天天海南雞飯 (ELEMENTS圓方)

营业中

休息中

天天海南雞飯係著名嘅新加坡米芝蓮餐廳，今次一試果然名不虛傳！店舖嘅食物十分之高質素，尤其是一試正宗海南雞飯，雞係餐廳嘅專屬農場飼養，唔知啲雞係咪日日都做gym，啲肉又彈牙又有咬口，啲皮又滑又香雞油味，送住個油飯簡直係毫無破綻！可以點嘅醬汁都有好幾款，不同口味任君選擇~除此之外仲試咗粉絲蟹煲，一般餐廳整一啲香味嘅海鮮，例如係炒辣蟹或者咖喱、避風塘等等，都會選用冇咁新鮮嘅食材(死海鮮)。點解？因為新鮮嘅成本高，反正落咗大量香料，整到好濃味一般人都食唔出。但係呢間食肆唔同，選用嘅蟹仲好香海鮮味，唔係普通欲蓋彌彰放一大堆味精掩蓋住啲唔新鮮嘅海鮮味。隻肉蟹大大隻，調味亦都做得好好，本身以為天天海南雞飯只係識整海南雞，一試之下連海鮮都做得非常出色～！最後仲試咗個好經典嘅50年代豆腐花奶茶，茶底溝非常香，加上合適嘅奶比例，再落埋豆腐花令成杯飲品超級滑，推介大家一試～

今天中午一點多在圓方天天海南雞飯吃中午，已經失去了最初在香港開店時的特色，好像食雪藏雞一樣，非常難食，又貴。叫了一杯熱Kopi，上枱時已經凍了，Toast Box比這好飲。

成日睇toutube見到youtuber推介新加坡著名天天海南雞餐廳。疫症底下去唔到旅行唯有喺香港試吓。餐廳環境好大，坐得舒服，裝潢幾有越南風格，連茶壺都特別有文化氣色。食海南雞當然唔少得叫返個招牌天天海南雞好少見到食海南雞會食燒雞，今次就可以一次過滿足兩個願望，試曬兩樣。雞肉嫩滑，夠涼， 雞皮嘅油脂晶凝通透，皮薄肉滑，一啲都唔肥。配埋秘製醬汁，正！ 燒雞皮燒得後脆，肉唔鞋，比天天海南雞略嫌鹹咗少少。加左個雞油飯，分量超多完全唔係一至二人份量。睇返餐廳介紹話佢哋嘅飯係用明火煮嘅，會邊煮邊攪拌。 飯粒粒粒分明，雞油味香，但係唔會過分油。另外叫咗個火焰椰子冬陰功湯價錢又唔算貴，上菜方式好有驚喜。侍應將碗湯擺枱之後用火機點着，超有氣勢打卡一流。呢碗湯唔係得個樣，冬陰功味重夠辣，佢唔會話好重椰奶味，我幾鍾意呢樣嘢，用料亦都豐富，裏面有魷魚蝦同埋青口，仲有番茄同菇。 參巴辣椒炒通菜夠香，小小辣，通菜夠嫩，唔會老。油柑鴨屎香檸檬茶第一次飲呢一款檸檬茶，茶味唔濃反而酸味重，飲落幾清新開胃。

太耐冇去星加坡，今晚就食返餐星加坡米芝蓮過江龍。平日餐廳晚上大概八九成full，有卡位，地方闊落。$499，2人餐，價錢超值！🍴蝦皮素肉鬆凍豆腐蝦皮份量很多，擺盆有心思，醬汁甜甜辣辣，作為前菜很開胃。🍤黑松露墨魚蝦多士木魚和沙律菜鋪滿整個蝦多士，分量十足，加上芝麻醬，令整個蝦多士refresh起來。黑松露味薄弱，但咬落去有墨魚膠，口感很特別。新鮮炸出來，脆卜卜，好食。🐔天天海南雞又是賣相超美的一碟。雞皮有彈性，而且無肥膏喺夾層，肉質嫩滑得嚟有咬口。雖然是雞胸，但雞肉是嫩嫩的，小雞剛大為少女一樣的肉質。天天海南雞的醬汁絕對是加分為，提升了雞味。分量偏小，但在整個二人餐中，都食得很飽。🥬森巴辣椒炒通菜有鑊氣，惹味。通菜新鮮翠綠，用鐵鍋上盤，熱辣辣，猶如置身新加坡一樣。🍚雞油飯食海南雞，最重要一定係碗油飯。這裏的油飯齒頰留香，飯質粒粒分明，不會因為有雞油就黐埋一舊。在米飯香中心出淡淡的雞油味，香而不膩。二人份量的雞油飯，超大碗的一定食唔晒！

