天園餃子 (已結業)

最近睇到觀塘店營業至5月底，真係有點可惜😞。所以有機會再去多次，今次去，牆上嘅應緩poster已經拆了好多。今次點了：煎椰菜栗米🐷餃 - 皮夠薄夠煙靭，只是有點油膩，點咗醋同辣椒油，好好食😋炸白糊椒🐷餃 - 好香白糊椒味，好輕微嘅辣，仲有少少冬菇，食起黎好香，無諗過咁好食😋，尼款餃子下次必點藥膳醉雞翼 - 第2次食了，可能係夜晚，所以夠凍，雞皮爽口，但有點硬竹庶茅根 - 唔太甜，好清熱☺️下次如果要食，就要去番土瓜灣了😍

此從天園餃子開左之後真係幫襯左好多次當時屋企人對男職員（應該係老闆）態度讚不絕口。味道又好。難得係附近搵到間好食嘅餃子店平時都會盡量避開繁忙時間買外賣今日要到1點先可以去買外賣..都明係繁忙時間需要等嘅但未至於要等40分鐘呱..屋企人一開始見到好多外賣單都唔敢打擾所以就爭取時間去附近買野。買完野番黎入去問女職員表示好多單咁屋企人再等下啦..等左40分鐘再問一次..得到嘅回覆係芹菜難煮屋企人見到比佢遲入座嘅人都開始食緊煎餃就再問一句但人地比較遲入都食緊喇喎兩位女職員立即對我屋企人發動攻勢話芹菜難煮，唔信可以入去問師傅..🙂唔好意思..我錯..原來芹菜要煮咁耐嘅。原來作為食客嘅我地即使等幾耐都唔應該出聲問嘅叫外賣號碼態度差客人交番張單又唔接。仲要指責客人發脾氣dup單🙃再好食都唔會想再去受氣..或者見到老闆係到先會敢入去買

土瓜環天園餃子嘅分店！餃子鋪頭嚟講 天園都算比較出名🥟總店係土瓜環 之後係旺角同觀塘都開咗分店試完觀塘店我覺得好似土瓜環總店係好食啲🤏🏻🤏🏻我最鍾意佢地啲食物好有自家制嘅味道食完唔係覺得好難消化 或者好重口味要即刻飲水佢地啲餃子我唔可以話超好食🙈因為佢調味比較簡潔 亦無加到動物脂肪入去做爆汁效果但係食落就似屋企人親手包嘅餃子咁💕💕💕雖然鋪頭名就叫餃子 但佢地menu其實都幾多元化‼️小食方面好多選擇有涼拌類型 都有香口炸物 仲有酸辣湯𠻹♨️叫麵/餃子都可以加錢轉酸辣湯酸辣湯啖啖都係唔同材料食落好C服～ 仲可以加配自家製嘅竹蓆茅根水✅

一向鍾情餃子嘅我，一個人係觀塘覓食，當然都會向OpenRice 大神求救下，結果搵到間「天園餃子」，地點都好方便，入到去，勁多 Mirror成員Poster (姜Man, Edan, Ian, Anson Lo), 另一邊好似有Collar, 如果有埋Error就最好了， 唔知尼D 係應緩定老闆鍾情呢🥰講番餃子🥟，一打開menu 見到套餐超級抵食，所以選了炸椰菜粟米🐽餃10隻，麻醬雞絲粉皮，仲有竹蔗杯茅根送，都係$67，都幾抵食，一人份量剛剛好👍🏻。餃子皮炸得好脆，有少少煙靭，好有口感，唔太大隻，一口一隻都可以。另粉皮夠凍，好爽口，如果有多d麻醬就更好了。食完炸餃，飲番杯竹蔗茅根清下熱氣，好滿足🤗

🥟🥟🍆🍆係區內出名既餃子店，之後唔同地區都開左分店有多款餃子，有餃子套餐配埋小食，小食都唔錯西洋菜豬肉餃子套餐(五隻-$26)+椒鹽茄子(兩件$15)+支裝手工檸茶($10)👍🏻👍🏻👍🏻餃子算好大粒，餡料都好多好juicy，唔易散開，味道唔錯，感覺唔咸無味精，連埋湯有蘿蔔，湯既味道似冬菜加炸蒜，咸咸地唔突出椒鹽茄子好有驚喜，望落兩件都算大，食落口唔太咸，炸粉好薄，炸茄子正常都比較膩，佢既油份尚算合理，唔會油到淋哂可能唔中意飲甜野既關係，覺得手工檸茶比較甜，但微微有陣生果味，檸檬味都重，食完熱野飲返啖係唔錯既選擇

