食!!必點，最強招牌菜石鍋雞油飯叫海南雞唔叫雞油飯絕對係同自己過唔去,講完~~呢碟叫馬來風光，係巴辣椒炒通菜通菜多菜爽嫩，加上辣味調理得宜，惹味至極酸菜石斑我地好似真係叫咗好多野!!但無計餐牌實在好多野睇落好好食而呢個，係招牌菜之後第二名!!魚滑滑嫩嫩唔洗講，酸菜汁極開胃而且份量極多，呢個價錢抵食到喊沙嗲串串串燒係豬牛雞各兩串肉質基本上無得挑剔，而且燒嘅火候剛剛好但最重點都係個沙嗲汁，你會想放條脷落去鐵板到奶勻佢奇異果火龍檸檬呢間店唔止菜好，飲品都好出色反正我飲第一啖就決定俾正皮了清新解渴開胃唔過甜，好好飲榴槤丸子榴槤控嘅我見到甜品有榴槤

廣東人做雞有好多方法🤣，至於新加坡人最擅長的當然是海南雞🐓我曾在新加坡生活了半年，幾乎去每一個food court都會有一檔賣海南雞😋當中最著名的就是天天海南雞飯‼️沒想到天天海南雞飯成為了過江龍，在沙田新城市廣場開了分店😳作為沙田友當然要去嚐嚐看正不正宗！👉🏻食物: 4.3/5▪️天天海南雞(例)食雞當然要有雞味，這裡的雞味非同凡響😂朋友說雞味真的罕有地超級超級重！不信大家可以去一嚐🙈雞肉無骨，方便我們這些怕麻煩的懶人！肉質鮮嫩，愛雞之人應該會滿意。▪️天天石鍋雞油飯份量夠兩人吃😋帶陣陣蒜香，和新加坡吃到的口味十分接近，飯粒不會太油。▪️骨香鯧魚鯧魚起肉切件裹粉去炸，魚質頗嫩、帶鯧魚獨有鮮味，😋如果粉層再薄一點會更好。▪️辣子雞翼單骨雞翼方便進食，但粉層太厚、肉質略嫌乾，而不辣。▪️榴槤丸子炸榴槤湯丸，榴槤餡不錯，但個人不愛外皮，少了湯圓應有的韌度。

今日黎到位於沙田市中心既天天海南雞食晚飯 近排出街既人流少左 好快就有得入座😂我地叫左幾個餸例牌海南雞 黃金雞軟骨水煮牛 同埋 油飯黃金軟骨固名思義就係用炸雞軟骨上面加咸蛋黃 咸蛋香一上枱已經聞到😋👀雖然又咸蛋黃又炸雞軟骨不過一啲都唔覺得油膩🤪 而且每粒雞軟骨都算大粒 作為小食真係越食越過癮❤️之後黎既係水煮牛 相比起其他餐廳既水煮牛天天冇咁辣 不過就多一份麻香🌶🌶 配埋薄薄既牛肉同其他菇同配菜真係一流呀最後要講既係海南雞黎到天天梗係要食佢地既招牌海南雞雞肉嬾滑 雞皮薄 皮下脂肪唔算多所以唔會食落油膩 雖然只係叫左例牌不過都好多肉👍🏻👍🏻另外我地叫左個油飯配埋海南雞黎食真係一個享受食完飲埋茶消消濟真係滿足🤤😎

之前天天海南雞飯係銅鑼灣開既時候無去試到,今次終於係沙田店同朋友試下.平日7點既晚飯時間都已經見到人龍,果然十分受歡迎.天天海南雞黎到呢間專食海南雞既新加坡過江店當然係必點之一,其實好耐以前係新加坡食過一次但當時既味道係點都唔係好有印象,今次真係可以試真d.例牌份量2個人夠食有餘,海南雞皮薄肉嫩,就連食雞胸肉都唔會覺得鞋,仍然保持細嫩既口感.海南雞皮入口爽彈又唔肥膩,連皮食更香.附海南雞有3款醬汁,每一款都帶出唔同既風味.黃金軟骨除左海南雞外,連雞軟骨都唔放過！黃金故名思義梗係鹹蛋黃,雞軟骨果陣濃厚既鹹蛋黃伴隨住油炸既酥香入口更有層次.炸漿薄而酥脆,再加上脆卜卜既雞軟骨帶黎雙倍脆口感.騰雲駕霧除左雞外天天海南雞都有幾多小菜選擇,而且上菜亦落足唔少心思.係咕嚕肉下加上乾冰上菜,咕嚕肉底下難發出陣陣白煙營造出飄係雲霧中既感覺.咕嚕肉外層炸漿同樣落脆不黏牙,內裏豬肉口感軟腍容易咬開.酸酸甜甜既味道減低油炸既油膩感,同時亦令人開胃.雞油飯雞油飯米粒分明,而且入口富有彈性又唔會帶骨.入口帶陣陣香茅及雞湯香味,配上海南雞一齊食味道一濃一淡,更能夠突出海南雞既清香感.豆花恐龍美祿美祿上滿佈濃密美祿粉

海南雞：好令人失望，真係完全冇味，好清淡。就連個薑蓉都係一d味都冇架。果3隻醬係冇作用。呢碟海南雞賣百幾蚊，老實講，快餐店都好食過佢雞油飯：起碼有味道，濃過碟雞，但好正常普通。酸菜魚：係有好多舊魚，仲有菇，唯一一碟有味道既，但唔叫好好食，基本上周街搵間都好食d。豆腐花：只有凍冇熱食甜得滯，唔講以為係百福豆腐花黎。茶：特別想提呢樣，好奇怪個茶係伯爵茶黎，飲落去就知道係某牌子既茶包黎。同海南雞飯有點格格不入咁。總體：性價比低，最緊要係唔好食，只此一次，下不為例。唔會推薦愛吃海南雞飯既人黎食。