因為老公🤓就嚟生日所以我哋就去咗天天海南雞嗰度食晚飯，而我哋就去咗圓方果一間嘅天天海南雞飯店，因為嗰度嘅裝修特別豪華同美觀。今次我哋剪嘅食物同以往食嘅都唔同，想試多啲新款，首先我哋想試一個排骨燉湯，肉味濃郁同埋清甜，飲落特別滋補，沒有過多嘅油油的感覺，然之後我哋試咗一個黑金叉燒，食落好似東坡肉咁樣，佢用火槍係你面前燒過一舊叉燒，嗰種香味撲鼻而來，咬落肥美可口，肥同瘦肉嘅比例都啱啱好，食落啖啖肉，比一般嘅叉燒嘅size仲要大一倍。然之後我哋嗌咗一個炸蠔餅，香脆可口，因為都係新鮮炸出嚟嘅，豪嘅鮮甜同埋蛋嘅除將都配合得天衣無縫，再嚟另外一度就係肉骨茶，應該係星加坡傳統嗰一種肉骨茶，茶油好濃嘅中藥味道，飲完覺得好暖胃，又唔會有一種油膩感，而肉好容易咬得開，食埋呢道菜相當感到非常滿足，因為每一味餸都相當出色，相當滿意。

✌🏻二人套餐 $499包括前菜、燉湯、小食、海南雞、菜、飯、50年代飲品前菜：海南沙津😍😍無花果、番石榴、士多啤莉所有生果都好新鮮好甜，面頭加左甜甜咸咸碎碎味道配合感覺好新奇，食到停唔到口呀小食：黑松露墨魚蝦多士🍤／班爛汁椰香鱈魚薄薄既多士中間夾住黑松露同埋墨魚墨魚好新鮮好爽口上碟時已分好4件，好貼心每件都會有一隻蝦係多士上面一啖咬落有好多層口感好滿足燉湯：鳳梨涼瓜乾貝燉龍骨燉湯好足料，仲有一整粒乾貝添，鳳梨涼瓜估唔到可以夾埋一齊燉湯，涼瓜味好出小小苦味啦，整體都好飲！海南雞：天天海南雞／正宗海南雞🐓有正宗同埋天天兩款選擇正宗海南雞會有骨／天天海南雞無骨既分別因為我地都好怕食野時會咬到細小既碎骨所以簡左無骨既天天海南雞海南雞好嫩滑再配埋油飯真係絕配呀蔬菜：海南雜菜煲／參巴辣椒炒通菜🥦🥬🥒本身好鐘意食炒通菜，泥到當然要一試啦雖然用左參巴辣椒炒，但平時唔太食得辣既我地都覺得煮得岩岩好勁惹味，會不停夾不停放落口食！一路食一路讚呀👍👍👍飲品：2杯50年代系列☕️注意二人套餐只包依一頁menu內既50年代系列其他頁既50年代系列即使加錢都唔可以嗌架既然係咁就叫杯特別啲既熱酸柑桔蜜+凍奶茶酸柑桔蜜有

放工去圓方食飯睇戲，聽講依到有間米芝蓮海南雞就黎試吓。餐廳有做緊唔同套餐，我地兩個人就叫左個二人餐。套餐有5道餸連油飯同飲品，價錢$499。前菜揀咗凍豆腐，連埋啲蝦米同肉鬆再撈埋啲汁一齊食又幾開胃。小食就揀咗蝦多士，黑松露味都幾出，咬落啖啖肉，係食完一舊有啲滯。敦湯用鳳梨敦排骨，個湯甜甜地又幾特別。個雞我地揀咗天天版海南雞，雞肉係滑既，個味都唔錯，但我個人都係中意正宗海南雞多啲。菜揀咗参巴版炒通菜，味道同飛天通菜有啲似。一大碗油飯，兩個人食好足夠👍🏻

咁岩今日喺九龍站附近收工，梗係去圓方睇吓有咩好嘢食。唔知係咪時間尚早行過見到天天海南雞冇咩人，咁就入去睇吓有咩啱食啦！佢個餐牌成本雜誌咁圖文並茂，睇見都想食。但係得兩個胃，梗係要嗌新加坡菜最出名嘅海南雞同埋喇沙試試佢。海南雞佢有兩款，一款叫正宗海南雞另一款叫天天海南雞。見正宗嗰款價錢貴啲，就叫返個試試睇吓有幾正宗。食海南雞雖然係油飯正宗啲，但係今日想食得清淡啲都係叫個白飯兩個人share。佢個海南雞除咗有三個常見嘅醬料之外，仲有一個用壺仔裝住嘅汁，試咗先知原來係雞汁嚟。加埋落去可以幫個雞提鮮，另外再加少少青檸汁又係別有一番風味，呢個正宗海南雞真係值得推介。另外個海鮮喇沙水晶粉都做得唔錯，椰香味濃，又有唔少海鮮，有蝦、青口、魷魚⋯。都係值得一試。個雜菜煲就大大個，有蝦乾、雜菇配粉絲，味道偏清淡，中和返啲濃味野就啱啱好。