進入食店，女侍應“命令”我和朋友坐近門口座位，但該座位只有一張櫈。看到裡面有兩張吉枱，所以問該女侍應可否坐那裡，然後她用高八度和全店都聽到的聲量回應：後面幾位？最後有幸地坐進裡面。一坐下，女侍應又大聲呼喝其他客人。。。一個小時的午飯時間，想輕鬆地好好享受，但該女侍應的服務態度實在太可怕，所以最後選擇離開。

真係唔開OpenRice 都唔知，原來天園餃子是有多間分店，作為一個餃子控，真係大鄉里，今次第一次到訪。店內有很多Mirror 某幾位成員的相片，坐低細看之下，原來食店是分開幾個區份放置的。右手便的角落是薑糖區，直望左邊是臣徒區，中間是雀史區，右邊係Ian 區，又分得幾細緻喎！所以點了餐之後，筆者左望右望 不知不覺，即叫即煮的餃子很快就端上枱了。雙拼餃子10隻$44~西洋菜豬肉及芹菜豬肉餃子，湯是豬骨湯底，餃子皮夠薄，很有自家製的感覺。另外配豆漿$12, 筆者喜歡支裝豆漿，份量少少剛剛好。還有一塊白蘿蔔，相信是熬製湯底的蘿蔔，因為蘿蔔比較淡口。結賬時的驚喜，有應援團的情人節postcard ，吃餃子見偶像，鏡粉真開心。

琴日睇完戲諗住飲夜茶 點知睇完成九點太夜間餐廳已經閂左 唯有轉場去左食呢間餃子✨雙拼餃子 $44我地揀左椰菜粟米豬肉同白胡椒雜菌 👍 椰菜粟米豬肉都幾甜 香胡椒嗰個就胡椒味勁搶 蓋過啲雜菌味 不過兩個我覺得都幾好食👍✨麻辣雞捲撈麵 $56個撈麵嘅質感非常好 夠彈牙😆😆 雞捲唔係好麻都唔係好辣 啲雞肉比較實✨津路烏龍茶 $12總括以呢個價錢黎講都非常抵食😋😋 係有心嘅小店 值得支持👍味道❤️❤️❤️❤️抵食❤️❤️❤️❤️💔服務❤️❤️❤️環境❤️❤️❤️💰晚餐人均～$55 (唔收+1）

天園餃子有朋友推介好食, 所以今日經過附近就到訪觀塘分店試下!叫左兩set重量級餃子套餐(包10隻餃子, 湯餃可雙拼加$2; 煎餃不可, 加配小食一款及飲品一杯-凍竹蔗茅根/凍豆漿)同朋友各點2款湯餃就可以一次過試4個味道!一上菜就試一試個湯底先, 我見到有白蘿蔔, 清淡得黎又唔會無味, 因為覺得餃子係好食既, 其實個唔應該太重味, 會無左焦點, 湯底唔可以無味, 但亦不可有太重味精, 而我覺得呢間係做到既  再睇下每一隻餃包到一個波, 其實唔講係餃子, 以為係雲吞, 餃子薄, 滑身, 但我留意大細不一都幾明顯既!不過菜同肉既比例幾好, 我認為係7:3 比例-餃子-西洋菜豬肉餃 (5隻)西洋菜餃完全冇苦澀味，菜係翠綠色仲爽脆, 好味道, 鮮甜!白胡椒雜菌豬肉餃 (5隻)呢款真係好少聽過, 其他餃子店都好似無呢個款, 估唔到好重白胡椒味, 一路食一路覺得辣, 好岩冬天食, 食完應該會好暖!雜菌好爽口,唔係煮到好淋身, 保留返少少咬口紹菜豬肉餃 (5隻)呢款就似食緊酒樓蒸既腐皮卷入面餡既味道咁, 整得幾惹味!!韮菜豬肉餃 (5隻)清爽,好濃既韮菜味, 我覺得中規中矩, 基本上, 好難會唔好

午市套餐有10隻餃有菜有嘢飲$52，算好抵食👍🏻叫咗紹菜木耳同茄蛋素肉，好開心素食都有choices🤩餃好味得嚟湯底都幾清甜如果凍飲可以用返可重用嘅杯就更好地方淺窄，人手唔夠都係事實，會需要等一陣😂但員工都幾有禮貌~

