天園餃子 (已結業)

整個星期也要吃外賣、今晚輪到試試觀塘的天園餃子、有幾款也想試、結果選了雙併韮菜豬肉、和好多人推介的白胡椒什菌豬肉餃子、加$15轉酸辣湯🤤，再加$16、要了白灼菜心和豆漿、餃子皮薄、不是皮厚大隻那種、白胡椒什菌豬肉餃,吃到白胡椒的香和辣、好吃、推介👍，韮菜豬肉餃子亦新鮮、酸辣湯雖然未夠酸、但好多料、我平時愛吃鰂魚涌京城的酸辣湯配餃子、但這裡的酸辣湯也ok, 下次我會試蕃茄蛋餃子、這間可以encore🤤🤤

餃子癮又起！就走嚟食喇！今次都係叫重量級餃子餐，十隻，叫咗雙拼，西洋菜木耳餃，新鮮，白胡椒菇豬肉餃有驚喜，胡椒味好夠，夾雜菇粒，口感唔錯！套餐配一款小食，口水雞捲，半份已經有5舊。雞捲超好食！雞無骨，又滑又嫩，唯一要彈係有皮(不過尚可接受)，汁夠辣又香！掛住食無影相.....今次第二次幫襯，餃子好似大隻咗，食咗一半已經飽，但第一次食曬十隻都只係啱啱好，可能嗰次太餓 😂，不過都會繼續再幫襯，加油 ☺️

本身想食蕃茄雞蛋素肉餃🍅🥚🥟但係去到就咁岩冇晒😪😪😪最後叫咗10隻雙拼 (韭菜+芹菜)餃子皮都幾薄 而且餡都幾多 味道都ok嘅一碗餃子除咗有餃子外 估唔到仲有啲蘿蔔蘿蔔食落冇渣 而且幾甜👍🏼👍🏼👍🏼

土瓜灣的傳點心意是一家街坊模式但做法有新意的點心, 特別是箭豬奶黃包及如大湯包做法的吮吮包, 結業後其班底不是開點心店, 而是開了單純賣餃子的天園, 除了原本土瓜灣外, 更將其地圖擴展到觀塘, 作為黃店多多支持就是.店家主打豬肉湯水餃, 煎餃子也是後加的, 水餃主要有五款, 內餡都是豬肉(除了素菜那款)而配上不同蔬菜. 先説湯頭, 味道清甜而沒有味精, 就是簡單而住家的感覺. 餃子外皮爽滑, 豬肉肉汁豐富, 口感嫩滑而不霉化, 沒有羶味和雪味, 這就是用新鮮豬肉做內餡的表現. 韭菜的辛香和豬肉永遠是最好的拍檔, 而芹菜和木耳口感爽脆也和豬肉嫩滑的口感互取長短, 就是令人吃得很舒服.套餐還附上大人塊炸雞扒, 沒油膉味, 外皮香脆而內裡肉汁豐盈, 肉質依然保持嫩滑之餘也保持全熟, 比起很多小食店做得更為出色呢.

📍觀塘良心小店 · 番茄雞蛋餃食過未⁉️ -- 天園餃子🥟💛•Follow @pigfoodiexhk for more food!🐷💛#pigfoodiexhk_觀塘#pigfoodiexhk_黃店#pigfoodiexhk_粉麵=========================之前見過有人介紹天園餃子唔錯，近排佢哋喺觀塘開咗分店，上星期就同朋友試下🤤餐牌除咗有淨餃子、仲有湯麵同大碗飯㗎～^_^餃子有六款，有韭菜、西洋菜、芹菜等等，其中最吸引小編嘅就係番茄雞蛋餃！🤤------------------------------⭐️雙拼餃子上海麵（$38）芹菜木耳豬肉餃+番茄雞蛋餃 湯底清淡，飲落無乜味🙈麵嘅份量超多，細食嘅朋友仔叫少麵會好啲🤭軟硬度唔錯，略帶煙韌👍餃子每隻味各兩隻，皮整得夠薄，食落唔厚粉👍芹菜木耳豬肉餃味道清新，而且肉香兼備，調味亦唔會太鹹👍番茄雞蛋餃配搭特別，小編都係第一次食🤣內餡其實就係番茄炒蛋嚟，食落都幾有蛋香，加埋番茄酸酸甜甜都幾開胃咖🤤------------------------------整體嚟講餃子屬正常水準，無太大嘅亮點🙈🙈不過勝在價錢親民，仲係良心小店