同媽子係圓方行街就食埋晚餐，我地叫左個二人套餐，勁多餸都只係499，抵食🤘蝦皮素肉凍豆腐選用滑溜溜既硬豆腐，連埋特製醬油一流，夏天熱辣辣係個唔錯既冷盤前菜👍斑斕汁椰香鱈魚，完美展示外脆內軟，表皮炸得非常鬆化，第一次試呢個鹹甜椰汁炸魚既配搭，無唸過兩者咁夾，鱈魚肉滑嫩，全部無骨，大人細路都啱食👍天天海南雞飯同埋正宗海南雞飯嘅分別係前者係無骨雞味較清，後者有骨肉味較濃，懶人既我緊係揀無骨，啖啖肉，連埋招牌海南雞飯醬真係好好食，特別要讚吓佢個雞油飯煮得啱啱好，飯粒乾爽，而且唔會過分油膩，成個海南雞飯嘅體驗都好正👍森巴辣椒炒通菜幾惹味，媽子怕好辣職員都好體貼話可以少辣，通菜有蝦乾調味，拌飯啱啱好👍飲品點可以唔飲美祿呢！正宗馬拉傳統飲品，飲返啖，做晚餐完美句號😋😋

今日同朋友去左食呢間食lunch，但lunch time只可以入座起60分鐘，所以要等埋朋友到左先可以入。我地叫左2個lunch set，一個係海南雞飯+咖椰多士套餐，另一個係海南雞飯+肉骨茶套餐。我地仲另外各自叫左一杯熱奶茶同一杯熱海南摩卡。個套餐$139唔算平，不過其實個餐有好多野食，除左雙併嗰2款主食，另外仲有一款小食、一個湯、仲有個前菜。前菜係雲耳、豆同蘿蔔既涼拌，酸酸甜甜好開胃~個海南雞講明係細份，所以唔係好多雞，但係啲飯真係有一碗~ 我好鍾意個雞，因為佢去左皮，HAHA~ 平時我唔食雞皮，所以食其他海南雞飯時要花啲時間去皮，但呢個唔洗~ 加上佢橙色個source真係好出色,  辣辣地酸酸地點完加飯一齊放入口勁好送飯~個肉骨茶好好味，好香既胡椒味，個底仲有好多麵，仲有豆卜同支竹，唯一係佢只得一條骨，我讓左俾朋友食所以試唔到~ 個咖椰多士雖然甜左少少，但其實都好好味，而且入面塞滿哂咖椰醬，真係每一啖都食到啲醬~總括黎講呢餐所有野都好好食，但如果個餐個小食可以揀而唔係fix左就perfect 啦~~ 

🔹️天天海南雞飯 (ELEMENTS圓方)🔹️ 雖然以家未有得暢順咁去旅行，都可以去過江龍天天海南雞飯，過下我想食海南雞既引😂飯店開到黎香港，已經有三間分店，我都係以家先黎朝拜咋，但絕對無令我失望，整體質素好好 🔸️正宗海南雞就咁睇已經見到嫩滑既海南雞，食落真係無得輸碟邊仲有幾款式醬汁可以點，點醬後帶來另一層次既味蕾享受 🔸️雞油飯 (小)香口又粒粒分明，油香而不油膩，食完唔會好大罪惡感，食多啲都無問題🥢話就話係2人份量，但都足夠3人進食，真係岩晒我，可以食多啲😆 🔸️古法肉骨茶 🔸️海南雜菜煲清甜既湯底 帶出雜菜原有既鮮味 🍹水果茶1L