食物質素：4/5餐廳環境：2/5服務態度：0/5今日叫左牛肉煎餃10件共58蚊，質素係唔錯既。 不過有件小事，不吐不快。晚上六點，一入天園餃子餐廳門口，金髮重鎊女店員便大聲招呼，提醒你掃安心。掃完之後，小弟環顧四周32個坐位，只有兩位食客在進食，就選擇 坐係二人枱。怎料，金髮重鎊女店員以命令態度告之，晚市非常熱鬧，一定要我轉去一人枱。基本上，一人枱係二人枱加一塊發保膠板間開，面積大約係比2部電話稍微大小小，不足以放一碗面配一碟小食。小弟實在忍受不了，決定拎走塊發保膠板，無奈重鎊金髮女店員又大大步走過來，大聲呼喝： 塊板唔拎得走架!!!直到六時半，離開的一刻，全場都只有四位食客，包括小弟。食物質素固然重要，但店員的服務態度也不可忽略，要不然即使是黃店，客人也不會再來。

其實間餐廳啲嘢食都幾好食。樓面，收銀，態度極差。好似死老豆咁！！買個飯盒啫，好似殺咗佢冚家咁！當時我係落咗單，後期加單。再買多個飯盒。可能覺得我麻煩比野佢做，個收銀即刻黑面。其中一個樓面，仲發脾氣掟嘢！個老細真係好慘請到呢啲員工。唔知得罪幾多客！啲嘢幾好食都唔會再幫襯啦。啲嘢幾好食都冇用，啲員工態度咁差毁咗間餐廳！唔知其他分店係咪咁。試問我自己都係做樓面，我都唔會將呢啲負面情緒帶比啲客！！真係好影響食飯嘅心情！！加多張單啫嘛。飯盒都係一齊包㗎喇！！

🥟之後係旺角食過覺得唔錯，咁岩經過見到，諗都無諗就入左去1️⃣ 套餐(只限湯餃) + 1款小食可以揀5隻/10隻，我就揀左10隻韮菜餃，小食揀左麻辣口水雞卷，菲菜餃好香，個皮唔會煮到爛哂，都幾滑身，仲配左幾舊白蘿蔔🤤🤤🍗麻辣口水雞卷係凍食，用左雞髀肉去整，雞皮好薄，酸酸辣辣幾開胃，個人認為佢個隻辣係微辣🫣🫣2️⃣ 煎韮菜餃煎餃就比較香口，韮菜味會更加香，兩面煎到脆卜卜，又唔會好油膩3️⃣酸辣湯見好耐飲就叫左黎試，都幾足料，有甘荀絲，木耳絲，冬菇絲，荀絲，但略嫌有少少唔夠酸

😌 小編平時夜晚如果諗唔到食乜嘢，又唔想食飯，怕消化唔到，就會揀食餃子做晚餐。如果咁啱又喺觀塘區嘅話，就會去天園餃子。［ 亂闖試食 ］🍽 韮黃冬菇豬肉餃麵 (酸辣湯) 😋😋😋😋餃子入面嘅韮黃同冬菇味道香，叫餃子麵就會有五隻。依日小編好想試酸辣湯，就加$15轉湯底。酸辣湯味道偏酸微辣，內有蘿蔔絲，木耳絲同肉絲。本身嗌餃子麵已經好大份，再加埋酸辣湯底，真係會食到好飽！晚餐 💵💵 港幣約$60/人😆 依間餃子店嘅牆身貼滿晒Mirror同Collar嘅應援物，仲會播住廣東歌tim！人流都算多，大家偏向食完就離開。💁🏻‍♀️

第一次食天園餃子係旺角分店，因為見到門口有Error所以入左去食。雖然主力食餃子，不過都已經有7-8款俾你揀，仲有特色小食例如麻辣雞卷真係要食，越食越上癮的一個小食。介紹番今日lunch叫左10隻韭菜豬肉水餃同埋手工奶茶，外賣自取十分方便仲好準時喎，真係要讚！韭菜豬肉水餃$40：水餃皮的厚度非常適中，而且煮到岩岩好，唔會食到唔熟的皮，超級鍾意❤️。小店仲十分有心特別將水餃同湯分開，咁樣就唔會令水餃浸到爛晒。最緊要水餃饀的豬肉同菜都好新鮮，唔覺好多味精，感覺好健康。性價比高，絕對會幫襯。手工奶茶$16: 小店有3款手工茶，包括檸茶，奶茶，咖啡。今次飲奶茶，茶味濃厚，奶味反而唔太多，甜度就岩岩好屬於微甜奶茶，我覺得整得唔錯，下次會試埋其他2款。