之前沙田新城市第三期 開左間新野就同朋友去一齊試吓睇過佢係新加坡既過江龍好猛料就試吓啦慰勞下平時咁辛苦既自己首先叫左個海蜇食作為冷盤開開胃口都唔錯幾好味跟著就到重頭戲啦就係海南雞啦我地叫左半隻佢既醬汁加埋啲雞超級好食一定要點啊黎到跟著就有黃金大蝦佢加左啲鹹蛋黃係啲蝦上面一齊炸好好味又唔會好heavy正啊跟著有個水煮牛佢尼種辣度剛剛好唔會太辣而家有啲菇係底下入晒味不過黎到而度有一樣野真係真係要必叫既就係佢嘅雞油飯真係好香好好味😋你黎度唔叫的話真係唔黎好過黎佢冇一碗碗既得一兜兜既一兜已經夠兩個人食如果你問我咁多樣邊樣最impressed我的話我一定會講雞油飯真係超級香今餐食左接近$600還可以啦下次叫三樣野都應該夠食

新加坡平民美食「天天海南雞」早已在香港插旗，而且港九新界都可以搵到佢嘅蹤影，小妹今日就同媽媽嚟到沙田分店再次感受過江龍海南雞嘅美味。今年因為疫情嘅關係去唔到旅行，宜家唯有食咗就當去咗啦。「天天海南雞」本Menu 嘅設計好似一本厚厚嘅雜誌，最典型嘅星洲美食應有盡有，而且仲有唔少特色自創食譜添。🐔天天海南雞（例牌） 💰158- 必食嘅海南雞，差唔多每一台都有一碟係台面😆 無骨海南雞做法跟足新加坡總店，雞件切成細細件方便進食，而且雞肉滑嫩、雞皮爽滑，再加上秘製辣椒醬同特色甜豉油，真係好似去咗一轉新加坡咁。🐟酸菜石斑 💰128- 近日酸菜魚刮起一陣新風潮，估唔到「天天」哩到都有得食喎。石斑魚塊肉厚滑嫩，重點係完全無骨，啖啖肉仲可以放心大大啖咁食。酸菜湯底辣度同麻度適中，小妹覺得可以再多少少酸菜，除左魚塊之外，仲有唔少菇菌同芋絲，份量絕不手軟。🦐黃金大蝦 💰128- 食星洲菜又點少得黃金大蝦，已經炸好嘅去殻大蝦加上鹹鹹甜甜嘅鹹蛋黃醬，香脆惹口，送飯一流。食食下發現原來除左有蝦仁之外，仲有翠肉瓜，有番少少蔬菜可以平衡番，無咁有罪惡感。

新加坡唔知幾時有得去, 都想食下新加坡菜解下心情。 就決定黎試沙田開天天海南雞。 順便食完去行一田。今日黎得早, 入去時唔洗點等, 不過一陣都坐左8成。佢既餐具好精緻, menu都意外地多款式。 我地點左木瓜花膠湯, 海南雞例, 鹽磚和牛, 酸菜石班魚。木瓜花膠好吸引, 特別係而家咁乾燥既季節, 真係好啱飲。 佢都好足料, 1個湯都夠2人飲。 木瓜好清甜, 花膠好嚼口, 仲有竹生。 真係好滋潤。海南雞雖然係叫例, 但都幾多, 我覺得3人食都夠。 雞滑口不在講, 佢既雞同雞皮之間係完全冇肥膏, 令人食埋雞皮都唔覺肥膩。 而佢個汁都好好味，可以唔洗另外再點薑蓉都得。鹽磚和牛好似幾吸引。 佢係一口和牛個類, 不過有d根。 唔算太稔，但都ok. 味道係唔錯既，只係覺得唔太熱。 唔知係咪因為鹽磚所以先唔可以咁熱呢。最意外係有酸菜石班魚食。 本人係幾鍾意的, 所以一定要試。 雖然唔太大碟，但都好齊料，而且味道都唔差, 胡椒香好正, 食落慢慢有陣辣味升上黎。 最正係石班魚好新鮮, 冇雪味亦唔會散。 最後連湯都飲晒, 真係不能錯過。

今日星期六好忙，加上疫情第四波開始，用咗Deliveroo叫咗外送午餐，全部都是單點，夾埋原價$212未計$20運費，但係唔知點解今日有優惠-$63.6，所以找數係$148.4加運費$20等於$168.4，感覺如下：1. 肉骨茶$148，做法是星加坡味道，即係冇乜藥材味，個湯清清地淺色，但係餐廳好有heart，應該係說左一晚撇去肥油，個湯味道好飲，雖然我比較鍾意馬來西亞的味道多一點，但各有特色！嗰碗湯有好多豆腐卜、腐竹及兩件豬肚，材料豐富！不過三條一字牌原條上，長到不得了！食的時候要用雙手揸住嚟食，我諗如果可以將佢解開一半容易食好多，但係都啖啖肉。原來這個菜式並不包括白飯，我唯有喺屋企煲咗半碗，將啲湯撈埋白飯好正！嗰個湯夠撈兩小碗白飯，等如一個大的白飯！2. 魷魚芽菜$38，由於上次食咗雞汁油好好食，所以今次試吓另一款菜，味道也非常之好，啲魷魚好靚，仲好多！因為怕膽固醇高，我只係食咗三分之一魷魚。3. 凍酸柑桔蜜$26，可能我怕甜，唔係咁鍾意，但係呢度啲飲品全部是樽裝的，每樽有兩杯，夠晒兩個人飲！我都係好鍾意上次叫嗰啲檸檬茶同奶茶，如果有少甜就好了！