去完西九文化區，當然就要喺圓方度食飯啦。咁啱見到新加坡米芝蓮餐廳-天天海南雞。二人套餐唔使$500，即刻試試佢！餐廳環境闊落，而且裝修比較古典。仲要係連餐具都比較有特色，十分啱心水！二人套餐：前菜+小食+燉湯+海南雞+蔬菜+主食+50年代飲品x2蝦皮素肉鬆凍豆腐少少肉鬆加蝦皮mix豆腐一齊食，起初覺得一般般，但係mix埋特製醬汁，整體好昇華😜黑松露墨魚蝦多士🍤黑松露幾香，而且多士唔油，配埋爽口蝦一齊食，口感更加match鳳梨涼瓜干貝🍯燉龍身：整體幾甜，冇味精且唔油膩，真係有干貝，十分足料😉天天海南雞😋+🍚主食一細煲油飯，兩個人食啱啱好！大概有兩碗半！ 店員好熱心介紹兩款海南雞有咩唔同，我哋就選擇咗一隻無骨，肉身比較滑嘅海南雞。懶人推介，無需去骨，配合醬汁，有少少辣，果然係米芝蓮推介，十分正！辣椒炒通菜通菜上有少少蝦乾，配合埋十分有鑊氣嘅通菜，新鮮得黎幾惹味，趁熱食🤏🏼最後仲有兩杯大大杯嘅爆檸同酸柑桔蜜！環境舒服，食完慢慢傾計回味都仲可以😂

喺Elements睇完戲就順便喺入面覓食，見到有一間食海南雞嘅，而且裝修都唔錯所以就入左去試下🤘🏻我同朋友都有選擇困難症所以揀左個2人餐😆作為前菜嘅蝦皮素肉鬆凍豆腐啱哂呢排悶熱嘅天氣食，調味唔算好重口味，有好輕微嘅辣味，幾清爽開胃黑松露墨魚蝦多士新鮮炸起，熱辣辣兼脆卜卜，唔會食到成口油。墨魚加蝦粒主導左個彈牙口感，黑松露醬好惹味鳳梨涼瓜干貝燉龍骨飲落幾舒服，涼瓜微甘，配埋鳳梨嘅甜出乎意料地夾主菜梗係要嗌返佢嘅天天海南雞！好滑！雞皮同雞肉之間有層薄啫喱🤭個人比較鍾意點辣醬！食雞又點少得油飯，煮得乾身，散發住淡淡嘅雞油香，齋食都正參巴辣椒炒通菜幾惹味，唔太辣。通菜保持鮮綠唔老冇渣爽爆檸茶同金牌咖啡同樣推介

新加坡星級美食，過江龍嚟到香港都不失其升級份量。海南雞飯但有骨，但雞肉嫩滑補返數。加配雞油飯分量充足，三個人食都夠！蝦皮素肉鬆凍豆腐，味道非常好配上蝦皮增加味覺鮮味。參巴辣椒炒通菜，非常好味而且分量不少。黑松露墨魚蝦多士，做法有創意，好似港式西多士的做法。不過黑松露的味道重了一些。街坊砂鍋銀針粉，將平民美食能發揮高水準。

係圓方睇完戲 就去左天天海南雞醫醫肚🤤餐廳定價稍高但晚市都係座無虛席 出品有質素保證👍🏻選擇困難既我 今次就嗌左優惠價既二人套餐 ($499）前菜🦐蝦皮素肉鬆凍豆腐呢款凍豆腐既出色之處就係個醬汁🫙凍豆腐配上獨家調配既甜醬油仲有鹹鹹香香既蝦皮同素肉鬆惹味得黎好開胃 為呢餐開啟味蕾🤩🦑黑松露墨魚蝦多士鍾意食炸野既foodie點可以錯過蝦多士🤤蝦多士炸到熱辣辣脆卜卜 入面有齊墨魚滑同埋蝦滑 十分Q彈😚而黑松露醬唔止淋係面 係麵包夾心入面都有🍞係鹹香同酥脆既結合😋🥣是日燉湯: 鳳梨涼瓜乾貝燉龍骨有燉湯飲真係呢個套餐既賣點之一💆🏻‍♀️盅燉湯絕對唔hea 有齊涼瓜，鳳梨，干貝同龍骨🍍涼瓜既苦完全被鳳梨既甜蓋過左😯飲落清甜潤喉 有滋補既感覺🥰🐓天天海南雞重頭戲就係招牌天天海南雞🤩食海南雞最怕就係食到碎骨🐓呢度既海南雞去曬骨啖啖肉😋雞皮彈牙緊緻 雞肉軟嫩多汁🥰可以隨個人喜好配上三款不同醬汁 有齊甜豉油，薑蓉 同埋辣汁食既時候可以轉換下口味 正！😋🍚雞油飯 (小煲 ）食海南雞就梗係要配油飯 小煲份量足夠兩至三人 👥油飯好有雞油香味 油潤得黎十分邪惡 食唔停口🤤🥬參巴辣椒炒通菜呢款類似泰式馬拉盞通菜 通