小編呢排唔知發咩神經，日日都想食餃子，已經揾定好多間出名嘅，逐間逐間去食😂其中一間見到都多人介紹嘅就係天園，黃得黎又新鮮抵食😆.🥟重量級餃子套餐 (10隻)呢個餐要咗韭菜豬肉餃同埋紹菜豬肉餃 (雙拼+$2) 跟餐可以揀唔同嘅小食，小編呢排想食清淡啲，所以叫咗白灼菜心😂餃子皮好似雲吞皮咁薄，多汁就一定架喇，餃子餡都超鮮甜，食得出材料非常新鮮‼️不過餃子嘅大小亦都好似雲吞咁比較細，如果可以大隻返少少就完美🥳.🥟西洋菜豬肉餃麵碗麵係小編友人叫嘅，佢誇張到食完之後話西洋菜餃榮升做佢最鍾意嘅餃子😂但小編就覺得西洋菜有好微好微嘅苦味，紹菜會甜啲，可以按返個人喜好選擇😝個湯同啲麵非常之淡冇乜味，不過算啦，專食餃子嘅舖頭大多數都係咁😂.🥟椒鹽豆腐非常之香口，豆腐好滑，一啲都唔會覺得肥膩😆雖然價錢偏貴，但質素絕對對得住個價錢！食少少炸物去送比較清淡嘅水餃都幾過癮🤫.🍽味道: 3.5/5🏙環境: 3/5‍👨🏼‍🍳服務: 4/5💧衛生: 3/5💰價錢: 3/5. 📍天園餃子 觀塘宜安街19號地舖

上星期想出街想食另一間餃子，點知食白果，忍咗幾日，忍夠了，之前觀塘天園新開張有留意，成日都經過，但就未有機會幫襯，今日終於食到，外賣叫咗韮菜餃西洋菜餃各5粒，等候時間7-8分鐘，店員都好有禮貌！講返主角，餡新鮮，皮通透，成粒好結實，唔錯唔錯！本身鐘意食多菜少肉餃，所以加好多分！不過如果你係巨餓，10粒呢個size就未必夠，希望不久將來可以大粒啲😊 另外睇食評其他人話有松茸湯，但今日就得雞湯豬骨湯，係咪因為唔同分店所以有唔同？🤔我會再幫襯，因為經常都會餃子癮起 😊

今日平安夜，同男朋友跑完步後，第一次去幫襯呢間耳聞過既黃店😊😊🥰因為禁堂食關係，我地買左外賣。拎外賣走時，店員仲好nice同我地講聲聖誕快樂🎄🎄客氣又有禮，已加印象分☺️返到屋企打開外賣一睇，真係覺得好有質素😍😍👍🏻餃子皮薄餡靚，味道一流，湯底清甜又正，有兩大舊白蘿蔔附送；配既椒鹽雞翼，皮薄香脆，咬落去肉汁豐富☺️☺️夠曬juicy呢間黃店絕對值得重視顏色同味道既你👏🏻👏🏻👏🏻我好少打好評😛唔會介紹錯嫁喇👍🏻👍🏻👍🏻

老公收工買外賣返嚟，第一次試呢間餃子，老公行緊去嘅途中先打電話落單，點知去到店員搵唔到order，話下次可以WhatsApp落單，清楚啲。店員服務態度都好好。買咗10隻餃子套餐，叫咗西洋菜豬肉餃，芹菜木耳豬肉餃，同一份香煎豬扒。餃子嘅皮好薄，我覺得好似雲吞皮咁，食落都幾好味，兩隻餃子我比較鍾意芹菜木耳豬肉餃嘅味道，西洋菜豬肉餃入邊有好多西洋菜，都唔錯。豬扒我就覺得一般。下次會想試吓買下佢嘅生餃返嚟自己煮。

好耐無食餃子，一直想搵間好嘅，見朋友介紹，即刻放工去買。門口有人等，裡面坐哂人，呢晚只係平日夜晚。好多都想食，佢有淨餃，有餃子麵，煎餃。環境好企理，醬料放得好，坐都舒服。本來員工要食飯，但太多客人，枱上只留下寂寞嘅飯。有自己帶嘅飯盒，其中一個可以盛。豬手飯，40元，好豐富膠原蛋白，汁都可以。我必須要讚，餃子真係好出色，有機會最好係堂食（難怪有人同我講lunch爆哂）。蕃茄雞蛋素肉餃麵，34元，個湯絕對唔係講笑，好好飲，以為得兩粒菇，湯頭十分夠味，無味精。皮薄料足，咬落仲要juicy，唔易穿，好高境界。麵都唔錯，彈牙，唔會過硬（外賣點都會淨小小，唔可以太多要求）。買咗生餃放定係雪櫃（寫文呢日我剛先又入貨），圖中係紹菜餃一打，36元，只可以單拼，每打一款（今日我再買蕃蛋同西洋菜）。就咁用水煮，唔係咩湯底，等浮起焗一陣食得（跟店長教）。又係勁好食，上面係素肉，但已經好真下。呢個食得到啲料都係好嘢，本身咬落口感層次多，不得不佩服係有汁，但唔係味精，係菜嘅甜加小小肉。平時我都係寫唔係好多字，食物質素好之餘，我成日話服務態度好係令食物自然提升嘅不二法門。我買外賣呢日全場滿座，為左想係屋企煮好餃子，

即興三點半去到， 避過哂繁忙時間， 可惜係六款餃入面有三款已賣哂！原本諗住兩碗都雙拼就可試四款。 well 留返下次。講下d 餃先，，首先如果你like 皮薄陷靚。佢係做到既。但我感覺上佢似雲吞多d, 無蝦既雲吞！我中意北方餃個d style..我地試左韭菜豬肉餃紹菜豬肉餃芹菜木耳豬肉餃我覺得ok 啦。 未去到話超級好好食。因為最精彩既唔係餃。 嘿嘿。。跟餐叫左炸雞扒同炸雞亦。 呢兩個都好出色， 似係生炸既， 夠juicy 又唔會太咸。 味道剛好。好喇 講到呢度。 最精彩既要出場喇。就係個辣菜脯！ 好味到癲呀。如果你有食過又好中意18座狗仔粉個辣菜脯，我相信你會更愛呢個。 佢個辣更有層次但多左蝦米既香味！ 不得了。同場重有辣蝦米醬， 無菜脯咁辣， 易入口d.撈公仔麵應該一流！所以我兩樽都買哂！100ml $50200ml $80

天園餃子店係少有嘅平靚正黃店食完再食兩個星期內已有翻食左三次，除左因為平，佢地既湯底係每款餃子都搭配唔同湯頭。鍾意飲湯既港女真飲哂成碗都唔頸渴！黃店兩個人食，都唔洗＄100，真係少見既真良心小店。

下午茶去了觀塘的天園餃子店位置不會離觀塘太遠，但牛頭角站會相對較近店舖環境優雅而不會太亂，在疫情之下，進店前店員會先量度體溫，然後會問你是否需要消毒洗手液，店員服務態度良好。長話短說，我點了雙拼餃子分別韮菜豬肉餃和西洋菜豬肉餃，餃子食得出是手包餃子，餃子皮不會太厚而且滑，餡料也是手撈不是機撈，無論是韮菜或是西洋菜都是新鮮蔬菜並且不會太老，此外它的餡料分佈均勻，而且豬肉鮮甜有肉汁。湯底是蘿蔔清湯，蘿蔔夠淋而爽，也沒有渣，湯底清甜不會搶了餃子的鮮味。💛💛💛

超正餃子店！今次食 西洋菜豬肉餃 勁量餐 (10隻) 加 三隻雞翼！唔貴呀！成個set先$53 (雖然唔包嘢飲)餃子唔算好大隻！但好足料！皮薄餡靚！皮又好滑！湯底清清地，唔重味！真係可以成碗湯飲晒！仲有舊白蘿蔔！正！炸雞翼(個餐包埋)好食到癲！又香又脆！一啲都唔厚粉！熱辣辣！夠熱氣！環境好乾淨！仲有張廣東老歌聽😂😂😂注意！鋪頭唔算大，午餐時間12pm 都有啲位，但到12:30pm左右就超多人，你訂咗枱都要排！

下午茶去咗食餃子,餃子都係我鍾意嘅食物之一門口唔算開陽,店舖都算幾大間,有30幾個座位,一打開門，入到鋪員工好有禮貌問我幾多位!之後帶我入坐，仲幫我拉椅，有冇咁好服務啊😂打開餐牌都有仔多種類選擇，都唔知揀咩好，所以嗌咗一個雙拼水餃，薺菜及芹菜水餃，下午茶可以配埋小食,我就配左茄子2件，再叫多一份雞翼，真係眼闊肚窄！水餃到咗，啲餡料好多，皮好薄👍🏻，好味道炸茄子好食，本人可能太鍾意食茄子覺得兩塊唔夠，另外椒鹽雞翼都好食！估唔到依度食餃子嘅地方小食都咁好味👍🏻下午茶都係40幾蚊,覺得好抵,會再幫襯